فی البداهه
غزل میلادیه امام سجاد(ع)
شعراز::: کربلایی آذرین خلخال
عاشقان مژده ویرون دین ایوی آباد اولدی
شاه عطشان و خانم فاطمه دلشاد اولدی
شوقیلن اهل ولا حیدره تبریک دیون
چون آنادان بوگجه حضرت سجاد اولدی
شهربانو ایلیور حمد و ثنا ذات حقه
شکر اولا دلده اولان غصه دن آزاد اولدی
یثربی ایتدی فروزان مه ایوان حسین
چون سحرگاه منور شب میلاد اولدی
قدسیان گلدی مبارکبادا حیدر ایوینه
مفتخر بو خبره عالم ایجاد اولدی
چارمین اختر تابنده اسپهر ولا
حقه چوخ سجده ایدوب زینت عباد اولدی
(آذرین) خیرعمله دهرده اول پیشقدم
شاید آینده ده سندنده گوزل یاد اولدی
۱۴۰۲.۱۱.۲۵
#اعیاد_شعبانیه
#پنجم_شعبان
#ولادت_امام_سجاد_علیه_السلام