#یامعصومه
خواهر شاه خراسان حضرت معصومه‌دی
افتخار اهل ایران حضرت معصومه‌دی
گنبدی اوسته اسنده پرچمی جانلار اسر
بی رمق روحه ویرن جان حضرت معصومه‌دی
اولدی عمرینده خانیم رکن حیا زهرا کیمی
گلشن عصمتده ریحان حضرت معصومه‌دی
چوخلاری صحن و سراسیندن ئوپوپ‌حاجت آلوب
چاره‌سیز درد اولسا درمان حضرت معصومه‌دی
بی شک و شبه جهان شیعه‌ده وار بو گمان
بیزلره آیین ایمان حضرت معصومه‌دی
طاقت قلب رضا آیینه‌ی صدق و صفا
ایلین هر سختی آسان حضرت معصومه‌دی
شهر قم زینت اولوب ایرانه چون بو شهریده
زینت هر نقطه از آن حضرت معصومه‌دی
قبرینه کیم زائر اولسا زائر زهرا اولار
حضرت زهرایه دربان حضرت معصومه‌دی
گون حیا ایلر که چیخسون گنبد زر تابیدن
شوکت خورشید تابان حضرت معصومه‌دی
✍شاعر:علیرضا زمانی
#ولادت_حضرت_معصومه_سلام_الله_علیها