🌸🍃🌾🌼 🍃🌺🍂 🌿🍂 💐 احوالات شام غریبان عدلی تبریزی قانیوی توکدی بوچولده فرقۀ اعدا اوغول سالموسان کرب و بلا ده محشرکبری اوغول باش آچـوب جنّاتیده جدّون پیغمبر هم آتان سینم اوسته گل اوغـول ای کوللراوستونده یاتان ساخلیوب شام غریبان بـو گجه زهـرا آنان بیرده بزم غم قوروبدور زینب کبری اوغول بجدلین ظلمون گوروب مـن قتلگاهوندا بالا یانموشام دیلدن اوغـول دوزمزبوظلمه هیچ آنا اولدوروب لرال کسوب لرباش کسوبلر مـن قفا مطبخ خولیده باشـون ایلیوب مـأوا اوغول مطبخ ایچره چکموسن زهرانی سرمست حضور ذکر قـرآن ایـله انجیل بیرده تـورات وزبـور لب آچولسا صـوت قـرآنـون سالاربویرده شور سن فدای دین حقسن باش ویرن یحیی اوغول باشوون نوری سالوبدی عرش وفرشه شورونور غبطه ایلر حضرت موسی و هم سینای طور تاپموشام بویرده الله امریدی فیض حضور منده گلدیم کربلایه یـوم عاشورا اوغول آتش غمده بوچولده منده سن تک یانموشام گورموشم هربیر بلانی سانما آسان سانموشام قارداشون عباس اُولنده حالیوه اودلانموشام ایلدی لفظ مواساتی سو سـوز معنی اوغول اکبرون اُولدی گوزنـده اولـدی دنیا تیره تار دوغـرانان جسمی یقینا آلـدی سندن اختیار خیمه لرده آغلاشوبلار محشر اولدی آشکار عـالم معناده مـنـلن سـسلنوب لیلی اوغول اوخ دگنده اصغره قدوسیان آغلاشدولار عرش اعلاده ملائک بزم ماتم قوردولار ناله و شیون سسیله یر گویی دولدوردولار آغلادی منلن اویرده مریم و عیسی اوغول ایله بیر ظلم ایلدی اهل شقاوت اهل شـام آلدیلار مندن تـوان و قالمادی صبر و دوام سن کیمی گل بسلموشدوم سینم اوسته با مرام سالدیلار دوشدون طراوتدن گل رعنا اوغول فاش قیلدون عشقیوی سن پیشگاه عشقیده سر فراز اولدون حسینیم دادگاه عشقیده پیکرون باشسیز گورنده قتلگاه عشقیده منده یـاندیم زینبیمده دیلده واویلا اوغول گرچه ( عدلی) پیر اولوب امّا یازور بو خامه سی مدح و نوحه یازمـاقی ایلوب ایشی بر نامه سی هـرمـحـرم گوزیـاشی اگنینده قاره جامه سی تـا نفس وار یاحسین سسلر دئیر زهـرا اوغول #امام_حسین_علیه_السلام #محرم #شام_غریبان