▪️سینه زنی در عظمت امام حسین(ع) بو حسین کیمدی که گون تک دولانیب باتمیه جاق حشره تک زنده دی قاره علمی یاتمیه جاق عالمه سلطان ابی عبدالله جان سنه قربان ابی عبدالله ___________________ بو حسین کیمدی که عشق اهلینه پیغمبردی ائله رهبردی که سر نیزه اونا منبردی بو حسین کیمدی ئورکلرده ووروب خیمه سینی ائشیدوب کرب و بلادن هامی زیبا سسینی بو حسین کیمدی ئورکده هامی اونلان دانیشار گر بیریندن کوسه زهرایه گوره تئز باریشار ___________________ بو حسین کیمدی بئله یر گویه سلطانلیق ائلیر صودامر اوغلینی ئوز عشقینه قربانلیق ائدیر بو حسین کیمدی که لبخند ووروب قاتلینه نچه یول وار یوخونی بذل ائلدی سائلینه ___________________ یوز گوزیندن توکولور رحمت و خیر و برکت اوت گلستانه دونر لبلره وئرسه حرکت بو حسین کیمدی شفاعت تاجینا لایق اولوب عشقی خلق ایلیین آلله دا اونا عاشق اولوب عالمه سلطان ابی عبدالله جان سنه قربان ابی عبدالله بو حسین کیمدی مبارک آدی هر درده دوا قانلی توپراقینی الله ائلیوب خاک شفا بو حسین کیمدی که حق اوسته سوسوز باتدی قانا وئردی انگشتیله انگشترینی ساربانا بو حسین کیمدی عزاداری ئولنده گوله جاق چونکه ارباب محبت باشی اوسته گله جاق ابر رحمتدی بولاردان برکت نوری یاغیر دردون اولسا نقدر قورخما اباالفضلی چاغیر ائتدی بلبل لری چون عشق حسین دیوانه تاپدی (خسروشهینی) شمع و گل و پروانه ✍حاج حبیب شایسته خو(خسروشاهی) #امام_حسین_علیه_السلام #شب_زیارتی_امام_حسین_علیه_السلام #شب_جمعه