خلقتین گوزلی ای خلقتین گوزل گولی حالیم یامان دی گل جانیم یئتیب دوداقیمه صبریم تالاندی گل گل قویما حسرتین اورگیمده یئر ائیله سین عاشقلرین اورکلری هجرینده قان دی گل سنسیز بیزه بو دار فنانین صفاسی یوخ گلشنده آرزی گوللری بیر بیر خزان دی گل سن عالمین طبیبی، منی اولدورور غمین بو فصل انتظار چتین امتحاندی گل شهرین هواسینی آجی بیر توستی چولقاییب چکدیقجا هر نفس جیگریم پارچالاندی گل بختیم یاتیب مگر نظرین یوخ بو عاشیقه نالم اوجالدی پایه سی عرشه دایاندی گل چوخلار اوزون ووروب یوخیا حقی داندیلار شاید سنین سسینله یاتانلار اویاندی گل امداده سسلدیم سنی سس وئرمه دین منه آخر بو امره مدعی لر ده اینان دی گل هر هفته جمعه اولدی منیم قاره گونلریم سن گلمه دین گوزوم یاشی قانه بولاندی گل از بس منه غمینده سنین طعنه وردیلار اود تک بو داغلی قلبیمه سوزلر قالاندی گل سن سن منیم امام زمانیم اینانمیشام سندن صورا نه مدعی اولسا یالاندی گل مین دفعه گونده یادیمه سالام جمالیوی حسنون چکنده نظمه قلم ده دایاندی گل سن مجری کلام خدا سن بو دهریده بیلمم ندن بو دوره غیبت اوزاندی ،گل مدهوشی آز قالیر که اجل ائیلیه خموش عجل علی ظهورک مولا امان دی گل ✍شاعر هوشمند(مدهوش) #امام_زمان_عج_الله #جمعه_های_دلتنگی