🔹نوحه امام حسن عسگری🔹 در سبک(تا مشکتو به آب زدی) ✍شاعر : علی عبدی منیم صفالی جان آقام قاپوندا نوکر اولموشام بو جاه و شانی وئرمرم ایکی جهانه والسلام بو دنیاده وار سنون بیوک جایگاهون شفا وئرر هر مریضه مولا نگاهون گلر گوگدن سامرایه فوج ملائک ئوپر هر صبح و مسا گوزل بارگاهون امام عسکری جان او قبریوه قربان 🔹🔹 اَدبله سامرایه هر مسافر ئوز یولون سالار گوزل مزاریدن گلر بهشتین عطرینی آلار گوزی چخسون بارگاهیوه چپ باخانون بیزه حق چوخ گورمسون بو جنت مکانون آقام امام هادینون گوزل اوغلی سنسن آتاسی سنسن آقام امامِ زمانون امام عسکری جان او قبریوه قربان 🔹🔹 نئچه ائیل آخر عمریوی وئریبسن حبسیده باشا بو درد و محنتین سنون اثر قویوبدی داغ داشا عدو سالدی جسم و جانیوی چوخ فشاره گونوزوی اِیلدی گئجه مثلی قاره تنِ پاکون محبس ایچره مسموم اولاندا جگرلرین زهریله اولدی پاره پاره امام عسکری جان او قبریوه قربان 🔹🔹 اَجل گلوب سراغیوه یتیشدی جان دوداقیوه تحمل ایتدی بیلمیرم نئجه بالان فراقیوه باشینا بیر قاره باغلادی مهدی اوغلون فراقینده سینه داغلادی مهدی اوغلون قوجاقلادی اَللریلن ئوز دیزلرینی جنازه وین اوسته آغلادی مهدی اوغلون امام عسکری جان او قبریوه قربان ══❉🟢❉═ #شهادت_امام_حسن_عسکری_علیه_السلام #کانال_باب_الحوائج http://eitaa.com/torkiy ✨اَللّهُمَّ عَجِّل لِوَلیِّکَ الفَرَج✨