(احوالات حضرت زهرا) ای دوشن مشگل بسیاره دینن. یا زهرا غم گتورسه سنی گفتاره دینن. یا زهرا ذکر ایله آدینی همواره دینن یا. زهرا دردون اولسا دیمه اغیار ه دینن. یازهرا. چاره سیز درده ایدر چاره دینن یا زهرا آند اولا فاطمنون عزت وشخصیتنه آنداولا عفتینه عزتینه غیرتینه آنداولا. ئوز قاپوسندا دویولن ساعتینه دردینی کیم دیسه صدقیله چاتار حاجتینه ایستسون مشگلوه چاره دینن. یازهرا کان رحمت قاپوسین باغلامیوب شیعلره حیف اولا بو قاپویا اودلادی لعنت عمره یاندیروب درگهینی فاطمه دوشدی خطره پشت درده یوزینی دوتدی خانم فتنه گره لعن اولا بیله ستمکاره دینن یا زهرا ایلکه ختم نبی. ترک ایلدی دنیانی آتاسیزلیق غمی محنتده قویوب زهرانی بیعته خاطر عمر چالدی در. مولانی یا علی بیعته گل ویرمه سوزه طولانی ایش دوشوبدی غم ودشواره دینن یا زهرا گوردی زهرا دوشوری شاه ولایت خطره سینه سین ایتدی سپر فاطمه اول پشت دره گلدی گفتاره خانم خطبه ایدوب قوم شره قویمارام من بو عم اوغلوم ایده بیعت عمره مرحبا. نادره گفتاره. دینن یازهرا بیله فکر ایلیوسن تکدی علی یوخدی کسی داغ کیمی وار دایاقی فاطمه دی دادرسی منه جاندی آقامون شیر خدانون نفسی سیزه عجز ایلمرم باتسادا سینم قفسی جان فدا بیر بیله غمخواری. دینن یا زهرا دختر. ختم نبی ثقلینم. تانیون کوثر وجنتم واهل یقینم تانیون همسر شیر خدا حقه مبینم تانیون مرتضی مسلکم وحامی دینم تانیون حامیم حیدر کرار. دینن. یا زهرا من اوزهرایم علی شان ووقاریمدی منیم قسم اللهمه عشقیمدی بهاریمدی. منیم ویرمرم بیر توکونی عالمه یاریمدی منیم علی شاهلار شاهیدی ذکر شعاریمدی منیم عالم حیراندی بو اسراره دینن یازهرا ندور علت بیزه تنگ ایلیسوز دنیانی جنگه وادار ایدوسوز شیر خدا مولانی خیبرین جنگی بیر یاده سالون هر آنی یر یوزی لشگر اولا تنگه سالار گردانی ال آچار تیغه پیکاره دینن یا زهرا ثانیه دگدی بو سوز غیضه گلوبدی اودنی ویردی دستور ویرون اود یانا باب مدنی بلمورم نولدی خانم فضنی سسلوب علنی گل یامان گوندیم ئولدیردیله بو فاطمنی گل توخوندی ستم خاره دینن یا زهرا فضه گلدی نگوروب قلبنه دوشدی هیجان جان قوشی گوردی قفسده چابالوریوخدی توان دیدی ایوای منه دردون ندی ای فاطمه جان بو کنیزون یارالی جانوه اولسون قربان بو نه قاندی یاخیلوبدی در ودیواره دینن یا زهرا فضه یوز دوتدی امام حسنه دلده محن ویر خبر شیر خدایه دینن ای شاه زمن آنام ئولدی ئوزوی فوری یتور یوخدی گلن مرتضا تا گلنی گوردی ایشین اهل فتن توخونوب سینه سی مسماره. دینن یا ئولممیشدن انانی اوخشادیلارآغلادیلار قول بویون اولدی اوشاقلارسینه سین داغلادیلار بالالار گوز یاشی رخساریلره باغلادیلا فضه بیر سوز دله گتدی هاموسی اوخشادیلار دیدی تاپماز یاراسی چاره دینن یا زهرا #فاطمیه_۱۴۰۳ #مدح_حضرت_زهرا_سلام_الله_علیها #کانال_باب_الحوائج http://eitaa.com/torkiy