🌸شاه عبدالعظیم(علیه السّلام)🌸 ✍شعراز کربلایی ودود آذرین خلخال افق فضل و شرافتده چیخوب ماه بوگون یولانوب یر یوزینه هدیه ی الله بوگون گلدی ری ملکینه بیرشانلی گوزل  شاه بوگون قدمی ویردی عجم ملکینه چوخ جاه بوگون دوتولوب عرشیله فرش ایچره بوگون جشن عظیم چونکه دنیایه قدم قویدی کریم بن کریم قامتی سرو سهی سینه سی سینامثلی گوزلری عالم عشقین عسلی هم غزلی گورسدیب عالم آرا معنی خیرالعملی رگلرینده دولانور خون حسین بن علی مست ایدوبدور حرمی هم گلنی هم گیدنی آدی دیللرده گزور عبدالعظیم حسنی حُسن پیداسی حَسن ظاهر و پنهانی حَسن سلب پاکی حَسنی جسمی حَسن جانی حَسن میر و مولاسی حَسن جلوه ایمانی حَسن خُلق و خِصلتده حَسن دردیله درمانی حَسن عصمت فاطمه و هیبت حیدر واریدی دلده عشق ازل آل پیمبر واریدی خاک درگاهون اولوب جمله ی امراضه شفا واردی درد اهلینه البته مزارونده دوا مرقدون گونده زیارت ایلیور اهل ولا تربتوندن گلوری عطر شه کرب و بلا چون سنه زائر اولان شخص( کَمَن زار الحسین) حشریده شافع اولار زایروه میر حنین گلشن معرفته یاس و شقایق سن آقا اهل ایرانه زعیم اولماقا لایق سن آقا جلوه عشق خدا مرد حقایق سن آقا دانش آموخته ی مکتب صادق سن آقا چشمه سار ادبون قلب محبانه  آخور شهرری دن ایله بیل عالمه خورشید شاخور ای ریاض علوی ده اوجالان سرو روان نجل  مولای   کریمان ؛ شرف  عالمیان فخر دین علوی ؛ قلبه دل ؛ کعبه  جان زاده ی فخر جوانان جنان ؛ میر جهان (آذرین)سائل درگاهون اولوب صبح و مسا دردینه ایله مداوا ایتمه مایوس آقا ۱۴۰۳ #چهارم_ربیع_الثانی #ولادت_حضرت_عبدالعظیم_حسنی #کانال_باب_الحوائج http://eitaa.com/torkiy