😷شعری راجع به بلای ویروس کرونا😷 ......@torkiy..................... گینه بیر تازه بَلا چولقیوب ایرانیمیزی گتیروب لریزیه بو درد و بلا جانیمیزی بیر قوناقدور کی گلوب ائوز باشینا یوردوموزا قویمیاق بیربیله جولان ویره مهمانیمیزی بو آغیر امتحانون ویرماقینا همّت ایدوب جهد ایدوب قویمیاق الدن گیده ایمانیمیزی کیچه جاقلار کیمی لازیمدی گینه وحدتیله حفظ ایداق جان کیمی بو الده کی پیمانیمیزی لطف حقله بو چتین پیچ و خَمی ردّ اِلیوب قویمیاق سولدورا آفت یِلی بوستانیمیزی بیز همان ملّتوق ایلّلر بویی دشمنلریله جنگ ایدوب قویمادوق الدن گیده ایرانیمیزی همّت اولسا کرونا سهلیدی هر دردی یخوب حضرت حقّیدن آللوق بلی درمانیمیزی هربلا جانب حقدن یِتیشه صبر اِلیوب ایداق اجرا هامی فرمایش قرآنیمیزی مَصلَحت جانب حقدن نه اولا تسلیموق چون عبادت ایدیروق خالق سبحانیمیزی جان ویر، جان آلان الله دی دوشون رزاقی شکر اِله صبح و مسا حضرت جانانیمیزی اَل دوتان گَل اولاق عالمده، نه اَل قطع اِلیین اِلییاخ قاضی بو میدانیده وجدانیمیزی التماس دعا ✍ستار رزاقی... 🍂@torkiy🍂 ✨اَللّهُمَّ عَجِّل لِوَلیِّکَ الفَرَج✨💫