#متن_روضه #ترکی حضرت علی اكبر عليه السلام @torkiy ابی‌عبدالهی عالم رویاده زیارت ائله‌دی‌لر، گوردی سیدالشهدانین تمام یارالاری توخدویوب، اِلّا بیر یاراسی کی سینه سینده‌دی، عرض ائله‌دی آقاجان بیز ائشیدموشوخ سنه عاشورا گونی سای‌سیز یارا وروب لار، اما گؤرویم بدنینده یارا یوخدی، سیدالشهدا بیورموش اُولا:منه آغلیان لارین گوزلری‌نین یاشی یارالاریما مرهم‌دی، گوز یاشلاری یارالاریمی توخدادیب، گوزوم دوشدی سیدالشهدانین سینه سینده بیر یاری‌یا، عرض ائله‌دیم آقاجان بس نیه سینه‌وین یاراسی توخدامویوب؟ بویوردی: بو یارا اوغلوم علی اکبرین داغیدی کی جگریمه دیوب و قیامته کیمین توخدامویاجاق. عاشورا گونی تمام یاران حسین، اصحاب وفاداری کی دور شمع جمال حسینه پروانه کیمی دولانوردولار، هانسی برای اجازه‌ی میدان گلوردی، سیدالشهدا دایاندوروردی، سعی ایلوردی قیتره، دئیردی گتمه، بو دشمن منه خاطر یغشوب کربلایه، هره‌سین بیر جور ایستردی دایاندیرا یولدان قیتره، اما علی اکبر ابی‌عبداللهین قاباقندا دایانماق همین دئدی بالا خوش گلدین، سیدالشهدا فوراً اجازه وئردی. مقاتل یازوب امام حسین اوزوی علی اکبرین آماده میدان جهاد ائلدی؛ بالاسی‌نا زینت وئردی، بلمم نه حالا قالدی حسین کربوبلاده اگنینده کفن قامت رعنانی گورنده گیدیردی کفن سالدی یولا شبه رسولی حیرتده قالیب دشمن او سیمانی گورنده خیمه‌لردن آیرلاندا چاغیردی اهل حرمین، گلین علینن خداحافظی ایلیون، بانوان حرم حسین توکولدولر علی اکبریلن وداع ایلیه‌لر، بولوسوز اگر خانم طایفه‌سی گله‌لر علی اکبر دوره‌سینده جمع اولالار نینه‌لر؟ «إجتَمَعَتِ النِّساءُ حُولَهُ کَالحَلقَه» خیمه‌لرده هیچ کس قالمادی، بالالار و خانملار علینون دوره‌سینده حلقه ووردولار، ناله ایلولّر، آغلاشولار دیول‌لَر علی گئتمه! «اِرحَم غُربَتَنا»غریب لیغیمیزه رحم ائله. علینون بالاجا باجیسی رکاب مرکبدن یاپوش‌موشدی «وَ مَنِعَتْهُ مِنَ العَزیمَة» قویموردولار گئده، گور بو وضعیتی امام حسین گوره نه حاله قالار؟ «تَغَیَّرَ حالُ الحُسَین بِحَیثُ أشرَفَ عَلَی المُوت» زینب کبری دئیور: گوردیم قارداشیمون نفسلری شماریه دوشوب، نفس‌نفس وورور، آز قالور روحی بدنوندن چیخا ▪️▪️▪️▪️ ✅گریز #فارسی (سبک: خدا مادرم را کجا می برند) تو اى لاله سرخ باغ دلم روى سوى میدان همه حاصلم مه لشکر من على اکبر من عصاى پدر نظر کن على جان به حال پدر نما عزم میدان تو آهسته تر تنم را ملرزان دلم را مسوزان به وقت سفر ز باب غریبت تسلى بجو بیا بار آخر اذانى بگو همه تار و پودم صفاى سجودم اذان گو دگر ▪️▪️▪️▪️ ✅ گریز #ترکی از مرحوم استاد #منزوی اکبرده باخ تقرب و اجلال و رونقه تل اوسته جک آتا بالانی ایتدی بدرقه عرض ایتدی یا رب امر ایله نه ایستسون وارام بو اکبریمدی اصغریده ایندی یوللارام من نیلورم سپاهی بو کشور سنونکیدور من شاه ملک عشقم و لشکر سنونکیدور ایستورسن اکبرون دالسیجاقدا باخمیوم من باغبانیدیم بو گل تر سنونکیدور بو مه جمالی سرو قدی سن یاراتمسان بو خد و خال و زلف معنبر سنونکیدور من چکدیم ال باجیلاری چکموردی ال ولی نیلوم محبت عالمی یکسر سنونکیدور اما سکینه دوشدی دالسیجا قویمادیم چون آبروی آل پیمبر سنونکیدور ای کاش سارباندا بلیدی بو نصف شب کفاره بیعت ایتمین اللر سنونکیدور ـــــــ (1) از کتاب گلچين روضه های ترکی استاد موسوی باروق @torkiy ✨اَللّهُمَّ عَجِّل لِوَلیِّکَ الفَرَج✨💫