استاد بزرگوار حاج اصغر فرشچی ( عدلی تبریزی) سبک: های 👇🙏 ای قلم سوز لرونده اثر یوخ... کاروان رفته منزل به منزل... مطهری مرحوم... و ....... عرصۀ سجده ده با لیاقت ایلیین خالقه دوزعبادت گوز آچان کعبه ده بوجهانه تاپدی مسجدده فیض شهادت کر: کوفه شهرینده سسلوریتیمان هارداسان هارداسان گل علی جان یاعلی یاعلی جان کجائی آمدیم درگهت ما گدائی مست جام حقیقت خماری اِنّمانون اولان تاجداری دین یولوندا بوگون باتدی قانه اولدی قران ودین جان نثاری شور اعظمدی گویا قیامت حشره واردی بوگوندن علامت خشک اولوب چشمه سارفضیلت باتدی خورشید نوروهدایت سوندی فانوس مهرومحبِّت خلقت کون وایجاده علّت قالمادی دنیادا دادگستر تا شهید اولدی ئُولدی عدالت آچدی محرابیده جانمازی صبح وقتی قیلاندا نمازی باش یاریلدی دونوب قانه محراب آلدی حقدن گوزل امتیازی قورتارا بولمدی رکعتینی قیلدی تکمیل ایدوب نورعینی حمل ایدوبلر ایاقلارسوروندی آه و داده گلوبدور حسینی ابن ملجم دیوب دلده تکبیر لیک نا حق ایدوب حقی تفسیر بام عشقون فرازینده گوردی مه سالوبدی شعاع ویردی شمشیر ابن ملجم او گون دین ساتوبدی ظاهرا کامه گرچه چاتوبدی ریشۀ بذله بیرتیشه ویردی چوخ یتیملرگجه آج یاتوبدی ضربت کین ویرولدی باشیندان یاره لندی علی دوست داشیندان اشگ چشموزده شیعه اثروار مرهم ایستور یارا گوز یاششیندان باش یارالی گیدوبدورمزاره اهلبیتی گلوب آه و زاره توپراق آلتوندا خستیدی یاتدی دونمیوبدی خزانی بهاره ئولدی خیبر شکن فوق انسان کوفه ده اولدی مطلب نمایان گلمدی بذل ایدن نصف شبلر اولدولار دیده گریان یتیمان بولدولراول گلن مرتضادی بوالحسندی علی با سخادی جان پیغمبروهم وصی سی هـمسر پاک خیرالنّسادی بولدولر درده دگمزعبادت بی ولایتده اولماز سعادت جنّته یول تاپانمازاومسلم اولماسا اوندا حُبّ ولایت پیشوا گر اولوبدی سزادی شهرعلمه اوباب هُدادی شأنینه آیه چوخدی خدادن دینی تکمیل ایدن پیشوادی درگهینده شهان چون گدادی درده درماندی مشگل گشادی «عدلی»چکمز الین دامنیندن شافع یوم حسرت جزادی کانال باب الحوائج اشعار ناب ( مداحی و مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy