‍ روضه حضرت امیرالمومنین(ع) ایوده قوشلار آغلاشوب پر وردولار گلدیلر بیر بیر یول اوسته دوردولار ئوز دیلیجه اولارا ایتدی خطاب رد اولون تاخیر ایدنمز بو تراب ایستدی آچسون قاپونی اول امیر حلقه درده کمر بند ایتدی گیر (کلثوم دییر اله بیر یر گوی دییر علی هارا گدیرسن؟) آهیله آفاق قلبین داغلادی ئولماقا محکم بلینی باغلادی گلدی بام مسجده چخدی امام ایلدی یر گوی او مولایه سلام تا اذان ویردی او فخر کائنات قدسیان سسلندی گویا الصلاة اندی بام اوستن امیرالمومنین وارد اولدی مسجده سالار دین سسلدی بیر بیر یاتانلار دوردولار (ابن ملجم دییر منیم ئوزوموده علی اویاتدی دییر بیر لحظه گوردوم علی منیم چینیمنن اشاره الیر دور ایاقا نماز وقتیدی بیر لحظه دیسگیندیم اولمیا من لوا گیتمیشم گوردوم یوخ گوردو علی اشاره الیر دییر گل نمازن وقتیدی) سسلدی بیر بیر یاتانلار دوردی تا گیچدی محراب نمازه مقتدا دولدی مسجد حاضرین صف باغلادی صوت تکبیره ملکلر آغلادی سس گلوب معناده عرش و فرشیدن احسن احسن صوتیوه یا بوالحسن یر دیدی من عاشقم افکاریوه گوی دیدی من عاشقم احوالیوه یر دیدی قربان او رکن رحمته گوی دیدی افسوس او قد وقامته یر دیدی هنگاه رازیندور علی گوی دیدی آخر نمازیندور علی قیلدی اول رکعتین وجه وجود سجدیه گیتدی او معنای سجود قوزادی باش سجده دن تا که علی سسلدی جنتده زهرا وای علی گلدی بیر ضربت سسی تکبیریلن سیندی مولانون باشی شمشیریلن قالمادی قدرت دل احبابیده قان آپاردی حیدری محرابیده گوردولر هردن دیور اول باغری قان آند اولا اللهه اولدوم رستگار فزت و رب الکعبه دولدوروب آفاقی بیر صوت جلی آی جماعت تئزگلون ئولدی علی بولمورم زینب اشیتدی نیلدی سسلیوب قارداشلارون غش ایلدی منتظرلر باشه قاره باغلادی سس سسه ویردی یتیملر آغلادی سس اوجالدقجا یاتانلار دوردولار وا علیا دیلده باشه وردولار آل هاشم مسجده گلدی تمام گوردولر یردن دورا بولمور امام (اوخیبرین قاپوسون تک الی قوزویان علی گوردولر بیله یخلوب یره ) آل هاشم مسجده گلدی تمام گوردولر یردن دورا بولمور امام باشینی آلدی دیز اوسته مجتبی سسلدی مظلوم حسین ایوای بابا دولدوروب عباس اشکیله گوزون آزقالور غیرتدن ئولدورسون ئوزون وار یری عرض اولسا ای کان صفا قوی میامه تیغیوی ای با وفا چکمه دیلدن آه پر تاثیریوی کربلایه ساخلا بو شمشیریوی اوندا کی اولماز حسینون بیر کسی رزمگاهی دولدورار دشمن سسی گوز تیکر عالم اوگون ایثاریوه فخر ایدر زینب اوزون قولاریوه صبر ایله سن مرتضانون اوغلوسان شیری سن شیرخدانون اوغلوسان یاره سین گوردوخجا اولما خونجگر بو یارانون مثلی باشوندان دیر 🎤بانوای مرحوم محمدباقرمنصوری اردبیلی کانال باب الحوائج اشعار ناب ( مداحی و مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy