زبانحال حضرت زینب (سلام الله علیها) بعد از شهادت حضرت امیرالمومنین امام علی (علیه السلام ) ☑️ ((سبک سینه زنی )) ✍ حاج علی زلفی تبریزی گوز آچ ای اهل کینه قلبینی سیخان دردی جهانی یاندروب یاخان مظلوم عالم ای شه جهان بابام ایوای بابام ایوای بو فراقیله منی غرق ماتم ایلدون زینب یتیمه نی حالی برهم ایلدون آچ گوزون آدمیسزام دلشکسته یالقوزام بابا باشوین نه غملی ماجراسی وار منشق اولوب قلنج یاراسی وار معلوم اولان که یار هواسی وار بابام ایوای بابام ایوای واردور علتی بابا دوشموسن تلاطمه ایندی گوزلوری یولون دلشکسته فاطمه آچ گوزون آدمیسزام دلشکسته یالقوزام بابا بولمم بو ماتمونده نیلیوم دیلدن نوالیم عزالیم قلبیم سینوب بابا گلیلیم بابام ایوای بابام ایوای خاطریمده ساخلارام آی بابا بو ساعتی درده سالدی زینبی باشوین جراحتی آچ گوزون آدمیسزام دلشکسته یالقوزام بابا ای ناخدای آل مصطفی آل رسوله توش اولوب بلاء ایلوب جفا بو قوم بی حیاء بابام ایوای بابام ایوای ملجم اوغلی تا سنی قانیوه بویاندیروب قلب عالمی بابا بو شراره یاندیروب آچ گوزون آدمیسزام دلشکسته یالقوزام بابا لعنت گله بو اهل کوفیه بیر گون مجال اولار بو فرقیه رحم ایلمز سر بریدیه امان ای داد امان ای داد بوردا اهل بیتوی ایلیوبله داغدار بوردا اوغلوون باشین ایلیله سنگسار آچ گوزون آدمیسزام دلشکسته یالقوزام بابا یتمز دل اهلی امن ساحله بو کوفه ده دوشله مشکله ویرام باشیمی منده محمله امان ای داد امان ای داد دشمن هر نه ظلم ایده آدیوی هرایلارام