سالروز تخریب قبور ائمۀ بقیع در هشتم شوال بر آقاامام زمان (عج) و عموم شیعیان تسلیت باد. نوحۀ بقیع ای بقیع! ای غملی قبرستان سلام اولسون سنه ای جفادن جنّت ویران! سلام اولسون سنه وار اوزاق یولدان سنه عرض سلامی شیعه‌نون تؤپراقوندا دفن اولوبدی دورد امامی شیعه‌نون محنتوندن قالمیوب صبر و دوامی شیعه‌نون سسلنور با دیدۀ گریان سلام اولسون سنه ای بقیع! سن خاک غم‌سن، سن محن دریاسی‌سن بیت الأحزان‌سان، علی‌نون شاهد غوغاسی‌سن اهل عشقین کعبۀ آمالینون معناسی‌سن شیعه هر یئردن دئیر، هر آن سلام اولسون سنه شیعه‌نی ویرانه اولماقون چتین درده سالوب طاقت و آرامینی آل سعود الدن آلوب دورد پؤزولموش قبر پرغم گون قباقینده قالوب ماسواللهی ائدوب نالان سلام اولسون سنه ای‌بقیع! وار سنده دورد جور و جفانون خسته‌سی دورد پیمبر سئوگولی، دورد دلبر وارسته‌سی دورد امامین یوخ ولی بیر گنبد و گلدسته‌سی بو ملال و محنته قربان، سلام اولسون سنه ای بقیع! سنده یاتوبدور نوگل زهرا حسن وارث صبر علی، دنیا بویی محنت‌چکن اؤز ائوینده، اؤز عیالیندن محبّت گؤرموین سسله ای قلبی اولان القان سلام اولسون سنه ای بقیع! سنده یاتوب قیرخ ایل جهانی داغلیان وای‌حسینیم‌وای دئیوب، اشکین جماله باغلیان حضرت سجّاد آقام، بابا غمینده آغلیان ای سراسر محنت و حرمان سلام اولسون سنه ای بقیع! سنده نه چوخ طاهاشیم طاهر یاتوب حق یولوندا قلبی القانه دؤنن صابر یاتوب هر جهتدن مصطفایه اوخشویان باقر یاتوب سویلرم اول شاهه، ای‌سلطان! سلام اولسون‌سنه ای بقیع! آدون گلنده آرتیلور تاب و تبیم دفن اولوبدور سنده حیدرخو، رئیس مذهبیم جعفر صادق امامیم، پیشوای مکتبیم سسلرم ای حامی قرآن سلام اولسون سنه ای بقیع! گلسه آدون اهل وفا دل داغلیار سنده مهدی گؤزیاشین غملی عذاره باغلیار وای آنام ایوای دئیر، سینه ویرار، قان آغلیار سسلنر ای مادر گریان سلام اولسون سنه ای بقیع! هجرونده هر دم شیعه‌لر اشکین الر عطر زهرا فاطمیّه گونلری سندن گلر بیلمورم گلسه آقام، آیا اورکلر دینجلر؟ فاش اولار بو محنت پنهان؟ سلام اولسون سنه اهل دل مین‌دوردیوز ایل‌دی جانی سنده آختارور عالمی آغلار قویان عنوانی سنده آختارور حیدری‌لر، مدفن زهرانی سنده آختارور نوحه ایلور با دل سوزان سلام اولسون سنه اَللّهُمَّ ارْزُقْنی شَفاعَهَ الْحُسَیْنِ یَوْمَ الْوُرُودِ: ✍علیرضاحضرتی نائمی کانال باب الحوائج اشعار ناب ( مداحی و مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy