روضه حضرت علی اکبر(ع) قویدی یوزین او قانلی یوزه چَکدی آهِ سرد اود یاغدیروب او سرد نفسدن هوا یره بیر صیحه چَکدی، آغلادی، سسلندی وای اوغول هانسی خطالی اَل سنی یخدی بالا یره من دل شکسته نین اَلینه سَن عصائیدون قدّیم بوکولدی، دوشدی اَلیمدن عصا یره ای نوجوان قوجاتدی جوان ئولماقون منی لایق بو سرو قدّیوی گوردی قضا یره گیرم دورانموسان اَیاقا باری آچ گوزون قلبیم سینوب، سوزوم دوشه اولما رضا یره   توپراقلار اوسته ایسّی ده یاتما یارالی سان دور حمل ایدوم جنازه وی بیر با صفا یره ناز ایلوسَن منه سسیمی یا ایشیتموسَن؟ جسمون تیکوبدی خنجر و شمشیر یا یره   بو قوشون شمادت ایدور منه باشون اوسته چوخ اوتورانمرام گولوشولر آغلیا بولمورم سویونوله من دایانامرام قاباقمدا دشمنیم ال چالور هله من ایاقه دورانمرام