(شهادت حضرت معصومه و گریز به شهادت حضرت زینب) 🏴🏴🏴 ای رضا جان داده گل سینه سی سوزان باجیوام اورگیم تنگه    گلوب روحی     پریشان باجیوام شهر قمدا    یانیرام      درد     فراق   و محنه یوخدی بیر گوگلوم آلان  گوزلری گریان باجیوام رسمیدی گل     باشینا   عشقیله بلبل  دولانار گل سنون   باشیوا دونم گل  خنندان ،  باجیوام دوزدی غربته    ئولن  شخصه   اخا یار  اولماز یوخدی سنسیز گلنیم  قارداشا قربان  باجیوام شاهدیم گویده    ستاره  نجه    قان   اغلیارام تیر محنت ائلیوب    بو اورگی      قان باجیوام گر خسوف ایلسه ماه  گویده کی اولدوزلار آخار من دالینجا     آخارام     ای مه   تابان  باجیوام آخی غربتده  رضا   یوخدی سیلن   گوز یاشیمی گوزلریم یولدا قالوب  بی سر و سامان باجیوام هر باجی گوگلی اولار جانی چیخان  لحظه گله قارداشی باشینون اوسته ، گل رضا جان باجیوام باجیوین درد و    دلی   چوخدی باشا   گلمز اخا دردیمی ایلمیشم     سینه ده     پنهان   باجیوام گوزلریم ابری بهار   مثلی دولار   هی  بوشالار سوزولری   ایلیرم  منه    سنه عنوان   باجیوام ایندی دای جان دوداقه چاتدی آلور  گتمگه یول اجله یالوارورام   صبر اءده  بیر    آن    باجیوام گل رضا گل باجی قربان  گل گوزوم یولدا قالوب منی گوزدن ولی    آتما  سنی    قرآن  باجیوام ای قلم چک سوزی زینب   قالان    احواله  الان باشیمه  ماتم و غمدن     دوتولوب   هاله   الان جان وءرن لحظه ده زینب گوزی گوزلوردی یولی هی دءیردی باجیوی یادیوه سال    آی  قارداش زینبم  ،دردین حسین چوخ  قوجادیبدی باجیوی بو رسا قامتیمی ایلدی    دال    آی  قارداش دوزدی باجی باشینی قارداش اوجالدار آی حسین بو سینان قلبیمی عباسیله آل    آی   قارداش گلمه سن بزم عزامه،     خار اولار   مجلس  غم تیر غربت اروگه سالمیشی خال آی     قارداش گل ابوالفضلیله    اولسا     دءنن    اکبرده  گل باشیمون اوسته ءولونجه ولی قال آی   قارداش گر گله فاطمه    باش    اوسته    دءنن  زینبیوه دئگینن لای لایی بیرده منه چال  آی     قارداش