🥀شهادت امام هادی علیه السلام گریز به دفن و اربعین حضرت سیدالشهدا علیه السلام🥀 حجّتِ خَلّاقِ داور اَلسلام هادیِ آلِ پیمبر اَلسلام ای علیّ ِ چارُمِ آلِ علی ای هدایت گول یوزوندن مُنجَلی ای اونومجی (دَهُمین) بَحرِ مَوّاجِ کَرَم رُخصت اولسا منده آدون سَسلرم ای شَهِ والاتَبار و خوش نَهاد ای جَوادِ بنِ جَوادِ بنِ جَواد ای زیارتنامه لرده ماندگار ای یازیلماز شأنی یک در صَدهزار ای سَراسَر جودو بَخشش عادتی ای تمامِ شیعیانین عزّتی بَهره لَر اَز بَس گوروب خُرد و کُبار لطفوزه دشمن اولوب اُمّیدوار (۱)دوشدی بیر درده خلیفه چاره سیز (متوکل) درد اِیله بیر دردیدی اندازه سیز بیر عُفونَتلی دُمَل درده سالوب استراحت وقتی یوز اوسته قالوب تا آناسی بابِ اِحسانون چالیب شاهِ ظالم چاره سین سندن آلیب سیز کَرَمده ذَرّه تردید ایتمه سیز هیچ کیمی عالَمده نومید ایتمه سیز منده مین اُمّیدیله ای مُحترم دامَنوزدن دوتموشام ای ذولکَرَم من نه سعدیّ ِ زمانم نه دَخیل آسِتانِ لطفوزه دوشدوم دَخیل شٱنوزه لایق سوزوم یوخدور بَلی شَه گَدایه باخماسا اولماز ولی سِوّمِ ماهِ رجب ای مُمتَحن گوئیا آغلار قالیب اوغلون حسن(ع) زَهریله قلبون یانیب ای مُقتدا ذکرون اولموشدی اوگون یاندیم آنا مُعتَمَد ظلمونده نُقصان قویمادی هَر قَدَر ظُلم ایلیوبدی دویمادی زَهریله یاندیردی گول اَکبادیوی عاقبت آغلار قویوب اولادیوی جان ویرن دَم زَهریدن بی تابیدون بولمورم عطشان و یا سیرابیدون؟ تا مُباشِر اولدی اوغلون عسکری یاندیریب غُسلوندا خُشکیله تَری بیر غَمیم وار عارضیم گول تَک سولوب هانسی شَه سَردابه سینده دَفن اولوب؟ دَفنیوون من بولمورم کِیفییَتین شُکری وار ، عرض ایلورم من علَّتین سالم اَعضائیله گِیتدون توپراقا شُکر اولا باشون بَدَندِیدی آقا دوزدی دَفنونده یانیب اوغلون حسن شُکر اولا دَفن اولمادین سن بیکَفن عالَمی یاندیردی گَرچه سولماقین سالیمیدی هم اَلون هم بارماقین کولگَه یرده دفن ایدوب اوغلون سنی واردی بیر سوز یاندیرار امّا منی اینجیمیشدی دوزدی خسته پیکرون قالمادی اوچگون یٌر اوسته پیکرون جسمیوه آتلار جَسارت ایتمه دی قیزلارون قول باغلی شامه گیتمه دی عزّتیله دفن اولوبسان یوخ سوزوم سامراده قبریوه قربان اوزوم هر امامین قبرینه زَوّار اولار گورسه زائر قبرینی ، گول تَک سولار رَسمِ عالَمدی اولار دورت گوشه قبر قُوی دیوم یاغسین گوزون مانندِ اَبر دَرک ایدَر هر کَس کی با اَندیشه دی بیر حسینین قبری آلتی گوشه دی چوخ مَزارین اوسته چوخ گوزلر دولوب هانسی قَبرین زائری زینب اولوب؟ سالدی قبر اوسته اوزون اُول با وفا قبریوه قارداش دیدی زینب فدا کوی عشقونده یورولموش حاجی ام یِدّی قارداشی ئولَن بیر باجی ام دور دیوم قارداش غمِ اَیّامیدن خسته زَوّارون گَتیردیم شامیدن توش اولاندان قومِ نامَرده حسین دوشموشوخ قرخ گونده مین دَرده حسین بیر گونوم بیر ایل گیچوب اَیّامیده عَفو ایله قالدی رقیّه ن شامیده (بیکَسه ) لطف ایله ای شاهِ هُدیٰ اَهلِ (مُشتاقانیله) بیر کربلا شعرینه بانی اولوب ساخلار حَریم با وفا بیر قارداشی آدی (کریم) (بیکَسه) بیرده (کریمه ) یاز برَات حَشریده دوزَخدن آخر ویر نَجات (۱) متوکل عبّاسی لعنة الله علیه دُمَل چِرکینی در کَمرش به وجود آمده بود و به قدری درد داشت که موقع خواب و استراحت مجبور بود به روی شکمش بخوابد در حالی که طبیبان از درمانش عاجز بودند مادرش ۱۰۰۰ سکه به امام هادی نذر کرد و امام علیه السلام نیز به کرامت راه درمانش را به مادرش یاد داد... دوشنبه 3 بهمن ماه 1401 الاحقر مهدی عبادی التماس دعا #شهادت_امام_هادی_علیه_السلام