شب شهادت امام حسن عسکری(1).m4a
10.92M
🏴 شهادت امام عسکری(ع)
✍بقلم کربلایی حجت مرتضایی
🎼سبک: عم اوغلی چوخ گل سارالار
🎤#بانوای_حاج_علی_سیفی_افشار
غریب آتان زهریلن ئولوب
سامراده یامهدی
باشون ساق ای پور عسکری
بوعزاده یامهدی
وئروبدی زهرجفا اونا معتمدعباسی
اورکده واردی گول آدینه شیعیانون احساسی
بوگون تمام جهانیده واردی مجلس یاسی
قراگیوبدی بو ماتمه نه سماده یامهدی
گهی ائدوب معتمد اونی بارگاهینه احضار
گهی آپاردی حضورینه ایلدی اونی اجبار
ربیع الاولده ایلیوب زهریله اونی بیمار
گرگ اورکلر اولا حزین بوجفاده یامهدی
،
اولاردی تحت نظر آتان بیرمحل غربتده
تمام عمرونده قالدی او غصه لرده محنتده
قالوبدی بیرپادگانیده معرض جسارتده
یانار اونا هم غریبه هم آشناده یامهدی
جوانلیقیندا ئولوب آتان آغلیار اونا زهرا
قرا گیوب شیعه لر بوگون غرق غمدی سامرا
ویرورباشا سینه زن بوگون ذکری آه واویلا
جناندا غمگین اولوب آقا مرتضاده یامهدی
وئرنده جان سسلدی سنی گل بالا منه آغلا
بیوردی ای وارث حسین گوزلریمی گل باغلا
دوداقیوی قوی دوداقیمه بیرآتاوی قوجاقلا
یوخومدی چون بیرکسیم منیم بوسراده یامهدی
آتان غمی سختیدور سنه یابن العسکری مولا
بیزایلوروک عرض تسلیت شیعه رهبری مولا
«کیانه» ده بیرعنایت ایت قوقما نوکری مولا
نصیب ایله بیرزیارت کربلاده یامهدی
___________