غزل امام زمان (عج) شعراز:: کربلایی آذرین خلخال ای دل چاتاجاخ غم سوزی پایانه داریخما عشقین ده یتر دولتی سامانه داریخما هجران سوزی بالمرّه گیدر مجلسیمیزدن وصلت یازیلار دفتر و دیوانه داریخما بسدور داخی ناله ایلمه هجر و فراقه ای شمع گلر نالووه پروانه داریخما بیرعمر خمار رخ چون قرص قمرسن تزلیکجه دولار عشقیله پیمانه داریخما قلبون ایوینی ایتسون اگر عشقه مزین مسکن اولاجاخ یاره بو غمخانه داریخما یعقوبه دیون آغلاما دای درد فراقه یوسف گله جک بیرده بوکنعانه داریخما مجنون کیمی آواره دولانما بوجهاندا لیلی ده چاتار سویگلی جانانه داریخما هرجمعه اویان شوق وصالیله نگارین آماده ایله قلبووی مهمانه داریخما ای قلبی اسن شوق وصالینده طبیبون دردون یته جک بیرگونی درمانه داریخما مشرقدن اولار ماه رخ یار نمایان ایفا ایلییر حق اوزی پیمانه داریخما اوضاع جهان برهم اولوب جوروجفادن گلسه گتیرر عزتی انسانه داریخما گلسه بیزه ده اورگدجک اصل عزانی نوحه دیه جک شاه شهیدانه داریخما گلسه علم عشقی ویرار قله قافه اثبات ایلییر حقینی دورانه داریخما گلسه داغیدار دهریده ظلّام تفاقین اشراری سالار گوشه زندانه داریخما یِر اوسته آچار سفره احسان و عدالت عزت قییدار دینیله قرآنه داریخما عشقونده ثبات قدمون(آذرین)اولسون عشق اهلی چاتار سویگلی جانانه داریخما https://eitaa.com/vodood13561012 یلدا گجه سی مهدی زهرانی دعا ایت انشالا ویرر هجرینی پایانه داریخما