یارقیه(س) شعراز:::کربلایی آذرین خلخال یاندیردی بیزی محنت و حرمان رقیه آغلاتدی جهانی غم هجران رقیه صدقیله یاپیش دخت حسینون اتگیندن شامل اولا تاحالوه احسان رقیه چوخ ناخوش و بیمار تیکوب گوز بوعزایه حالین خوش ایده نسخه درمان رقیه ویرانیه گلدی باباسی قانلی طبقده باشه یتشوب یاریله پیمان رقیه خورشید شب افروز ، خراباتیده چخدی ویرانه نی آباد ایلیوب جان رقیه آلدی او گلی سینه سی اوسته بالا بلبل خوش وقتده اولوبسان دیدی مهمان رقیه هجران سوزینی سویله دی بیربیرآتاسینان باشه یتشوب غصه هجران رقیه آغلار گوزیله ترک حیات ایلدی آخر سوندی او گجه شمع شبستان رقیه باش بیرطرفه دوشدی بالا بیریانا دوشدی باغلاندی غرض دفتر و دیوان رقیه زینب یتشوب گوردی چخوب جان دوداقیندان آلدی قوجاقا عمه نالان رقیه سسلندی کیچیک قلبده چوخ دردوه قربان یاندیردی جهانی غم فقدان رقیه زیبا گوزونی باغلادی زینب یانا یانه تعطیل اولونوب مجلس عرفان رقیه گوردی ایاقین یاره لیوب خار مغیلان افغانه گلوب فوج اسیران رقیه غساله گلوب غسل ویره بلبل زاره گوردی گووروب پیکر القان رقیه سسلندی یوخ امکانی بونا غسل ایلیم من گلدی دیله غمخوار پریشان رقیه اولما بیزی ویرانه ده فقر ایچره گورورسن اجرون ویره جک شاه شهیدان رقیه عرض ایلدی من یار و عزادارحسینم هم عاشق سرگشته و حیران رقیه بوگول بدنون یوخدی سلامت یری نیلوم اوراق اولونوب صفحه قرآن رقیه زینب ولی غسالیه بیرتوصیه ایتدی فرمایش ایدوب مفخر نسوان رقیه غساله بالام یاره لیدی ایله مراعات آهسته دولاندیر الووی جان رقیه القصه مکافاتیله پایانه چاتوب غسل کامل اولونوب قصه سوزان رقیه یول یول بدنی زینب آلوب اللری اوسته آغلاتدی اسیرانی بو هجران رقیه یوز کرب و بلا سمتینه دوتدی دیدی قارداش خوش اولمادی زهرا کیمی پایان رقیه ای بی کفنیم اولدی رقییونده کفن سیز گل ایله اوزون مشکلی آسان رقیه آغ یوخدی قرا معجره بوکدیم بوبالانی دیللرده قالار دهرده دستان رقیه گلمور اورگیم بوبالانی قبره قویام من ییخدی ایویمی غصه لی طوفان رقیه زهرا ننمه بنذوری نیلی بدنیندن حیدرکیمی سن گل اوخی قرآن رقیه ویرسه صله سون" آذرینون" شعرینه خوشدی گسترده دی عالمده نچون خوان رقیه تکمیل شعر در تاریخ ۱۴۰۲/۰۶/۰۲ ضمنا با تعویض مصرع دوم شعر با مصرع زیربرای شام غریبان خانم رقیه (س)قابل اجراست ((دیللر قان اولوب شام غریبان رقیه))