نوحه خروج از قتلگاه
شعراز :: کربلایی آذرین خلخال
کوفیه گیدور شتابان غملی کاروان حسینیم
سال یولا منی اذان ویر باغریم اولدی قان حسینیم
گورنه نازیلن یاتوبسان ای فدای دین و قرآن
نیزه اوخ سنه کفندی مقتلون داشوبدی قاندان
نعشون اوسته آت چاپوبلار اشقیای نامسلمان
هانسی بیر گناهه اولدی پیکرون تالان حسینیم
بیز گلنده کربلایه سروریله رهبریله
گلمیشوک بو سرزمینه سرسپاه لشگریله
قویموشوخ قدم بو دشته قاسمیله اکبریله
شمریله سنان اولوبدی ایندی ساربان حسینیم
باشون اوسته قویمیوبلار بیر دویونجان آغلیام من
سینمی مصیبتونده داغ عشقه داغلیام من
گول کیمی سولان عذاره سیل اشکی باغلیام من
دور باجون گیدور دالیجان سویله سن اذان حسینیم
راهیم ولی بوچولده سینمی غمونده یاردوم
ممکنیم اولیدی قارداش دردوی جانا آلاردوم
اکبرون قالوبدی سنلن من رقیوی آپاردوم
سینون اوسته راحت اولسین طفل بی زبان حسینیم
قانلی باشون اولدی گر چه نیزه ده منیله یولداش
یانام آغلارام دگنده باشوه یول اوسته بیر داش
گورسه داشلاری رقیه گوزلریندن آخسا قانیاش
من اولوب دیریللم اوندا ایلرم فغان حسینیم
عرش نیزه اوسته چیخمیش سودامر ایشیقلی بیر آی
داش ویرا اونا اراذل یخیلار تفاقیم ایوای
ننه سی چالار دوباره علی اصغرینه لایلای
اورگین دوتار ربابین محن جهان حسینیم
روز و شب سنه زمین و عرش حی داور آغلار
دائماََ شرفلی انسان ماتمونده سینه داغلار
(آذرین)یوزه غمونده گونده سیل اشکی باغلار
هر مکان اولار عزادار سنه هر زمان حسینیم
۱۴۰۳.۰۴.۳۰