#غزلمیلادحضرتعباسع❤️
ــــــــــــــــــــــ
گَلون ای اهل ولا عاشق شیدایه باخون
قوس ابروسی کمان دیدهٔ شهلایه باخون
عشقیله سِیر ائلیون ماه بنی هاشمی سوز
هم اوزون قولّارینا، هم قَدِ رعنایه باخون
بو اوزون قولّاری مشکللری آسان ائدهجک
مرتضا بوسه ویران، پنجهٔ بیضایه باخون
حیدرین منزلینون چوخدی هیاهوسی بوگون
اوردا برپا اولونان شادی و غوغایه باخون
آلدی آغوشه علی ئوپدی اوزون قولّارینی
ماشاءَاللّه دئدی بو قامت طوبایه باخون
بوگوزل قارداشوز اسلامه علمدار اولاجاق
بوسپهدار و بو سردار و بو سقّایه باخون
ایندی گور نیلدی عبّاس آناسی امّ بنین...
ادب و معرفت همسر مولایه باخون
زینبین و حَسنینی چاغیروب ئوز یانینا
نوکروزدی دئدی اوغلوم، یَلِ هیجایه باخون
آی خانم فاطمهنون سوگلی دردانهلری
نوکرِ باشرفِ درگهِ زهرایه باخون
معدن غیرت و عشق و شرف و مهر و وَفا
بش امام ئوپدی اَلین، رتبهٔ والایه باخون
(فیضی) بایرام گونیدی شیعه لره سویله گلون
ننهدن دوز صوداَمَن، مــاهِ دل آرایه باخون
#رحیم_فیضی_اردبیلی