عرض حال به حضرت حسین ابن علی ع نَجات کشتی سینه میر و ناخُدادی حسین حَقیقتین یولونا مَشعَلِ هُدادی حسین جمالی عالمِ امکانی ایلیوب روشن سراج اَنوَرِ خلّاق کبریادی حسین خُدا بو نوری یارالدوبدی پاک نوریندن اودور خلایقه دنیاده دلربادی حسین وجودی مایه ی رَحمَتدّی مایه ی عزّت کی ذات حَق طَرَفیندن بیزه عطادی حسین آناسی فاطمیه نور عین و پاره ی تن عزیز و بند دِل خَتم الاَنبیادی حسین علی ولیّ خداوندِ اکبره وارث ولایت اهلینه سرمایه ی بَقادی حسین عزیز و خامس آل عبا، شهَنشه دین صَفای کون و مکان حُجّت خدادی حسین وجودی مظهر ایثار و عشق و شور و صفا تمام خَلق آرا آئینه ی وفادی حسین سالوب محَبّتین الله قلوب عُشّاقه همان مُحبّلرین قلبینه صفادی حسین چاتار سعادته کیم اُئوپسه آستانه سینی باخار او کیمسیه چون صاحب عطادی حسین یَزید علیهینه ایلوبدی کربلاده قیام حقیقت اهلی دیدی نور حق نمادی حسین بویوردی ظالمه هرگز باش اَگمز عبدالله گرکدی خَلق بوله بنده ی خدادی حسین بقای دینه گوره اَل چَکوب حیاتیندن نشان ویروب کی ره دینیده فدادی حسین خَم ایتمَدی باشینی ظالمه، کسیلدی باشی بیلورتمام جهان کُشته ی جَفادی حسین یزیدی قانلی قیامیله ایلدی رُسوا جهانه ثابت اولوب شاه کربلادی حسین همیشه اَل یتیریبدور جهاندا نوکرینه ولایت اهلینه چون دهریده آقادی حسین اُئوپ آستانه سینی صادقانه .رزّاقی . ایکی جهاندا یقین دردیوه دَوادی حسین التماس دعا ...خاک پای حسینیان عزیز ستار رزّاقی ... آبان ۱۴۰۱

زبانحال حضرت زینب س در موقع کوچ از قتلگاه به برادرش نه یاتموسان قوری یئرده گوز آچ اویان یارالی اماندی ایله منه حالیوی بیان یارالی مُسافرَم گیدیریم دور مَنی ائوزون یولا سال وفالی زینبوی قویماباغریقان یارالی اَسوبدی باد مُخالف بو دشتیده افسوس صفالی گلشنوی ایلیوب خزان یارالی سَنی شهید اِئلییَنلَر بیزی اسیر اِئلییوب ائدوبله قلبیمی تیر غَمه نشان یارالی هَمیشه قیزلاریوین گوگلونی آلاردین ائوزون بولاردان ایمدی داخی یوخ گوگل آلان یارالی بو اوچ یاشیندا رقیّون هَلاک ایدور اُئوزونی بابا دییَنده بونا بیرده سویله جان یارالی چکور قَطاریمیزی کوفیه گروه شَریر بو غَم گلور بیزه بیر دَرد جانستان یارالی نه ساغدی قارداشیم عَباس و نه عَلی اکبر که بیزلره اولالار یولدا پاسبان یارالی اَذیّت اولماسا نیم خیز اولوب اُئوزون سویله بو غَملی قافله نون آردیجا اَذان یارالی گرک باجون سَنه بوردا قوریدی بَزم عَزا نه فُرصت اولدی نه ده وئردیلر اَمان یارالی گلنده گلمیشیدوق کربلایه یاوریله بیزیله ایمدی گیدور شمریله سَنان یارالی اولیدی چارم اگر سَندن آیری دوشمزدیم قالوب سَنیله وئرَردیم بو چولده جان یارالی آیردی دَست قضا ظلمله سَنی مَندن فراقون ایتّدی رَسا قدّیمی کَمان یارالی سَنیله عُمر بویی هَم قَدم اولان باجیوا بو آیریلیق گلوری ایمدی چوخ گران یارالی بو چولده دَست ستمله دَریلدی گلّریمیز نه گلستان قالور ایمدی نه باغبان یارالی او قَدر اهل جَفا بوردا ظلم ائدوبدی بیزه نَقدری وار نَفسیم ایلرَم فَغان یارالی اَلین بَدنده دَگول تا قویام اورَک باشینا بو قلب زاریمه بَلکه ویره تَوان یارالی سالوبلا پیکریوی تُپراق اوسته قوم عَنید ووروبدی هر یتیشن داش، قلج، سِنان یارالی خَدنگ ظلمه ایدوبلر وجودوی آماج یارالاریندان آخور چشمه چشمه قان یارالی سَنیله روحیمی گودال قتلگهده قویوب شکسته دل اولورام کوفیه روان یارالی یتیشدی وقتِ خداحافظی ، خداحافظ قوتارمادی ولی بو غملی داستان یارالی گر ائولمَسَم یولومی بیرده بو دیاره سالوب قالان اورَک سوزمی ایلَرَم بیان یارالی یازاندا بوسوزی رزّاقی نوکروز یکسر ایدوردی اشگینی رُخسارینه رَوان یارالی بونیّتیله یازیردی، کی دَرگهوزده سیزون اونوندا آدینی یازسونّلا نوحه خوان یارالی التماس دعا خاک پای حسینیان عزیز ...تبریز ستار رزّاقی راد ..

زبانحال زینب کبرا س در موقع کوچ از قتلگاه کربلا ای کربلانون تشنه لب قربانی قارداش دور سال یولا بو زینب نالانی قارداش دور گور نجه اهل حرم محزون خسته قید جفایه ظلمیله اولموشلا بسته بودشتی جبرا ترک ایدولر دلشکسته یالقیز قویولارسن کیمی سلطانی قارداش بو قانلی صحراده اخا محشر عیاندی دوشموش بدنلر توپراقا بیر پارچا قاندی دور گور نجه خرگاهمیز یاندی تالاندی یوخ دیندیرن بوخیمه سی سوزانی قارداش کربوبلا هنگامه سی یتدی تمامه حیراندی عالم ایتدیقون قانلی قیامه جانلا فدادور سنده کی عالی مرامه سرمشق ایدر عالم همین عنوانی قارداش قول باغلی شامه یولانور غم کاروانی عرشه چیخوبدور قیزلارین دادو فغانی دور کاروانون آردیجا تیز ویر اذانی اولسون باجون زینب دلون قربانی قارداش گلدیم جلالیله بودشت کربلایه فکر ایلمزدیم بیر بیله دردوبلایه ایمدی اسیرم ظلمیله اهل جفایه ترک ایلورم بو ورطه طوفانی قارداش قویموبدی دشمن نعشون اوسته آغلیام من ایوای حسینیم وای دیوب دل داغلیام من جان تاپشوراندا گوزلریوی باغلیام من پاک ایلیم تا گوزده کی آلقانی قارداش آلدیم اله سندن صورا قانلی لوانی تاقویمیام پامال اولا خون خدانی خوار ایلرم دنیاده من اهل جفانی اولماز بو قانلی نهضتون پایانی قارداش ویرسیدی دشمنلر امان بوردا قالاردیم گوز یاشمیله یاره وه مرحم سالاردیم حسرتله قارداش وای دیوب گویلون آلاردیم ویرموب عدو نیلوم کی بوامکانی قارداش نسگلرون قارداش حسین دنیانی داغلار عاشقلرون گوز یاشینی رخساره باغلار رزاقی دا صبح ومسا بو غمده آغلار لطف ایله اولسون کربلا مهمانی قارداش التماس دعا ستار رزاقی

..در مقام زینب کبری س .. دُر رخشنده ی دریایِ حیا زینبدور مَه تابنده ی اِسپهر وفا زینبدور مظهر عصمت و تقوا و عفاف و پاکی معنیِ معرفت و صدق و صفا زینبدور تربیت یافته ی مکتب زهرای بتول دخترِ عالمه ی شیر خدا زینبدور عِلم و حِلم و اَدَب و جود و سَخاده دریا روحِ ایمان و مناجات و دعا زینبدور صبر و ایثار و شجاعتده تاپیلماز مثلی اهل ایثاره گوزل راهنما زینبدور بی معلّم اولان عَلّامَه لَرون عالِمَه سی زینَت پنج تَن آل عَبا زینبدور دائما رهبرینون امرینه لبیک دئیَن پیرو جان بکف راه وَلا زینبدور چکمییَن دهریده بیرلحظه حسینوندن اَل اِلییَن جانینی قارداشه فدا زینبدور عشقینی کربوبلاده یتورن اثباته اِیدن ائوز دِینینی بو یولدا اَدا زینبدور قتلگاه ایچره حمایت اِلیین قارداشدان ایتمییَن شمر ستمگردن اِبا زینبدور شیر تک حمله اِیدن دشمن بد کِرداره آدلانان شیر زن کربوبلا زینبدور شیر یزدان قیزی سیندیرمادی غمدن ائوزونی ثابت ایلوبدی ایدن عهده وفا زینبدور ظاهرا گرچه حسینون عَلَمین یخدی عدو ایدن اول پرچم خونینی بپا زینبدور نهضت کربوبلانون عَلَمی چیگنینده کوی و برزنده اِیدن حقّی نِدا زینبدور کربلاده ستم اهل جفایه دایانوب فرض ایدن درد و غمی عِشق و صفا زینبدور خطبه سیله اِلییَن کوفه نون اهلین بیدار باطنی حقدن اِیدن نطقی جدا زینبدور سربه زیر ابن زیادی الییَن مجلسده اول جفاکاری ایدن خوارو فنا زینبدور چوخ وقاریله دولاندیردی حسینون حرمین چون پرستار و کفیل اسرا زینبدور حفظ ایدوب قافله کربوبلا عزّتینی قیدیدن ایلیین اول جمعی رها زینبدور قلب شاماتیده فتحون عَلَمین نصب الیوب صبح ظلّامی ایدن شام قرا زینبدور صبریله رشته بیدادی آچوب قولاردان صبرینه مات قالان ارض و سما زینبدور اُمرا ایچره یزیدی اِلیین خوار و ذلیل دیین اول ظالمه یاابن الطلقا زینبدور صبر ایدن دهریده جور و ستم اعدایه دائما سینه سی آماج بلا زینبدور کربلا غَملَری خَم قیلدی رَسا قامتینی آغلیان قارداشینا صبح و مسا زینبدور درد الیندن بو قَدَر ایتمه نوا رزاقی چونکی هر درده بو عالمده دوا زینبدور بَزم ماتمده ریاسیز گَل اوتور آگاه اول کی عزا مجلسینه صاحب عزا زینبدور التماس دعا خاک پای حسینیان عزیز ستار رزاقی .

در مقام عقیله بنی هاشم حضرت زینب کبری س سفیر باوقار نهضت کربوبلا زینب شهامت مظهری اسطوره ی حجب و حیا زینب دُر گنجینه ی مهر و وفا و عصمت و تقوا کمال و عفّت و ایثاریده بی مُنتها زینب آلان درس حجاب و عصمت و تقوانی زهرادن بلاغتّده همانند علی المرتضا زینب گوزل آدین مُعَیّن ایلییَن خلاق بی همتا اولان دائم جهاندا زینَت شاه ولا زینب اولوب ثابت قدم ائوز ایتدیقی عهد اوسته عالمده حسینون آرمانین ایتمیوب بیر آن رها زینب نقدری محنت و رنج و بلالر چکدی دنیاده اولوب صابر همیشه ، سولَموب چون و چرا زینب ایدوب عشقین کتابین عاشقان عالمه تفسیر اولوب عشق اهلینه هر بیر زماندا رهنما زینب یتیردی عشقینی کربوبلا دشتینده اثباته قالا عشقینده نقصان قویمیوبدور مطلقا زینب اگوب کربوبلانون غملری اول قَدّ شمشادین اولوب آماج پیکان غم و درد و بلا زینب دیار کربلاده دوشدی طوفان بَلیّاته او گوندن آدلانوبدور قهرمان کربلا زینب یاناندا خیمه گاه آل عصمت نار ظلمیله اُئوزون ووردی اودا ایتموبدی بیر ذرّه اِبا زینب کنار ایتدی شهامتله امام ساجدی اودّان ولی عصرینه اُئوز دِینینی ایتدی ادا زینب گورنده قارداشین گودالیده آلقانینه غلطان چکیبدور ناله عرض ایتدی سنه اولسون فدا زینب اولان همره همیشه سرور آزادَگانیله هزار افسوس اولدی بسته قید جفا زینب حسینون پرچمین ظاهرده گرچه یخدی دشمنلر ولی قویموب همان پرچم اوگون یرده قالا زینب شجاعتله لوای نهضت خونین عاشوری آلوب دوشه اولوبدور عازم شام بلا زینب او پوزقون کاروانی بیر قوشون تک قیلدی آماده یزیدون قصرینی شام ایچره ویران ایتماقا زینب دیار کوفه ده خطبه قرائت ایلیین گونده هامی بیلدی اودور پرورده شیر خدا زین زینب او غَرا خطبه سیله کوفه شهرین بیربیره ووردی یاتان خَلقی اویاتدّی ایلدی محشر بپا زینب زیادین اوغلونی اُئوز مجلسینده سربه زیرایتدی مرامه آل سفیانی اوگون قویموب چاتا زینب ووروب قانلی لوانی قلب شاماته وقاریله یزیدون روزگارین شام تک ایلوب قرا زینب قیام سرخ عاشورا پیامین اهل دنیایه شهامتله یتوردی هر مکاندا جابجا زینب دولاندیردی حسینون اهلبیتون چوخ متانتله گرک عالم دیسون بو همّته صد مرحبا زینب قضا گرچه اونی دائم جهاندا مشگله سالدی ولی درد اهلینه اولموش اُئوزی مشگل گُشا زینب دوشه هر کیم چتین بیر مشگله بو دار دنیاده ایدوب دلدن توسل صدقیله ایلر ندا زینب بو اشعاری یازان رزّاقی دور درگاهیوه نوکر اورکده دردی واردور ازستوری سَندَن دوا زینب بودور دردی اورکده قبریوه بیرده اولا زوّار آلا سندن او یرده بیر برات کربلا زینب التماس دعا ستار رزّاقی .. تبریز 

در مقام شیرزن کربلا زینب کبری س زینب آن دُخت علیّ المرتضا زینب آن پرورده ی خیرالنسا زینب آن بند دل ختم رُسُل زینب آن روح حسین و مجتبا زینب آن بحرِ عفاف و معرفت زینب آن اُستوره ی حُجب و حیا گوهر نایاب دریای ادب مظهر ایمان و تقوا و وفا صبر و ایثارش جهان را کرده مات گشته از صبرش خجل درد و بلا درمقام عاشقی بی غَلّ و غَشّ شاهراه عشق را بَدرالدّجا در مقامش بس که از روز ازل شد وجودش زینَت شیر خدا همّتَش را داد بر عالم نشان روز عاشورا به صحرای بَلا اَندَر آن وادی بَسی همّت نمود زین سبَب شد قهرمان کربلا گشت همره با برادر روز و شب دِین خود را کرد در راهش اَدا فکر و ذکرش با حُسینَش بود و بَس زین سَبَب هرگز نشُد از وی جدا یک دَم از راه ولایت بر نَگشت هَستیَش را داد در راه وَلا سینه را بر تیر غم آماج کرد هربلا آمد در این رَه شد رضا درگه پاکَش بُوَد صبح و مَسا برتمام عاشقان دارالشّفا با تلاش و همّت آن شیر زن تا اَبد شد زنده نام کربلا گشته رزّاقی دَخیل دَرگَهَش تا بگیرد بهر درد خود دوا التماس دعا ستار رزاقی تبریز .آبان ۹۹.....

زبانحال حضرت زینب س در کوفه به سر خونین برادرش ای جداده ذکر ایدن آیات قرآنی حسین یاره لی باشه فدادور زینبون جانی حسین خوش سسون مَحملدَن آلجاق روحیمه گلدی صفا یاخشی موقع بو مریض عشقیوه ویردون شفا لطفوی کسمه بو بیکسدَن سنه جانیم فدا قویما یالقیز دار غربتده بو نالانی حسین قانلی باشون نیزه باشون ایلیبدور طور عشق جلوه ی انواری سالمیش طور عشقه نور عشق اهل عشقه نور عشقون آرتیریبدور شور عشق تار ایدَنمّز اَبر ظلمَت بو تجلّانی حسین درد هجرون ایلیبدور قلبی یاره زینبی روز و شب حسرت قویوب وصل نگاره زینبی باشوین عشقی چکیبدور بو دیاره زینبی ایلیوب مجنون کیمی مسکن بیابانی حسین ای جمالون مظهر آیات خلّاق جلیل هر ایکی دنیاده سَنسَن مفخر آل خلیل نیزه ده قانلی باشون آی تک بو عنوانه دلیل مات و مبهوت ایلیبدور اهل دنیانی حسین گر چه عشقونده اسیر اولدوم ولی ایتمم گِله چونکه عاشق دهریده لازمدی دوزسون مُشگله عیبدور عاشق گتورسه گر اورک دردین دِله صبره دعوت ایتموسن چون دخت زهرانی حسین ایتدیقون نهضت بو عالمده گرکدور یاتماسون کربلا دشتینده ظلمیله آخان قان باتماسون سعی قیلّام آل سفیانی مرامه چاتماسون اُلمَسم باشه یتورّم عهد و پیمانی حسین ای ایدن احکام دین اوستونده ئوز جانین فدا اولموسان نوک جداده زینبیله هم صدا سن جداد منده محملدَن ایداق با هم ندا نور حَقّی ایلیَنمز کیمسه ظُلمانی حسین گُل دوداقیندَن چیخان سوزلر کلام اللهیدور لیک بیلمور کوفیان چون جاهل و گمراهیدور سَن دانیش حق سوزلری چون حَق ئوزی آگاهیدور حیف اولا حق سوز دییَنلَر اولدی قربانی حسین سَن اوخی قرآن، گوزل صوتیله ای شاه اَنام تا که مشغول ایلیه جمعیّتی بو خوش کلام باخمیه تا بیزلره تحقیریله قوم ظُلام درده گتدی بو مصیبت آل طاهانی حسین قانلی خاکستر جمال اللهی قارداش تار ایدوب چون قضا بیر گون بو باشی میهمان خار ایدوب میزبان بولمم نیه سَنله بیله رفتار ایدوب کاش قویسونلار یوزوندَن پاک ایدوم قانی حسین دهریده دائم سنی درد اهلی سَسلر دادینه آختارار سن تک طبیبی تا یته امدادینه لطف قیل رزّاقینوندا تیز یتیش فریادینه قویما مشگلده قالا سن بیل آنان جانی حسین التماس دع ستّار رزّاقی

🍃 💐🍃🌿 محفل غم دلنوشته های شعرای گروه بوستان شعر و ادب گینه هر یئرده نیه محفل غم برپادی بونه شورونه مصیبت دی بونه غوغادی آغلیورکون ومکان قاره گئیوب ارض وسما قدسیان گوز یاش الورعرشیده واویلادی یئرین احوالی کیمی گوی قاریشیب بیربیرینه عرش وفرش آغلیوری اولمیا عاشورادی عرشینه قاره چکوب فرشین عزا خانه سی تک خالق عرش معلاّ بوآغیرمعنادی کرم حقله ایدوب ذُروه ی لاهوته عروج نیزه باشیندا باشی معنیِ کرّمنادی نیزه باشیندا کسیک باش اوخویور آیهء کهف بی بدل معجزه دور مرتبه سی والادی دیدی قارداش سسیوه باجون اولیدی قربان صوت قرآنین ائشیتماخ منه روح افزادی کوفیه وارد اولوب غملی قطارِ اُسَرا شهر،آبستن آشوب و تب و بلوادی چولقیوب ارض وسمانی غم و اندوه واَلم بو مصیبتده توکن گوز یاشینی طاهادی نه جهان اهلی ایدور ناله حسینون غمینه بلکه بوغمده یانان فاطمۀ زهرادی ظلمه باش اگمدی کسدی باشینی اهل جفا تا ابد نهضتی احرار آرا پا برجادی جانینی ویردی حسین دینیله قرآنه فدا اودی دین پرچمی تا واردی جهان برپادی باجیسی زینبی ده همره ایدوبدی ئوزینه چون بیلوردی باجیدا لایق بو سودادی وئرمیسن باش باشا باشدان گئچن عاشقلریلن نیزه لراوسته حسینیم نه گوزل شورادی گورسنور سرّ خدا جلوۀ معراجینده گون گلوبدور دله سویلور که شب اسرادی ایمدی زینب بو جلالی داغیلان قافلیه هم حسین‌ بن علیدورهمیده سقادی دوزولوب نیزه ده باشلاراسرا دوره سینه باخیری بیر بیرینه منظره سی زیبادی بو نجه یردی قوناقه ائله‌میرلر حُرمت بیلن اولسا بیزه البته بو غم عظمادی ئولدورولّر بیزی آغلورلا بیزه وا عجبا بونلارین ایشلری مکر و دغله معنادی کوفیه گیتمگیمون قوللاری باغلی سندی عالم ذرّیده قارداشیم ائدن امضادی کوفه و شامی ویریب بیربیره زهرابالاسی چون علینین قیزیدی خطبه لری گیرادی حیدری لحنی سالوب قورخی دلِ اشراره مرحبا زینبه حیدرکیمی بی پروادی زینبین قوللاری باغلاندی علی تک عجبا فلکین چرخی سینیدی نه یامان دنیادی صف عشقه دوزولوب ناقه ده یورقون بالالار دست بسته آپارورشامه قوشون سجادی یارالی باشلاراولوب پیشرواهل یقین شه باشی نیزه لراوستونده اولوبدور،هادی صوت داودیله قرآنه ، وئروبسن زینت کسیلن حنجره قربان ، بو نه استعلادی نه گوزل وقتیده امدادیمه یئتدون یارالی دشمنین قصدی اذیتدی بیزه ، ایذادی بیرزمان گوردی خانیم سس داخی گلمورقولاقا گوردی قارداش باشی قانه بورونوب حمرادی زینبین خطبه لری کوفیه سالدی هیجان دئدیلربو دانیشان علمِ حقه دارادی اسرایه بویوروب بیرکسه عجز ایلمیون بیزه امداد ائلیین خالق بی همتادی حشراولونجا شهدانین آدی دیللرده گزر تا ابدآل امیّه هامیسی رسوادی مدّعی مسلخ عشقه قویا بیلمز قدمین یاره جان بذل ائلماخلیق چوخ آغیرسودادی بیرحسین ایستوری یئتمیش ایکی دیوانهء عشق عشق چون قطره دگول موج ویران دریادی سه شنبه ۱۰ مردادماه ۱۴۰۲ برابر با ۱۴ محرم الحرام ۱۴۴۵ اسامی شعرا : احسان بدرخانی حاج اصغر فرشچی( عدلی تبریزی) حاج محمدتقی جابری حاج ستار رزاقی صابر پیر سید بشیر حسینی میانجی مهدی محمد زاده سید جواد حسینی غیضعلی اشرفی( عارف) فرهاد گوهری حسین محمد زاد ( فرقان) اصغر گلمحمدی( دلجو) در صابر ثمودی علی رضایی رضا علامپور( دلپاک) عباس قاسملو( خرّم) حسن رضایی خادم الشعرا الیاس ملک پور سه شنبه ۱۰ مردادماه ۱۴۰۲ برابر با ۱۴ محرم الحرام ۱۴۴۵ 🌼 🌸🌾🌼

...غزلی در فراق یار۰۰۰ گل ای نازلی نگاریم یوخ دوامیم درد هجرانه یاخیندور تا اولا کونلوم ایوی هجرونده ویرانه سَنه واضح دیوم دل دردیمی ای مَحرم رازیم مَنه درد فراقون دوندروب دنیانی زندانه گجه گوندوز بودور دلده اولان مقصود و منظوریم گلیدون کاش بیرگون تا یتیدیم وصل جانانه اُئوم چوخ یاخشیدور هجران غمیندن سن کی آگهسن گل ای آرام جانیم قویما کونلوم دونسون آلقانه سنون عشونده دائم اودلانان بو عاشق خسته دگل انصاف بیر مجنون کیمی دوشسون بیابانه گورن مجنون حساب ایلور منی بو وضع حالیله رضا اولما دیسونلر تا منه عشقونده دیوانه وصال یاریدور هربیر مریض عشق درمانی مریض عشقیوَم سنسیز چاتام هیهات دَرمانه منه رحم ایله ای آرام جانیم نازلی دلداریم سرشگیم قویما آخسون روزوشب هجرونده دامانه اگر بیر گون گورم هجران چاتوب باشه گلور یاریم یقین قربان کسیلّم سن کیمی ایستکلی مهمانه قدم قیل رنجه جانا گل منی غمدن رها ایله سنی ویرم قسم اول خالق .. رزّاق ..و رحمانه دونوب سنسیز خزانه گلستانیم دار دنیاده اُئوزون گل بو خرابه گلشنی دوندر گلستانه ۹۵.۴.۲۷ ستار رزاقی راد ... از تبریز.

پیام مدافعان حرم آل الله حق جبهه سینده داغ کیمی مُحکم دایانمیشوق حقّون یولوندا جان ویروب عزّت قازانمیشوق حَق شامل ایلیوب بیزه لطف و عِنایتون علّت اودور کی حق دیوب حقّی اینانمیشوق بیز قویماروق حَرملَرَه بیر کیمسه چَپ باخا چون اول حریم پاکه مدافع یارانمیشوق اُئولساقدا اهلبیتیدن عالمده دونمروق چون اهلبیت سایه سینه دالدالانمیشوق عشق علی و آل علی دِلده حکّ اولوب صبح و مَسا بو آتش عشقیله یانمیشوق عهد ایتمیشوق کی ذلّته هر گز باش اگمیاق چون عزّتیله دهریده دائم دولانمیشوق بیز درس عشقی آلمیشوق آقا حسینیدن دین اوسته عشقیله اودی قانه بویانمیشوق تیز چاتدی مقصده شهدالر بو عرصه دَه بیز مقصده یتیشماقا امّا یوبانمیشوق رزّاقی ذکر اِله بوسوزی اهل عالمه تا وار نفس بو جبهه ده محکم دایانمیشوق به امید پیروزی رزمندگان اسلام بر کفر جهانی .... ستار رزاقی ...