‍ سسلنور قدّوسیان : ایّام ماتم باشلانور قورتارور ذی حج آیی ، ماه محرّم باشلانور یاحسین جانم حسین ای جانه جانانم حسین2 قاره پوش ایلور فضای عرشی یکسر قدسیان چون عزای اشرف اولاد آدم باشلانور یاحسین جانم حسین ای جانه جانانم حسین2 تاپدی بو آیدا فضیلت خاک پاک کربلا سسلنور گؤیده ملائک : البلاء للولابلا ای مسلمانلار اولون آگه گلور ماه عزا کوچ ائدور شادلیق،ولیکن موسم غم باشلانور یاحسین جانم حسین ای جانه جانانم حسین2 بو همان آیدور که آغلار قویدولار پیغمبری بو همان آیدور پریشان ایلیوبلر حیدری بو همان آیدور که اوخلاندی حسینون اصغری هر طرفدن غم یاغیر، غمدور دمادم باشلانور یاحسین جانم حسین ای جان جانانم حسین 2 ایچدی بو آیدا شهادت شربتین دلداده لر دین یولوندا وئردیلر اوز جانلارین آزاده لر ساقی روز الست ائتموش تهیّه باده لر حقّ الیلن بانگ نوشانوش اعظم باشلانور یاحسین جانم حسین ای جان جانانم حسین2 مست عشق حقدی عشّاق حقیقت بین عشق باش و جاندان گئچمگ اوّلدن اولوب آئین عشق وئردی اوز مایملکین بو یولدا شاه دین عشق عشقی معنا ایلمک بو آی مسلّم باشلانور یاحسین جانم حسین ای جانه جانانم حسین2 کربلانون تپراقی بو آی اولور خاک شفا باغلیان پیمان ، بو آی پیمانینه ایلور وفا زندگیدن ال چکور راضی اولا اوندان خدا تشنه قالماق کربلا دشتینده کم کم باشلانور یاحسین جانم حسین ای جان جانانم حسین2 ایل دولاندی آی گئچوب ،گلدی محرّم،ماه غم عرش و فرش اهلی حسینی سسلیوللّر دم به دم ناله ایلور روح دعبل یا فرزدق ؛ محتشم جعفرینونده گؤزوندن آخماقا ، نم باشلانور یاحسین جانم حسین ای جانه جانانم حسین2 #ورود_محرم ✨اَللّهُمَّ عَجِّل لِوَلیِّکَ الفَرَج✨

شروع ماه عزا و عرض ادب خدمت سالار شهیدان (با آهنگی ساده و دلنشین) گلوب گینه محرم الله اورکده واردی مین غم الله گییوبدی فاطمه قَراسین دیور بو وِردی عالم الله حسین یارالاریوه قوربان اسیربالالاریوه قوربان۲ چکوبله عرشه قاره یکسر بو غمده آغلییور پیَمبر آچوبدی جنّت ایچره باشین بیله دیور آتاسی حیدر خلیل و نوح و آدم آغلور گلوب نوایه مریم آغلور فراته باخ دونوبدی قانه آقام حسینه زمزم آغلور سَن ای مزاری آلتی گوشه گَتیرمیسَن بیزی خروشه گَلَر دیولله ماهِ غَمده داماردا شیعه قانی جوشه مریض عشقیوم حسین جان گوزل آدوندی درده درمان یوزوم قرادی گرچه مولا هارا گیدوم آقا قاپوندان عنایت ایت بو بیقراره اَسیریوَم گَل ایله چاره نولور گینه تاپام لیاقت کی زائرون اولام دوباره گَرک امیرِ عالَمینه اورک گَله فغان و شِینه اوزوم بوقولی ویرمیشم من ئولونجه آغلییم حسینه #محرم #سیدالشهدا التماس دعای فرج الاحقر مهدی عبادی

شعر شماره ۸۸ اظهار ارادتی خدمت سلطان کربلا 🎼سبک(یه عالَمه گریه، به روضه بدهکارم) دیل اورگَشَن گوندن، سَسلرم حسین مظلوم چیخینجا جان تَندن ،سَسلرم حسین مظلوم لَیاقتیم یوخدی ، نوکر اولماقا دوزدی چَکمَرم اَل سَندن ، سَسلرم حسین مظلوم قاپوندا یاحسین ، بیر عُمرودور عَزالییَم یوزی قَره قولام ، ولی سنه وفالییَم من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین اورکده وار عشقیم ، سَرورِ شهیدانه شَمعِ جَمالوندا ، اولدوم چو پروانه حسین حسین ذکریم، روز و شب اولوب مولا گَلَنده گول آدون ، آغلارام یانا یانه بودردِ عشقیوین ، همیشه مُبتلاسییَم اولوبدی اَزبَریم ، من آدیوین فداسییَم من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین غَمون شَرَر سالدی، جسم و جانیمه آقا نه چَکموسن گوردی ، بیر زینبِ کُبرا قوشون ایدوب حمله ، هر سَمتیدن ایوای دوشوب چوخور یرده ، قالدون حسین تنها غمون دیله ایدر ، همیشه لیق اَثر حسین او چولده اولمادیم ، سنه اولام سِپَر حسین من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین خیال ایدور چوخلار ، بو گَدانی (بیکَسدی) اورکده وار دردیم صبر ریشه سین کَسدی نَلَر دیسه ارباب ، مُدَّعی هَراسیم یوخ سیخیلمیشام مولا سایه وه منه بَسدی آدون گَلَن زمان ، گوزوم ایله یاغیر حسین گوزل مزاریوه ، منی گینه چاغیر حسین من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین #محرم #سیدالشهدا التماس دعای فرج الاحقر مهدی عبادی لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

سبک فارسی 👆👆

🏴ورود به ماه محرم🏴 . . 🎼سبک_گلپونه_ها..... ✍کربلایی ابوالفضل عباسی معروفان اهری (معروف) . قلبیم گئنه دولدی غمیلن مظلوم حسینون یاسی گلدی آغلا ای دل آغلا ای دل . عاشقلرین اگنینده قاره فریاد یا عباسی گلدی آغلا ای دل آغلا ای دل . باهم دیون یاسه گلنلر یا ابالفضل یا ابالفضل سنلن دئسون گؤیدن ملکلر یا ابالفضل یا ابالفضل . . . . . یئتمیش ایکی عاشق بو آیدا گئیدی کفن القانه باتدی الله الله. الله الله اکبر عباده گلدی اما اصغر سوسوز گؤز یومدی یاتدی الله الله. الله الله ششماهه دن تنها ربابه قانه باتان قنداقی چاتدی الله الله. الله الله . ماه محرم باشه قاره باغلارام من باغلارام من هر یئرده اصغر آدی گلسه آغلارام من آغلارام من . . . . . قلبیم اسور سینمده قوش تک الده قرا پرچم اسنده یابن زهرا یابن زهرا . زهرا دیور لایلای حسینیم ایوای دیور مظلوم حسنده یابن زهرا یابن زهرا . عالم عزا دوتدی حسینه باغلا قرا گل یاسه سنده یابن زهرا یابن زهرا . جدّون یاسی باشلاندی مولا گل نوایه گل نوایه سال یوللارین یاسه گلنده کربلایه کربلایه . #ورود_محرم ✍معروف_اهری لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

بنام خدا استقبال از محرم ♤♠️♤ چکدی خداعرشه قرا یا حسین/قوزانوب افلاکه نوا یاحسین سینه دولوب کرب وبلاعشقینه/شیعه گیوب رخت عزایاحسین ♤♤♤♠️♤♤♤ مین نچه ایلدی بئله برنامه وار/ماه محرم ده بو هنگامه وار زنده دی دین تا کی عزاخانه وار/دایر اولوب دار بقا یا حسین ♤♤♤♠️♤♤♤ یاد ائدروخ پرپر اولان اصغری/پیکری قانه بویانان اکبری قاسم شهزادهٔ نام آوری/یئرگوی اولوب غرق صفا یا حسین ♤♤♤♠️♤♤♤ زنجیره غم غصه لری باغلاروخ/سینه ووروب باش یاراروخ آغلاروخ محنت زینب ده اورک داغلاروخ/سیزده دی هر درده دوا یا حسین ♤♤♤♠️♤♤♤ یوخدی آقا آیری بیزیم پیشه میز/عشقون اولوبدی آقا اندیشه میز گوز یاشیدی روز جزا توشه میز/باخ بیزه سن روز جزا یاحسین ♤♤♤♠️♤♤♤ سن سن آقا عالمه نور بصر/عشقون ائدیب بیزلری شوریده سر جان رقیه بیزه بیر قیل نظر/حاجتیمیز ایله روا یا حسین ♤♤♤♠️♤♤♤ آند اولا بو لحظهٔ بو ساعته/آند اولا بو پرچمه بو هیأته آند اولا آدوندا اولان لذته/یوخ بیزه بیر آیری سرا یاحسین #ورود_محرم #سیدالشهدا ✍مسلم فرتوت فاخر """"""♡♡♡""""""" لینک کانال👇 http://eitaa.com/torkiy ---•••◇🏴🏴🏴◇•••--- @torkiy

ورود به ماه محرم الحرام سبک ۱: کجائید ای شهیدان خدایی سبک ۲: در این دنیا (مهدی سلطانی ) گینه ماه عزا و ماتم اولدی گینه دنیا بویی درد و غم اولدی گینه قاره چکیلدی عرش و فرشه گینه بو آیدا آیری عالم اولدی واگیر: ((حسینه زینبِ غم پرور آغلار حسینه اکبر آغلار اصغر آغلار)) حسینون باشلانار ماه عزاسی توکر رخساره گوزیاشی آناسی سالار باشه قرا حیدر نجفده دئیر ایوای حسینیم وای آتاسی سالار باشه قرا پیغمبر آغلار یانار قلبی بتولِ اطهر آغلار گلر دشت بلایه انبیالر وورار باشه ملکلر یکسر آغلار سویون باغلار یولون تا اهل کوفه فراتی تاپشرار ظالم صفوفه صدای العطش اوج ایلر عرشه یانار قیزلار سولار مثل شکوفه اولار اکبر بو آیدا اِرباً اِربا دئیر ایوای بالام مخمیده لیلا سالار قاسم آناسی باشه قاره دوتار ماتم او چولده آل طاها گینه قیزلار یانار سوز عطشدن خیامه اود یاغار بو کشمکشدن دوشر سقا قولی سو اوسته یارب اولار شرمنده طفلِ غنچه وشدن یانار زینب داخی اولماز پناهی دونر گوندوز اولار شام سیاهی حسینی ذبح ائدر بیر عده جانی اولار غارت او غملی خیمه گاهی الون ساخلا دایان چوخ یازما " شیدا " حسینون هر سوزون ائتمه هویدا گلنده محشره قائم بالاسی ائدر دشمنلریله آیری سودا ✍محمدرضاصادقی_شیدا #محرم #سیدالشهدا ✨اَللّهُمَّ عَجِّل لِوَلیِّکَ الفَرَج✨

۞﷽۞ ۞﷽ (حلول ماه محر، عرض ارادت) آشـکـار اولـدی گـیـنـه مـاه محرم یاعلی بو مصیبتدن توکـرگوزیاشی عالم یاعلی فاطمه دلبندینین بـاشلانـدی مـاه ماتمی بـاشینه جنتده قـاره سـالدی خاتم یاعلی واحسینانالـه سی قـوزاندی عرش اعظمه اهـل عـالـم شـاه دینـه توتدی ماتم یاعلی سـالـدیلار یـاده شهیدکـربـلانین محنتون شیعیانین اولدی بزم عیشی برهم یاعلی نـوحـه گـردور بـو عـزاده انبیاء و اولـیـا شیون ایلورخضرُموسی، نوح وآدم یاعلی اولدی بوآی اهل عشقه شادیُ خرّم حرام واردی ذاتینده خلل کیم اولساخرّم یاعلی بوآئین مثلینده عالـم سربسر قان آغلوری قاره پوش اولـدی منا ومکـه زمزم یاعلی گلستان عشقـه اَسدی بـیـرنسیم غـم فـزا سولدی گوللّرتوتدی یکسرگلشنی چم یاعلی کـربـلاده آلـدیـلار اطـرافـینـی قـوم شـرر گوزلرینده یوم حشر اولدی مجسم یاعلی حـق یولـوندا یـاورانـصـاری قـانه باتدیلار نظم دیـنـی ایتدیلـرقـانیلـه محکـم یاعلی اهلبیت مصـطفایـه سویولـون بـاغـلادیـلار العطش فریادی چخدی عرشه اولدم یاعلی خیرداقیزلارین سوجامی اللرینده گل کیمی یوزلری سوزعطشدن سولدی کم کم یاعلی وحشته سالدی حرمده سوخیالی بیرایله اولدی احوالی پریشان اهل مخیم یاعلی اولمادی جرعه سویابیکس ربابین امکانی اصغرین مخیمده ایتسین لبلرین نم یاعلی صبح اولونجایاتمادی لایلای چالیبدواوغلونا عارضه اشگین دوزوبدی مثل شبنم یاعلی آتش غم سینه سین یاندیردی قالدی چاره سیز اللـریـن گـهـواریـه باغلیب او دلغـم یاعلی اکـبـرشهـزادنین دوغـرانـدی بـوآی پیکـری قان ائدیب یالقیزامامین باغرینی غم یاعلی تنگ اولوب دنیاگوزونده گتدی صبروطاقتی نـوجوان داغی سالیب دیلدن مسلّم یاعلی یغدی نعشون بیرعبایه قطعه قطعه بندبند تـوش اولـوب تیرغـمـه قلبی دمـادم یاعلی سسلدی نازیله یاتماویرسسیمه سس اوغول دورگیداخ گوزلوریولون نازلی رقیم یاعلی بیرآتانین رسمیدورئولسه جوان اوغلی اگر غصه دن رعنا قدی بیردن اولارخـم یاعلی حالیمی یوخدوربولن بیرخالق غیبی بولـر آغلورام مـن ایـلـوری دشـمـن تبسّم یاعلی نوجوان اوغلی ئولن هاردا ئولوم ایستربالا لـیـک سنسیز قالمارام دنیاده ئوللّـم یاعلی تـازه دامـادیـن بـوآیـدا پیکـرمـجـروحینـی پـوزدولـار آتـلار ایـاقـی آتـدا ازدَم یـاعـلـی حجله گاهین ایلیوب بـربـاد قـوم کینه جو نوعروسین ذکری ایوای اولدی هردم یاعلی بسکه آغلاردی چکردی متصل آه اوسته آه گیزلدیب دردین ائدردی سینه ده جم یاعلی قتلگاهینده گلیب ایوای عم اوغلوم وای دیدی نـالـه سیندن تـیـتـردی ارکـان عـالـم یاعلی حالینی پوزدی گورنده نیزه و اوخ یاره سین عرض ائدیب بومحنتینده یاندی سینم یاعلی ال تاپیب عباسیوه بـوآیدا اون یّدی شـقـی کسماقا باشین اولوبلار چـوخ مصمم یاعلی اوستونه باران کیمی یاغدیردیلارتیرو سنان دئیدی ازبس یاره لر اولمادی مـرهـم یاعلی قولاری اولدی قلم مشک اوخلانیب یاتدب علم بـاتـدی غـم دریاسینه سـردار عـلـقـم یاعلی بیرعـمـودِآهنین نـوفـل ووروبـدی بـاشـیـنـه گـوزلرینده اولـدی گـوندوزلیل مُظلَم یاعلی ای قلم بسدوردایان یازما نلر اولدی داخی ایسته بیربین الحرم عاجزله باهم یاعلی ❇️التماس دعا ✍علی جعفری(عاجز تبریزی) #ورود_محرم #سیدالشهدا ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣ ____________ لینک کانال👇 http://eitaa.com/torkiy ---•••◇🔹️💢🔹️◇•••--- @torkiy