سلام دوستان ( من زینبم ) زینَبم یُوم وِلادتدن نِقابیم وار منیم ئورگدوب زهرا ننم یعنی حِجابیم وار منیم ویرسه لر دنیانی یا ئولدورسه لر بیر لحظه ده آشمارام رُوبندیمون بَندین کتابیم وار منیم حُکمِ قرآن ، خَطّ قِرمزدور منه ئورگنمیشم اَوّلیمدن واجبات اوسته حسابیم وار منیم عاشقانِ اهلِ بیته ایندیدن تا محشره طبقِ ایفایِ وظیفم بیر خَطابیم وار منیم قویمیون آلوده اولسون محترم ناموسیزی اولسا اوندان شِمر تک رنج و عذابیم وار منیم آچمیوب آچماز باشین لبّیکِ یا زهرا دیه ن تا زمانی پیروِ نیکو مآبیم وار منیم انقلابِ کربلاده من گوزللّیک گورموشم خاطراتِ ماندگارِ نابِ نابیم وار منیم دوغراناندا گُللریم صحنِ گلستاندا دیدیم متّصِل بو انقلابه انقلابیم وار منیم قویمارام باتسون بو قانلار آند اولا ئوز جانیمه چون کناریمده رقیّیلن ربابیم وار منیم آهِ جانسوزی یخان قصرِ یزیدِ ظالمی اوچ یاشیندا نازدانه دل کبابیم وار منیم آغلیاندا آغلیور بوننان گویون اولدوزلاری ایسته سوز شاهد دوتولموش آفتابیم وار منیم نیزه باشینده باخون بیر باش باتوب خاکستره داد ایدور که هانسی جُرمه ارتکابیم وار منیم ذبح ایده نلر باشینی قارداشیمون کافِردیلر حق لرینده حق لیم لحنِ عتابیم وار منیم گیتمگیم کرب و بلادن گلمور امّا چاتماغا مجلس ابن زیاده چوخ شتابیم وار منیم ایستورم محکوم ایدم ئوز مجلسینده ظالمی چون بیانیمده قُوای بو ترابیم وار منیم من رسول خاتمین دلبندینون دلبندیم فاخرم غیب عالمیندن ارزیابیم وار منیم مرتضانیم من سَلونی مکتبیندن چیخمیشام هر سُوال اولسا یقیناً دوز جوابیم وار منیم ئورگدوب زهرا ننم که قورخمیام بیگانه دن نطقِ آتشباره تعبیرِ مُذابیم وار منیم آتشِ آتشفشاندان گویشیم مین مرتبه باشدی هنگامِ لُزُوم حُکمِ شهابیم وار منیم عصر عاشورا به دست کاسه لیسانِ یزید قولّاریمدا باغلانوب محکم طنابیم وار منیم تائولونجک قولّاریم باغلانسادا ایرادی یوخ چونکه ایّامِ اَلَستَن انتخابیم وار منیم ایندی امّا گویلوم ایستور بیر دویونجا آغلیام توکمگه رُخساره گوزدن اشکِ نابیم وار منی کاروانیم کوفیه کرب و بلادن یولّانور قیزلارا نان و نَدَه بیر مشک آبیم وار منیم قتلگاهه ویرسه لر یول نعشینه قارداشیمون مُشکیدن باش دیده گانیمده گلابیم وار منیم هانسی باجی قارداشیندان آیریلوبدی من کیمون چوخ بو موردّه اورکدن اضطرابیم وار منیم چرپنور قلبیم نه عبّاسِ علمداره نَدَه بو یامان گونده حسینه دستیابیم وار منیم قالمیشام حیران و واله بیلمورم هئچ نیلیوم گور نقدری دشمنِ خانه خرابیم وار منیم بیر کسیم یوخدی غریبِ روزگارم گوئیا باشیمون اوسته فقط محنت سحابیم وار منیم (گوهری) آغلار گوزیلن یاز دلِ تاریخیده واقفم آینده ده چوخ بازتابیم وار منیم #محرم1402 #حضرت_زینب_سلام_الله_علیها #حجاب

دفن شهدا سبک : زینبم جان اوستیم جانانی گوزلر گوزلریم ... کربلا ئوز ائتدیگیم پیمانه خاطر گلمیشم کوفه زندانینده عمم قالدی من گلدیم بابا ایلیم بو نعش عریانه کفن گلدیم بابا بو سوزی زنداندا الهام ایلدی خالق منه بوینوین زنجیرینی آچ باخما ظلم دشمنه دورما تئز گئت کربلایه وئرمیشم قدرت سنه بیکفن اجسادی مدفون ایله سن گلدیم بابا کوچ ائدنده قتلگهده قویمادی شمر شریر پیکرون دفن ایلیم من ایله میشدی دستگیر صادر اولدی کوفه ده امر خداوند قدیر عارضه توکدوم سرشگی دیده دن گلدیم بابا گلمیشم بو پاره پاره پیکرون دفن ایلیم بزم خلوتده سنه بیر بیر ئورک دردین دییم وار یری قبرون کنارینده ئولونجه گئتمیم عرض ائدم ای آج سوسوز مظلوم ئولن گلدیم بابا هامی بیلدی عمَّمیله باجی قارداشسوز نجه راضی اولمازدوز ملاقاتوز دوشه بیر آن گجه اوندای کی خولی باشون اوندا آیردی بیر گجه ائتدی شکوا جدینه گَل جانه من گلدیم بابا آیریلاندا خیمه دن عمَّمدن آلدون پیرهن ائتدون اول پیراهنی تیغیله پاره پاره سن ائتمیه بیر کس طمع عور اولمیا باشسیز بدن یوخ نیه اگنونده پاره پیرهن گلدیم بابا من گلنده گوردولر اهل قبیله مرد و زن ائتدیلر وحشت که آیا کیمدی بو آتلو گَلَن سولرین گیزلتدیلر سر اولماسون فاش و علن سن دوشن یردن کنار اولدی گورن گلدیم بابا سسلدیم اهل قبیله من هم اسرارم سیزه قورخمیون باک ائتمیون یار وفادارم سیزه گلمیشم دفن ایلیم اجسادی همکارم سیزه تا ائشیتدی بو سوزی گلدی گئدن گلدیم بابا تا دئدیم بو یرده سیز حیرتده قالمیشدوز تمام بو ئولنلردن رعیت هانسیدور کیمدور امام من تانوتدورّام بو باشسیز دور منیم بیکس آتام گلدیلر فریاده یکسر مرد و زن گلدیم بابا کوفیه وارد ائدنده اهل کوفه بیزلری پیشوازه گَتدیله نیزه باشیندا سیزلری ائتدی عمم خطبه سینده مفتضح دینسیزلری یوزده اشک دیده گوردوم ناقه دن گلدیم بابا آختاروردی نیزه ده کلثوم ابوالفضلین باشین خیمه لردن آیریلاندا گورممیشدی قارداشین تاپمادی نوک جداده توکدی گوزدن گوز یاشین گور نجه ظلم ائتدی اشرار زمن گلدیم بابا سویلدی کلثوم اولوب قان گوزده گوز یاشیم منیم تازه دن تازه بلایه توش اولور باشیم منیم بس هانی سرلشگر شه ، نولدی قارداشیم منیم تا ائشیتدیم بو سوزی فریاده من گلدیم بابا دیده گریان اللرین قویموشدی حیران قوینونا آختاروردی قارداشین اظهار ائده دردین اونا گوردی بیر بیدین آسوب سقا باشین آت بوینونا بو غمی گوردوم گوزومله کوفه دن گلدیم بابا متقی اشخاصلر ایلر گنهدن اجتناب سعی ائدر کسب ایلسون آز عمرده خیر و ثواب ایلدی سجاد آتاسی نعشینه بیله خطاب کوفه زندانینده عمَّم قالدی من گلدیم بابا #محرم1402 #دفن_شهدا لینک کانال👇 http://eitaa.com/torkiy ---•••◇🏴🏴🏴◇•••--- @torkiy

تحفه ای از شـاعـــر عــاشــورائی ✔️(پــــر یشــــــــــــــــان) نوحه روز سوم محرم ________________________ کوچ از قتلگاه در آهنگ (بو ائو بو سن بو بالالار آغلاماخداحافظ) ________________________ امانـدی یاتما اویـان حسیـن شامه یولانور زینب دوشنده گوز قانلی باشیوه اوت توتوب یانور زینب حرملـرون باغـلانوب اخـا قـول قولا طنابیله نفس چکور خیردا قیزلارون خوف و اضطرابیله اَقلّی لطف ایلـه بیر دانیـش هَمسرون ربابیله اولوبدی ذکری اوغول علی – گور نه اوتلانور زینب دوشـوبدی درد و بـلالـره بو باشیـم خدا حافظ دونوبدی قانه اینان حسین گوزیاشیم خداحافظ بو سـن بو کـربوبلا چـولی قارداشیم خداحافظ قـدم گوتـوردوخجـه نـاقـه لر نـه اَلولانور زینب هُمای دین سن سینوب سنون شهپرون باجون ئولسون قالـوبدی تپـراقلار اوستـه بو پیکرون باجون ئولسون نـه بـاش قـالـوب پیکـرونده اللرون باجون ئولسون هایـاندادی بـاشـون اللـرون هی سُراخلانور زینب بو گل جنازه سنونکیدی دشمن ایلیوب پر پر ائدوبـدی قمچی یارالاری اهل بیتیـوی مضطر قولاخ یـارالی بـدن یارا ؛ ال ایـاق یارا یکسر بو وضعیلـه کوفیـه گئدور قلبیـدن یـانور زینب سولوبـدی گلـزاریون بهاری گئدور باجون زینب یولا دوشوب درد و غم قطاری گئدور باجون زینب بو سـن بـو کربـوبلا دیاری گئدور باجون زینب قـدم قـدم لحظه لحظه سنن اوزاخلانیور زینب ✍پریشان #محرم1402 #کوچ_قتلگاه #اسیری

🥀السلام علیک یا مظلوم یا ابا عبدالله الحسین🥀 #شب_جمعه 🆔:http://eitaa.com/torkiy سلام اقا .سلام ای بیکفن مولا سلام اقا . سلام ای شاه عاشورا حسین جانم.حسین جانم http://eitaa.com/torkiy سلام اقا .سلام ای جان ورن عطشان سلام اقا.سلام ای قانینه غلطان حسین جانم.حسین جانم یانار قلبیم .سینوین هر یاراسیندا سوسوز ئولدون .ایکی نهرین اراسیندا حسین جانم.حسین جانم سلام اولسون .او باشه چوخ بلالیدی سلام اولسون او جسمه چوخ یارالیدی سلام اولسون اوشاهه بی کفن قالدی عدوجسمی سویوب بی پیرهن قالدی او سلطانه اتام قربان انام قربان او عطشانه اتام قربان انام قربان 🍂یاحق التماس دعا🍂 کانال باب الحوائج اشعار ناب ( مداحی و مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

🏴نوحه خرابه شام زبانحال خانم رقیه(سلام الله علیها)🏴 🎼سبک=حسین دوشوبدی مقتله.... ✍مهدی شفائی 😭😭😭😭😭 گلوب خرابیه بو گون صفای قلبیمیز بی بی چاغیر گله هامی گلوب دوای دردیمیز بی بی چاغیر گلسون باشیندا کیم قاره واردی یقینا هرمشگله آسان چاره واردی بلشمیش زلفی گوزی تپراقه باخورام گلوبدی اما دوداقینده یاره واردی قوی ئوپوم دوداقین صفالی قوناقین (2) 🖤🖤🖤🖤🖤🖤🖤 اولده قوی سیلیم بی بی دوداقینون کولون یاواش منه جواب وئرون نیه قانا باتوب صفالی باش دیل آچسیدی من دییردیم سس وئر بابا جان ووراردیم شانه اولوبدی زلفلر پریشان اولوب قسمت من آلام آغوشه سنی بیر قالوبدی هاردا بدن باشون اولوب قان قوی ئوپوم دوداقین صفالی قوناقین(2) 🖤🖤🖤🖤🖤🖤🖤 بابا سنه فدا اولوم هایاندا قالدی اکبریم نج اولدی لایلایون چالام واریدی خیردا اصغریم آنام قنداقه بوکوب میدانه آپاردون مگر بیر لحظه بیزی سن گوزدن آتاردون گلوبسن آی مهربانیم چوخ خوش گلوبسن اینانمازدیم هیچ سنی کول اوسته یاتاردون قوی ئوپوم دوداقین صفالی قوناقین(2) 🖤🖤🖤🖤🖤🖤🖤 قوی ایندی من دیوم سنه ویروبدی شمردون منی ویروبدی سیلی صورته بیوک الیله اول دنی مصیبت شانه سی گیسولریم دارادی بابام جانی منزلیم گورست گورهارادی اولوب غارت قارداشیم آلان تحفه بابا یوزوندن اولسون ایراق قولاقیم یارادی قوی ئوپوم دوداقین صفالی قوناقین(2) ✍ مهدی شفائی #محرم1402 #حضرت_رقیه_سلام_الله_علیها

🎤 حاج حسن نعمتی ‌‌‌‌‌‌‌‌‌‌‎‌‌‎‌‌‍‌‍‌‍‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‌‌‌‌‌‌‌‌‌‌‌‌‌روضه قتلگاه ‌‌‌‌‌😭😭😭😭😭 روضه قتلگاه حسین جنازه سی قالمشدی قانلی میداندا همان حسین که آدین عرشیده خدا آپارور باجیسی باخدی دیدی مندن اینجیمه یارالی اسیر اولوبدی باجون قوم اشقیا آپارور قیزون رقیه هله دویمیوب جنازوندن اوناز دانه نی اوچ مرد ورا ورا آپارور علاجی اولسا رباب اصغریندن آیریلماز آهسته الین سالدی یردن اوجالاندردی تا آرخاسی اوسته اول نعشی دولاندردی بیردن دیدی وای قارداش عالملری یاندردی حسین ننمین عطری گلیر قانلی قتلگاهیندن شاعر✍لاادری #محرم1402 #قتلگاه ✨اَللّهُمَّ عَجِّل لِوَلیِّکَ الفَرَج✨

🐪 ای ساربان( ترکی )🐪 ای ساربان گَل بیردایان من کارواننان قالمیشام بیرخستیم،یول اوستیم،جسمیله جاننان قالمیشام اِقبالیمی سن پیلوسن هِی بو قطاری هِیلوسن رحم ایله باری بیر دایان من خانماننان قالمیشام بو قافلونده وارکسیم،چاتسا اونا یورقون سسیم منده قوشولام اِئلره ، اول مهرباننان قالمیشام داغلار بویی واردورغمیم، یاهِی لَر اولدی همدمیم ایندی یوواسیز بیر قوشام هر آشیاننان قالمیشام یازسا قلم بوسوزلری آغلار گورنلَر گوزلری گَلمور سسیم دردیم دیم آخر بیاننان قالمیشام گَلم قطارین زَنگینه ، کونلوم یانار آهنگینه بیلمم نجه آیریلمیشام اِئللرده ساننان قالمیشام دنیادی بیر غُربتسرا ، (نادر) اونا وِئرمه بها  ساتدون جَنانی بوغدیا باخ گور هایاننان قالمیشام ✨اَللّهُمَّ عَجِّل لِوَلیِّکَ الفَرَج✨ #محرم1402 #حضرت_رقیه_سلام_الله_علیها لینک کانال👇 http://eitaa.com/torkiy ---•••◇🏴🏴🏴◇•••--- @torkiy

#حضرت_زینب_در_کوفه 📝 استاد حسین کریمی مراغه ای بند 1⃣ ✅ حضرت زینب مطبخ‌کی حسینیم سنه بیت الحزن اولدی آیا دی گوروم یانیوه هچ بیر گلن اولدی؟ یا قانلی‌کولی‌قانلی‌گوزوندن سیلن اولدی؟ اما گجه نی صبحه کیمی یاتماموشام من گوزدن‌باجون‌ئولسون‌حرمون‌آتمامِشام من ✅ امام حسين خولی باجی جان دینینی دنیاسینه ساتدی قویدی‌منی مطبخده اوزی قصریده یاتدی یاتموشدوم او حالیله ننم گلدی اویاتدی سسلندی حسین عترتیوی گوزدن آتوبسان پیغمبرین اوغلی نیه مطبخده یاتوبسان؟ بند 2⃣ ✅ حضرت زینب نه حالیده گوردون ننمی ای شه خوبان شرح‌ایت‌باجووا شادیدی‌یا دیده‌سی گریان سویله ننمون حالی نجیدی سنه قربان سنموش‌قولون‌آیا یارالی سینه‌ده گوردون سندن دانشوب‌گولدی ویا غمزده گوردون ✅ امام حسين ای مهر و وفاده منه زهرایه برابر زهرا یوزی گولمز نه قدر وار بو ستملر پهلو سینه قویموشدی الین زار و مکدر ناراحتیدی چون در و دیوار اثریندن ئوپدوم یارالی سینه ده مسمار اثریندن بند 3⃣ ✅ حضرت زینب سنسن یارالی نی‌ده کسوگ باشلارا سرور باشون ائلیوب کوچه و بازاری منور سقا باشی اما آرادا یوخدی برادر چوخ ایستیورم ماه بنی هاشیمی قارداش دوزمور اورگیم‌ایستوری‌قارداشمی قارداش ✅ امام حسين هچ کیم اونون‌احوالینی مندن صورا بولمز بیر باش کی اوحاله قالا، نی ده دورا بولمز چون قاتل اونی گوردی جدایه وورا بولمز قویدی یارالی نعشینی میدان آراسیندا شامه آپارور باشینی قلخان آراسیندا ✨اَللّهُمَّ عَجِّل لِوَلیِّکَ الفَرَج✨ #محرم1402 #تنور_خولی لینک کانال👇 http://eitaa.com/torkiy ---•••◇🏴🏴🏴◇•••--- @torkiy

‍ ✔️احوالات کوفه ✔️زبانحال حضرت زینب سلام الله علیها 📝کربلایی رحیم شایان(ارومیه ) سبک :( ای منیم نازنین نگاریم) قان اولوب دیده میزده یاشلار نوک سرنیزه لرده باشلار خارجی آد قویوب ووروللار کوفیان اللرینده داشلار ظلمودن- دویمازلا مگر کوفه لیلر ایتدیلر' بیزی خونجگر کوفه لیلر حسینجانم حسینجانم آرتیریب باشیوین بلاسی هی دگور باشه داش یاراسی ایله سن مصحفی تلاوت زینبین لحنیوین فداسی یوز گوزون کوللریله آشفته‌لنوب دوداقون بس ندن دی قانه بلنوب حسین جانم حسین جانم خاطریم اولدی قارداشیم قان کاش اولیدی بو شهری ویران ایله نفرین حسین داغیلسین قانلی اول لبلریوه قربان گورمویوم که نه لر گلور باشیمیزه کوفیان کوللری الور باشیمیزه حسین جانم حسین جانم آیه کهفی ایت تلاوت بلکه بیر چکدیلر خجالت قورخورام بیلسه لر کیموخ بیز باشلانا آیری بیر جنایت حیدره دشمنان خونی دی بولار وای منه سنگسار اولوللار بالالار حسین جانم حسینجانم #محرم1402 #اسیری #کوفه ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

ای پیکری ستمله باتان قانه آی بابا باشسیز دوشن یارالی بو میدانه آی بابا گلمز شماره جسم شریفونده یاره لر قوربان اولوم بو پیکر عریانه آی بابا باشون کسوبله ظلمیله بو امت جهول قربان بو جسمه ، حنجر عطشانه آی بابا گلدیم زیارت ائیلماقا نعش اطهرین دوندی دوباره داغلی اورگ قانه آی بابا یاد ائیلییوب غریبلیقوی درد و محنتین گلم اولنجه ناله و افغانه آی بابا اولدی اسیر کوفه ده باشسیز حرملرون ابن زیاد یولادی زندانه آی بابا ابربهار تک گوزومون اشگی موج ائدیر باخدوقجا قانلی مقتله ، میدانه آی بابا نامه یازیب قوناق چاغیران آشنالرین غملی گونونده اولدولا بیگانه آی بابا وئردین رضای حقیده دارو نداریوی قربان اولوم سنون کیمی قربانه آی بابا گلدیم بو نعش اطهریوی بیر گورورم گئدیم مرهم قویوم بو سینه سوزانه آی بابا ای سو یانیندا قانه باتان تشنه میهمان باشسیز قالان جنازه سی اوخ نیزیه نشان گلدیم بو یئرده دایره غم قوورم گئدیم تورپاقه جسم اطهریوی تاپشوورم گئدیم عالمده یوخ دی سن کیمی مظلوم اولن بابا جسمین نئجه مزاره قویوم بی کفن بابا سالام خیاله یانام اولونجه بو نسگله اوچ گوندی پیکرین بابا دفن اولمیوب هله #محرم1402 #قتلگاه لینک کانال👇 http://eitaa.com/torkiy ---•••◇🏴🏴🏴◇•••--- @torkiy