ازدواج مولای متقیان علی ابن ابیطالب (ع)با یگانه گوهر پیامبر حضرت زهرا (س) ✒️ #سید_رضا_حسینی_سعدی_زمان بساط جشن مرتب ایدوبله آل مناف قورولدی زوجه شیر خدایه بزم زفاف زفاف فاطمه ده وارنچه دقیق نکات اگر دیویلمسه اولماز جلالتی اثبات او وقت اولوب که بتولی عروس آپارسونلار یول اوسته دوردی دایاندی شفیعه عرصات دیدی رضا دگولم من بو مهره یا ابتا ولی عم اوغلوما واردور رضا یتمده ثبات اودمده نازل اولوب جبرئیل گتدی پیام دیدی رسوله که زهرایه ایله تبلیغات بهشت اثاثنی برده بو عالمین خمسین یازوبلا فاطمیه مهر گویده کی قضات بتول اولمادی راضی عروج ایدوب جبریل گلوب دوباره ایدوب عقل کله کشف نکات بهشت نهرلریندن خدا دیور دورت نهر بتول مهرینه آرتوردوق ای امیر هدات بو عالمین سولارینداندا یازمشوخ دورد ین بریسی بلخ بری نهروان و نیل و #فرات حسین آناسینا مهریه دور فرات اما حسینی الدوره جاق تشنه کربلاده عدات باخار فراته دیرالعطش یانار جگری یارالاریندان آخار قانی هر یانا چو قنات دیدی بتول بو مهره گینه رضا دگلم پوزولدی حالتی دلگیر اولدی مظهر ذات امین وحی گتوردی پیام رب جلیل بو نوع ایلدی خیرالورایه کشفیات یری گوئی فلکی دوزخیله جناتی حق ایتدی فاطمیه مهر ای حقه مرات گینه بتول دایاندی دیدی رضا دگلم پیمبر آلدی قیزیندان او دمده توضیحات قیزیم نه ایستوسن علت نه دور رضا دگوسن گلوب تکلمه عرض ایتدی اول حمیده صفات نظر بابا بلوسن امتین شفاعتیدور منه نه لازمه دور حوض کوثر و جنات امین وحی نزول ایتدی الده بر طغری او مهرنامه نی زهرایه ایتدی تقدیمات یازوب او نامه ده دادار دست قدرتیله حبیبه دور منه زهرا شفیعه عرصات قیامتین گونی زهرا اگر شفاعت ایده بغشلرم اولی مستوجب بهشت عرصات اومهر نامه نی بر حقه ده بتول آلدی محافظ اولدی او طغرایه تا واریدی حیات دیدی النده عم اوغلی بو حقه نی ساخلا منیله دفن ایله من نوش ایدنده جام ممات دیدی ندور دیدی بو حقه مهر ناممدور بو دور جزاده ویرن جدیم امتینه نجات مطول اولدی سوزون مختصر بیانیلیه چتین #حسینی تاپا خاتمه بو تالیفات https://eitaa.com/turki_nohemajma #کانال_ترکی_مجمع_الذاکرین

✍✍گزیده ای از شعر ازدواج حضرت علی(ع)و حضرت زهرا(س) 🌹🌹🌹🌹🌹🌹🌹🌹🌹 گون او گون اولدی گیدور زهرا عروس اولدی حوریلر بو عروسه پای بوس چخدی ائودن فاطمه خوش حالیلن آلدیلار اطرافینی اجلالین قیز عروس اولسا اولا خوشدور آنا ایلیر حاضر جهازیّه اونا اوندا زهرانون یوخیدی مادری آغلیوب آغلاتدیلار پیغمبری ناقه اوستونده عروس مه جمال قدی طوبا شبه طاها خوش خصال هاشمیّه قیزلار آلدی دوره سین میر شب سالدی قرانلق پرده سین اُم ایمن، فضّه و اسماسی وار مین آنادان مهربان باباسی وار نه آناسی واردی نه قارداشی وار گوزده مروارید تک گوزیاشی وار نور رخساری چخوردی گوگلره غرق شادی دور مدینه یکسره گوگده اولدوزلار باخور چشمک ورور صاق صولا رقص ایلیور زیبا آخور سسلنور حور و ملک یا فاطمه سسلنور چرخ فلک یا فاطمه قالمیوبلار بیر او قدری منزله منتظر داماد، ائوه زهرا گله دوردی ناقه دوردی ناگه حاضرین بو توقُّفدن وله دور عابرین حضرت پیغمبر اولدی باخبر منزل داماده زهرا گتمیر علّت اِستِفسار ایدوب شاه زمن ای قزیم ایتدون توقف بس ندن عرض ایدوبدی آزدی مهریّم بابا ایتدی فرمایش عجب الان بالا عرض ایدوبدی مرتضایه مایلم اوز عم اوغلومدور اونیلان یک دلم تا دوتوب پیغمبرین قلبین محن نازل اولدی جبرئیل خوش سخن سویلدی ای افتخار کائنات ابتلا بحرینده کشتی نجات حق تعالادن گتوردوم من سلام امر ایدور زهرا نه ایستور حاضرام اختیار جنّتی ویردیم اونا قویما آز مهریّه دن قلبی سنا کلّ افلاکی یری دریالری کهکشانلاری بو ماه و اختری امر رحمانی یتوردی دختره اولمادی راضی خانم بو سوزلره آز قالوب خُلق عظیم اولسون پریش قلب پاکی غمدن اولسون ریش ریش ایتدی فرمایش قزیم دردون نه دور؟ شمع عشقیم جان سنه پروانه دور دوردومنجی آسماندا جشن وار ورما بو جشنی بهم ای گلعذار مقصدون بو مهریدن گلمور اله بو سکوت عالملری ایلوب وله آچدی دل گفتاره اول مریم شیم عرض ایدوب بابا علیدن راضیم ایستورم الله عنایت ایلسون اُمّته زهرا شفاعت ایلسون نازل اولدی جبرئیل خوش قدم قول حَقلن عرض ایدوب ای ذوالکرم ویردی کتباً قول ذات ذوالجلال فاطمه قلبین دیدی بو سوزده آل گور روادور بو خانم مظلوم اُله؟ سینه سین مسمار ظلمیلن دله شاخ برگ زندگیسی تز صولا غنچه سی گول ویرممیش پرپر اولا ال دگرمانی چکن الدن عدو تازیانه وُردی گور انصافدی بو؟ ظلمیله درگاهی اودلانسون بلی ذوالفقاره هی باخوب یانسون علی بسدی «عینی فرد» قورتار مطلبین شعریلن ترویج ایله مکتبین استاد_عینی_فرد_زنجانی https://eitaa.com/turki_nohemajma #کانال_ترکی_مجمع_الذاکرین

گلدی روز وصلت حیدر و زهرا دولدی شور و شوقیلن سینه طاها حیدر گؤزلدی فاطمه تکدی با هم دیون بو طوی مبارکدی @ewwmajmamolodi فاطمه دلدارینه چاتدی یا الله حیدریلن غملرین آتدی یا الله شرقدن رحمت گونی چون طلوع ائتدی آسماندا ماه غم باتدی یا الله حیدر گؤزلدی فاطمه تکدی با هم دیون بو طوی مبارکدی غیر زهرا حیدره همصدا اولماز دردینه زهرا کیمی آشنا اولماز عقد وصلت عرشده برقرار اولدی راز عزت هرکسه بر ملا اولماز حیدر گؤزلدی فاطمه تکدی با هم دیون بو طوی مبارکدی حیدره طاها دئدی گل منه یار اول یا علی دلبندیمه یار و غمخوار اول سن بیلورسن فاطمه قلب طاهادی قویما سئنسون قلبینی چوخ وفادار اول حیدر گؤزلدی فاطمه تکدی با هم دیون بو طوی مبارکدی @ewwmajmamolodi وئردی زهرانین الین حیدره طاها ائتدی فرمایش قیزیم ای گل زیبا بو عم اوغلون چون منی قویمیوب تنها حیدری هئچ بیر زمان سنده تک قویما حیدر گؤزلدی فاطمه تکدی با هم دیون بو طوی مبارکدی شاعر: ابوالفضل عباسی معروفان بوگون مدینه ده طوی اساسی برپادی ایدوله اهل ولا مدینه ده شادی نه طوی کی شاه نجف علی دی دامادی عروس حجله سرا بطول عذرادی یرده عقد، اوخور طاها گویدن گول سپور حوراء ذکر ، یاعلی ، زهرا دولوب دهره یا حیدرعلی مولا ... یا زهرا گل طاها مبارکدی دولوبدی هلهله دن تمام کون ومکان ولایت اهلینه شرح اولوندی، یلتقیان گؤی اهلی «کوثر» اوخور یر اهلی «ناد علی» وصال شمس و قمر بوگون اولوبدی عیان هجران آخره چاتدی ساقی کوثره چاتدی زهرا، حیدره چاتدی مبارکدی یا حیدرعلی ... @ewwmajmamolodi اوزَرّیک الده دوروب بویاندا، روح الامین اویاندا، الده قیزیل_ گول، اهل عرش برین بو طویدا شاهده باخ جلال عاقده باخ هاچان گوروبدی جهان بیله شرفلی گلین باخ بو شاخ شمشاده روی ماه داماده زهراده ، تماشاده مبارکدی یا حیدرعلی.... شاعر: @ewwmajmamolodi حاج رضا محمدی ولایی

‍ ‍ سبک: ستاره بریزید الله الله الله فرشه دولدی زمزمه سیلیور منادی زهرا گلدی عالمه ایلکی دنیایه آچوب گوز سر به سر عالم فرحلنوب ملکوت اهلی اوپلر قونداقسینی عرشیدن انوب (مددی یا حضرت زهرا ای گل طاها مدد خانم) عالمه عزیز رب العالمین گلوب ختم الانبیایه یعنی نور عین گلوب طاقت و قرار سالار حنین گلوب عاشقان بشارت چون ام الحسین گلوب هل اتی و نوره دلیل و مظهر کوثردی فاطمه شوکته باخ یکه سوار عرصه ی محشردی فاطمه (مددی یا حضرت زهرا ای گل طاها مدد خانم جنت و جحیمین معیار و تمیزیدی کف لا فتادی طاهانین عزیزیدی وادی شرفده مریملر کنیزیدی مفخر الائمه بانوی حجیزیدی نقدر عمرم اولا دنیاده بونی فخریله سسلرم گل طاها ام ابیها حضرت زهرایه نوکرم (مددی یا حضرت زهرا ای گل طاها مدد خانم) بیر خانمدی جمله عالم ریز خاریدی بیر خانیمدی داغلار حیران وقاریدی بیر خانیمدی زهرا گون آئینه داریدی قلب مرتضانون آرام و قراریدی بو گئجه مشمول عنایت ایلدی الله پیمبری اوخیلار گویده ملکلر شوقیله آیات کوثری (مددی یا حضرت زهرا ای گل طاها مدد خانم) فاطمه زکیه صدیقه لقبدی بو طاهره عفیفه عالیه نصبدی بو خیرت النسادی سرشار ادبدی بو هم تراز حیدر سالار عربدی بو فاطمه شایسته آنادی ان بیر امامه مطهره روز میلادی بو سببدن شهره اولوب روز مادره (مددی یا حضرت زهرا ای گل طاها مدد خانم) شعر:حاج رضا محمدی(ولایی)

💓ازدواج حضرت علی (ع) و حضرت زهرا (س)💓 ✍ابوالفضل عباسی معروفان اهری . گلدی روز وصلت حیدر و زهرا دولدی شور و شوقیلن سینه طاها حیدر گؤزلدی فاطمه تکدی با هم دیون بو طوی مبارکدی . . . فاطمه دلدارینه چاتدی یا الله حیدریلن غملرین آتدی یا الله شرقدن رحمت گونی چون طلوع ائتدی آسماندا ماه غم باتدی یا الله حیدر گؤزلدی … . . . غیر زهرا حیدره همصدا اولماز دردینه زهرا کیمی آشنا اولماز عقد وصلت عرشده برقرار اولدی راز عزت هرکسه بر ملا اولماز حیدر گؤزلدی … . . . حیدره طاها دئدی گل منه یار اول یا علی دلبندیمه یار و غمخوار اول سن بیلورسن فاطمه قلب طاهادی قویما سئنسون قلبینی چوخ وفادار اول حیدر گؤزلدی … . . . وئردی زهرانین الین حیدره طاها ائتدی فرمایش قیزیم ای گل زیبا بو عم اوغلون چون منی قویمیوب تنها حیدری هئچ بیر زمان سنده تک قویما حیدر گؤزلدی … #ازدواج_حضرت_علی_علیه_السلام_و_حضرت_زهرا_سلام_الله_علیها

#سرودازدواج_حضرت_علی_وفاطمه_س کربلایی سعید سلطانی

نوحه خروج کاروان سید الشهدا علیه السلام از مکه به سمت کربلا حال اهل عالمین شد نینوایی حاجیِ زهرا شده کرببلایی وامصیبت وامصیبت وامصیبت... عاشقانه میرود به وعده گاهش سوی معراج و به سمت قتلگاهش وامصیبت وامصیبت وامصیبت... از همه جز روی دلبر دل گسستند کودکان در بین محمل ها نشستند وامصیبت وامصیبت وامصیبت... میرود با کاروان اشک و ناله حاجیه خانمِ محزون و سه ساله وامصیبت وامصیبت وامصیبت... میرسد در این طریق نینوایی بر مشامِ زینبی بوی جدایی وامصیبت وامصیبت وامصیبت... آخرِ این رَه شود شورِ قیامت میرسد سالار زینب بر شهادت وامصیبت وامصیبت وامصیبت... تشنه لب از تن جدا گردد سرِ او بی کفن مانَد به گودال پیکرِ او وامصیبت وامصیبت وامصیبت... #ذی_الحجه #یوم_الترویه #خروج_قافله #خروج_قافله_از_مکه #خروج_از_مکه #خروج_کاروان #خروج_کاروان_از_مکه #نوحه_مسلمیه #مسلمیه #ایام_مسلمیه #نوحه_ایام_مسلمیه #عرفه #نوحه_روز_عرفه #نوحه_عرفه

ورود به ماه محرّم 🏴🏴🏴🏴🏴🏴🏴🏴 دئدیم هلاله نه باعثدی قامتین خمدور جواب وئردی مگر بولموسن محرّمدور دئدیم نه‌دن اریوب اولموسان ضعیف و نحیف دئدی سالان منی بو درده هاله‌ی غمدور ایدوب احاطه سراسر هلال هاله مثال هلاله هاله‌ی درد و ملال، توأم دور دیدیم شفقدن اولوب دامن فلک گلگون دئدی بو سرّی سؤال ائتمه مبهم‌دور شفق دگول، شهداء قانی‌دور که شام و سحر اولور مشاهده، سرخی، دلیلِ محکم‌دور دگول بو خطّ شعاعی، تیکوب عزا علمین سپهر بامینه خورشید، قانلی پرچمدور طلوع صبحده ظلمات مغرب شامی سالوب خیالینه آفاق، اودور که مظلم‌دور اولوبدی کرسی عرش اوسته نوحه‌خوان جبریل ایدوبله فرش، عزاخانه، عرش اعظمدور وورور صلای محرّم جمیع ذرّاته سماء و ارض بو ماتمده غرق ماتمدور او بزمه حاضر اولان انبیای ذوالأکرام ایدن اقامه‌ی ماتم رسول اکرم‌دور گئیه‌ن قراسینی حوّا و مریم و سارا گلن عزاسینه نوح و خلیل و آدم‌دور حسین‌حسین سسی دولدوروبدی شش‌جهتی دگوب بیری-بیره عالم، بیر اؤزگه عالمدور به سان کعبه سیه‌پوش اولوبلا خلق جهان دمادم اشک‌فشان دیده‌لر چو زمزمدور اولوب بساط سلیمان کربلا بر هم بساط عیشی بو ماه عزاده برهــم‌دور اولوب علی‌قیزی زینب بو آیدا شمره اسیر او زینبی که کمینه کنیزی، مریم‌دور دؤنوب بو آیدا جوان قاسمین طویی یاسه خضاب خونیله زلف سیاهی پُر نم‌دور بو آیدا شبه پیمبر شهید اولوب ناکام قیامته کیمی گر آغلیاق گینه کمدور یِتوب امامه مصیبت مصیبت اوستوندن نظرده ایمدی همان حالتی مجسّمدور ییخوبلا قولسوز علمدارینی فرات اوسته یانان بو حسرته شطّ فراتِ علقمــدور یئته‌ن زمان باشی اوسته گؤروب نفس گلمور هنوز گلماغی قانین ولی، دمادمدور دولوبدی قان گؤزونه دیده‌دن آخار یوزونه گول اوزره بس دئیه‌سن قطره-قطره شبنمدور الین قویوب بئلینه دلده ذکر وا عبّاس دئدی بوکولدی بئلیم آه قامتیم خمدور الون الیمدن آلوب ائتدیلر شهید سنی بو قوم ایمدی منیـــم قتلیمه، مصمّمدور سنون گؤزونده منم، اؤز گؤزونده سن منی گؤر بو پرده - پرده ی چشمونده، خونِ دیده‌م‌دور مداد سرخیله سینه‌نده آیه‌ی قربان یازوبلا صفحه‌ی قرآن کیمی مُتَرجَمدور منیم یولومدا اؤزوم شاهدم شهید اولوسان مقام منزلتون حق یانوندا معظمدور ولی نه فایده سنسیز حیات دنیادن منه حیاتدن ایمدی اؤلوم، مقدّمدور اگر یاتوب علمون ایتمه غم قیامتده او گون لوای شفاعت سنه مسلّمدور نفس ویریلدی گلوب هوشه ائیلیوب احساس یانیندا حاضر و ناظر ولیّ اعظمدور سَرِ مفاخرتین عرش ساقینه یتوروب گؤروب امام حضورینده چوخ معظّمدور باشین گؤتوردی دیزیندن ایاقینه قویدی محبّت عالمی‌نین سرّی اؤزگه عالمدور یوزون ایاقینه قویدی دئدی جُعِلتُ فداک وسیله ی شرفیم بو غبار مقدمدور دوتوبدی گؤزلریمی قان، گؤرنمیرم یوزووی بو آرزوئیله گؤیلوم هنوز خرّمدور کی اؤز الینله گؤزومدن بو قانی پاک ایده‌سن گؤرم جمالیوی بیر دم که دم، همین دمدور مرحوم فقیر خویی 🏴🏴🏴🏴🏴🏴🏴🏴🏴

‍ ▪️ ورود محرّم ✅ گریز به کوچ از کربلا و قتلگاه یاران گلین فغانه ماه محرم اولدی دوتدی جهانی ماتم بیر اوزگه عالم اولدی ________ بیلمم نه غمدی یارب تازه لنیر بو هر ایل بو دردید‌ن علاوه اولدی غریبه مشکل اولماز بو درده چاره اولدی بو تازه نسگیل اول شاه کم سپاهین زوّاری بر هم اولدی ________ نیسگیللرون فداسی ای شاه بی‌مددکار اولمادی گر چی بو ایل کرب و بلایه زوار سالّوق خیاله قبرون اولّوق سنه عزادار بو ایلده بو مصیبت غم اوسته بیر غم اولدی ________ هانسی غمینله مولا بیلمم گلک فغانه یوخدور دیلیمده یارا جمله چکیم بیانه کیمدیر دوزه سنین تک بو دردِ بیکرانه کیم سن کیمی بلاکش ای فخرِ عالم اولدی _______ ویردیله عون و جعفر اول چولده تشنه لب جان اولدی علی اکبر راه خداده قربان ایتدیله شیره‌خواره طفلون نشانِ پیکان ظلم اوسته ظلم تازه مولا دوباره اولدی ______ لیلانی ایتدی مجنون اول اکبرین فراقی صبر قرارین آلدی وصلینین اشتیاقی ئولدیردیلر ستمله گورمدی توی اطاقی گوردی بو حالی لیلا دردیله همدم اولدی ______ قالماز اؤرکده طاقت چون ذکر اولاندا اسمون قالدی قوری یر اوسته اوچ گون یارالی جسمون آت چاپدی نعشون اوسته مولا او چولده خصمون اول چولده ایستی قوملار زخمیوه مرهم اولدی ______ فریاد اولا او وقتن ای سرور مدینه قتلگهی گزیردی نازلی قیزین سکینه تاپدی یارالی نعشون اُول ماه بی‌ قرینه ووردی ز بس که باشه احوالی برهم اولدی _____ چکدی نه درد و غملر کربُ بلاده زینب تاب ائتدی هر بلایه راه وفاده زینب گوردی سر حسینی نوکِ جداده زینب غمدن آغاردی زلفی رعنا قدی خم اولدی ____ #ورود_محرم ✍️ مرحوم دلریش سبک پیشنهادی

‍ ورود به کرب و بلا مرحوم صحاف سبک :👇 گلمیشم فغانه یانه یانه عمه ای آتام نشانی _ باوفا ابوالفضل کوی عشقیدور بو _ کربلا ابوالفضل قانه من باتان یردور پرچمیم یاتان یردور کاروان دایانسون ۲ وئر خبر بو یرده لشگریم دایانسون عون و فضل قاسم جعفریم دایانسون جدیمون شبیهی اکبریم دایانسون بو دیار غمدور نینوا ابوالفضل ای منیم بو غملی چولده سر سپاهیم مقصدیم بو یردور حقه شاهراهیم نصب اولا چوخور بیر یرده خیمه گاهیم کئچمرم بو یردن مطلقا ابوالفضل وار بو سرزمینون غمفزا هواسی اود سالور جهانه غملی ماجراسی باشلانور بو گوندن باشیمون بلاسی هر بلایه اولّام من رضا ابوالفضل سو یولون کَسَرلر فرقه ی ستمگر اودلانور سوسوزدان عترت پیمبر غش ائدر آناسی اللرینده اصغر بو غمه دوزر گور بیر آنا ابوالفضل گر خلیل آپاردی بیر فدا منایه گوندروب عوض حق فدیه اول فدایه من ولی گتوردوم دشت کربلایه باشدا حقه یتمیش بیر فدا ابوالفضل وار فدالریمده ئوزگه روح ایمان شوقیله ائدرلر جان فدای جانان دوغرانور بو چولده اکبریم لب عطشان فخر ائدر منایه کربلا ابوالفضل ظلمیده ائدر چوخ اهل کینه طغیان قاسمین ائدرلر طوی حناسینی قان قانیله آناسی زلفین ایلر الوان باش آچار عروسی بر ملا ابوالفضل ایلرم سنی من اهل بیته سقا ایلمزله حقدن اهل کینه پروا قوللارون سالورلار سو یولوندا اعدا جسمووه وورالّار چوخ یارا ابوالفضل باشیمی کسرلر تشنه لب قفادن اوج ائدر سپهره ناله کربلادن عرش ائدر تزلزل قان یاغار سمادن غملنور بو غمده ماسوا ابوالفضل غارته آچار ال لشگر ضلالت خیمه لرده قارداش باشلانور قیامت گور قالور نه حاله عترت رسالت ال آچار اوتوز مین اشقیا ابوالفضل ✨اَللّهُمَّ عَجِّل لِوَلیِّکَ الفَرَج✨💫