‍ ورود به شام 😭 🎼(سبک: احوالیمیز یاماندی … ) ای کاش  اولیدی  ویران ،  بو  چرخ کج  مداری شامه    اولاندا    داخل   ،    آلِ   عبا       قطاری اهل   حرم    سراسر    عریان    جنازه    اوسته باشلار    آچوق    تماماً     قوللار   طنابه    بسته اولموشدی   ظلم   الیله    مغلول    امام   خسته بی طاقت    ایلمشدی     زنجیر    او    با وقاری امر   ایلمشدی   سلطان   عیش    ایلیه   رعیت اولموشدی شامون  اهلی مشغول  عیش و عشرت ایولرده   قالمامشدی   نه   بیر کیشی نه  عورت دوتموشدیلار     تماشا      قصدیله     رهگذاری گیمشدی  شامون    اهلی   یکسر   لباس   تازه الده   کیمی   نی  و   دف  چیخمشدی  پیشوازه بیر     پیشواز     اولوندی   رأس   شه    حجازه بانگ    نی  و  دف  و کف  دولدوردی   روزگاری دروازه دن    اولاندا   غم   فوجی   شامه   داخل بیر   نوعیلن    نظامه   سالمشدی   قوم    باطل اولموشدی   هر کسوک  باش بیر محمله  مقابل چیخمشدی   اهلبیتون    افلاکه    آه   و     زاری اکبر      باشین    گورن   دم      لیلا      مقابلنده بیر تازه    شور و شیون   باشلاردی    محملنده اولماز     او    حاله    مطلق   طاقت   آنا   دیلنده گیتمشدی   اول   غریبون  هم صبر  هم  قراری گیتمشدی   ناقه   اوسته   زینب  ایله    تواندان قالموردی  بیر  او قدری کسسون علاقه جاندان ناگه   آلوب حسینون   قرآن   سسین  سناندان آئینه  ی   دلندن    سیلدی   او    سس   غباری دوتدی    یوزین    جدایه   اول    بانوی   مودب ایتدی    بو    دللریله        قارداشنی     مخاطب گور  بیر دوشوب   نه حاله  قارداش بلالی زینب غمدن  گلوبدی  تنگه   یوخ   کیمه   غمگساری بیر     غرفه دن    تماشا    ایلوردی   بیر   لعینه قرآن    اوخوردی    گوردی   رأس   شه   مدینه شرم    ایتمدی خدادن   بیر داش   آلوب   الینه ایتدی   نشان جداده    اول     رأس   زخمداری دگمشدی   اول   مقدس  باشه  اون  ایکی  یاره آسان   سانوب   عجوزه   آتدی   داشی   دوباره داش   گلدی  دگدی    فرق   سلطان    تاجداره قرآن   سسی  کسیلدی   القانی  اولدی   جاری ایلردی     هر    گذرده     بیله      ندا       منادی بو   دستگیر       اولانلار       اولاد      مرتضادی هر  کیمسه نون  دیلنده   وار    مرتضا    عنادی هر     نوعیله    اذیت    ایتسه    وار      اختیاری تاپدی   شقی  جماعت   جرأت   همین  خبردن ظلم   ایتدیلر  او قدری گیچمزدی  هیچ  نظردن گه کُول  توکوب گهی  اود  شام  اهلی  باملردن چکدی      بنات     زهرا     بو   درد     بیشماری بیمار    امامون   از بس  گیتدی   قراری    الدن اودلاندی   بو   کلامی  فرمایش  ایتدی    دلدن ایکاش     گلمییدیم      دنیایه    من        ازلدن تا    اینکه    گورمییدیم    بو    ظلم       ناگواری تحصیل     آدمیت    ایله (( شهاب ))    اول   آدم مطلق    اولور    ملکدن    آدم      اولان     مقدم گر ایسته سن   یازاندا  روح القدس  ویره    دم پاک  ایله سوز   محلین   درک   ایت بو اعتباری ✍مرحوم شهاب تبریزی #محرم1402 #اسارت #ورود_به_شام ✨اَللّهُمَّ عَجِّل لِوَلیِّکَ الفَرَج✨

#ورود_به_شام کربلایی سعید سلطانی https://eitaa.com/turki_nohemajma #کانال_ترکی_مجمع_الذاکرین

زبانحال حضرت رقیه (س) در خرابه شام بیر بلبلم خزانه گئدوب گلشن آغلارام هیچ بلبل آغلاماز بو قدر که من آغلارام خیمه م یانوب ائلیم داغیلوب قارداشیم ئولوب زنجیره باغلیوب قولومی دشمن آغلارام گون ایسّی بوینوما غل آهن ووروبدی شمر من آغلارام بو حاله یانوب آهن ، آغلارام بیر یوسف مدینم ئولوب یوخ نشانه سی اگنینده قویمیوبدوله پیراهن آغلارام قارداش قسم او جانیوه شیون ائدنده من هر ناقه ایلدی منیلن شیون آغلارام باشون گتوردی شامده باشی آچوخ قویوب بیر گلمدون خرابیه قارداش سن آغلارام دردون علی خرابه ده دیلدن سالوب منی بو شام اهلی سالمادیلار دیلدن آغلارام توپراقلار اوسته ئولمگیمون مشقین ایلرم یوخدور چراغ تا ایلیم روشن آغلارام قول باغلو آج سوسوز ویرورم جان خرابه ده عمه م قوجاقلیوب آنام آغلار من آغلارام بوللم هامی گئدر وطنه من گئدنمرم کنج خرابه نی ائدرم مسکن آغلارام هر وقت سو گورنده دوشرسن خیالیمه چون جان وئرنده ایچمه موسن سو سن آغلارام (( واقف )) حسینه آغلیان عقباده آغلاماز ذکر مصیبتون اولی مستحسن آغلارام ** مرحوم میرزا جواد واقف سرابی https://eitaa.com/turki_nohemajma

دیر راهب . . مرحوم خوندل . مسیح کوفه ده گلدی حسینی دید ائلدی حسین ده دیریده عیسانی بازدید ائلدی . مسیحی محضر خیرالبشرده ، مریمی ده حضور حضرت زهراده رو سفید ائلدی . گئدردی قافله بیر دِیریدن دوشوب گذری هوا حرارتینون شدّتین شدید ائلدی . امیر قافله وئردی اقامته فرمان نشیمن اوردا او گون لشکر یزید ائلدی . باخاردی غرفه ده مبهوت پیر دیرانی یتوب حقیقته لرزه چو برگ بید ائلدی . گوروبدی نیزه ده بیر قانلی باش چو بدر منیر فروغی پرتو خورشیدی ناپدید ائلدی . آلوب او باشی وئروب سیم و زر او پاک ضمیر عجب تجارت شایسته و مفید ائلدی . باساردی باغرینا هر دم ئوپردی ائیلردی دئیردی شکر اولا بختیم منی سعید ائلدی . دئ بیر گوروم منه کیمسن سن ای سراج منیر؟ طریق معرفتی حیرتیم بعید ائلدی . . . امام اولیدی لزومی گرک وئریدی جواب زبانحالیله گویا بئله ائدردی خطاب . . . منم که درد و بلا آشناسیم راهب منم که راه وفا رهنماسیم راهب . او اوج عشق که عاجزدی طایر اوهام کمال قدرتیله من هماسیم راهب . منیم جلالیمی گوردون گلنده دیره مسیح منم که اهل وفا مقتداسیم راهب . عراق و شام ندور ، عالمون حکومتینون بو اقتداریله بی اعتناسیم راهب . خطا یولیله بولار خارجی دئیولّه منه شریعتون سبب اعتلاسیم راهب . وقایه دور بدنیم جدیمون شریعتنه منای عشقده دینون فداسیم راهب . محمّد عربی جدّ امجدیمدی منیم او شاهین آینۀ حق نماسیم راهب . آنامدی بحر عفاف و حیا , او دریانین منم که گوهر اعلا بهاسیم راهب . اگر چه کشتی عمروم دوشوبدی طوفانه ولی سفینۀ دین ناخداسیم راهب . او کوردل که ایدوب شمع عمرومی خاموش بولوردی دیدۀ زهرا ضیاسیم راهب . یولون توزون که یوزومدن سیلنده گوردون اوزون حیات گلشنینین من صفاسیم راهب . دیلله آدیمه عالمده سیدالشهدا هامی شهیدلرین پیشواسیم راهب . مسافرم گیدورم شامه من بو صومعه نین فقط بو بیر گیجه زینت فزاسیم راهب . بو کاروان که دالیمجا گلور قدم به قدم طریق عشقده من رهنماسیم راهب . . #دیر_راهب #مسیح_کوفه_ده_گلدی_حسینی_دید_ائلدی #خوندل_تبریزی #ترکی ‌https://eitaa.com/turki_nohemajma

#نوحه_جریان_دیر_و_راهب_و #راس_مبارک_امام_حسین(ع) ⬛️ ای گئدن دیر و کلیسایه حسین(۲) لطف ائدن خادم عیسایه حسین(۲) روحِ‌ خاتَم‌سن آقا شاه‌ِ عــالَم‌سن آقا ⬛️ دوردی راهب یوخودان نیمهٔ شب اولدی مشغول ثناخوانیِ رب ولی بیر منظره‌نی گوردی گوزی فکر ائدوب محشر اولوب یالَلعجب آز قالوب روحی اوچا، جانی چیخا گرم ائدوبدور بدنین آتشِ تب سالدی غم، راهبی غوغایه حسین سن نظر قیلدون او تَرسایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ منبع نوره طرف قویدی قَدَم بیرکسیلمیش‌باشا توش اولدی اودَم باخدی گوردی اَلنوب اوستونه کول اسیلوب تللرینه باد سِتم ای دیلیم لال اولاسان ائتمه بیان رحم ائله فاطمیه، یازما قلم ساخلادی حرمت همسایه حسین سالدی راهب باشینا سایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ گوردی گویدن یره حورادی گَلَن خضر و الیاسیله موسادی گلن دئدی یارب بو ئولن کیمدی مگر وصل دیدارینه عیسادی گلن او خانیم کیمدی که پهلوده الی؟ بیلدی که حضرت زهرادی گلن سسلنور رحم ائله زهرایه حسین دوشموشم گورنجه بلوایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ گوردی در اوج جلالت او باشی گرم تسبیح و عبادت او باشی نچه مین سکهٔ زر وئردی ولی خولیدن آلدی امانت او باشی شستشو ائتدی گلابیله صورا عشقیلن قیلدی زیارت او باشی سسلدی اوخشیوسان آیه حسین جان فدا سن کیمی مولایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ اوخی قرآن منی مدهوش ائله گئت معرفت جامینه مِی‌نوش ائله گئت رشتــهٔ عشـقِ سعــادتگرووی قلبیمون باشینه گَل جوش ائله گئت اذن وئر تا که سنه نوکر اولوم بو مدالی منه سَردوش ائله گئت ای وئرن جنّته پیرایه حسین عشقی محشر گونی سرمایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ ای هدایتگر و کشتیِّ نجات مُرده روحه دَمِ جانبخشی حیات (فیضی‌ام) شاعر دربارون آقا آنامین روحینه گوندر حَسنات ئوره‌گیم خامه‌دی، کیپریک قلمیم گوزلریمدن آخان اشکیمدی دَوات وئرمرم عشقووی دنیایه حسین دعوت ائت کربِ معلّایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ #رحیم_فیضی ــــــــــ ✍ در سبکِ... اویان ای یار وفاداریم اویان ـ┅┅❅🏴🖤🏴❅┅┅ـ https://eitaa.com/turki_nohemajma

گفتگوی راهب با حضرت اباعبدالله الحسین علیه السلام سوال و جواب . ✔️ زبانحال راهب . کیمسن ای باش بو گئجه دِیری چراغان ایلدون منه سن معجز عیسانی نمایان ایلدون . بو نه اعجازدی گر سنده مسیحا دگوسن منی آگاه ائله کیمسن،اگر عیسی دگوسن کسیلن طشت زر ایچره باشی، یحیی دگوسن گر ملک سن، ملک اهریمنه تسلیم اولماز گر بشرسن بشره بیر بئله تعظیم اولماز . کیم گوروب نیزه ده قرآن اوخیا یاره لی باش باخا اطفالینه هردم توکه گؤزدن یوزه یاش قلبیمی راحت ائله، ائت منه بو مطلبی فاش دی گؤروم هانسی بویوک طایفه نین رهبری سن؟ هانسی قومین یارالی هادی و پیغمبری سن؟ . گاه آچورسان گؤزون اطرافه باخورسان نگران منتظرسن کیمه؟ حسرتله کیمی آختاروسان؟ اُسرا ایچره کیمون وار؟ اولارا چؤخ باخوسان اوردا بیر خیرداجا قیز وار گوزینون یاشی آخور یؤخلیوب قافله اهلی، او بالا دِیره باخور . کشف ائله سن نه مرام اوسته قیام ایلموسن؟ شرعده هانسی حلال امری حرام ایلموسن؟ بو قدر ظلم ائدوب اشراره دوام ایلموسن مرحبا صبریوه بو صبریده ایوب اولماز حقی ناحق ائلین باش بئله محبوب اولماز باخورام حالیوه هر لحظه دوتور گویلومی قان گورورم باشیوی لب تشنه کسوبلر دالیدان نطقه گل مطلبی فاش ائت، منی قویما نگران حیرتیم آرتوری باخدوقجا سنون گل یوزیوه قانیله پرده چکوب، تُوپراقیلان کول یؤزیوه هانسی شه سن، گئدوب عزّت داغیلوب انجمنون؟ بو باشوندور یارالی هاردا قالوب گل بدنون؟ او خانملار کیمیدی دیدیوه گلمیشدی سنون؟ لطف قیلمشدی منیم دیریمه عیسی بو گئجه غبطه ایلردی منیم حالیمه موسی بو گئجه بو یارالی باشیوین بیرجه سلامت یئری یؤخ یوزون آغزون یارالی، پارچالیوب آنّیوی اؤخ وار باشوندان بیلورم پیکریوین یاره سی چؤخ بیر آچیلمش گُله بنزر باشیوین هر یاراسی قاریشوب بیر بیرینه نیزه و خنجر یاراسی . بو گئجه تاپدی شرافت بو کلیسا سنیله گلدیلر مریم و سارا یانیوا شیونیله سنی وئرّم قسم اللهه دانیش بیر منیله بوندان آرتوق منی اؤز حالیوه حیران ائلمه منده سرّ اهلیَم اسراریوی پنهان ائلمه . ✔️ زبانحال امام حسین علیه السلام . آچوبدی گؤزلرینی پادشاه یوم حساب وئروب او راهبه گویا بو دیللریله جواب .. سوروشما حالیمی باشی بلالیام راهب یورولموشام سوسوزام هم یارالیام راهب . منم او شخص که دوتموشدی شأنیم آفاقی منم او کس که عروج ائتدی عرشه قنداقی گر ایسته سن سنی حیرتده قویمیام باقی کنار ائله دوداقیمدان بو قانلی توپراقی بیان ائدوم سنه چؤخ ماجرالیام راهب حجاز ملکنه بیر شاه باوقارم من سنه بو دِیریده تا صبح اولونجا یارم من مسافرم گئدیرم شامه رهسپارم من بو باشسیز عترته یولّاردا غمگسارم من فراز نیزه ده نی تک نوالیام راهب . گلوب طریق محبتده چؤخ بلا باشیما بلا اولوبدی ازل گوندن آشنا باشیما وروبلا نیزه، قلج، داش بو اشقیا باشیما حیا ائدیر ویرا اؤز نوکینی جدا باشیما دوداقلاریمدان آخور قان یارالیام راهب . جفائیله بو قوشون دوغریوبلا اکبریمی الیمده اؤخلادیلار شیرخواره اصغریمی ستمله باغلادیلار قول قولا حرملریمی داشین یئریندن آخان قان دوتوبدی گؤزلریمی باخانمورام یوزیوه ابتلالیام راهب . منم او نور که حیرتده قویدی موسانی منم او شخص که ائتدیم دلالت عیسانی https://eitaa.com/turki_nohemajma

‍ ✔️دیر راهب ✔️ زبانحال امام حسین علیه السلام سبک : #یارالی_جان_یارالی مرحوم حاج محمد حسین جنتی مقام(صحاف تبریزی) خوش گَلوب سالدون عجب وقته منی یاده آنا باشیمی عرشه اوجاتدون بو کلیساده آنا واگیر یارالی جان یارالی. جان سنه قربان یارالی بو نه عالمدی آنا سن یارالی من یارالی اوزون آگاهسن ای غمزده دورِ زَمَن فرقتونده نه قدر طالبیدیم وصلوه من بو گئجه حالیمه شامل ایلدون لطفوی سن قویمادون تک منی بو دیر نصاراده آنا تاپدون اوّل گئجه مطبخده تنور ایچره منی پیشواز ایلمدیم من ایله موقعده سنی ائتدی شرمنده منی خولی بیرحم و دنی وار یری حشره کیمی گلسم اگر داده آنا گلمه میشدیم او گئجه کثرت غمدن اوزیمه محضرونده دل آچوب شرح ویریدیم سوزیمه گوز آچانمیردیم آنا دولموشیدی کُول گوزیمه سنی دیندیریدیم عفو ایله او مأواده آنا ایندی فرصتدی دویونجا گل ایداخ راز و نیاز دوشه مشکلدی اَلَه بیرده بیله مجلس راز بو کسوک باشمه مقدورم ائدم پای انداز واریدیم چوخدان اوزوم من بو تمناده آنا شرحه گلمز نه قدر واردی بلاسی باشمون آخره یتمز آنا جور و جفاسی باشمون ظاهراً وار اون ایکی کاری یاراسی باشمون گَله معناده محال امردی تعداده آنا حقّدن ایلمدی زادهٔ مرجانه حیا آچدی مجلسده شماتت دلین اول کان خطا وُردی پیغمبر اُپن لبلریمه چوب جفا گتوروب عترت غم پروریمی داده آنا آسدیلار گاهی آقاجدان باشمی قوم دنی سنگسار ایلدیلر کوفه ده ظلمیله منی آرزو ایلدیم هر لحظه ده هر دمده سنی بیر گوریدون دوزوب اوغلون نئجه بیداده آنا وُردیلار نیزه لره تشنه یارالی باشیمی هر جفایه آناجان ائتدیله حالی باشیمی یاندروب گون نئجه گور بیر بو بلالی باشیمی اولمیشام هر غمه هر محنته آماده آنا یارالی باشما بو قوم ائده هر جور و جفا منه خوشدور دوزرم باشه یته امر قضا هر بلایه من اوزوم وئردیم ازل گونده بلا تا که«صحافه»شفاعت ائدم عقباده https://eitaa.com/turki_nohemajma

♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

🏴اربعین نوحه سی 🎼سبک: ای کانون_ بشرین_ شیعه لرین_ نگاری یا مهدی... ای منی درده سالان نعشی قالان بلالی چوللرده اشکیمی قانه قاتان خسته یاتان یارالی چوللرده ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان قرخ گوندی باش قاراسی دیل یاراسی سالوب بیزی دیلدن هر گون هر لحظه هر آن اولدی گران بو قرخ گونی ایلدن ای شاه تشنه جگر آلما خبر خرابه منزلدن نه نوعی یاده سالام سارالدی سولدی لالام رقیه دن نه دیوم آجیندان ئولدی بالام وفالی قارداش اویان یارالی قارداش اویان قرخ گوندی دربدرم خونجگرم اسیر عدوانم قول باغلی شام و سحر دیده سی تر غمونده گریانم سینان بوداغی گولم گورونمیوبدی گولم قوجالموشام منه باخ او سن گورن دگولم وفالی قارداش اویان یارالی قارداش اویان قرخ گوندی فرصتمیز اولمادی بیز دوتاق سنون یاسون قارداش یوللاردا سولوب پرپر اولوب نچه گل یاسون گلمدوز دادیمیزه دادیمیزه نه سن نه عباسون ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان ✍شاعر:لاادری ________

✔️نوحه شهادت امام حسن (ع) جان وئردی حسن بلبل آل محن اولدی سیلی یرینی کوچه ده اول گورن اولدی گوز یاشینی رخسارینه باغلاردی همیشه حسرتله یانان قلبینی داغلاردی همیشه زهرایه دین سیلیه آغلاردی همیشه کیم آلسا خبر من دیرم کوچه دن اولدی سوزدن سوز آلور غصه لی قلبیم سوز ائوینده اشگیم دولانور شام وسحرده گوز ائوینده امنیتی یوخدور بو شهیدین گوز ائوینده ظلمیله گجه زهر جفانی ایچن اولدی مسموم ائلدی جعده شه عرش وقاری زهرین اثریندن گویروب رنگ عذاری سسلندی هرایه باجیسی زینب زاری دور سسله حسینی دینه قارداش حسن اولدی بوزهر جفادن باجی رنگیم سارالوبدور قارداشلاریمی سسله که صبریم آزالوبدور عباسه دئمه جعده بو احواله سالوبدور دوزمز گوره بو نحویله شاه زمن اولدی تا گوردی حسین قارداشینی صبری آزالدی عمروم گلی ظلمیله دیدی سولدی سارالدی گتدیم آنامون یانینه قاسم سنه قالدی اکبردن آییرما اونی بو ممتحن اولدی قوش اکبریوه اوغلومی دلشاد ائله قارداش غملی ئورگین غصه دن ازاد ائله قارداش مندن صورا سن قاسمی داماد ائله قارداش شاید ئورگینده گوره دردو محن اولدی قسمت بئیمیش صبر ائله اندوه وفراقه بیر گون گیده سن زینبیلن سمت عراقه وئرمز بیر ایچیم سو او یرین اهلی قوناقه اوندا گوره سن بلبل و باغ و چمن اولدی دوشسون یارالی پیکریله قنلو منایه صبر ایله بلیاته اوگون گلمه نوایه گللم آنامیله من ئوزوم کرب وبلایه اوندا دیرم قلبینی طاها ئوپن اولدی عورتده تفاوت نقدر وار هامی بولسون باخ غملی ربابه ئورگون غم اوخی دلسون واللهی ربابون قاداسی جعدیه گلسون آغلاردی حسینه او قدر غصه دن اولدی عاشق اودی دایم اولا یارین سراغیندا زهرانین ادبلی گلینی غم سیاقیندا آخرده وئروب جان ئوزیده گون قاباقیندا زینب دئدی وای اصغره لایلای دین اولدی جان وئردی حسن بلبل آل محن اولدی سیلی یرینی کوچه ده اول گورن اولدی گوز یاشینی رخسارینه باغلاردی همیشه حسرتله یانان قلبینی داغلاردی همیشه زهرایه دین سیلیه آغلاردی همیشه کیم آلسا خبر من دیرم کوچه دن اولدی سوزدن سوز آلور غصه لی قلبیم سوز ائوینده اشگیم دولانور شام وسحرده گوز ائوینده امنیتی یوخدور بو شهیدین گوز ائوینده ظلمیله گجه زهر جفانی ایچن اولدی مسموم ائلدی جعده شه عرش وقاری زهرین اثریندن گویروب رنگ عذاری سسلندی هرایه باجیسی زینب زاری دور سسله حسینی دینه قارداش حسن اولدی بوزهر جفادن باجی رنگیم سارالوبدور قارداشلاریمی سسله که صبریم آزالوبدور عباسه دئمه جعده بو احواله سالوبدور دوزمز گوره بو نحویله شاه زمن اولدی تا گوردی حسین قارداشینی صبری آزالدی عمروم گلی ظلمیله دیدی سولدی سارالدی گتدیم آنامون یانینه قاسم سنه قالدی اکبردن آییرما اونی بو ممتحن اولدی قوش اکبریوه اوغلومی دلشاد ائله قارداش غملی ئورگین غصه دن ازاد ائله قارداش مندن صورا سن قاسمی داماد ائله قارداش شاید ئورگینده گوره دردو محن اولدی قسمت بئیمیش صبر ائله اندوه وفراقه بیر گون گیده سن زینبیلن سمت عراقه وئرمز بیر ایچیم سو او یرین اهلی قوناقه اوندا گوره سن بلبل و باغ و چمن اولدی دوشسون یارالی پیکریله قنلو منایه صبر ایله بلیاته اوگون گلمه نوایه گللم آنامیله من ئوزوم کرب وبلایه اوندا دیرم قلبینی طاها ئوپن اولدی عورتده تفاوت نقدر وار هامی بولسون باخ غملی ربابه ئورگون غم اوخی دلسون واللهی ربابون قاداسی جعدیه گلسون آغلاردی حسینه او قدر غصه دن اولدی عاشق اودی دایم اولا یارین سراغیندا زهرانین ادبلی گلینی غم سیاقیندا آخرده وئروب جان ئوزیده گون قاباقیندا زینب دئدی وای اصغره لایلای دین اولدی #جان_وئردی_حسن #امام_حسن فایل صوتی👇👇

🏴نوحه اربعین ✍بقلم کربلایی ابوالفضل عباسی معروفان اهری 🎼 سبک : یا امام زمان شیعه ده احساسه باخ ... دور حسین شعله ی عشقه آلیشدیر منی گلمیشم قبروین  اوسته  دانشدیر  منی یورقونام خستیم - سنه دلبستیم                    جان حسینیم                    جان حسینیم گزمیشم  چوللری دیلده   نوا  گلمیشم قانلی  پیراهنین   الده   اخا   گلمیشم اولموشام صاحب مشک و لوا گلمیشم خسته غربتم - زائر تربتم                      جان حسینیم                      جان حسینیم زینبم ئولمدیم گلدیم حسین وای دییم پیکری دوغرانان   اکبره   ایوای   دییم قنداقی قان اولان اصغره لایلای  دییم منی درده سالان - جان زهرا اویان                    جان حسینیم                    جان حسینیم دولانوب  کوفه   و  شامی  گلوب قیزلارین چوخ  جفا   چکدیلر   یولدا  آدامسیزلارین وای اوغول وای دیور خسته اوغولسوزلارین سینه لر داغلیدی - قوللاری باغلیدی                    جان حسینیم                    جان حسینیم داغ هجران گؤرن   زینبوی   شاد  ائله گویلون آل قلبینی غصه دن آزاد   ائله فاطمه   دلبری   دور منه   امداد   ائله چوخالیب محنتیم - بوکولوب قامتیم                      جان حسینیم                      جان حسینیم ✍عباسی معروفان اهری ____________________