ولادت #کریمه‌اهلبیت حضرت معصومه (ص) گولندی گینه گلشن اولدی گوزموز روشن هم نغمه اوخور بلبل هم نسترن و سوسن یا حضرت معصومه یا حضرت معصومه (۲) سویله هامی مغمومه اولدی غمی مختومه دنیایه قدم قویدی چون حضرت معصومه یا حضرت معصومه یا حضرت معصومه (۲) هم رتبه ده والادی هم عصمته دارادی کیم گوردی دئدی گویا بو حضرت زهرادی یا حضرت معصومه یا حضرت معصومه (۲) هم سرور نسواندی هم دردلره درماندی پیغمبره آند اولسون بو زینب ایراندی یا حضرت معصومه یا حضرت معصومه (۲) محبوبه یکتادی گنجینه تقوادی حاتم ال آچیقلیقدا بیر قطره ، بو دریادی یا حضرت معصومه یا حضرت معصومه (۲) هم صاحب عزتدی هم کان کرامتدی واللهی قیامتده هم باب شفاعتدی یا حضرت معصومه یا حضرت معصومه (۲) زیبا حرمی واردی باب کرمی واردی قارداشی کیمی قمدا یاشیل علمی واردی یا حضرت معصومه یا حضرت معصومه (۲) ای امت مرحومه گئتمه ره مشئومه هر دردون اولا سسله یا حضرت معصومه یا حضرت معصومه یا حضرت معصومه (۲) ای فاطمه ثانی سن بول اناوین جانی قسمت ائله بو جمعه بیر وقفه خراسانی یا حضرت معصومه یا حضرت معصومه (۲) ای یر گویه پیرایه بنزر یوزی حورایه قارداشیوه خاطر سال شیعه باشینا سایه یا حضرت معصومه یا حضرت معصومه (۲) بیر کیمسه دوا ایستر بیر کیمسه شفا ایستر " شیدا " ولی بایراملیق بیر کرب و بلا ایستر یا حضرت معصومه یا حضرت معصومه (۲) ✍: #محمدرضاصادقی‌شیدا به این سبک اجرا میشود⬇️⬇️

#سرود #میلاد_حضرت_معصومه #ترکی @turki_nohemajma #کانال_ترکی_مجمع_الذاکرین

#ولادت_حضرت_معصومه_سلام_الله_علیها❣ ✍شاعر:استاد جاهد ❣❣❣❣❣❣ گل آچوب گلزار ولا آئینه دل تاپدی جلا شاداولدی اورکلر دیل آچوب تحسینه شرف دلشادیدی چون شاه نجف شاداولدی اورکلر میلادوه قربان معصومه ی اطهر دردانه ی زهرا زیباگل حیدر سن عزیزمصطفاسن.قدمون مبارک اولسون بلی.خواهررضاسن.قدمون.مبارک.اولسون ❣❣❣❣❣❣❣ سنی سسلر شاه و گدا ای دختر سلطان هد ی سن جان رضاسن حر میندور دار شفا وارسنده.چتین.درده.دوا سن جان رضا سن دنیایه گوز اچدون.سن.بیت شرفده زهراده سویندی سلطان نجفده سن.عزیزمصطفاسن.قدمون.مبارک.اولسون بلی.خواهررضاسم.قدمون.مبارک.اولسون ❣❣❣❣❣❣❣ ای عزیز شاه نجف قم سندن آلوب عزوشرف رشگ اولدی جنا نه کیم اولور زوارون آلور تئزمطلبین عرشه اوجالور ای در . یگانه ای سرگل ایمان ایمانیوه قربان جنتد سنیلن .سر تا سر ایران سن.عزیزمصطفاسن.قدمون.مبارک.اولسون بلی.خواهررضاسن.قدمون.مبارک.اولسون ❣❣❣❣❣❣❣

#ولادت_حضرت_معصومه_سلام_الله_علیها ❣#ترکی ✍شاعر:استاد جاهد 🎤#بانوای_حاج_علی_سیفی_افشار

در آرزوی کربلا #سبک: من اومدم دوا بشه دردم ای کربلا ای روضه رضوان سنده یاتان قربانلارا قربان هجرونده بو قلبیم اولوب شان شان داریخمیشام من ای کربلا سندن اوتور هر آن قلبیم اولور بیر بید تک لرزان هجرونده اولموش گوزلریم گریان داریخمشام من ای کربلا ای دردیمه درمان ( ۳ ) گلسم سوزوم وار خلق ائیلیوب الله سنی لایق چون اولموسان ثارللّهَه شائق سنده یاتوب یئتمیش ایکی عاشق ای فخر عالم ای کربلا ای کعبه دن افضل خُلد برینه ای اولان مَدخَل ای جلوه سی رضوانیدن اَجمَل ای فخر عالم ای کربلا ای دردیمه درمان ( ۳ ) گلسم سوزوم وار ای عرش و فرشه توپراقی زیور اُم القُرادَن ای اولان برتر سنده یاتوبدور جان پیغمبر توپراقلار اوسته ای کربلا ای مرکزِ افغان اون گون سنه اولدی حسین مهمان عطشان اولوب اوز دینینه قربان توپراقلار اوسته ای کربلا ای دردیمه درمان ( ۳ ) گلسم سوزوم وار سنده وئریب قارداشلارین زینب پاینده قالسین دینیلَن مذهب ئولمز یقیناً بیر بئله مکتب محشر اولونجا سنده یاتوبدور شبهِ پیغمبر قطعه به قطعه دوغرانوب اکبر تا کشتیِ دین سالماسین لنگر محشر اولونجا ای کربلا ای دردیمه درمان ( ۳ ) گَلسَم سوزوم وار اوخلاندی سنده معدن احساس نهر فرات اوسته دمِ حسّاس سقای شاه کربلا عباس ظلمِ عدودن قاسم باتوبدور قانینه آخَر ظلمیله اوخلاندی علی اصغر بو غمده یاندی ماسوا یکسر ظلمِ عدودن ای کربلا ای دردیمه درمان ( ۳ ) گَلسَم سوزوم وار ای مسلَخِ مردانِ عاشورا ای جایگاهی کعبه دن والا توپراقلار ایچره یوخ سنه همتا سنده گوزوم وار درد و غمه ائتمه منی مأنوس ورد دیلیم قویما اولا افسوس #شیدانی گل قویما قالا مأیوس سنده گوزوم وار ای کربلا ای دردیمه درمان ( ۳ ) گلسَم سوزوم وار #محرم #آرزوی_کربلا #محمدرضاصادقی‌شیدا

#آرزوی_کربلا #زمزمه 🎤کربلایی مصطفی کامران @turki_nohemajma #کانال_ترکی_مجمع_الذاکرین

‍ ‍ 🌹🍃💚🌹🍃💚🌹🍃 🍃💚🍃 💚🍃🌹 ﷽ 🌹 🍃 #مدح #حضرت_معصومه(س) #ترکی یا حضرت معصومه ایراندا کی مظلومه گلدیم قاپیوا ایله عنایت درگاهیوه جان قربان ایرانلی لارا مهمان ایله نظر ای کان کرامت #اعجازیوه قربان #ای منبع احسان ای آیتِ ربّانی اهل شرفین جانی قلبینده سنه یئر وئروب عترت سندن صورا دنیاده یوخدور بئله معناده بیر قیز تاپا بیر بیله جلالت #اعجازیوه قربان #ای منبع احسان بنای محبت قویوبدور مزارون بناسی صفا وئردی ایرانه اول بارگاهین صفاسی قرادور یوزوم گلمیشم بوش الیله حضوره یقیناً اؤرک دردیمون سنده واردور دواسی #اعجازیوه قربان #ای منبع احسان ای فاطمۀ ثانی ممدوحۀ سلطانی مدحِ تو کند شاه خراسان صحن تو گلستان است خود روضۀ رضوان است جبریل شده بو تو نگهبان #اعجازیوه قربان #ای منبع احسان وابسته دیلر یکسر الطافیوه عالملر فیضیّه سنون شأنیوه قربان وئردون برکت شهره مدیوندی گوزل قبره #قم اهلینه سن ایلدون احسان #اعجازیوه قربان #ای منبع احسان ✍#داود بیدق داری 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود #التماس دعای فرج 🍃 🌹 💚🍃🌹 🍃💚🍃 🌹🍃💚🌹🍃💚🌹🍃

مدح ومیلاد حضرت معصومه علیهاسلام شاعر استاد توانا جناب آقای کلامی زنجانی گل گلزار پیمبردی خانم معصومه معصومه دختر موسی جعفردی خانم معصومه معصومه کر: جلالیوه جانلار فدا معصومه ای خواهر امام رضا معصومه آدون درده درمان” قاپون باب احسان جانیم سنه فدا . ماه ذیقعده نین اول گونی اعلان گلدی جان گلدی نجمه خاتون سویونوب نجم درخشان گلدی جان گلدی عالمه خواهر سلطان خراسان گلدی جان گلدی آرزوی دل مادردی خانم معصومه . بو کریمه خانومون وار صفت اکرامی اکرامی فاطمه دور آدی ئوز جدّه سنین همنامی همنامی حرمی قم دا اوجالدوب عَلَم اسلامی اسلامی حوزده حافظ سنگردی خانم معصومه قم و مشهد یری وار فخرایلیه کیوانه کیوانه بو ولایتده رضا شمعیدی بو پروانه پروانه باجی قارداش یارادوبلار عظمت ایرانه ایرانه طوسه قارداش قما زیوردی خانم معصومه آندویرم سنی معصومه خانم زهرایه زهرایه قاپوون سائلیوق باشیمیزه سال سایه سال سایه قطره یوق دوت الیمیزدن قاروشاق دریایه دریایه اهل ایران سنه نوکردی خانم معصومه . خوش گلوبسن خانم ایرانیمیزه بطحادن بطحادن سالدی هجران زضا قمدا سنی یارادن یارادن تزگوزون دویدی خانم قاطمه تک دنیادن دنیادن سنی اولدودی رضا دردی خانم معصومه معصومه . معدن جود و کرم بحرسخا معصومه معصومه دردیمیز واردی خانم ایله دوا معصومه معصومه قاپون ای شیعه لره باب رجا معصومه معصومه آی آدون جمله مریضانه شفا معصومه معصومه ویر بیزه تزکرۀ کل و بلا معصومه معصومه ملتمس دعا. با نوای اصغر فرشچی(تبریزی)

❣﷽❣ 🌸 #مولودی_امام_رضا_ع 🌸 #ترکی گل باغ جنان رضا امیر والا تبار عشق ووراندا چه چه آدین دیر گولون اوسته هزار عشق (2) آچیلوبدور غنچه رحمت بورونب گل عطرینه جنت یایلوب رضوانه بو صحبت 🌸مرحبا یا بن فاطمه هانی یوسف گلوب گوره بو مه لقانون ملاحتین چکه بهشتین رواقینه آقانون نقش صورتین (2) باخا گر بیر یول بو غزاله قد رعنا هاشمی خاله دیه جک احسن بو جماله 🌸مرحبا یا بن فاطمه آدی مشتقدی حقیدن علی الاعلادی مصدری اودور وجیه الجمالیدور بو غزال پیمبری(2) هر گوزی بیر نرگس جادو هر قاشی بیر تیغ دو پهلو ئوزی اما ضامن آهو 🌸مرحبا یا بن فاطمه گورن اولسا او حضرتی گیدوبدی فرض ایله کعبیه دلیلی وار بو عرضیمون ویر اجازه دیوم نیه (2) آب زمزم اشک زلالی عرفه عرفانی مقالی حجر الاسود قره خالی 🌸مرحبا یا بن فاطمه ┈••✾•🌿🌺🌿•✾••┈

❣﷽❣ 🔮 #مولودی_حضرت_معصومه_س 🔮 #ترکی ای گل باغ پیغمبر دلبند زهرای اطهر ای ضیاء چشم حیدر زاده موسی بن جعفر مظهر حجب و حیاسن منبع جود و سخاسن مدح و مقام وشأنونده بسدی کی اخت الرضاسن دردلره درمان معصومه قبروه قربان معصومه 🔮یا معصومه ۲ مولاتنا معصومه عرشیان عبد دربارون فرشیان محو دیدارون تا قدم قویدون دنیایه حوری لر اولدی زوارون ذکرلبیم روز و شبسن برج شرفده کوکبسن خلقتا عینا زهراسن خصلتا عینا زینبسن زینب ایران معصومه قبروه قربان معصومه 🔮یا معصومه ۲ مولاتنا معصومه ای کریمه آل اللهه ایتدی حق ایفای وعده گوزوی دنیایه آچدون اول ماه ذیقعده طلعتون اوخشور زهرایه شهریمیزه ای پیرایه حمد اولا حی سبحانه بیز سنه اولدوق همسایه رحمت سبحان معصومه قبروه قربان معصومه 🔮یا معصومه ۲ مولاتنا معصومه (#حاج_رضامحمدی_ولایی) ┈••✾•🌿🌺🌿•✾••┈

❣﷽❣ 🔆 #مولودی_حضرت_معصومه_س 🔆 #ترکی شهر قم بو گجه اولوب چراغان عرش و فرشی دوتوبدی نور یزدان قلبه صفاسن_خانم درده دواسن_خانم دامنیوی دوتوبدی شیعه عاجزانه برات کربلا بیزه ویر عیدیانه 🔆معصومه جان ۳ خانم یا معصومه موسیه جعفرین بالاسی گلدی البشاره،ئورک صفاسی گلدی قلبه صفاسن_خانم درده دواسن_خانم دامنیوی دوتوبدی شیعه عاجزانه برات کربلا بیزه ویر عیدیانه 🔆معصومه جان ۳ خانم یا معصومه ای امام رضایه روح و ریحان او گوزل مقدمیوه شیعه قربان قلبه صفاسن_خانم درده دواسن_خانم دامنیوی دوتوبدی شیعه عاجزانه برات کربلا بیزه ویر عیدیانه 🔆معصومه جان ۳ خانم یا معصومه گوزیاشی عاشقان یوزه الللر عاشقان بقیع،قوما گلللر قلبه صفاسن_خانم درده دواسن_خانم دامنیوی دوتوبدی شیعه عاجزانه برات کربلا بیزه ویر عیدیانه 🔆معصومه جان ۳ خانم یا معصومه ( بهلول حبیبی زنجانی) ┈••✾•🌿🌺🌿•✾••┈

❣﷽❣ ❇️ #مولودی_حضرت_معصومه_س ❇️ #ترکی گلدی جهانه نوردوچشم موسی بن جعفر شهر مدینه نور رخیندن اولدی منور اخت الرضانین مقدمی اولسون مبارک ❇️بنت الهدانین مقدمی اولسون مبارک اولسون مبارک دلده امام موسی نون آرتدی شوروسُروری گوردی ائوینده ائتمیش تجلابیرپارچانوری یادائتدی حمدوتکبیریلن اول حی غفوری باخدوقجاحضرت سسلندی تزتزالله اکبر اخت الرضانین مقدمی اولسون مبارک ❇️بنت الهدانین مقدمی اولسون مبارک اولسون مبارک یثرب دیاری اولدی بهاری جناته دوندی شاه جهانون مولارضانون قلبی سووندی فوج ملائک سسلندی یارب بوگون نه گوندی اولموش تمام ارض وسمابونوعی معطر اخت الرضانین مقدمی اولسون مبارک ❇️بنت الهدانین… گویاگلوبدی فانی جهانه زهرادوباره نورالهی ساطع اولوب بو مُلک و دیاره زهرادگول بومولوداطهرایلوم اشاره خلق ایلیوبدی آلله بوطفلی زهرایه مظهر اخت الرضانین مقدمی اولسون مبارک ❇️بنت الهدانین … زیب وجودی اولموش بوطفلین زهراخصالی مولودپاکین وارسینه سینده عصمت مدالی دنیانی یکسرحیرتده قویموش شأن وجلالی خالق یاراتمیش زهراکیمین بوطفلی مطهر اخت الرضانین مقدمی اولسون مبارک ❇️بنت الهدانین… ┈••✾•🌿🌺🌿•✾••┈