حضرت زهرا سلام الله علیها حاج غلامرضا عینی فرد زنجانی خورشید حیا سیر ایلدی باتدی بقعیده زهرا یارالی پیکریلن یاتدی بقیعده مولا ئوزی غسل ائتدی ئوزی کفن ائلیوبدی یدی نفریلن آپاروب دفن ائلیوبدی ائتمیشدی وصیت قالا گیزلینده مزاری تا حقّ علیدن ائده بو طرزیله یاری گیدیردی خانم ثانیه پیراهن خواری بو امّت مرحومیه کشف ایلدی رازین رهبردی او که فاطمه نون قیلدی نمازین قرخ قبر قازوب مرقد زهرا طرفنده سالم قالا تا گوهر عصمت صدفنده دشمن اولا سرگشته و حیران هدفنده نه داش قویولوب قبرینه نه آد یازیلوبدی قبری خانمون حیف اولا ساده قازیلوبدی زهرا بدنین قبره قویان لحظه ده حیدر گوردی خانمی آلدی اوساعتده پیمبر آغلار گوزیله عرض ایلدی ساقی کوثر دیندیر قزیوی بلکه سنه درد دل ایتسون تا باغ حیاده اکیلن گللری بیتسون تشییع بتوله گلن انصار قیتدی تک قالدی علی اوردا بیرآز درد دل ایتدی آغلادی خداحافظ ایدوب منزله گیتدی هرکیمسه نون عالمده جوان ئولسه عیالی بو سوز اثر ایلر اونا درک ایلر او حالی گلسون ائوه زهرانی گوزوندن آتا بیلمور ائتسون آنالیق قزلارا رمزین آتا بیلمور قبر اوسته قالا زینب آتاسیز یاتا بیلمور داغ دل مولایه نوا ایلدی داغلار مظلوم آقانون حالینه آغلور در و دیوار ناچار ائوینه ساری پریشان آقا گلدی مولا ئورگین هجر بتول اوخ کیمی دلدی انسانی بو احواله سالان پیک اجلدی آغلار گوزیلن باغلی قالان قاپلارا باخدی گئچمیش گونی یاد ایلدی بیلمم هارا باخدی قلبون آقانون خاطره لر سالدی فشاره گوردی که سکوت حاکم اولوبدی او دیاره زهرا سسی گلمور اورگین ایلدی یاره بیرگون واریدی قونشولار ایلردی شکایت زهرایه دینن آغلاما ای کان مروّت شاید بویورا اهل وطن ایندی یاتون سیز زهرا ئورگون سیز ایلدوز قانیله لبریز بیرگون یوخودان امّت نادان آیلارسیز زهرا سیزه خاطر ئوزینی غصّیه سالدی یتمیش گونون عرضنده جوانلقدا قوجالدی

‍ ‍ ‍ شهادت حضرت زهرا سلام الله علیها ای قلبیمین آرامش و صبر و قراری آغلار گچر سن سیز علینون روزگاری سینونده یاره گیتدون مزاره بو درده ایلوم ایندی نه چاره سنسیز منه دنیا بویوک زندان اولوبدی قلب شکسته فرقتونده قان اولوبدی همواره پیشم ناله و افغان اولوبدی سینونده یاره گیتدون مزاره بو درده ایلوم ایندی نه چاره طوفان ظلم اسدی شکست اولدی سفینه قورتار میان ضربه دگیب ار کان دینه محسن شهید اولدی سنوب پهلو وسینه سینونده یاره گیتدون مزاره بو درده ایلوم ایندی نه چاره سن سیز حسینیله حسن گل تک سارالدی کلثوم وزینب الری قوینوندا قالدی سن سیز منیم قلبیمی طوفان غم آلدی سینونده یاره گیتدون مزاره بو درده ایلوم ایندی نه چاره دنیای روشن گوزلریمده تار اولوبدی قاتل سنه سیننده کی مسمار اولوبدی یوخ یوخ سنه قاتل در و دیوار اوولوبدی سینونده یاره گیتدون مزاره بو درده ایلوم ایندی نه چاره ای عزت عالم  ندن  سن خوار اولوبسان گه مبتلای ثانی خونخوار اولوبسان گاهی گرفتار در ودیوار اولوبسان سینونده یاره گیتدون مزاره بو درده ایلوم ایندی نه چاره قلبیمده زهرا جان بویوک داغلار قالوبدی کلثوم لن ذینب گوزی آغلار قالوبدی گوررم جفائیلن قاپون باغلی قالوبدی سینونده یاره گیتدون مزاره بو درده ایلوم ایندی نه چاره قنفذ سنه وردی نقدری تازیانه فریاد ایدیب گلدین جفائیلن فغانه تاثیر ایدوب قلبیم دونوب بیر پارچا قانه سینونده یاره گیتدون مزاره بو درده ایلوم ایندی نه چاره محنت لباسین پیکریندن سویمادون سن بیر بالش آسایشه باش قویمادون سن سینونده یاره گیتدون مزاره بو درده ایلوم ایندی نه چاره

زبانحال حضرت علی (س) در بالین حضرت زهرا (س) . شریک محنتیم اویان منیم حیالی فاطمم ائویم ییخیلدی آچ گوزون منیم یارالی فاطمم . اویان حسین باشون اوسته آغلور یارالی قیزون زینب سینه سینی داغلور یارالی بالان گلثوم هی نماز اوسته ال دعاده حسن رخساره سرشکین باغلور یارالی . یارالی یارالی ... . . . . . . سنون بو یورقون یاتماقون آرامیمی الدن آلور عم اوغلووی بو درد وغم صبرین آلور دلدن سالور . عم اوغلووام ای حیا و عصمت نشانی توکوب گوزیاش ناله ایلورم من نهانی سسون فداسی سسیمه سس وئر یارالی بئله آغلاتما علی مشکل گشانی . یارالی یارالی ... . . سبک_حسین_دوشوبدی_مقتله

‍ #ایام_فاطمیه زبانحال حضرت علی علیه السلام به سبک اصغریم ای شیرین زبانیم ای منیم یار با وقاریم دینمون اوسته جانثاریم قالدی بو گوزلریم دالینجا آچ گوزون یارلی نگاریم داغلارام سینه می فراقینده سنین آغلارام ایندی بوش اتاقینده سنین قالوب زهرا علی تنها 2 بار باخ منه گور نه حاله قالدیم آغلادیم من غمینده یاندیم کوچه ده ایتدیلر جسارت من بو آز سینیده قوجالدیم آتما گوزدن عم اوغلوی سن یارالی یوخلاما آچ گوزون مدینه مارالی قالوب زهرا علی تنها 2بار ای ائویمین صفاسی زهرا قویما سن بو علینی تنها قلبیمه ویردیلار جراحت ای گل. گلعزار طاها یاندرار سینمی ئورک داغلاماقین گیجه لر صبحه تک یواش آغلاماقین قالوب زهرا. علی تنها. 2بار بیلمدیم کوچه ماجراسین قوی گوروم صورتین یاراسین زینبه نه اولار جوابیم زینبین گورموسن نواسین کیم ووروب صورتیوه سیلی یارالی گول جمالون ائدوبدی نیلی یارالی قالوب زهرا. علی تنها 2بار گلمیشم ایندی من فغانه قویدی آغلار منی زمانه دست کینه ائدوب جسارت اشگیم اولدی یوزه روانه صر صر ظلمیله صولار یاسمنین قان اولار گوزلرینده اشگی حسنین قالوب زهرا علی تنها. 2بار گول کیمی صولدی باغ طاها زینب آغلور غمینده زهرا دیلده قالمور داخی قراریم قویما سن مرتضانی تنها آغلارام قبره نیمه شب گیتمه گیوه سینه وین یاره سین نهان ایتمه گیوه قالوب زهرا علی تنها. 2بار حیدرین گویلون آل دانیشدیر آز منیم قلبیمی آلشدیر آچ گوزون بیر علینی دیندیر بو گوسن گویلومی باریشدیر مرتضی باشین اوسته آغلور یارالی سینه سین غملرینده داغلور یارالی قالوب زهرا علی تنها. 2بار ظلم ائدوب ثانی ستمگر دیللری یاندروبدی یکسر ووردی سیلی قباله اوسته آغلادوب عالمی سراسر حشره تک یاندرار بوغم شیعه لر ی «مهدی» یاز شانینه گوره نوحه لری قالوب زهرا. علی تنها. 2بار شاعر مهدی ملکی زنجانی ✨اَللّهُمَّ عَجِّل لِوَلیِّکَ الفَرَج✨

🔳 #ایام_فاطمیه ۱۴۰۰ 🌴خانوم بهشت گوشه‌ی چادر شبونددور 🌴جان لیعبدون گجکی یار الینددور 🎤 #مهدی_رسولی ⏯ #شور #ترکی @majmaozakerine #کانال_نوحه_مجمع_الذاکرین

🏴#شهادت_حضرت_فاطمه_س 🏴#ترکی @turki_nohemajma #کانال_ترکی_مجمع_الذاکرین

🏴#شهادت_حضرت_فاطمه_س ✅#زبانحال_حضرت_علی_ع ✍حاج ولی الله کلامی زنجانی ▪️▪️▪️▪️▪️▪️▪️▪️ زهرا گئدوب الیمدن غمخواریم ئولدی یارب درمان دالیجا گزدیم بیماریم ئولدی یارب ای یاریم الله الله دلداریم الله الله مندن بیری سوروشمور گل تک ندن سارالدون آیا سنه نه گلدی اوچ دورت گونه قوجالدون حکمت سنوندی الله باشیم بلایه سالدون سن وئرمیشیدون آخر سنده الیمدن آلدون دوشمنلریم سووندی چون یاریم ئولدی یارب بیر دردیدور بو هجران الده دواسی یوخدی بو غملی روزگارین حسن و صفاسی یوخدی وار دورت بالام ائویمده عشرت اساسی یوخدی ناز ئورگنوبدی زینب افسوس آناسی یوخدی دل داغلیام، بو غمده دلداریم ئولدی یارب غسلین وئرنده لوح آمالی پاره گوردوم تردیده دوشدوم اول باخدوم دوباره گوردوم پوشیده ساخلامیشدی من آشکاره گوردوم ایکاش گورمییدیم جسمینده یاره گوردوم ایوای آشنایِ اسراریم ئولدی یارب اولموشدی بسکه زهرا طاها غمینده مضطر روح الامین گلردی دیدارینه مکرر دای فاطمه ئولندن گلمور او پیک داور گلسه گورر قالوبدی منزلده خالی بستر دردانه ی رسول مختاریم ئولدی یارب با اینکه قونشولار چوخ ووردی اونا کنایه همسایه لردن امّا هیچ ائتمدی گلایه دوزدی به جای نفرین آچدی دلین دعایه سکناسی بیت الاحزان اولدی بدون سایه جاندان دویوب انیس اذکاریم ئولدی یارب یارب نولوردی زهرا اوچ آیدا ساق قالیدی راحت دوروب حسینون قول بوینونا سالیدی محسن صود ایستینده آغوشینه آلیدی گهواریه سالیدی بیر لای لای چالیدی گل صولدی باغبان گلزاریم ئولدی یارب یاندی قاپوم او گون که اوت چیخدی آسمانه قوللاری مرتضانین باغلاندی ریسمانه زهرا او حالدا ائتدی جانین سپر بو جانه گل پیکرین گوورتدی آثار تازیانه قول سیندی پاسدار درباریم ئولدی یارب صولدی گولوم باغیمدا دورت نازلی بلبل آغلار بلبل لره بقیعده مدفون اولان گول آغلار گول عاشقی گولنمز هر نه دئسن گول آغلار بو غصه دن 《کلامی》 باشه سپر کول آغلار شیرین زبان و شیرین گفتاریم ئولدی یارب #کانال_ترکی_مجمع_الذاکرین

کانال ادعیه وگریزهای مجمع الذاکرین (علیه السلام)👇👇👇👇 https://eitaa.com/joinchat/466354217Cce92b3a469 برای استفاده از دعاهاو گریزهای ودسترسی آسان به اون دعا برای مادحین و ذاکرین محترم

‍ #روضه_حضرت_زهرا مام سادات جهان بضعه طاهایه سلام قبری گیزلینده قالان حضرت زهرایه سلام اگر ایستوسن بو گیجه مولانین قولوندان یاپیشاسان حسن حسینه بیر تسلیت دیه سن التماس دعا مام سادات جهان بضعه طاهایه سلام قبری گیزلینده قالان حضرت زهرایه سلام السلام ای آسمان عصمتین ماهواره سی السلام ای سیلی ضربیندن قولاقیندن دوشن گوشواره سی السلام ای فاطمه ای گل وجودین خار اوپن آستانینه یارالی سینه سین مسمار اوپن ای وای یارالی زهرا ایویز اباد اولا گوزل اوخودیلار بهره مند اولدون آخرین لحظه های عمر فاطمه زهرا مولا علی مسجده مشغول نماز اوندا گوردی قاپیدا بالالار سسلندی گل هارداسان ای شاه ولایت ننم اولدی قرآنی اوزون ایله تلاوت ننم اولدی هیچ بیزه باخمیرگوزلرین آچمیر ننم جواندی ای بابااولوم یاراشمر علی یوبانما بابا گل ننم اولدی مولا علی بیر حالا قالدی یواش یواش گلیردودمان ولایته ای زهرانین قوناخلاری یاسه گلنلر امام زمانه تسلیته گلنلر اواز مسافتده او قهرمان علی نیچه دفعه ایلشدی یره دوردی ایاقه یواش یواش گلدی دودمان ولایته گوردی زهرا روبه قبله اولین مرحله کی منزل نه گلدی علی گوردی خاموش اولوب او پرتونور ازلی ایلشدی زهرا نین باشین آلدی دیزاوسته اوچ دفعه سسلندی یا بنت رسول الله یافاطمه الزهرا عم اوغلوام کمکیم یوخدی زهرا آدامسیز قالمشام گوزون آچ آی زهرا گوردی زهرا گوزولرن آچمادی اخذاالعمامته آن راسئ علی عمامه نی قویدی یره وحل ازراره عبانی آتدی یره زهراگوزوی آچ عمواوغلوام زهرا آدامسیزقالمیشام زهرا نظرونده مجسم ایله علی بیرطرفه باخیر گوردی حسنین الرین قویوب رویئنن باشینا زینب بیرطرف ده دیری ننه ننه جوان ننه جوانگی یالان ننه ظلمینن قول قابرگاسی صدمه گورب  سنان ننه ننه باشوادولانیم ای ننه گوزوی آچ ای ننه علی گوردی زهراگوزلرین آچمادی آقااوزون دولاندیردی گو عالمینه الله الله گل طاهانی دوباره منه ور المامنن بونی زهرانی دوباره منه ور الله کمیم یوخدی بیله ادامسزقالمشام زهرا بیرتوکون فاطمه  بیلوسن مین عالمنره ورمرم یاروه قربان اولوم دیندیر دانشتر حیدرم زهراگوزوی آچ ای زهرا بالالارم آقالارقالیب زهرا«يَـا فَـاطِمَـةُ كَلِّمِـينِـي فَـأَنـَا ابْـنُ عَمِّـكَ عَلِيُّ بْنُ أَبـِي طَالِب؛ بیله آقلادی مولا باخیرصورته زهرایئه ناگهان کون تکان وردی علی زمزمه اسی ایتدی اعجاز اومسیحانی دیرلدن نفسی غملی دلدن اوجالیب عرش مواسات سسی کاینات ایلدی تکرارعلینن سوزونی مستئجاب اولدی دعا فاطمه اچدی گوزونی اغلاماعلی آغلاما عم اوغلی جان زهرا گوزون آچدی بیرباخدی بالالارینابیرباخدی مولا علینن اوزونه عم اوغلی فه اخرجه من کانه فعل بعد زهرانین اولین فرمایش بواولدی عم اوغلی بالالاری اودن خارج ایله حسنینم خارج ایله عم اوغلی روئم ده دعمعلی دردیم واراما بوروضئه نن بس اولاربویک لردن ایشدمشم علی بیرباخدی حسن حسین اوغل گئدون پیغبرین قبرینه ننه اوزدعا ایلیون اوبالاجابالالارگلدی پیغبرین قبرین اوسته دستئمازالدیلارایکی۲رکعت نماز قیلدیلاراویاشیل عمامه لرین الدیلاراله بالاجا الرینن دعاایلدیلر اماکیمه دعاایلیلر یواش یواش دعا ایلیلر یواش یواش دیئلرالله بابامین کومیه یوخدی الله علی آدامسیزدی قالیب آپاردی ظلم ثانی دن اورئک ده یاره فاطمه نئه دیرکی علتی گیدیر گئجه مزاره فاطمه اوجادینن یازهرایازهرا مداح استادطالبی #لعن_الله_قاتلیک_یا_فاطمة_الزهرا

روضه حضرت زهرا س

‍ ‍ ‍ روضه حضرت زهرا(ص) سوتوک اسما یووم تامن ولی آهسته آهسته 😭😭😭😭 وراخ غسلون ایداخ شیون ولی آهسته آهسته (اسماءمبادا همسایه لر بوللر) علینین آدامی یوخدی سس ویرماقوینان سن علیه کمک اول سوتوک اسما یووم تامن ولی آهسته آهسته 😭😭😭😭😭😭 وراخ غسلون ایداخ شیون ولی آهسته آهسته 😭😭😭😭😭 یوزون دوندر صاقا صولدان گیدیب قنفذ خطا یولدان مواظب اول سنان قولدان خزان وروبدی گلی باغبان باخور آغلور خدا بولور کفنین بندینی نجه باغلور تابوته وردیلر حرکت زینب آغلادی گویا ایدوب آناسینا بونوعی کشف راز قال بوگئجه بیزیله گونوز باری دوش یولا شب زنده داریلر ایلمز شبدن اعتراض ظلمت گئجه آنا گیدیسن هانسی منزله (اوشاقدی بعضی فکریلر الر ئوز عالمینده هله اینانمیر ننه نین تابوتی یولا دوشور بیردن دیدی) خدا مادرم را کجا میبرن 😭😭😭😭😭😭 گمانم برای شفا میبرن مرو مادرم مرو مادرم مرو مادر امشب کنار سفره خالیست جای مادر فضه دییر من بوگئجه هرنه الدیم اواوشاقلار غذا یمدیلر فضه آنامیز هاردا بئله داریخمشوخ زینبی آرام الیرم حسین آغلور حسن بولمورم نلر گوروب اتاقین بیر گوشه سینده بئله سخلوب هردن دییر سیز یوخودوز اوکوچه ده من گوردوم سیز گورمدیز آنام نجه سخلدی دیواره بیرآز قوزاندم اوکوچه ده که اوسیلی منه دیسین ایستادم به سر پنجه پااما حیف دستش از روی سرم رد شدو بر مادر خورد ننم سخلدی دیواره دیدی اوغول قسمت بویوموش کوچه ده سیلی منه دیسون قوخدوم ننون ئولسون اوآغر ال سنه دیسون ✍مهدی عابدینی @turki_nohemajma #کانال_ترکی_مجمع_الذاکرین

‍ روضه حضرت فاطمه زهرا(س) قاپی آغزندا ایلشدی یوزون گیزلتدی زینبدن ننه پوزگون ایوه گلسه قیزی گور اشکبار اولماز (زینب صاقا گچیر زهرا صولا دونور زینب صولا گلیر خانم صاقا دونور باخدی باخدی دیدی) شجاعتلن دیدی گتدوز ورولموش قوش کیمی گلدوز نه گلدی باشیوه (گوردولر امام حسین یواش یواش گلیر ننه نیه اوستو باشون توزا بلنیب ننه) من حسینم یومولان گوزلره قربانم آنا بوکولن قده قرا معجره قربانم آنا منه کوینک توخویان الره قربانم آنا (ابی عبدالله چوخ اسرار اله دی دیدی سنی آند ویریرم آتام علینین حقینه یوزون منن دوندرمه امام حسیندن دا گچنمدی) نشان ویروب یوزون زهرا گوروبدی سیلینین ردین (اله کی یوزون نشان ویردی خانم اوشاقدی امام حسینین آلتی یا یدی یاشی وار باخاندا گوردی ننه نین گوزونه قان لکه گلیبدی ئوزون ایتیردی دوداقین قویدی ننه نین گوزونه بئله محکم اوپدی اله کی محکم اوپدی خانمن گوزونن خانم زهرا آغلیا آغلیا دیدی منن گچدی بالا اما قولاقوی گتی سنه بیر سوز تاپشرم آینده ده کربلاده دردیوه دیر امام حسین دییر دیدیم الله گوره سن نه دیجک دیدی) بیرده یارالی گوزدن اوپنده یواش اوپ سبک بانوای حاج علیرضا اسفندیاری اردبیلی 👇👇👇

روضه حضرت زهرا(س) سیّئاتیله نامه ی عملون ای "حسینی" اولوبدی گرچه سیاه حسناته یوخوندور امّیدون دفترون دولدوروب تمام گناه قوخما مامورلر قیامتده جرم پروندوه ایدنده نگاه چشم پوشی ایده لّه سیننده گورسه لر گر مدال زهرانی گونده اوچ دفعه یثربین شهرین روشن ایلردی نور رخساری صبح وقتینده جلوه گر آق نور، ظهر وقتی طلیعه ی ساری شام وقتینده شوق مولادن مه جمالی اولوردی گُل ناری ئوزینه آرزو ایدردی فلک شفق آتدا کمال زهرانی ئوز غمیم یادان چخبدور اشک ریزم من سنه عصمت اللهم ئوزوم بولم عزیزم من سنه عالمین زهراسیم اما کنیزم من سنه (عمواوغلی ایندی کی آخر لحظه لردی آخر گوندی عمواوغلی بابام رسول الله بویوردی زهرا گدیرسن علینین ایوینه مبادا زن وشوهر آراسندا بیر زاد ایستیه سن عمواوغلوم خجالت اولا بالالارا بویور گیدسینله روضه پیغمبره بزم راضی خلوت السینلر بالالار ایودن خارج اولدی عمواوغلی منه بیر کمهلخ اله دوروم ایلشیم ) ایشیدمیشم کوچه ده سنه سلام ویرمیلر ئوزوم ایاقیوه دورام سنه سلام ائدرم سلام اولا سنه ای یارسیزلارین یاری (بزم راضی خلوت ایلدیلر بالالار ایودن خارج اولدولار خانم بیر ئوزونه تکان ویردی عمواوغلی سن آغلاما اورییم دوزمور) ویردی تکان سینان قولونا گوز یاشین سیله قول قاخمادی دوشدی یاراسی اذیته

‍ ‍ بسم الله الرحمان الرحیم #روضه_حضرت_زهراسلام شب شام غریبان حضرت زهرا سلام الله علیها گیدیر مزارفاطمه حسن دیر ننه دایان حسین دیر ننه دایان ۲ گئجه قرانلوقی خلوت ننه هارا گیدیسن ای ننه یاتیپدی ایندی جماعت هاراگیدرسن آی ننه ۲ التماس دعا شب شام غریبان بی بی دوعالم توفیق اولدی بوگئجه خدمتوزده اولاخ عرض تسلیتمیزاولا امام زمان عج آقایا بیلمیرم آقا قبرستان بقیع ده دولانیر اوگیزلین قبرین دورسنه یا ننه سینن روضه لرینده یا ننه سینن مجلسینده دی یاندی باب خانه دوزدم بوجفای دوزمرم باتدی سینه قانه دوزدوم بوجفایدوزمرم گلدی زهراجانه دوزدم بوجفایه دوزمرم قبر زهرا کعبه دور کیم دیرکعبه اولا ویران اما علی دیلمیه ئورک اویینن گئدک قبرستان بقیعه ام الا یمن دیر گوردوم پیغبر وارداولدی اووه علی پیغبرین دالسیجان دقایقی پیغمبربووردی ام الایمن منی علینن تنها قویون پیغبر ایلشدی علی ایلشدی وصیت ایلر پیغبر ام اوغلی عمرم قوتاریرگیت ملیم نچه وصیتیم وار عم اوغلی منن سورا حقوی غصب ایلیر صبرایلرسن چشم یا رسول الله علی خانه نشین اورسان صبرایلیرسن چشم یارسول الله علی قاپو ی یاندرالار صبرایلیرسن چشم یارسول الله صبرایلرم اما پیغبر بیر وصیت ایلدی علی بتر اغلادی عم اوغلی منن سورا گوزون باخا باخا زهرانی دوولر یا رسول الله مگرعلی دوزر زهرانی دووه لرپیغبر آغلادی عم اوغلی صبر ایلیرسن حقی غضب ‌اولدی علی صبر ایلدی قاپی یاندی علی صبر ایلدی محسن شهید اولدی علی صبرایلدی دلیم لال اولا زهرایه سیلی وردلر علی صبرایلدی زهرانین قولاریناتازیانه وردیلار علی صبرایلدی اما بوگئجه مولانین صبرقوتاردی امام زمان آقا علی ایلشب اوده زهرانین یاسیدی بیلمرم سلمان یامقداد یااباذر بیری گلدی قاپیا علی ایلشبسن دورایاقا مگرنه خبروار علی دورایاقا غاصبان حکومت ایستیلر زهرانین قبرین آچالار علی دورایاقا اوقهرمان علی دوردی ایاقااوساری دستمال باغلادی باشینا ذولفقاری آلدی الینه مولاگیتدی قبرستانه بقیعه یاندی باب خانه دوزدیم بوجفایه دوزمرم گلدی زهراجانه دوزدوم بوجفایه دوز مرم اووی داغلانارسینه باتدی قانه دوزدم بوجفایه دوزمرم قبر زهراکعبه دی اماگرگ دیللمیم کیم دیر کعبه کرگ ویران اولاعلی دیللمیه اخ مصطفی قول وردیم صبرایدم صبرایلدیم یوخسا من اوحیدرم خندق ده گوردوزنیلدیم عمروبن عبدود اولولدوردم ظلم فسادین پی لدیم قدرتوز واردی اگربیر قبری الان نبش ایدون سینه وزی نبش ایلرم تز گلدگوز یولدان گیدون تکیه دیوار بقیع ایلدی داشلارتیتردی ذولفقارین قبضه سیندن سیخدی باشلارتیتردی سیترتیندن یرده داشلار گوده قوشلار تیتردی بیلدیلر حیدرغضبلنسه دل آفاق اسر بو علی المرتضی دی دشمنین نسلین کسر (تکراربند) قدرتوزواردی اگربیرقبرالان نبش ایدوز سینه وزی نبش ایلرم تیزگلدوگوز یولدان گیدون گوردی مولا اودستمالی باقلیب باشینا ذولفغارعلینن الینده ابن عباسه دیدی قویما علی تیغ چکه تیغین چکسه بو قبرستانی ایلر مهلکه هامی داغیلدی قلبی رام اولدی امامین منزله استیرگله ایلکی گوردی هامی متفرق اولدی علی بیرباخدی زهرانین قبرینه زهرا بیله آدامسیزقالدیم زهرابیله کمکسیز قالموشا م یاندیم ای زهرایاندم ای زهرایاندم ای زهرا دیرم دور یاپش علینن الینن بوگئجه حسن وحسینن یامان گئجه سی دی زینب ام کلثومین آغلار قالان گئجه سی دی قربان اولوم گوزیا شوزا قلب رام اولدی امامین منزله ایستر گله گلدی اماباخماق اولمازدیده سیالینه بیرنفرایستیرکه تایانسین تاعلینن حالینه همیشه مولا جنگ لردن قیدنده زهراگلردی قاپیا عم اوغلی یورولمیسان باشوادولانیم عم او اوغلی امابودفعه مولاناراحت اووه وارد اولاندابیر اوزون قویدی یانان قاپیا زهرا زهرازهراگوردی ال باشدان زینب قاشدی بابانین استقبالینه اوبالاجابالاقاچاقاچا گئلدی قاباقاعلی ایلشدی یره زینب اوبالا جاالئرین سالدی علینن بوینینا هردن یواش یواش دیر باباجان بابا مظلوم بابابیکس بابامنزله فاتح قیدون بابا قویمادون ننه مین قبرین دشمن آچا بابا بابا بیرایلش یره دولانیم باشوا قویمادون ننه مین قبرینی دشمن آچابابا اما قول وراوقبره منه بیرگئجه گورست سن ای بابا انشاالله وعده میز کربلا اولا قبرستان بقیع اولا اورداایلشک خانمن قبره آشکاراولا اورداباخاخ بیر زهراننه ائن قبرینه زهرا جان دردیمیز وار خانم مریضیمزوارخانم زبانحال حضرت زینب س قول وراوقبره بیر گئجه منه گورسدبابا الله سنی بالالا رواچوخ گورمسین باباهچ آدامسیز خانواده مادر الدن ورمسین یازهرایازهرا نسءلک اللهم وندعوک باسمک العظیم الاعظم .الاعزالاجل الاکرم .بحق الحسین .ده مرتبه یاالله ........یارحمان ویارحیم تنظیم ومداحی استاد طالبی #لعن_الله_قاتلیک_یا_فاطمة_الزهرا

درد دل حضرت زهرا سلام الله با حضرت امیرالمومنین علیه السلام در سبک خداحافظ ای آنان باجی و سبک سن آغلوسان من دوزنمورم به قلم کربلایی صابرثمودی 🏴🏴🏴 خداحافظ جان عمواوغلی جان ایلمه بئله افغان.فاطمه سنه قربان سنی گوزیاشلی گورنمورم اولما سن بئله گریان. فاطمه سنه قربان سن آغلوسان من دوزنمورم (2) آغلاما علی جانم آغلاما علی جانم 🏴🏴🏴 عمواوغلی حسرتله باخورسان گوز یاشون اولور جاری ایسلادور او رخساری الیم قاخمور گوزیاشون سیلم عفو ائله بو بیماری .اینجیدوب پرستاری منه حقون گل حلال ایله لطف ائله سنی تاری. شاد ائله منی باری کی سنده دی جودیلن کرم عالمه اولان سلطان فاطمه سنه قربان 🏴🏴🏴 اوزون اگهسن عمو اوغلی جان ظلم ائدوب منه ثانی آغلادوبدی طاهانی لگد ووردی ظالم و بی دین چیخدی محسنین جانی گورمدی بو دنیانی یانان قاپی ایله آچیلدی نیلدی او مسماری سینمون آخوب قانی یخلدیم من آستانیمده سینه می آپاردی قان.فاطمه سنه قربان 🏴🏴🏴 امامتین آسمانینه بیر مه منورسن.آسمانه زیورسن وصی پیغمبر خدا شیعیانه رهبرسن فاطمیه دلبرسن مریض عشقوندی فاطمه عالمه برابرسن هم جمالی انورسن طبیبم سن سن عمواوغلی جان دردیمه ائله درمان فاطمه سنه قربان 🏴🏴🏴 عمو اوغلی گل باشیم اوستونده ائت تلاوت قرآن تا وئریم من آسان جان سسون قربانی اولا زهرا ای منه عزیز جان.لحنیوه اوزوم قربان گوزون یاشین سینمه چکوم.بلکه بند اولا بو قان فاطمه تاپا درمان چکور زهرا سون نفسلری ای اولان منه جانان فاطمه سنه قربان ✨ اَللّهُمَّ عَجِّل لِوَلیِّکَ الفَرَج✨💫

✔️زبانحال حضرت فاطمه زهرا عليها السلام در بستر شهادت اگلش باشیم اوستونده عم اوغلی ویرورم جان قرآن اوخی ای ناطق قرآن سنه قربان الله سوزونی سندن ایشتماق نه گوزلدی جان اوسته نظر حسنوه ایتماق نه گوزلدی مدتدی سنه همسرم ای خسرو خوبان بو مدتی قیلدون منه الطاف فراوان گل بیر ده منه لطف و کرم قیل سنه قربان گوگلوم غمین آل رفع ملال ایله عم اوغلی زهرانی کنیزوندی حلال ایله عم اوغلی چوخ عمر دیردیم منه لطف ایلسون الله بو عمری سنه خدمته صرف ایلیم ای شاه افسوس که تیز ایله دیلر عمریمی کوتاه ناحق یره ظلم ائتدی منه اوّل و ثانی ئولدوردی منی محسنیمون سقط زمانی درک ایلیه لی محضریوه فیض تشرف اولموب که اولا حضرتوه عرض تکلف بو آیریلیقا غم یمه چوخ ایتمه تاسف فرض ایله که زهرا یوخوموش دار فناده یا بیر گلیدی سولدی گلستان وفاده هر چند که گلشنده کی گللر گلیم من بو فخر منه بسدی سنه سویگلی یم من خار ستمون حیف اولا خونین دلیم من گللر بوله جاق نسگلیمی خار آراسندا بلبلده غم حسرت دیدار آراسندا مندن صورا گلشنده آچار سوسنی گللر ایستر بوله لر صورتی سوسن منی گللر گتسن چمنه گورسله من سیز سنی گللر انصاف ایلموب باخماسا نرگس گوزی حسرت نه یوزله بنفشه یره تیکمز رخ خجلت غصب ایتدی سنون حقویله ملکیمی دشمن غملندیم اوتوردوم ایلدیم ناله و شیون تا رخصت آلوب حقوی اثبات ایلیم من مسجدده گیدوب ایلدیم حق سوزلری اعلان طغیانیله بوبکر اوزیده اولدی پشیمان گوردوم کمکون یوخ سنون ای شاه ولایت هر کیم یتیشور ایلوری بیر نحو اهانت ایفای وظیفه ایلیوب ایتدیم اعانت ناچار قالوب خلق آرا مسجدده دانشدیم اثبات ایلدیم حقوی جانلار سنه قربان ثانی منیم حق سوزلریمه تاپمادی برهان کسدی یولومی آچدی ال اول دشمن قرآن ای تک یوزومی سالدی خسوفه او ستمکار اولدوم او زماندان من عم اوغلی بیله بیمار الطافوه چوخ شایقیم ای شمس هدایت وی سایه سی عالم لر آرا سایه رحمت دوشسه باشیما لطفویله ظل عنایت عرشه اوجادار باشیمی ای روح روانیم ای عالم آرا روح و روان و دل و جانیم ساین نه گوزل سایه دی ای سرور دوران ساینده سنون دالدالانور عالم امکان سالسان باشیما سایه وی ای سایه رحمان بو سایه چوخ عزت اولی زهرایه حبیبیم گر چه سالارام چوخ باشا من سایه حبیبیم آندا ایچمرم اول جانه اولا نقص ارادت سوگند اولا اول خاکه که کویونده دی تربت قلبیمده سنه موج ویرور مهر و محبت بیر جوهره مهر که اوندا عرض اولماز دنیا هاموسی مهر اولا اونلا عوض اولماز «ذهنی» نه گوزل تاپموسان عالمده سعادت بو تاپماقوا باعث اولوب خالق عزت یاز بو سوزی زهرا دیدی ای شاه ولایت الله سوزونی سنده ایشتماق نه گوزلدی جان اوسته نظر حسنوه سالماق نه گوزلدی ✍️ مرحوم حاج عبدالعظیم ذهنی زاده #اگلش_باشیم_اوستونده_عم_اوغلی #ذهنی_زاده #فاطمیه

#روضه_حضرت_زهرا_س از : #روضه_‌های_حاج_جاوید بِسْـمِ ٱللهِ ٱلْرَّحْمٰنِ الْرَّحیـمْ السّلام علیکِ یا فاطِمَةُ الزَّهراءِ یابِنتَ مُحَمَّد ٍ یا قُرَّ ةَ عَینِ الرَّسوُلِ یا یا سَیِدَتَناوَ مَولاتَنا اِنا تَوَجَّهنا وَستَشفَعنا وَ تَوَسَّلنا بِکِ اِلیَ اللّهِ وَ قَدَّمناکِ بَینَ یَدَی حاجاتِنا عـــزادارم ، عــزادارم ، برای حضرت زهرا به جان و دل به پا دارم ، عزای حضرت زهرا چو یــاد آرم مصیبت ها که از اعدا بر او آمد ز دیده اشک می بارم ، بــرای حضرت زهرا پیمبر رفت و در دنیا نمــــانـده بهر او باقی که باشد یــــادگار او ، سوای حضرت زهرا 😭 خوش بحال اولاری کی عمرلرین مجالس و محافل روضه ده قوتاردیلر ، خوشا اولارین حالینا کی مصائب اهلبیت (ع) گوز یاشی توکوبلر ، آخی هر نه واریمزدی بو گوز یاشیلاندی 😭 کیم دییردی بعد از رحلت پیامبر عظیم الشأن (ص) تنها یادگاری ، حضرت زهرا (س) ووراللار ، کیم فکر ایلییردی بعد پیامبر (ص) بالاسین در و دیوار آراسیندا قویاللار روضه اوخویوم ،اورک لری روانه ائلیاخ مدینیه کنار قبر مخفی بی بی دو عالم 😭 دوشوب خیالیمه یارب بلاسی فاطمه نون اوجالدی عرشه ایویندن نواسی فاطمه نون آتاسی ئولدی اولوب شهریده غریبه کیمی دونوب یاد اولدی هامی آشناسی فاطمه 😭 خانم عزالیدی ، هنوز باباسی پیغمبر رحمتین (ص) داغی اورگینده ، نچه گوندی گوز یاشی توکور آتا فراقینده 😭 قاپوسین اودلادیلار محسنین ایدوبله شهید باشیندا باخمادیلار ، وار قراسی فاطمه نون او قدری اولدی ستم ، دوشدی بستر مرگه بدنده قالمـــادی آخر ، قواسی فاطمه نون 😭 نیلدی آی عاشقان اوجالتدی بیر الینی ، درگه خــــــداونده بو اولدی زمزمهٔ ، غم فزاسی فاطمه نون 😭 دعاسی بودی اللهی فاطمه نون عمرینی اوزون قورتار اجابته یتوشوبدی دعــــاسی فاطمه نون غروب ایدوب او خانم گون باتان چاقی گون تک یتیم اولوبــدی داخی دورد بالاسی فاطمه نون 😭نیسگیل بودی گجه گر ئولسه بیری دفن ایدلّه گوندوز اونی گورون هارا یتشوب مـــاجراسی فاطمه نون گجیله کوینگین اوستن وروردی غسلون علی اوجادان آغــــلادی بیردن آقاسی فاطمه نون سوروشدی فضه 😭 سئوال ایلدی آقا جان ، سن ئوزون گونوزدن بیوروردون اوجادان آغلامیون ، اما نه اولدی ئوزون بیله اوجادان آغلیورسان 😭 سوروشدی فضه نــــدور علتی بو آغلاماقون بویوردی سینه ده واردی یاراسی فاطمه نون 😭 فضه بونا آغلیورام که زهرا چوخ سوزون چوخ دردین منه دئمیوب ئولونجه آغلارام هیچ دردینی منه دیمیوب مگر قالوبدی سلامت هاراسی فاطمه نون سنوب قابورقالاری بیر قولی ورم اِلیوب پوزور منی رُخ نیلی نماسی فاطمه نون شهیده گیتدی شهید محسنون جوان ننه سی چوخ آغـلادار منی آرتوق حیاسی فاطمه نون غرض گحیله عـــــــلی یارینی قویوب قبره توکوبدی اشگین یوزه مقتداسی فاطمه نون 😭 آقا امیرالنؤمنین زهرانی دفن ایدندن صورا یوزون قویدی مزارون اوسته او قدری آغلادی آغلادی ، صورا نجور منزله گلدی ایشیم یوخ اما بو قدر دییم صبحه جن آقا آه و ناله ایلدی صبح اولجاق آقا بیوردی قاپونی آچوخ قویون شاید زهرانین (س) یاسینه گلن اولدی ، اما گلن اولمادی ، بو صحنه مولایه چوخ چتین گلدی بیوردی قاپونی باغلیون ، اوندان صورا قیزی خانم زینبی سسلدی قیزیم زینب 😭 ایوین بیوک قزیسان اوخشـا آغلیاق آنووا ایاقه دوردی او غم آشناسی فاطمه نون گیدوب گتـــــوردی آچوبدی وسطده بیر بوقچا او بوقچادان چیخوب ای وای لباسی فاطمه نون آلوبــــدی اللرینین اوسته قانلـــی بیر کوینک نه حاله قالدی گور اولْ مه لقاسی فاطمه نون 😭 نیلدی آی یاسا گلنلر باخوب باخوب دیدی بیردن جوان ئولن ننه وای خـــدنگ غـــــم اورگین دائمی بولن ننه وای بهار عــــمری دیدی اولدی تز خزان ننه مون مجلل اولمـادی یاسی بو گون جوان ننه مون جوانلیقیندا قـــوجــــــالدی ننم گلین ئولدی اولوبدی خوش گونی هیچ بیلمورم هاچان ننه مون نه بیر گلین ایوه گتدی نه قیز کوچورتدی ننم یتوشدی باشه جـــوان عمری ناگهان ننه مون مزاره گیتـدی ولی بیر گوزونده قانلی لکه واریدی سیلی دگنده گوزونده قان ننه مون 😭عاشقان آی اهل مجلس بو غمـــلی سوزده گوروبلر حَسنده گلدی دِله دیدی بلاسی چوخ اولدی او جانفشان ننه مون دگنـــــده کوچه ده سیلی ، اوزوم یانندیدیم نه گلدی باشینه گوردوم او قهرمان ننه مون منه بویوردی الیمدن یاپوش یواش یرییک باجی بو نار غمینده همیشه یان ننه مون عزایه یوخدی گلن باش باشا ورک اوزوموز دییک بــــــلالرینی قلبی اودلانان ننه مون #التماس_دعا گلچین از کتاب : منادیان راه حق استاد : عزیز صبوری اردبیــلی ┄┅═✧❁۞══۞❁✧═┅┄

‍ روضه حضرت فاطمه زهرا(س) قاپی آغزندا ایلشدی یوزون گیزلتدی زینبدن ننه پوزگون ایوه گلسه قیزی گور اشکبار اولماز (زینب صاقا گچیر زهرا صولا دونور زینب صولا گلیر خانم صاقا دونور باخدی باخدی دیدی) شجاعتلن دیدی گتدوز ورولموش قوش کیمی گلدوز نه گلدی باشیوه (گوردولر امام حسین یواش یواش گلیر ننه نیه اوستو باشون توزا بلنیب ننه) من حسینم یومولان گوزلره قربانم آنا بوکولن قده قرا معجره قربانم آنا منه کوینک توخویان الره قربانم آنا (ابی عبدالله چوخ اسرار اله دی دیدی سنی آند ویریرم آتام علینین حقینه یوزون منن دوندرمه امام حسیندن دا گچنمدی) نشان ویروب یوزون زهرا گوروبدی سیلینین ردین (اله کی یوزون نشان ویردی خانم اوشاقدی امام حسینین آلتی یا یدی یاشی وار باخاندا گوردی ننه نین گوزونه قان لکه گلیبدی ئوزون ایتیردی دوداقین قویدی ننه نین گوزونه بئله محکم اوپدی اله کی محکم اوپدی خانمن گوزونن خانم زهرا آغلیا آغلیا دیدی منن گچدی بالا اما قولاقوی گتی سنه بیر سوز تاپشرم آینده ده کربلاده دردیوه دیر امام حسین دییر دیدیم الله گوره سن نه دیجک دیدی) بیرده یارالی گوزدن اوپنده یواش اوپ 🎤سبک بانوای حاج علیرضا اسفندیاری اردبیلی #فاطمیه_۱۴۰۲ #شهادت_حضرت_زهرا_سلام_الله_علیها

#زمزمه----ترکی فاطمیه جان ویروب مقصودیوه یتدون آنا یافاطمه زینبی آغلار قویوب گیتدون آنا یافاطمه بیرده دنیاده یوزوم گولمز آناجان آغلارام معبدون خالی گوروب اولّام پریشان آغلارام نار هجرونده یانوب هر لحظه هر آن آغلارام زینبی آغلار قویوب گیتدون آنا یافاطمه یارالی جان یارالی ، من سنه قربان یارالی ◾️🦋◾️🦋◾️🦋◾️🦋◾️ گرچه عمر ایتدون فنا دنیاده سن اون سگّیز ایل بو آز عمریله ولی زلفون آغاردی تِل به تِل غصّه مرگ اولدون زبس چکدون مصیبت متّصل زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ گولمدی اون سگّیز ایلده غصّه دن بیر گون یوزون دردیله دولدی مبارک قلبون، اشکیله گوزون محنت ایّامیدن آخِر خلاص اولدون اوزون زینبی آغلار قویوب گیتدون آنا یافاطمه ایتمیوب جدّیم وصایاسین عدو منظور آنا غصب ایدوب مُلکون، معاشه اولمیوب مقدور آنا عاقبت اولدون یهودی عورته مزدور آنا زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ زینبون محنتلرون یاد ایلر ای علیا تبار گوزیاشین جاری ایدر گوزدن چو ابر نوبهار ال دگیرمانی مبارک اللرون ایتدی قابار زینبی آغلار قویوب گیتدون آنا یافاطمه ایتمدی ثانی مراعات احترام و جاهیوی اود ووروب یاندوردی ظلمیله آنا درگاهیوی صدمه ی مسمارِ در عرشه اوجاتدی آهیوی زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ اونداکی قالدون در و دیوار آراسیندا حزین در شکسته اولدی تا، سن ایلدون سقط جنین یاده دوشدوقجا او حالون ایلرم آه و انین زینبی آغلار قویوب گیتدون آنا یافاطمه گورمیوب محنت کشیده چشم عالم سن کیمی قنفذین جسمی گویردوب جسمیوی سوسن کیمی چوخ یانان وار حالیوه امّا یانان یوخ من کیمی زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ بسکه جدّیمدن صورا گوردون غم و رنج و تعب ایلدون عجّل وفاتی ورد و ذکرون روز و شب حق مناجاتون قبول ایتدی ولی اولدی سبب زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ دلده یوخ طاقت دیم درد و غمون باشدان باشا سالمادون عمرونده بیر گون تازه بیر معجر باشا چوخ مشقّتله بو آز عمرون آنا ویردون باشا زینبی آغلار قویوب گیتدون آنا یافاطمه جانشینم من سنه، سن تک گرک دل داغلیم گه قلجلانمیش باشین مظلوم آتامین باغلیم گاه اوغلون مجتبانین محنتینده آغلیم زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ بو بلالی باشیمون چوخ شورش و غوغاسی وار زینبین بوندانصورا چوخ محنت عظماسی وار کربلا دشتینده غرق اولماقه غم دریاسی وار زینبی آغلار قویوب گیتدون آنا یافاطمه بو حسین که سینن اوسته خواب ناز ایلوب مدام شمر ذی الجوشن کسر باشین قفادن تشنه کام قوملار اوسته نعشینی عریان قویالّار اهل شام زینبی آغلار قویوب گیتدون آنا یافاطمه یارالی جان یارالی،من سنه قربان یارالی ◾️🦋◾️🦋◾️🦋◾️🦋◾️🦋◾️ ✍شاعر:مرحوم صابرتبریزی #فاطمیه_۱۴۰۲ #شهادت_حضرت_زهرا_سلام_الله_علیها

زبانحال حضرت زهرا به امیرمومنان در بستر بیماری گَل جان ویرورم موسم هجراندور عم اوغلی آثار اجل منده نمایاندور عم اوغلی اُلورم من مدّتدی دیردیم اُلوم اولسِیدی نصیبیم آسوده اولوردوم من غمدیده حبیبیم آخِرده دوا ایلدی بو درده طبیبیم بو صون نفسیم ایسته دیقیم آندور عم اوغلی چوخداندی چکردیم بیله بیر ساعته حسرت اوز محضرینه یاریم ایدِیدی منی دعوت چوخ شکر ایدرم اولدی مرامیم منه قسمت منظور دلیم محضر جاناندور عم اوغلی جان اوسته ایدوب محنت هجران منی غمگین ای ناطق قرآن، اوزی سرمطلع طاسین اگلش باشیم اوسته اوخی بیر سوره ی یاسین تسهیل ممات آیه ی آیه ی قرآندور عم اوغلی چکدیم هامی اندوه و غم دار فنانی گوز یاشی کیمی قلبیمون آخدی یوزه قانی آگهسن اوزون سالدی ایاقدان منی ثانی ثانی ستمیندن اورگیم قاندور عم اوغلی قویدی گُل طاهانی عدو خار آراسندا یخدی منی ثانی یره اشرار آراسندا سندی قولوم آخِر در و دیوار آراسندا بو درد مگر قابل درماندور عم اوغلی یاندوردی او گون که قاپومی قوم بد افعال بیر سقط جنین ایتدیم اوزیمدن قاباق ارسال تا مندن آپارسون باباما محسنیم احوال کشف ایلسون امّتده نه طغیاندور عم اوغلی دعوت منی ایتمیشدی بابام باغ جنانه ثانی ستمی اُلماقیما اولدی بهانه بیر صورت نیلی ولی ایستردی نشانه سوغات سفر عادت مهماندور عم اوغلی شاهد دوتارام حشریده خلّاق جلیلی من اُلمه دیم، اُلدوردی منی ثانی دلیلی پهلوی شکسته، گُوَرَن قول، رخ نیلی زهرانی شهید ایتماقا عنواندور عم اوغلی یاندی اورگیم ملکیمی دشمنلریم آلدی آج قالدی حسین و حسنیم، سولدی سارالدی آخِر منی بیر حاله فدک قصّه سی سالدی جنّتده بابام ایمدیده نالاندور عم اوغلی گَلسون دیمورم خویش و ایل آخِر نفسیمدور اطفالیمی گورماق بو گون عمده هوسیمدور بیر اوغلوم حسین گَلسه اُلن دمده بسیمدور جسمیمده حسینیم بُلوسن جاندور عم اوغلی من گیتمه لیم، فکرت اطفالی سن ایله قویما گَله لر شیونه رفع محن ایله مخفی منه ویر غسل، گئجِیله کفن ایله بو سوز سنه مشکل، منه آساندور عم اوغلی آز قالدی کسه روحیم علاقه بدنیمدن قطع ایلمه عُلقه سن حسین و حسنیمدن شیون اوجالار خُلدیده افسرده تنیمدن گورسم بالامون گوزلری گریاندور عم اوغلی لازمدی ایدم من سنه بیر نچّه وصیّت هر قدر اَلوندن گَله قیل زینبه رافت چون قلبی سنقدور اونا چوخ ایله محبّت من تک اودا مظلومه ی دوراندور عم اوغلی باشدا بو قیزون وار نه بلاسی بُلورم من هر غمده منه نائبه دور، مونسی شیون گویا گورورم کرب و بلاده بونا دشمن ایلولّه او که ظلم فراواندور عم اوغلی قولّارینی باغلالّا، دوزر غصّه دن اُلمز ارثیّه دی مندن اونا ناله، یوزی گُلمز من بُلّم اونون حالینی بیر اوزگه سی بُلمز اوز حالیم اونون حالینه میزاندور عم اوغلی بیر کس بونا هم درد و شریک محن اولماز عبّاس و علی اکبر گُل پیرهن اولماز قارداش چاغوراندا سسینه سس ویرن اولماز هم ناله سی بیر جمع پریشاندور عم اوغلی ای جدّه ی مظلومه سنی زینب کبری سعدیّ زمان نطقینه لطف ایت اولا گویا عرض ایله عمون اوغلونا ای عصمت علیا جنّتده حسینی منه مهماندور عم اوغلی مستخدم دربار حسین بِش نفر احرار بو مطلبین انشائینه ایتدی منی وادار قیل اوغلون حسینه اولاری هم منی زوّار قبرینده دیاخ موسم هجراندر عم اوغلی 😭😭😭😭😭😭😭😭😭😭😭😭😭😭😭 مداح اهل بیت ابوالفضل صفری

حضرت مهدی موعود (عج) ✍️ شاعر علیرضا علوی زنجانی 🎼سبک :ایولری وار آی امان خانا خانا ای فَخر آل عبا یابن الحسن دریای لطف و سخا یابن الحسن هجر آتشینه آقا چوخدی یانان گَل هارداسان گلماقیوی گُوزلری پیر و جوان گَل هارداسان قویما هِجرونده چُوخ یاناق گَل باشیوه قُوی دولاناق غیبتده قالان جانیوا آقا جان عالم قربان چولرده گزیب یُورولان جانیوا آدم قربان مولا مولا مهدی جان مولا مولا (۲) مولا مولا مهدی جان مهدی جان مولا مولا(۲) شجاعتده آقا جان سن حیدرسن جمالیندین سن اقا پیمبر سن زیبا یوزیوی گور ه یوسف اگر سندن دویماز جاءالحقین آیه سی تا قیامت تفسیر اولماز ای مُصلح کُل جهان گل هارداسان ای مهدی جان آتما بیزی یابن الحسن آقا جان سنی تاری مین یوسف اولوبدی مَتاع حُسنون خریداری مولا مولا مهدی جان مولا مولا (۲) مولا مولا مهدی جان مهدی جان مولا مولا(۲) نقطه بسم الله آدین معنا قویان ای باشینه تاجِ کَّرمنا گُل جَمالون ایلوری تَرجمه آیه نُوری حیرته سالان لَعَماتیده وادی طُوری عشق زهرا عشق حیدر یِر یُوزون ایتدون مُنور ای قائم آل عبا اقا جان یا بن الحسن بایراملیق عطاایله شیعه لره یابن الحسن مولا مولا مهدی جان مولا مولا (۲) مولا مولا مهدی جان مهدی جان مولا مولا(۲) مَحرم‌ سِر خُدا یابن الحسن مَعدن صِدق و صَفا یا بن الحسن مَظلومَه لَرون هر ایکی جهاندا دادخواهی ای کشور صِدق و صَفا مُلکُونون پادشاهی زیب خِلقت قُطب عالم روح قران جان خاتم زمانه ده داده چاتان یوخ آقا داده تِز گَل چوخلارگِیجه لریاتور آج آقاجان داده تِز گَل مولا مولا مهدی جان مولا مولا (۲) مولا مولا مهدی جان مهدی جان مولا مولا(۲) ۹۷/۱/۲۸ ✍️ شاعر علیرضا علوی زنجانی ___________ #امام_زمان_عجل_الله

#حضرت_زهرا_س #مرحوم_استاد_شأنی بخش ۱ قوی دیوم من یاعلی آغلا نوایه سنده گل👇 بادِ ظلم اسدی گینه طوفان ایدوب بحرِ ملال اولدی یر دارُالمَلالِ عرشِ خدای ذوالجلال آغلیون ای شیعه ایّامِ عزادور آغلیون آغلاماخ چون توشهء روزِ جزادور آغلیون آغلاسا یر گوگ بو ماتمده سزادور آغلیون مصطفا ماتم دوتوب ، آغلار ولیّ لایزال قدسیان یاسه باتوب عرشِ برین آغلار بو گون انبیا ماتم دوتوب ، روحُ الامین آغلار بو گون ای حسینی ایستییَن آغلا حسین آغلار بو گون سن حسینی سن اگر سنده ندور بو اغتفال اشکِ غمله مجتبانون گوزلری دولدی بو گون غصّه دن رخسارِ شاهِ کربلا سولدی بو گون فاطمه رحلت ایدوب زینب یتیم اولدی بو گون وای آنام وای سویلیوب توکدی عذاره اشکِ آل هانسی دلده واردی قدرت ایلسون شرح و بیان فاطمه بو دارِ دنیاده نه لر گوردی عیان شمّه ای عرض ایلسم اوضاعِ حالین شیعیان حالِ ختمِ انبیایه یوز ویرور تغییرِ حال اوندا که جرئت تاپوب دشمن مدینه شاهینه باخمادی زهرای مظلومین فغان و آهینه قلبینی یاندیردیلار اود ویردیلار درگاهینه یاندی درگاهی ، او اود قلبینده چکدی اشتعال بولمورم ثانی نه حاله سالدی اول بی یاوری سسلدی فضّه چاغور گلسون ولیّ داوری پوزدی بو سس غیرتُ الله آدلانان نام آوری گور نولور حالی او مولانون اوزون بیر فکره سال چیخدی صحنِ خانیه تا یخدی صبرین خانه سین تاپدی سوز و سازیده شمعِ عزا پروانه سین گوردی نه حالتده بولمم مصطفی ریحانه سین سالدی فورا" اوز عباسین اوستونه افسرده حال هر زمان کیم حضرتِ صادق دییَن سوز یاد اولور غصّه دن آباد اولان گوگلوم ایوی بر باد اولور حشر اولونجا تک او بیر سوز باعثِ فریاد اولور آغلیوب یانسام یری وار صبح و شام و ماه و سال ای ولیّ عصرِ حاضر ، آیتُ اللهِ صمد جدّوه وی ثانی تاپوب اثنای رهده بی مدد ایمدیده قلبِ رسولی یاندیرور جورِ لَگد بو نه سوزدور گلدی تقریره اولیدیم کاش لال عقل حیراندور خبرده شرح اولان مرقومه دن بیحیا شرم ایتدی نه معصوم و نه معصومه دن جیریله آخر قباله آلدی اول مظلومه دن چالدی یرده ایتدی اول خطّ شریفی پایمال بو ستملردن بتولین اولدی قلبی داغدار گون به گون سولدی سارالدی چون گلِ فصلِ بهار غصّه مرگ اولدی خانم ، عالِمدی حیّ کردگار ایسته سن ائت صادقِ آلِ محمّددن سؤال وقت او وقت اولدی بتول عقبایه رحلت ایلسون محنتینده عالمی غرقِ مصیبت ایلسین آه او ساعتدن که ایستردی وصیّت ایلسون عرض ایدوب گَل گَل عم اوغلی یتدی وقتِ ارتحال بیر بودور عرضیم منی اوندا که درک ایتدی اجل دفن و کفنیمه گیجه مشغول اولوب ایله عمل ایستیرم چون ویرماسون تابوتیمه بیگانه ال روحیمه باری اذیّت ایتمسون قومِ ضلال گلمسون دفنه اولار که قلبیمی یاندوردولار اود ویروب درگاهیمی ظلمیله اودلاندوردیلار حکمِ آیاتی دانوب ، احکامیدن یان دوردولار ناطقِ قرآنین آخر بوینونا سالدیلا شال بیرده مندن قالدی دنیاده نشانه زینبیم تا اولا محنت کشِ دورِ زمانه زینبیم ایمدیدن قوبما ولی گلسون فغانه زینبیم من کیمی زلفی آغارسون قامتی اولسون هلال کربلاده آغلاسا وار حقّی ، منده آغلارام یاندیریب بو سوزِ آهیمله جهانی داغلارام نورِ عینمدور حسین ، من گوزلرینی باغلارام شمرِ بی پروا الیندن زینبیم تاپماز مجال گر چه چوخ زحمت سنه ویردیم بو دوقّوز ایلده من زحمتیم پایانه یتدی ای ولیّ ذولمنن خواهشیم بیرده بودور سندن ایا شاهِ زمن هر زماندا عورت آلسان بیر نجیبه عورت آل بو یتیمه اولادیمه اولسون منیم تک مهربان پرورش ویرسون نجه گلبرگی بسلر باغبان چون پرستاری یتیمون خوشدی اولسون خوش زبان تا یتیمون قالماسون قلبینده اندوه و ملال هم آنالیق ایلسون اوغلوم حسینه من کیمی هم حسنه مهربان اولسون منیم تک سن کیمی وای او گوندن کیم اولار رنگی گلِ سوسن کیمی دادگر یاندوخ ، بو دادی دادسیز اسمادن آل بو حسینیم بیرده جدّیندن امانتدور منه مایهء فخریمدی اسبابِ شفاعتدور منه بیر قیامتدن اوتور هر گون قیامتدور منه ماجرای کربلانی هر زمان قیلّام خیال ایمدیدن یانّام حسینون حالتِ مذبوحینه شمرِ بی پروا چیخاندا سینهء مجروحینه روحیم اینجیر آند اولا ختمِ رسالت روحینه طایرِ روحیم توکر باغِ جناندا پَرّ و بال قوی دیوم من یاعلی آغلا نوایه سنده گَل من گیدنده شوریله کرب و بلایه سنده گل کوفه ده اوّل گجه مطبخ سرایه سنده گل گور حسین اوغلوم اولان منزیلده واردور نه جلال انبیالر باش آچار اوج ایلر عرشه ولوله من یتن ساعت یارالی باشینی آلّام اله سینم اوسته بسلین باشی گورم باتمیش کوله حقلیَم اوندا آنالیق حقّینی قیلّام حلال

#حضرت_زهرا_س #مرحوم_استاد_شأنی بخش ۲ حسرتیله بیرده شیرِ داوره باخدی گوزی بیر باخیشدا مرتضانی یاندیروب یاخدی گوزی دل شهادت ذکرینه گویا اولوب آخدی گوزی آقتابِ برجِ عصمت دفعتا" تاپدی زوال چون کفن پوش اولدی جورِ روزگارون خسته سی او اولدیلار آگه بو حاله قلبینون دلبسته سی باغِ جنتّده اولان زینت ایکی گلدسته سی یعنی گُل رخسار حسن ، بیرده حسینِ مه جمال بیر خدا بیرده علی بولدی نه حاله قالدیلار اوزلرین بیردن آنا تابوتی اوسته سالدیلار بیر سوزیله روحِ زهرانین قرارین آلدیلار عرض ایدوبله ساقلیقون تک دور بیزی آغوشه آل بو یانیلقی سوز ایله پوزدی او غم رنجیده سین یاندیریب یاخدی بو دنیانین مصیبت دیده سین آچدی قول ، آغوشه آلدی ایکی نورِ دیده سین آغلادی گوگده ملایک ، یرده شاهِ بی مثال سس یتیشدی یاعلی گیتدی ملکلردن قرار قیل بو شیرین دللری تابوتِ زهرادن کنار خوش دلیله دیندیریب هم ایتدی لطفِ بی شمار تا آیردی نعشِ زهرادن او شاهِ خوش خصال هاردا قالمیشدی او گون یارب همان شیرِ خدا اوندا که اوغلی حسین ایتمیشدی جان عطشان فدا ایلییدی تا ربابی قانلی نعشیندن جُدا سینه سی اوسته که دوشموشدی او مرغِ بسته بال نه یارالیدی بتولین پیکری نه عوریدی نه سینیق خنجر شکسته تیغیله مستوریدی نه یارالی نعشی اوسته اشقیا مأموریدی نه کنارینده حیاسیز دشمنیدی نه رجال اوچ یاشیندا بیر بالا یوخ دور و برده مهربان تار و مار اولسون جهانی نسگل اولدی شیعیان گلمدی شیرِ خدا ، امّا که گلدی ساربان عمّه سی زینبده حتّی داده گلدی احتمال تا اوجالدیب نحس الینده تازیانه ساربان گتدی سکّانِ سماواتی فغانه ساربان نیلدی بولمم او طفلِ خوش زبانه ساربان شه بالاسین سینیه آلدی ، دئدی سینمه ده قال گوردی ال چکمور جفاسیندن او قرآن دشمنی سسلدی وورما آتام نعشین ایا شومِ دنی قوی دوروب گللم آپارسان هر دیاره سن منی باخمارام بوینمدا وار بیر قیدِ الفت تک حِبال(ریسمان) اوز وجودیمده من ارزش بولمرم بیر ارزنه (شأنی) آدین قویدولار امّا حسینیلر منه سنده نومید ایتمه یا زهرا امیدیم وار سنه اولما راضی اوغلوین مدّاحی اولسون پایمال. #شأنی التماس دعای فرج