🎤کربلایی سعید سلطانی ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

زبانحال حضرت علی علیه السلام در بالین حضرت زهرا سلام الله علیها باآهنگ ایران اگر دل تو را شکستند زهرا نه تئز مه مدینه باتدون عم اغلووی گوزوندن آتدون جسارت ائتدی دست کینه ولایت اوسته قانه باتدون وفالیسان وفالی زهرا یارالیسان یارالی زهرا 2بار زهرا چتیندی حیدره فراقین قالوبدی ایندی بوش اتاقین بو غصه ئولدورر علینی دوتور حسن حسین سراقین وفالیسان وفالی زهرا یارالیسان یارالی زهرا 2بار زهرا منیم حالیم بوگون یاماندی غمیم غم اوستونه قالاندی آز عمریده جهانه دویدون من ئولم ایندی دای اماندی وفالسان وفالی زهرا یارالیسان یارالی زهرا 2بار زهرا گئدوب سنیله ایو صفاسی چیخوبدی عرشه دل نواسی سسیمه یوخدی سس ویرن دای منه یوخ عالمین وفاسی وفالیسان وفالی زهرا یارالیسان یارالی زهرا 2بار زهرا سنون آدون نه با صفادی ئورکدن ایسترم بو آدی عم اوغلوی قوجاتدی دردین دانش گوروم نه غم فزادی وفالیسان وفالی زهرا یارالیسان یارالی زهرا 2بار زهرا نجه دوزوم جهاندا سنسیز دایان جنانه گیتمه منسیز علینی گوزدن آتما زهرا غمینده صبریم اولدی لبریز وفالیسان وفالی زهرا یارالیسان یارالی زهرا 2بار زهرا سن ای عزیز جان طاها گوز آچ دوباره بیرده یاتما اویان علینی بیر دانشدیر علی قالوب غمینده تنها وفالیسان وفالی زهرا یارالیسان یارالی زهرا 2بار ملتمس دعا مهدی ملکی

🎤کربلایی سعید سلطانی ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

زبانحال حضرت علی ‌{ع) بر سر مزار حضرت زهرا سلام الله علیها به سبک تا مشکتو تو آب زدی ای محرم رازیم منیم آچ گوزلرین گل بیر دیله یاتما یارالی فاطمه دور دردیمه درمان ائله منه سس ویر دور منی دیندیر ای یارالی نه تئز دوشدون فاطمه ائللردن آرالی سنی مندن آلدی ظلمیله دست کینه شهید اولدون جان فدا ائتدین سنده دینه غریبم غریبم. 2بار ماه مدینه باتما تئز هجرانیوه یوخ طاقتیم آتما گوزوندن سن منی ای یاور و هم صحبتیم منه اولدون دوقوز ایل همدم بو جهاندا منی آتدون سن نه تئز گوزدن آز زماندا سالوب یاده خاطراتین دل داغلارام من غم هجرونده سنسن زهرا آغلارام من غریبم غریبم 2بار یاننام فراق ناروه ای همسر نازیم منیم ایله نظر بیماروه وی محرم رازیم منیم قالوب دیلده چوخ سوزون گئدون سن مزاره یانان قلبه داغ هجرانین ورودي یاره غمین سالدی حیدری دیلدن ای یارالی نه تئز باتدون آسمان محنت هلالی غریبم غریبم 2بار ای یار و غمخوار علی یار فدا کار علی سس ویر سسیمه ای اولان دلبند و دلدار علی ایاقه دور ای صولان بیردن گول مثالی منی تک قویدون هارا گیتدون ای وفالی الی قوینوندا قالان یالقوز حیدرم من فراقین اولدی منه جانسوز حیدرم من غریبم. غریبم 2بار باخ فاطمه آغلور گوزوم قالدی ئورکده چوخ سوزوم اشگیم آخور گوزدن منیم سنسیز منه یوخدی دوزوم غمون سالدی حیدری دیلدن ماه تابان اولوب دنیا مرتضایه بیر غملی زندان چتین اولدی درد هجرانین مرتضایه دوشر باشیم فاطمه سنسیز مین بلایه غریبم غریبم. 2بار گلشنده صولدی گوللریم یالقوز قالوب خیبر یخان ئولدوردولر مظلوم سنی حیدر اولوبدی باغریقان وروب سیلی کوچه ده ثانی ای یارالی صولوب ایندی صورتین زهرا گول مثالی فراقینده مجتبی آغلور یانه یانه گلوب حیدر بو نچه گونده ایندی جانه غریبم غریبم. 2بار آغلور غمونده زینبین ای یادگار مصطفی اولموش حسینون دل غمین ای معدن کان وفا بالالارین غصه دن زهرا سینه داغلار قالوب یالقوز فاتح خیبر ایندی آغلار شهید اولدون تا قالا زنده بو ولایت الیندن بو امتین اولدون سنده راحت غریبم. غریبم 2بار ایویمده گوشه گير اولوب غریب و بیکس اولموشام دعا ائله علی ئوله جهاندان منده دویموشام ایاقدان سالدی غمون زهرا مرتضانی سنه زهرا کوچه ده سیلی ووردی ثانی گورنده سیلی یئرین اولدوم دیده گریان دولاندی باشیمه دنیا اولدوم پریشان غریبم. غریبم 2بار اون سکز ایل عمر ایلدون دنیاده سن ای با وفا آخر سنی مندن آلوب دنیاده بو دست قضا حسن آغلور شرح ائدور کوچه ماجراسین سالوب باشه زینب نالان غم قراسین جوانلیقدا قد کمان اولدون بیقرارم آز اولدی عمرون سنین زهرا اشکبارم غریبم غریبم 2بار عنایت ایله قیل نظر بوحال زاره فاطمه یوزوم قرادی بوش الیم یوخومدی چاره فاطمه یازوب «مهدی.» شأنیوه نوحه گوز یاشیلا بودور فخریم تاپوشام عزت من آدینلا قبول ایله جان طاها لطف ایله احسان گنهکارم چوخدی جرموم ای ماه تابان غریبم غریبم 2بار ✍ملتمس دعا مهدی ملکی زنجانی

🎤کربلایی سعید سلطانی ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

(بسم رب الفاطمه) زمزمه_ترکی 🏴شهادت_حضرت_زهراعلیهاسلام زبانحال_امیرالمومنین_علیهالسلام🏴 🎶سبک:می گذرد کاروان.... ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ گؤزلرون آچ فاطمه !  اِیله حلال ، حیدری ســن منـی ترک اِیلمه ، ای گل نیــــلوفری چاره م الیمنن گئدیب،باغلی قالیب اللریم درد فراقوندا باخ ، قــانه باتیب گــؤزلریم ریحــــانــهٔ بـــاغ مصــطفـــی آغلار قالدی سن سیز مرتضی یا فاطمـــه یا فاطمـــه (۲) یاره لرون گؤرمگــی ، آلدی منیــم طاقتیم بیر ایلَه دؤندی منه ، غسلی وئرن ساعتیم تا کفنـــون باغلادیم ، نیسگیلیوه آغلادیم آهِ شـــررباریلن ، هِی سینــه می داغلادیم سیندیردی دشمـن آیینه می یاندیردی آیریلماق سینه می یا فاطمـــه یا فاطمـــه (۲) دؤرت بالانین ناله سی عرشه سالیب همهمه آغـــلادی حور و مَلَک ، غربتیوه ، فاطمه گؤز یاشی زینب تؤکؤپ نیلیِ رخساریوه قویدی حسین صورتین خسته اَیاقلاریوه دانیش منلن ای مظلوم ننه تِئزدی کفن یاراشمـیر سنه یا فاطمـــه یا فاطمـــه (۲) اشکیلَــه تابوتیــوی ، ســالدی یُولا زینبون باخدی غریبانه بیر صــاق و صُولا زینبون اِئتدی سفارش منه ، قارداشی یوخ مادری قبره یواش قوی بابا ، یاره لی دیر پیکری اوخشادی زینب یاندی دیلیم سـؤندی یارب شمــع منزلیم یا فاطمـــه یا فاطمـــه (۲) تاب و توانیم گئدیر روح و روانیم گئدیر قبر ائوینه نیمه شب یاس جوانیم گئدیر اولدی فلک پرشتاب ، جانیمه اود سالماقا یوخدی توان،تاپشورام، فاطمــه نی تپراقا ای دردیم درمــانـی فاطمه ترک ائتدون دنیانی فاطمه یا فاطمـــه یا فاطمـــه (۲) ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ ✍رقیه سعیدی(کیمیا) ۱۴۰۲/۹/۱۷ #فاطمیه_۱۴۰۲     ✨اَللّهُمَّ عَجِّل لِوَلیِّکَ الفَرَج✨

🎤کربلایی سعید سلطانی ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

#احوالات_حضرت_علی_بعد_از_شهادت_حضرت_زهرا_علیهما_سلام بتُول اوُلدی علی اَمری مُشکله دوشدی سفینهء دلِ مشکل گُشا گِله دوشدی حصارِ صبرینی غم فُوجی انحصار ایلدی پناهِ عالمیان عُزلَت اختیار ایلدی یغاردی دوره سینه فاطمه یتیم لَرین قوراردی حضرتِ زَهرایه بَزمِ آه و اَنین گهی باخاردی حسینین سُولان گُل عارضی نه یاناردی اَشگی گُورَردی روان اولور یُوزی نه دیردی زینب و کُلثومه بس اناز هانی بس نه گلدی فاطمیه قالموسوز بیله بیکس ایدردی گاه نظر اوغلی مجتبایه او شاه آخاردی اشگی یاناردی چکردی دلدَن آه دوتاردی گاه مزارِ پیمبَرَه یُوزینی گِله ایدردی دیردی اونا اورَک سوزینی دیردی گلدی قیزین فاطمه سنه مهمان که المیُوب اوزی اوُلدوردی فُرقهء دُونان  وِیرردی گونلرینی باشه آه و زاریله گلردی نالیه اول نچه دل فکاریله گونوزلری شررِ آهی کُونی داغلاردی گِیجه گلُوب دوشنُوب قبری اوسته آغلاردی حصارِ صبرینی زَهرا مُصیبتی یخدی نه گِیتدی مسجده نه دِیشرَه خانه دَن چیخدی علی مُفارقتی اولدی سخت اصحابه صحابه آدلاری نچه وَفالی اَحبابه حضورِ اَقدسینه گوندروبله عمّاری که مسجده ایده دعوَت او شاهِ غمخواری اجازه حاصل ایدوب داخل اولدی وِیردی سلام قوجاقلیُوب دیزینی گوردی بیر طرفده امام یغوبدی باشینه اطفالی اول شهِ دو سرا توکُور سِرشکینی آغلور یانور دِیُور زَهرا بلالیم که سن اولدون زیاده اولدی غمیم ایدیم نه چاره داخی یُوخدی دردیمه یتنیم گلوبدی شیونه عمّار یاندی اول حاله علی ولیّ خدائیله اولدی هم ناله امامِ عَصر اوُزی عَمّار اوُلدی غرقِ ملال توکُوبدی گوزیاشی بیر مدّته کیمی اطفال مگرجهانه گلر بیرده مثلی زَهرانین جهانی پُوزدی غمی دُختِ میرِ بطحانین اِیگرمی بش اِیل اولوبدور او شاه خانه نشین تمامی سین غمِ زَهراده ایتدی آه و اَنین  اوشاهه ایلدی عمّار مین دلیله خطاب چکُوله مقدموین انتظلرینی اَصحاب چیخوبدی اِیودَن القصه اول شهِ دوران که مسجده گِیده عمّاریله امامِ زَمان گوزی دوشن کیمی دیوار و آستانِ دَرَه  نه حال یُوز ویروب الله بُلور او خون جگره گوزوم باخا باخا یخموش دولار اونی بُوردا پیمبرین قیزینی اشقیای بی پَروا محالی دور که ساغا لسین اورکده بو یاره علینی، اولماقی زَهرانین ایتدی غم خواره یِره اوتُوردی داخی گلمَدی دِیزی گِیتسُون  که مسجده گِیدوب اَحبابی باز دید اِیتسُون التماس دعای فرج   #حامد_تبریزی_رحمة_الله_علیه

#عصمة_الله_الكبری_حضرت_فاطمة_زهرا_سلام_الله_عليها صدیقه اِی که عصمتِ پروَردگار اولا انصافدور زمانه ده غمدن فکار اولا انصافدور حبیبهء خلّاقِ لَم یَزل هر گُون صباح و شام گوزی اشگبار اولا انصافدور حدیثِ کسانُون مُعرّفی زَهرا اولا وَ لیک بلایه دُچار اولا انصافدور آتاسی فداها دِیَن قیزین طوفانِ ظلم دن گونُوزی لیلِ تار اولا انصافدور پیمبر اولا خلقته سبب زَهرا ولی جهاندا سیه روزگار اولا انصافدور بو شأن و جلالتده بیر خانم جور و جفائیله اورگی داغدار اولا انصافدور که حقّینی نا حقّلر آلا بیر حق که گُون تک حقّی اونُون آشکار اولا انصافدور که چرخِ مصیبت اونی سیخا ناموسِ چرخی نه اوزی لیکن مدار اولا انصافدور که درگهی بابِ نجات اولان نارِ جفائیله قاپُوسی شعله بار اولا انصافدور او درگهی اوُد یاندرا اونا مالک اولان قَسیم جِنانیله نار اولا انصافدور او گُل کیمی بیر جسمِ نازنین خارِ جفائیله سینه سی زَخمدار اولا انصافدور که رحمتِ للعالمین قیزی عجّل وَفاتی حقّدن اوزی خواستار اولا انصافدور زمانه ده اون سگّیز ایل تمام عمر ایلین دویا ئولومه انتظار اولا انصافدور او قامتی بارِ ستم بوکَه بیر قامتی که دین اونیله استوار اولا انصافدور تاپانمیه بیر اهل دل دِیه دردین ولی شَفیعهء یومِ شمار اولا انصافدور که قویمیه لر ایوده آغلیا آخر گِیده بقیعده ایشی آه و زار اولا انصافدور که یدّی نفرله جنازه سی قبرَه گِیده جهانی گُوروم تار و مار اولا انصافدور گِجیله علی مَخفی دَفن ایده ایللّر بویی زمانه ده اِیتگین مزار اولا انصافدور بو درگهَه #سائل اولا دخیل بوش قِیترُوب قاپوندان اونی شَرمسار اولا شعرِ #دخیل، #سائله دَم وِئردی رُوحی نه لیل و نهار رَحمتِ پَروردگار اولا #زنده_یاد_ذهنی_زاده_رحمة_الله_علیه

🌸🍃 💐🍃🌿 🍃🌿🌸🍃 🌸🍃 🌸بانوای احسن دهقان پندیات – شهادت حضرت زهرا سلام الله علیها .. حاج اصغر فرشچی ( عدلی تبریزی) . الله سوزونه باخماموشوخ بیزلره بو عار بیر لحظه نظر سالما موشوخ بر رُخ دلدار آئینۀ دیلده گوروشن یول سیلینوبدی بیرقطره اورکدن نم اشک تاپموری رخسار آزدوخ یولی مقصد نیه بیزدن آرالاندی هرگوشه ده بت گوردوخ اونی ایتمدوخ انکار راحت طلب اولدوخ گجه لرصبحه کیمی خواب بیر نصف شبی ایلمدوخ راز دل اظهار افسوس یتیم باشینه ال چکمه موشوخ بیز درمانده لرین حاجتینه ایتمدوخ اصرار قرآن که خدا حکمودی مسجده اوخوندی دوردوق ایاقا کفروموزی ایلدوق اقرار قرآنه اهانت ایلمز مؤمن و دین دار شرم ایله اماندی بو غلط امریدی کردار قرآن محمّدی ویرن بیزلره رُجحان مانند علی دینه گرگ بیزده اولاخ یار بیزیاتماموشوخ بستروحشتده شبانه تا یارعلی مأمن عشق ایچره تاپا غار غرق اولماموشوخ بحرعبادتده علی تک آرپا چورگیلن دوزونان ایتمدوخ افطار قوی پرده لی قالسون سوزی امّا بولی یاران نامردئیدی ثانی خانما ایلدی آزار بو قصّه عیاندی ویروب اود تا قاپی یاندی اَدنایه آلا بیعت علیدن او ستمکار امّا نه لراولدی دیمرم شرح غم اولسون سقط اولدی بالا گوردی فشارِ درو دیوار فریاده گلوب فضّه سینی داده چاغوردی گلدی حسنین بیرده علی حیدرکرار فرزند نبی اون بیرامامون آناسیدی قالدی درو دیوار آرا عامل لری اشرار بیزآغلامادوخ ماتم زهرا وعلیده شرح ایلمدوخ فاش اولا تامرد ریا کار انصاف ایلیون ارث بابا غصب اولوناندا اولموبدی حمایت ایدنی ایلیه اخطار گزلتدی علیدن علنی سیلی نشانین یاندی حسنون قلبی مدام اولدی شرربار

شهادت حضرت فاطمه علیها سلام زبانحال حضرت علی علیه السلام با نوای آقای یگانه از تبریز 🌼🌸🍃🌼 💐🌺💐 🍃🌼 🍃 شهادت حضرت زهرا سلام الله علیها حاج اصغر فرشچی (عدلی تبریزی) هم فاطمه ای گوهر درج عفاف حوریانه خاک درگاهی مطاف . فاطمه ای روزگار علّا مه سی مکتب وحدت اولان برنامه سی . عصمت کبرای حی دادگر دختر شایستۀ خیرالبشر . گلشن پیغمبرون ریحانه سی شمع دینون ای یانان پروانه سی . گوزیاشی ای حقّیمه معنی یازان ریشه اعدانی آهیله قازان . باشین اوسته بوعلیدورآچ گوزون گرچه وار قلبونده بیردنیا سوزون . فکری وار بو روزگارون دم به دم رونق کاشانَمی ائتسون بهم . طرح نوئیلن سنی مندن آلور نارحسرت غم شررجانه سالور . آیرولوقدان سوز دیمه احمد سیَر صبروطاقت منده یوخ قدسی شجر . فرفته یوخدی به جز غم حاصلی وارعلینون دنیالارجان مشکلی . حقّیمی داندی بو اشرارعرب هرنه گوردوم ظلم وطغیان وتعب . اولمادی منده جفادن واهمه وصلوون خُرسندیم ای فاطمه . عذرخواهم من بو عمر رفته وه غم چاغیندا سال و ماه و هفته وه . دوقوز ایل امریمده طاعت ایلدون آزچوخا بو ایوده طاقت ایلدون . دامن دل گرچه خون آلوده دور سن که وارسان خاطریم آسوده دور . گرچراغ زندگون خاموش اولا گوندوزوم شامه دونر سندنصورا . سن منی ترک ایلسن والا گهر فرقتینده بول علی قالماز ئولر . وارعلینون سن بولورسن دشمنی دردینه مَحرم بولردی تک سنی تکمیل این اشعار در همین کانال با تشکر از چناب یگانه مداح با صفای در بار همایونی

بانوای حسن دهقان غسلنی ویردی گجه ائتدی کفن لیک دلدی قلبینی درد و مِحَن گوردی پهلوسینده واردور بیر یارا ارغوان اولمیشدی سینه برملا سویلدی زهرا علی قربان سنه آغلارام تا وار بدنده جان سنه نصف شب دفن ائتماقا غم خسته سین قویدی تابوته گل نورسته سین حمل ائدنده شاه عالی مرتبه یوز ویروب بیرآیری حالت زینبه سسلدی ایچدون آنا جام اجل بندۀ محبوبۀ حیّ ازل گئت خداحافظ اولان فخر بشر قالدی یالقوز صاحب تیغ دوسر گئت خداحافظ اولان آیات نور تاپ بهشت عدنیده فیض حضور سن که گئتدون سینمی من داغلارام آغلیینده بو بابام من آغلارام سن کیمی زینب غمین اولماز بُولن قارداشیم تک کربلاده بیر ئولن ایلورم خواهش آنا ایله قبول ای آدی انسیه حورا هم بتول من گورنده کربلاده قتلگاه آیرولوب بو زینبوندن مهرو ماه ایش دوشوب دشت بلاده مشکله فُلک امّیدیم غریق اولموش گله خسته دور زینب دل بحرانیده تک قالوبدور ورطۀ طوفانیده قرخادین قاره لچک زلفون یولور غم چاغیندا زینبون دلخون اولور سو کنارینده حسینیم جان ویروب نخل دینه سو یرینه قان ویروب من گورنده سینه ده اوچ پر اوخی اوغلی قارداشی ئولوب کیمسه یوخی ساربان رحم ائمیوب کسموش الین بجدله بذل ایلیوب انگشترین یاره دگموش یاریه صد پاره دی صاف یری یوخدی تماماً یاره دی یاره لی باشی قوناقدور دشمنه کوللر اوسته ناز ائدر هر گلشنه من گورنده قاره طوفانلار اسیر کوفیه شامه گیدورزینب اسیر اونداکی عرشه چاتار اندوه و غم قلبیمی درده سالار بار الم گوندوزم اولموش آناچون لیل تار زینبی سالدی ایاقدان روزگار گل حضورون اولسون اول همدم منه اول زماندا لشگریم دور غم منه لطف ائله باش چک پریشان زینبه شعر از عدلی