مولودی ترکی ازدواج امیرالمومنین (ع) و حضرت فاطمه (س) برای مداحی گون او گون اولدی گیدور زهرا عروس اولدی حوریلر بو عروسه پای بوس چخدی ائودن فاطمه خوش حالیلن آلدیلار اطرافینی اجلالین قیز عروس اولسا اولا خوشدور آنا ایلیر حاضر جهازیّه اونا اوندا زهرانون یوخیدی مادری آغلیوب آغلاتدیلار پیغمبری ناقه اوستونده عروس مه جمال قدی طوبا شبه طاها خوش خصال هاشمیّه قیزلار آلدی دوره سین میر شب سالدی قرانلق پرده سین اُم ایمن، فضّه و اسماسی وار مین آنادان مهربان باباسی وار نه آناسی واردی نه قارداشی وار گوزده مروارید تک گوزیاشی وار نور رخساری چخوردی گوگلره غرق شادی دور مدینه یکسره گوگده اولدوزلار باخور چشمک ورور صاق صولا رقص ایلیور زیبا آخور سسلنور حور و ملک یا فاطمه سسلنور چرخ فلک یا فاطمه قالمیوبلار بیر او قدری منزله منتظر داماد، ائوه زهرا گله دوردی ناقه دوردی ناگه حاضرین بو توقُّفدن وله دور عابرین حضرت پیغمبر اولدی باخبر منزل داماده زهرا گتمیر علّت اِستِفسار ایدوب شاه زمن ای قزیم ایتدون توقف بس ندن عرض ایدوبدی آزدی مهریّم بابا ایتدی فرمایش عجب الان بالا عرض ایدوبدی مرتضایه مایلم اوز عم اوغلومدور اونیلان یک دلم تا دوتوب پیغمبرین قلبین محن نازل اولدی جبرئیل خوش سخن سویلدی ای افتخار کائنات ابتلا بحرینده کشتی نجات حق تعالادن گتوردوم من سلام امر ایدور زهرا نه ایستور حاضرام اختیار جنّتی ویردیم اونا قویما آز مهریّه دن قلبی سنا کلّ افلاکی یری دریالری کهکشانلاری بو ماه و اختری امر رحمانی یتوردی دختره اولمادی راضی خانم بو سوزلره آز قالوب خُلق عظیم اولسون پریش قلب پاکی غمدن اولسون ریش ریش ایتدی فرمایش قزیم دردون نه دور؟ شمع عشقیم جان سنه پروانه دور دوردومنجی آسماندا جشن وار ورما بو جشنی بهم ای گلعذار مقصدون بو مهریدن گلمور اله بو سکوت عالملری ایلوب وله آچدی دل گفتاره اول مریم شیم عرض ایدوب بابا علیدن راضیم ایستورم الله عنایت ایلسون اُمّته زهرا شفاعت ایلسون نازل اولدی جبرئیل خوش قدم قول حَقلن عرض ایدوب ای ذوالکرم ویردی کتباً قول ذات ذوالجلال فاطمه قلبین دیدی بو سوزده آل گور روادور بو خانم مظلوم اُله؟ سینه سین مسمار ظلمیلن دله شاخ برگ زندگیسی تز صولا غنچه سی گول ویرممیش پرپر اولا ال دگرمانی چکن الدن عدو تازیانه وُردی گور انصافدی بو؟ ظلمیله درگاهی اودلانسون بلی ذوالفقاره هی باخوب یانسون علی بسدی «عینی فرد» قورتار مطلبین شعریلن ترویج ایله مکتبین شاعر : حاج غلامرضا عینی فرد زنجانی

شهادت امام جواد علیه السلام کربلایی علیرضا جابری #ترکی #آذری حضرت #امام_جواد علیه السلام •┈┈••✾••┈┈• https://eitaa.com/turki_nohemajma

شهادت امام جواد علیه السلام کربلایی ولی دین پناهی #روضه #قتلگاه #ترکی #آذری حضرت #امام_جواد علیه السلام •┈┈••✾••┈┈• https://eitaa.com/turki_nohemajma

‍ ‍ #روضه ‌حضرت‌#زینب سلام الله علیها غساله گلوب گوز یاشیمی سیلدی گوزومدن #ترکی #آذری •┈┈••✾••┈┈• https://eitaa.com/turki_nohemajma

🍁  آغلار ... 🍁 حسین یاره لی جسمون چیخان جانووه آغلار همان جان یارالاردان آخان قانووه آغلار مَلکلَر هامی صف صف سَماواتیده یکسر بوتون طارُم خَضرا ، بوشمس و مَه انور عَوالیمده کی ذیروح ، نَباتات مُصوَّر سنون اَللرون اوسته لب عطشانووه آغلار او بیتُ اله اَعظم همان قبلهء طاعت او مَرویله صفاسی همان رُکن عبادت مِنا و عَرفات و حَرا  کوی نبوّت عَبانون آراسیندا  او قربانووه آغلار نَبیّان مُعظَّم  هم اول جَدّ مُکرَّم ابوطالب و جعفر عَمون حمزهء ضیغم باجون زینب کبری ، علی فاطمه باهم فرات اوسته او حال پریشانووه آغلار اگر کوفه نون اهلی سو وئرموبدی قوناقه بو سوز درد اولی حَشره کیمی اهل عراقه فراتون سویی تشنه قالوب تشنه دوداقه او نَهر ایچره بالیقلار  نگهبانووه آغلار او شَبنم یاراداندا طراوت سنه آغلار گونون ایستی زمانی حَرارت سنه آغلار شَفق رنگه گَلنده او ساعت سنه آغلار اَسَر قاره عَلملَر عَزاخانووه آغلار اوجا سَرو صنوبر او سرلشگره آغلار شقایق ئورَگینده  داغی اکبره آغلار جوان قاسیمه گُللر  آچار منظره آغلار قیزیل گُل چمن اوسته گلستانووه آغلار بو دَرگهده قویوبسان اگر عمرووی (نادر) حسینون قاپوسیندا دیوللَر سنه شاعر اگر دوز قاتا زهرا  بو اشعارووه  آخر یقین اوندا باخانلار بو دیوانووه آغلار

🌷مناجات امام درعرفه 🌷 یارَب  یولوندا منتظرم  هر بلایه من تا جِلوه آرتورام گِنه سِلم و رِضایه من مین یول یولوندا ئولسَم اگر نوشیدور منه حاشا ائدم بو عشقیده بیر یول گِلایه من پیغمبر اوغلونا چوخی بیگانه دور بو گون باخدوم نَه قَدری  یولدا  گَلن آشنایه من قربانلاریم  بیر آیری  مِنانی  هَوَسلیوب قِسمت بِلیدی یول سالام آیری مِنایه من چولدَن چولَه بو قافله نی قوی دولاندیریم گوگلوم  قوشی دیور گئدورم  کربلایه من آلتی  آیی گرک  قوتارا  اصغریم ، صورا لایلای چالام سینمدَه بو خوردا هُمایه من نامَردیلر یولومدا  اگر دورسا یان یانا بیعَت اَلین مگر  وئررم  بی حَیایه من اَنگشتریله   وئررَم    اَلی   ساربانیمَه بَذل ایلَرم بو باشی حَریم  خدایه من مَقتلدَه من دوشندَه باجیم تَلّیدن باخار گوندررَم اوندا مَرکبی خیمه سَرایه من گاهی قاچار خِیامه گَهی مَقتله باجیم اوخشاتمیشام همان چولی مَروَه صفایه من اوخلار سیناندا سینَمون اوسته داش آغلیار زینب   گَلر   نوایه   وَلی   اِلتجایه   من قرآن  تلاوَت ایلین  اولماز  جنازَه مَه نیزه باشیندا  باشلیارام   آیه آیه من سایسیز یارا  گورَن بَدَنیم ایستمز کفن اولّام رضا  ئوزوم   بوکولَم  بوریایه  من (نادر) واروندی حاجت اگر گَزمه آیری یر وئررَم  صِله قاپومداکی  شاه و گِدایه من 🌹🍁🌹🍁🌹🍁🌹

▪️▪️▪️▪️▪️▪️ حــلول ماه محرم و اعترازپرچم ماتم درعرش الهی "دستگاه ســه گاه" 🌴🌴🌴🌴🌴🌴🌴 شیعه لرخبردار،،،گلدی ماه ماتم عرشه حیّ دادار،،چکدی قاره پرچم گیدی قاره پیغمبر،،، نوحه خوان اولوب حیدر یابقیه اللـــــه یابقیه اللــــه ◽️◽️◽️◽️◽️◽️ باشلانوب حسینون،،موسم عزاسی قوردی بزم ماتم،،فاطمه آناسی سسلنورحسینیم وای نورنیّرینیم وای یابقیه اللــه یابقیه الله ◾️◾️◾️◾️◾️◾️◾️ هرکسون علاجی،،قطع اولوبدی گلسون قلبینه ملال و،،غم دولوبدی گلسون درده واردوابوردا نسخه شفابوردا یابقیه الله یابقیه الله ▫️▫️▫️▫️▫️▫️▫️ آزقالورکه سونسون،،مکتبون چراغی قانیله بویانسون،،حق دیین دوداقی آهیلن گلورموکب،،چیرپینوردل زینب یابقیه الله یابقیه الله ◾️◾️◾️◾️◾️◾️◾️◾️ چیخمیوبدی عرشه،،زینبون نواسی وارولی قاباقدا،،غملی ماجراسی وارهله ابالفضلی عون وجعفروفضلی یابقیه الله یابقیه الله ◽️▫️▫️▫️▫️▫️◽️ زینبون هله وار،،قیدینه قالانی چیخمیوبدی عرشه،،ناله وفغانی دوره دن باخان یوخدی یاندیروب یاخان یوخدی یایقیه الله یابقیه الله 🌴🌴🌴🌴🌴🌴🌴

نوحه توسل به سیدوسالارشهدا، حضرت اباعبدالله الحسین(ع). 🌹آهنگ:منتظرت بودم🌹 🏴🏴🏴🏴🏴🏴🏴🏴🏴🏴🏴 غملره آماجم من//یاابی عبدالله لطفووه محتاجم من//یاابی عبدالله ایله نظر مولا//یاابی عبــــــــــــــدالله 🔘🔘🔘 قوماقاپوندان آقا//سائل نالانی بوش یولاسالماعبد//زاروپریشانی وئرمرم عشقون مولا//هرایکی دنیایه بوگوزل عشقون وئرمیش//عمرومه پیرایه عمرومه پیرایه قبریمه سرمایه هربزم عزاده سینمی داغلیارام من یادونله یوزه اشک بصرباغلیارام من ای خسروخوبان٭سلطان لب عطشان٭جانیم سنه قربان ایله نظرمولا///یاابی عبداللــــــــــــــه 🔘🔘🔘🔘 کرب وبلاده کئچدون//دارونداروندن کئچمدون امااصلا//قول وقراروندن دینی سرافرازائتدون//ای پسرزهرا درس شرافت آلدی//سندن هامی دنیا عشقه جلاوئردون٭دینه صفاوئردون ویردون علم فتح وظفرکرب وبلاده گزدون گهی سرنیزه ده گه طشت طلاده ای مهرفروزان٭ای حافظ قرآن٭ جانیم سنه قربان ایله نظرمولا///یاابی عبــــــــــــدالله 🏴🏴🏴🏴🏴🏴🏴🏴🏴🏴🏴

نوحه اول محرم آهنگ ماتمون گلوب ای ارباب بی سر باشلانوب عزا ای صاحب پرچم گیمیشــــوخ قرا گلدی ماه ماتم دردمنده دی گل مطب آچیلدی دردیــــــوه دوا ایلـــر شهِ علقم بو آیدا مهــــــدی باشینه قــــاره باغلار اوخور حسینه نــــوحه و سیـــــنه داغلار قوتارسا گوز یاش روضه دیوب قان آغلار آغلاروخ یـلِ پُر احساسه ساقـــــیِ تشنه لب عباسه سسلنر عالم لبیک حسین، ابوالفضل دنن دمـــادم لبیک حسین، ابوالفضل گلوب محرم لبیک حسین، ابوالفضل بزم یــاسه باخ گور نه با صفادی صاحب عزا چوخ گوزل آقادی جَنَّـتیــم حسیـــن نیلورم بهشتی باغ جَنَّــــــتیم صحن کربلادی آدیــــــوی مـــــولا سسلـنر اهل عالم گوگده دوشوب سس گلدی مهِ محرم قاره وی باغـــــلا آچیلدی قاره پرچم آغلاروخ یلِ پُر احساسه ساقیِ تشــــنه لب عباسه سسلنر عالم لبــیک حسین، ابوالفضل دنن دمادم لبـــیک حسین، ابوالفضل گلوب محرم لبیک حسین، ابوالفضل شاهیمیــز حسین ماهیمیز ابوالفضل عشقیمیز حسین جاهیمیز ابوالفضل فخریمــــیز بودور نوکروخ حسینه قصدیمیــز حسین راهیمیز ابوالفضل عشقیمیز عباس نهریده قولسوز یاتوب اصغره خـــــاطر عالمی باشدان آتوب ناز ایلیـــــوبدور سُووا مرامه چاتوب آغلاروخ یلِ پُر احساسه ساقیِ تشــــنه لب عباسه سسلنر عالم لبیک حســین، ابوالفضل دنن دمادم لبیک حســین، ابوالفضل گلوب محرم لبیک حسین، ابوالفضل ای شــــه ِ وفا احســــاسیوه قربان ظلمـی دوغــــریان الماسیوه قربان حیدره مَثَـــل ،باشدان باشا غیرت شمری خار ایـــــدن عباسیوه قربان یاراتدی محشــــر زاده ی ام البنیـن اگمــــدی شمره باشینی سردار دین تلیده دوردی جیردی امان نامه سین آغلاروخ یلِ پُر احساسه ساقیِ تشنــــه لب عباسه سسلنر عالم لبیک حسـین، ابوالفضل دنن دمادم لبیک حســین، ابوالفضل گلوب محرم لبیک حسین، ابولفضل

‍ باسلام شعر جدید شهادت حضرت ابوالفضل علیه السلام باآهنگ شبانگاهان یتش داده فاطمه بالاسی قانه غلطاندی جان ویرر سقا قالوب یولدا گوزلریم آقاجان گوزلورم یولوی تز گل ای مولا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار ویروب یاره بس که اهل جفا شاهه کرب و بلا ساق یریم یوخدی آلوب لشگر دوریمی آقاجان اللرینده تمام نیزه دی اوخدی دگیوب بیر اوخ مشکیمه توکولوب سو یره ایندی محنتیم چوخدی سالوب آتدان اهل جورو جفا تز گل ای قارداش قالمشام تنها گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار آخور راه معرفتده قانیم باشیوه دولانیم ای مه انور عمود آهن باشیمه دگدی قانه غرق اولدوم گورموری گوزلر ایدر لشگر هل هله آقاجان باشیمی کسلر واردی بو سوزلر دوشنده آتدان یوز اوسته یره قولارین آچدی حضرت زهرا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار غم اکبر چوخ قوجاتدی سنی یوردی غصه منی آغلارام قارداش اولوب پر پر اکبر و قاسم آغلادی قارداش غملره داغ داش سنه رحم ایتمز بو قوم جفا آغلارام حالیوا ایندی من قان یاش حسین جان گل باشیم اوسته منیم اللریندن اپوم ای شه والا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار ایدوب حمله لشگر اعدا قانه غرق اولدی ساقی عطشان فقط گل بیر آخر عمرومده باشیوه دولانیم شا ه مظلومان سوسوز لاردان شرمسار اولدوم غصه دن صولدوم ای مه تابان وروبلار یاره سو اوستونده جسمیمه قارداش لشگر اعدا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار یازار «مهدی» نوحه لر آغلار گر قبول اولسا تشنه لب سقا گلر هر ایلده محرملر سینه سین داغلار ای گل والا دیر عفو ایله منی آقاجان روز محشردن قورخورام مولا فرات اوسته تشنه لب یاتدین عالمی آتدین آغلادی زهرا گوزوم گورمور ایندی یولاری سالوب لشگر یولدا قولاری ای گل زهرا جان سنه قربان 2بار التماس دعا