‍ ‍ شهادت حضرت رقیه (س) زبانحال حضرت زینب (س) ای دشت کربلانون زیبا نگاری لایلای اوغلی ئولن روبابین دارو نداری لایلای یوللاردا آت دوشونده از بس قاچوب یورولدون قربانون اولسون عمون یرزقون قناری لایلای ای باغریقان رقیه آرام جان رقیه دور دلبرون گلوبدی شیرین زبان رقیه ایتمه گلایه مندن بوشدی الیم کفندن باشی بلالی عمون شرمنده اولدی سندن بیر دفعه قسمت اولسا گلم دوباره شامه بیر یاخشی گوشواره آللام سنه وطندن ای باغریقان رقیه آرام جان رقیه دور دلبرون گلوبدی شیرین زبان رقیه کرب و بلایه گیتسم عباسه چوخ سوزوم وار دوزدورکی قالدی قولسوز ئوز عشقینه وفادار اما گرک گلیدی قیزلاره باش چکیدی گلسیدی قمچی آلتدا ئولمزدی خردا قیزدا ای باغریقان رقیه آرام جان رقیه دور دلبرون گلوبدی شیرین زبان رقیه اثر: حاج حسین غفاری اردبیلی ﷽🍁 ✨اَللّهُمَّ عَجِّل لِوَلیِّکَ الفَرَج✨

‍ #روضه_خرابه السلام علیک یا بنت الحسین یازهرای سه ساله اولسون سلام دیللره طوفان سالان قیزا آغلارقویوب خرابه ده آغلار قالان قیزا اولسون سلام غم یوخوسوندان دوران قیزا بابا دینده عمه سین یاندیران قیزا زینب دییر بالانیم شب شهادتیندیدی همان رقیه ای کی بیر روایته اولحظیه جا نطقی لالدی اصلا دانشمیب اله گوزنون یاشی آخیردی هیچ جمله یابیر کلمه دانشمیب زینب دییر تعجب الدیم الله گئجه نین یاریسدی گوردوم رقیه دی اله های هاینان آغلیر قیزیم بویونجا دانشانیبسان بالا دردین ندی بوگئجه بئله اوجادان آغلورسان عرض الدی عمه بابامی یوخودا گوردوم دیدی قیزیم دای قویمارام سنی خرابه لرده قالاسان قول ویردی منی ویرانه سرادن قوتارا آچا بال وپریمی هریره گیدسه آپارا اما یارالی باش نه نحویله گلدی خرابیه یارالی باشی ویردیله بوبالانین قوجاقینه اون یدی کلمه بابایلن دانشب اولاریناندا ایشیم یوخ دیدی گوزل سروین بوداقیوه نه گلدی طفاقیوه جلالیوه نه گلدی آغزین سنین کربلاده یاریدی سنه قربان دوداقیوه نه گلدی جواب الیکی گون باتدی آی دالدالاندی یارالی باشیم الرده دولاندی قوناق اولدوم یزیده طشت زرده آغاج ویردی دوداقیم پارچالاندی #محرم1402 #خرابه_شام #حضرت_رقیه_سلام_الله_علیها ✨اَللّهُمَّ عَجِّل لِوَلیِّکَ الفَرَج✨

نوحه آخر ماه صفر ای شیعه بو عزاده گلمیش نوایه زهرا گه مصطفایه آغلار گه مجتبایه زهرا پیغمبرین فراقی سالدی قلوبی درده دوتدی مدینه شهرین غم آخر صفرده آچدی باشین صحابه داغ عزاجگرده الدن وئروب آتاسین دوشدی بلایه زهرا معناده دخت طاهامحزون ودل غمیندی چونکه ایکی عزیزه یاس ساخلاماق چتیندی غملر اولوب مقارن روز عزای دیندی آهیله شعله ورمیش ارض و سمایه زهرا ظاهرده گر یوخیدی اوندا حسن آناسی باطنده قوزنوردی افلاکه آه و واسی آغلار گلر فغانه باشدااوغول قراسی همسایه دوربقیعده اول مه لقایه زهرا تا گوزلرین جهاندا یومدی رسول معصوم زهرا گئدوب شهیده اولاردی قالدی مظلوم ظلمیله مجتباسی زهرایچدی اولدی مسموم تبدیل ائدوب جنانی ماتم سرایه زهرایه ماه صفرده یاران قلبی یانوب بتولین توامدی مجتبابین یاسیله چون رسولین بیر آیری غمده پوزموش حالین او دل ملومین یعنی الی اورکده آغلار رضایه زهرا اوچ ماتم اوچ مصیبت دوتموش تمام دهری قاره گیوب خراسان بیرده مدینه شهری ایچدی ایکی بالاسی بیداد الیله زهری اللهه ظلم الیندن ایلرگلایه زهرا ایرانین اهلی ایلرعرض ادب رضایه هم واردی یثرب ایچره اجلال مصطفایه اما بقیعده یوخدی بیر صحن مجتبایه تپراقلا آلتداآغلار اول باوفایه زهرا موضوع: #پیامبر_اسلام صلی الله علیه و آله و #امام_مجتبی و #امام_رضا علیهما السلام سبک: #دوباره_مرغ_روحم شاعر: #کلامی_زنجانی

#پیامبر #امام_حسن_ع کربلایی سعید سلطانی https://eitaa.com/turki_nohemajma

#خرابه_حضرت_رقیّه_س #زبانحال_حضرت_رقیّه_س #به_راس_مطهر_حضرت_سیدالشهدا_ع 》《》《》《》《》《》《》《》《》《 بابا سن گیتدون اما آتش هجرانه من یاندیم اولوبدور منزلیم بو گوشه ی ویرانه من یاندیم یتیمه قیزلارین گویلون آلاللار رسم عالمدور انیسیم روز و شب ویرانسراده غصه و غمدور سسیمه سس ویرن یوخدور منیم ،بیر تک بو عممدور بی بیمدور شمع محفل، من اونا پروانه من یاندیم او گون کی سن خِیَمدن آیریلوب گئتدون ملالیله منه بیر سوز دیدون رام ایلدون شوق وصالیله دولاندیم چوللری مجنون کیمی آشفته حالیله گیجه گوندوز او گوندن گردش دورانه من یاندیم یارالی باشووین آردینجا منده چوللره دوشدوم دولاندیم کعبه ی مقصودیله تا دللره دوشدوم بو یولدا بیر نچه یول ناقه دن اما یئره دوشدوم دایاندی نیزه ده باشون گلوب افغانه من یاندیم الینده تازیانه دشمن بی رحم و بی پروای امان وئرمزدی بیر لحظه دییم من اصغره لایلای چکم ناله، دییم جدّیم شبیهی اکبره ایوای گلوبدی قمچی لر هر بیر زمان جولانه من یاندیم بیر عده یئتمدی شامه بابا یولدا دوشوب ئولدی خدنگ غم دل آل رسولی ظلمیله بولدی گلنده شهره شام اهلی شمادت ایلدی گولدی بئله بیر میزبانه اُفّ اُولا، مهمانه من یاندیم نه مدتدور یانوردوم من سنون نار فراقینده خوشیدیم من بو مدتده وصالون اشتیاقینده گلوب ایندی کسوک باشون یارا واردور دوداقینده باتوبدور صورتون گوردوم سنون القانه من یاندیم سفردن شه گلنده رسمیدور کی یار و اعوانی چخاللار پیشوازه تا اُولا اِعزاز شایانی سنه من پیشوازه چخمادیم عفو ائت بو نالانی گذشت ائت اولمادی بیر مجلس شاهانه من یاندیم گلوبسن بو گیجه دیداریمه ای شاه زهرا خو بهشت عطری گلور سندن مُعطّر بیر گل خوشبو یازوب بو سوزلری حاجت امیدیله بیزه "دلجو" گیجه گوندوز اونون اشکی آخور دامانه من یاندیم

زبانحال حضرت رقیه سلام الله علیها 📝▪️مرحوم اعظمی تبریزی ➖➖➖➖➖➖➖➖➖➖ او یتیمی که گلر ناله و فریاده منم اوچ یاشیندا سارالان گل کیمی شهزاده منم اورگی داغلی قولی باغلی گلن شامه اسیر آهو تک صید اولونان ظلمیله صیاده منم ناقه دن یولدا دوشوب آیری دوشن قافله دن قالان آواره گجه قورخولی صحراده منم سالموشام باشه قرا معجر زیور یرینه روز و شب طعن و شمادتده گلن داده منم من او شمعم یغارام باشیمه پروانه لری او رقیه که غمی اود وورار اکباده منم من نه مدتدی باخوب یولارا اکبر دیرم قارداش هجرینده گلن ناله و فریاده منم نازلی دلبند حسینم علی اکبر باجیسی عالمین مفخریم ظاهرا افتاده منم گوندروب شاه زمن شامه نماینده منی ایندی افتاده لره والی بو اثناده منم منه منصب ویریلوب باب الحوایج لقبی چاره سیزلر چاغیراندا یتن امداده منم هانسی گلدور یتیشه عطر و نظافتده منه غنچه که شهرتی وار گلشن زهراده منم محو اولار قصر یزیدی نه قالار نام و نشان آدی شهرت ایلین گون کیمی دنیاده منم او یاتور قصر مجللده گجه خرم و شاد قوری یر اوسته یاتان غصه لی ماواده منم او قویور بالش نازه باشینی عزتیله باش قویان تیره ترابه شب یلداده منم او ایدوب حقی فراموش اوجا قصر ایچره قوری یر اوسته یاتوب اللهی سالان یاده منم او دانوب دینی یخوب ظلمیله اسلامون ایوین روز و شب دین چاغوران کوی غم افزاده منم او دیور بس کی یتیمون کسیلر ناله سسی نی کیمی داده گلن محنت عظماده منم او دیور بس که منیم یرده بو آهیم قالاجاق آهیله شور سالان عالم ایجاده منم او هله جاهنیه مغروریدی بولمز ئولومی کنج ویرانه جان ویرماقا آماده منم او دیور ظالمه مظلوم دینمز سوزونی اونی محشرده چکن محکمه داده منم او دیور حاکمم عالمده ولی بولمور اوزی اونی محکوم ایلین کیفر عقباده منم او اوجا قصرینی آهیم ایله ویران ایده جاق سالان عزتدن اونی عالم معناده منم آغلا گوز یاشلی رقیه غمینی #اعظمی یاز سویله هجرونده گلن ناله و فریاده منم #زبانحال_رقیه_س

🏴#حضرت_رقیه_سلام_الله 🏴#سبک_تا_مشکتو_تو_آب_زدی 🏴#سبک_ترکی 🎤مداح :ناصر اسدی اردبیلی ▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🏴#حضرت_رقیه_سلام_الله 🏴#سبک_تا_مشکتو_تو_آب_زدی 🏴#سبک_ترکی 🎤مداح :ناصر اسدی اردبیلی ▪️▪️▪️▪️▪️▪️▪️▪️ چوخ آغــلاما خرابـده گوزوم ضیاسی آی بالا سرشگیله دولان گوزون بیبون فداسی آی بالا سولوبسان گل تک اولوبسان پرپر رقیه مــلال و غمـدن سـارالدی گـوزلر رقیه اوقـدری ویران سـراده فریاده گلـدون یانــوب احـوالــونده آل حیــدر رقیه              رقیــــــه وفـالی              حسیـنون مـارالی      ▪️▪️▪️▪️▪️▪️▪️          ادبلــی مهــربان بـالا سه سالـــه قهرمان بالا کجاوه لرده شامه جک نوالی نوحه خوان بالا اولان همــدم زینــب نـالانه رقیه اولوب سینون ظلمیله غمخانه رقیه یاناردون غم مجمرینده اشرارالینده گلــه لعنـت دشمــن دورانه  رقیه             رقیــــــه وفـالی             حسیـنون مـارالی ▪️▪️▪️▪️▪️▪️▪️▪️                 اولوبـــدی نیلــی صورتون عزیزحی لامکان دوشوب گوزه جفائیلــه ستم الیلــه لخته قان آنام کیمی واریوزونده سیلـی نشانی آلورغمدیده بی بیـوندن تاب وتوانی سن آغلورسان قان اولور اورکلرغمونده نجه سیلیم صاق گوزونده کی لخته قانی               رقیــــــه وفـالی               حسیـنون مارالـی       ▪️▪️▪️▪️▪️▪️▪️ ورانداسیلــی زجردون نوایه گلمدون ندن الون عذاروه قویوب ملالون ائتمدون علن یانوب اوحاله یقین عرش اهلی سراسر گــلوب معــناده نوایه زهرای اطــهر ملالــونده قان اولار اشگــی عالمینون توکـوب رخساره سرشگ محنت ملکـلر               رقیــــــه وفـالی               حسیـنون ▪️▪️▪️▪️▪️▪️▪️ یانوب فــراقه آغلوسان آخورعذاره گـوزیاشون خـرابــده ائـدور نـوا تمـام یــارو یولداشون چخـورسپهــره شــرارآهون نهــانی دوتوبدی معناده افغانون نـُه سمانی سنـون ملال و مصیبتون دفتــرینده گرک یازسون موبه مو یازاندا (جوانی)              رقیــــــه وفـالی              حسیـنون ▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🎼سبک نوحه ✍بقلم کربلایی ابوالفضل صفری 🎤#بانوای_حاج_علی_سیفی_افشار

                    ﷽ #زبانحال_شهید_به_مادرش #ترکی سن مزاریمه گلنده گلمه شورو شینه مادر آغلاسوندا اوندا آغلا تشنه لب حسینه مادر قبریم اوستونه گلنده باخما سن سماده ابره بارش سرشک چشمی توکمه قطره قطره قبره سعی ایله جهاندا مادر نائل اول مقام صبره خالقین وار التفاتی جمله صابرینه مادر سن منه انا آز آغلا یازمیشام وصییتمده یاندیران غمون اورکده گرچه چوخدی فرقتیمده دللری یانقلی سوز لن داغلاما مصیبتیمده اتکا ایله همیشه رب العالمینه مادر هرگه آرزو ائدردیم کربلانی من گوریدیم یاحسین دیوب اورکدن اشگی قانه دوندریدیم تربت مقدسیندن مادریمه گوندریدیم سجده گاهینی قوییدی تربت حسینه مادر کربلا وصالی اولمادی منیم نصیبیم چاره دردیمه گزوردیم چون حسینیدی طبیبیم یادوه دوشنده اوغلون گلمه سن جوخ آه وزاره ایلمه فغان وناله سالما دیللره شراره نازیله گورنده هاردا ترپدوله گاهواره اوندا آغلا سن حسینون تشنه اصغرینه مادر التماس دعا ✍بقلم کربلایی ابوالفضل صفری ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین