🏴#شهادت_حضرت_فاطمه_س 🏴#سبک_زمینه 🏴#ترکی 🎤مداح :حاج مهدے رسولے ▪️▪️▪️▪️▪️▪️▪️▪️ آغلاما دا، اے منے آغلادان آغلاما دا منه گلسین قادان آغلاما دا گتملے بیر قوناقے یول دا ساخلاما آغلاما هے اوتوروب دیزلریوے قوجاخلاما، آغلاما عم اوغلو جان ائتمه منیم باغریمے قان آغلاما اوشاخلارین باخیر بیزه چوخ اوجادان آغلاما آغلاما دا اے منے آغلادان آغلاما دا منه گلسین قادان آغلاما دا ▪️▪️▪️▪️▪️▪️▪️▪️ گتملے بیر قوناقے یول دا ساخلاما آغلاما هے اوتوروب دیزلریوے قوجاخلاما آغلاما هے دیمه گتمه فاطمه، علی!قالا بیلمورم گتماقا راضے دویورم ولے قالا بیلمورم قصد الدیم ساکت اولام ائوده قالام حیف اولا چوخ ایستدیم من سنے اللردن آلام حیف اولا مغیره بیر ایش گوروب الدن گدنے بوشلادیم قوللاریما غمچے ویراندا من سنے بوشلادیم آغلاما دا اے منے ... ▪️▪️▪️▪️▪️▪️▪️▪️ قلبیم اولوب قان که اورڪ داغلاماقین گورمیم قانه بویاندیم که سنین آغلاماقین گورمیم گلمسه قوللاریم گوزون یاشین سیلم باغیشلا چوخ اولدے زحمتیم سنه حلال ائله باغیشلا آغلاما دا اے منے .... ▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

❣﷽❣ 🌸 #مولودی_حضرت_زینب‌_س 🌸 #ترکی 🌸 #کربلایی_محمدرضامحمدی ( ناعم ) سویوندی غملی دللر*فرحلنوبدی ایءللر گلوب نوایه بلبل * چمنده آچدی گللر زینب گوزآچدی بوگجه جهانه مبارک اولسون صاحب الزمانه گویده ملکلرسسلنور تبارک میلاد بنت المرتضی مبارک 🌹🌹🌹🌹 برج وفاده والله*زینب کیمی آی اولماز عصمتده بعدزهرا*هیچ کس اونا تای اولماز کوه وقاروعصمت وادبدی دخت علیدی فاطمه نسبدی گویده ملکلر........... 🌹🌹🌹🌹 آلدی قوجاقه طاها*باخدی دیدی ماشاءالله سن تک رشیده بیرقیز*گلمزجهانه والله زهرا آنا گر مرتضی اب اولسا اعجب دگول قیزلاری زینب اولسا گویده ملکلر.... 🌹🌹🌹🌹 هرکس قوجاقه آلدی*باغلیدی غملی گوزلر آچموردی گوزلرین تا*آلدی حسین مکدر تا آلدی عطر شاه مشرقینی آچدی گوزین شاد ایلدی حسینی گویده ملکلر.. 🌹🌹🌹🌹 قارداشی سسلدی سن*باشدامنیم تاجیمسان هم گوزلریم ضیاسی*هم سویگولی باجیمسان سندن اینان من قالمارام آرالی حتی اگر نی ده گزه م یارالی گویده ملکلر.... 🌹🌹🌹🌹 @turki_nohemajma #کانال_ترکی_مجمع_الذاکرین

‍ روضه شهادت حضرت زهرا(ص) هر فرد بشر که ائدر اِمرار ئوز ائوینده امنیّتی نسبت ئوزینه وار ئوز ائوینده قانون طبیعتدی نظام مدنی دور آسوده یاشار مسلم و کفّار ئوز ائوینده کانون فراغتدی هر ائو اهلینه سوز یوخ بیرکس ائده بیلمز بیرینی خوار ئوز ائوینده راحت یاتا حتی گرک هر قوش یوواسیندا پرّنده لره یتمیه آزار ئوز ائوینده ای پیر خرد وار نه جوابون بو سؤاله زهرا نه سبب اولدی گرفتار ئوز ائوینده بیر فاطمه کی میوهء قلبیدی رسوله دؤزمزدی اولا ذرّه گرفتار ئوز ائوینده باخدوقجا پیمبر اونا بالیده لنردی ایگلردی گُلون احمدِ مُختار ئوز ائوینده فرمایش ائدردی منی زهرا آتا سسله شاد اولسون آتون مفخر احرار ئوز ائوینده بیر فاطمه که بذلی چوخیدی فقرایه ائتمزدی دویونجا ئوزی افطار ئوز ائوینده بیر فاطمه کی عاشقیدی صوم و صلاته ایلردی مناجات سزاوار ئوز ائوینده بیر فاطمه کی نازل اولوب شأنینه کوثر توهین ائلدی فرقهء اشرار ئوز ائوینده شیخین خلافت نقدر کج یولا چکدی زهرایه گونی ایلدیلر تار ئوز ائوینده اندیشه غلط اولسا بشر شرّ اولی مطلق ناحق یره اخیاری ائدر زار ئوز ائوینده یاندیردی عمر باب همایون علینی شه بانوی اسلام گوروب نار ئوز ائوینده اودلاندی قاپوم ثانیه ال چَک دِئدی مندن زهرائیله گل ایلمه پیکار ئوز ائوینده هر بیر یوزه بو درگه والادی آچیلماز فکر ائت کیمه گور ایلوسن اخطار ئوز ائوینده تا وار نفسیم بو قاپونی بیرکس آچانماز گئتسون اوتوسون قُومِ تَبهکار ئوز ائوینده قارداشسیزام اینجیتمه آتام تازه ئولوبدی قوی فاطمه نی اولسون عزادار ئوز ائوینده فکر ایلیوسوز اولما کمک سیزدی عم اوغلوم زهرا تک اونا واردی فداکار ئوز ائوینده بیز ایستمدوک امر خلافت سیزون اولسون قوی راحت اولا عترت اطهار ئوز ائوینده آهولریمی ائوده ملشدیرمَه حَیا ائت دورت خوردا بالام قورخودان آغلار ئوز ائوینده باخمادی سوزه ثانی نه بیلدی اونی ائتدی حقّون ائلدی حقّینی انکار ئوز ائوینده بیر زور وئروب قَهریلَه یانمش قاپی سیندی زَهرا اَجلین گوردی پدیدار ئوز ائوینده دیواره که تکیه ائلمیشدی ائله قالدی سالدی اونی جاندان در و دیوار ئوز ائوینده مسمار امان وئرمدی زَهرا گئج ئولردی دلدی سینه سین اوخ کیمی مسمار ئوز ائوینده سیندی صدف طاهره دُرّی یِره دوشدی اولدی اجل اول دُرّه خریدار ئوز ائوینده فضّه ائله سسلندی علی چیخدی اطاقدان گُوردی یخیلوب دلبر دلدار ئوز ائوینده نه جای مذمّت وار علیده چتین ایشدور یارین یارالی درک ایلسه یار ئوز ائوینده ایوای دئدی الله آناسیز قالدی اوُشاقلار بو دورت بالاما کیمدی پَرستار ئوز ائوینده اوغلانلاریمون قیزلاریمون گوزیاشی آخماز دیلدَن دوشنیم ایلسه گُفتار ئوز ائوینده غشّ ایلیوب حتماً سَسیمه سَس وئره بیلمور بیهوش ائلیوب یاریمی اغیار ئوز ائوینده گلسه دیله سَسلنسَه عم اوغلی غمیم اولماز بیلّم که علینون کمکی وار ئوز ائوینده حاصل ایشی تقدیر قضا بیر یِره چَکدی دوردی اَیاقا فاطمه ناچار ئوز ائوینده درک ائتدی علینی باش آچوق قولّاری باغلی چوخ غُصّه لیدور حیدرِ کرّار ئوز ائوینده میرِ حرمی ثانی چکور مسجده ساری شهبازه آچوب شبپره مِنقار ئوز ائوینده دوتدی ایکی اللی شَه دینون اتگیندَن ئوز همدمینه اولدی هوادار ئوز ائوینده دشمن او شَهی خارجه زَهرا اِئوه چکدی قَهر ایلدی محبوبهء قَهّار ئوز ائوینده ثانی دیله گلدی دئدی قُنفذ نه دوروبسان زَهرا نجه گور ایلیور ایثار ئوز ائوینده فوراً او دَنی قمچیسینی آچدی بلیندَن وردی گُلِ طاهانی او غَدّار ئوز ائوینده سُست اولدی بتولون قولی ال چکدی علیدن ضربَت یتیشن وقتیده تکرار ئوز ائوینده صدّیقهء کُبریٰ یخیلوب صحن سَرادَه قالمادی شَهِ خیبره غمخوار ئوز ائوینده گلدی بالالار فاطمه نی آلدی آرایه زینب ائلدی فضّیه اظهار ئوز ائوینده درگاهیمیزی چکدی اوُدا بی سر و پالَر یاندی شَررِ مُحنته سردار ئوز ائوینده بو شهریده مظلوم آتامین بیر کسی یوخدور توش اولدی غمه حُجّتِ دادار ئوز ائوینده پیغمبره دلدار آنامی سالدیلا دلدَن راحت اوتوروبدور هله اَنصار ئوز ائوینده فضّه سو گتور وِئر آنامیز گُوزلَرین آچسون ائتسون ئوزی ئوز دردینی معیار ئوز ائوینده کیم وار قولی باغلی آتامون فکرینه قالسون کیم گلدی اونا اولدی طرفدار ئوز ائوینده چاره گینه قالمیش آناما بیزده نه چاره بیر چاره تاپار اولماسا بیمار ئوز ائوینده ✍مرحوم حاج_انور_اردبیلی ✨اَللّهُمَّ عَجِّل لِوَلیِّکَ الفَرَج✨💫

بانوای مرحوم زنده یاد حاج ربعلی رحمتی اردبیلی☝️☝️🖤🖤😭😭

‍ ‍ بسم الله الرحمان الرحیم روضه شب شهادت حضرت زهراسلام الله علیها دربستربیماری ووصیت به خانم زینب (س) الغرض دوشدی علینن بندقلبی بستره آرزوایلیردی تاملحق اولاپیغبره زینبین آخر نفس لرده چاغیردی محضره ای بالا قیزم الوی قویما اورگوون باشینا گل ددی بالینمه قربان اولوم گوزیاشوه بوینوی چوخ چینواقویمادولانام باشوه ای بالاقیزم بیله اللروقویما اورگوون باشینئه ننه وام ای بالادوزمرم الیئکه اوبالاجابالا ایلئشدی ننه ان کنارنئده اله وصیت الیئر بالا قیزم سعی ائله منن سوراچوخ باشه قاره باغلاما مرتضی اوده اولان وقتیهاماندئ آقلاما داقلیدی قلبی قیزیم سعی ایله سنده داقلاما بوردان بیرعلینین مظلومیتن ال نظره یا الله علی گورنئه مظلوم اولوب زهرازینبه علینی سفارش ایلیئر بالا داغلیئدی قلبی قیزم سعی ایله سنده داقلاما اوپ اوزون حالیئن سوروش غرق اولماسین گوزیاشینه (یغ باشه قارداشلارون هرگون دولاندرباشینه)۲ ای وای مظلوم علی اااااابیرمولاعلینی سفارش ایلدی زینبه خانم اوننان صورا یواش یواش دیربالا بالا ورصفارنگی سارالموش گلشنه منن سورا زینب ورصفا رنگی سارالموش گلشنه منن سورا هم باجی اول حسینه هم ننه منن سورا بالاحسینم سنه تاپشررام بالا گوی گجه سوباشی اوسته گنئه منن سورا طاقتی یوخدی قارداشون عطشان لیقا تانقدرزنده سن قویماحسین عطشان قالا بالا طاقتی یوخدی قارداشون عطشان لیقا تانقدرزنده سن قویما حسین عطشان قالا سس له یا زهرا یازهرا یازهرا

آهنگ :«مثل تمام عالم  » سرود حضرت زینب (س) آهنگ :«مثل تمام عالم  » شاعر :«#علیرضا علوی زنجانی » 🌺🍃🌺🍃🌺🍃🌺 اهل ولایه مژده    روح روان  گلوبدی گلوبدی    گلوبدی چشم و چراغ مولا   آرام جان گلوبدی گلوبدی    گلوبدی عشقین  اولوبدی  رایج  سن سن   باب الحوایج  🌺🍃🌺🍃🌺🍃🌺 ای در بحر عصمت   عالمه خوش گلوبسن گلوب سن    گلوب سن ای شاهکار خلقت  عالمه خوش گلوبسن گلوب سن   گلوب سن   عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 ای جان فدای مکتب شاهلار سنه گدادی  گدادی گدادی زهرای ثانی زینب عالم سنه فدادی فدادی فدادی   عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 ام المصائبن سن فاطمه نین عزیزی عزیزی عزیزی ذات الزکیة سن سن فاطمه نین عزیزی عزیزی عزیزی   عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 علی کیمی جهاندا خطیب خوش سخن سن سخن سن سخن سن تاریخه ثبت اولوبدی سفیر بت شکن سن بت شکن سن   بت شکن سن عشقین  اولوبدی  رایج  سن سن   باب الحوایج   🌺🍃🌺🍃🌺🍃🌺 پیغمبره دوباره  کوثر عطا ایدیبلر  ایدوبیلر  ایدیبلر فاطمه و حیدره گوهر عطا ایدیبلر  ایدیبلر  ایدیبلر   عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 شاه و گدا قاپوندان گلوب مطلب آلالار آلالار  آلالار دردی اولانلار گلوب حرمینده قالالار قالالار قالالار   عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 اولدون پرستار دین خدمت ایدون امامه امامه امامه علم و امامتیله بیل باغلادین قیامه قیامه قیامه   عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 قول باغلی شامه گیتدون یازدی آدیوی خامه خامه خامه یازدی مورخ آدین علامه زمانه زمانه زمانه   عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 آتان علی  کیمی سن مرحبلری یخیب سان یخیب سان یخیب سان بنی امیه نی  سن تخدن یره سالیبسان سالیبسان   عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 کاخ یزیده قاره پرچم لری ویریب سان ویریب سان دشمن مقابیلینده علی کیمی دوروبسان  دور وبسان    عشقین  اولوبدی  رایج  سن سن   باب الحوایج 🌺🍃🌺🍃🌺🍃🌺 ۹۷/۱۰/۱۷

🌹#ولادت_حضرت_زینب_سلام_الله 🌹#سرود_ترکی 🌹#مدح 🎤مداح :کربلایی سعید سلطانی 🌙🌙🌙🌙🌙🌙🌙🌙🌙 ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🌹#ولادت_حضرت_زینب_سلام_الله 🌹#سرود_ترکی 🌹#مدح 🎤مداح :کربلایی سعید سلطانی سبک :: محرم رازیم الله ... سرزمین من ... 🌙🌙🌙🌙🌙🌙🌙🌙🌙 حاج اصغر فرشچی ( عدلی تبریزی) . الله ایدوب عنایت زینب با کرامت گلدی بوگوندن ایتسون قارداشینا حمایت . زینبیم گلوب آچدی گولوم اولدی بهار گوز آچان کیمی عشقیمه اولدی بیقرار . یات باجیم یات یات گولوم یات . . . گویده گونوزآی اولماز زینبیمه تای اولماز الله سنی پای ویروب سنکیمی بیرپای اولماز . آغلاما باجیم توکمه عذاره اشگیوی بیر گونی وار گوسترسن اوز عشقووی . یات باجیم یات یات گولوم یات . . . گلی باغدان دررم بستریوه سررم لایلای دیسم یاتماسان یوزون گوزون اوپرم . گلدون عرصیه تا چکسن درد و بلا ثبت اولار آدون شیر زن کرب و بلا . یات باجیم یات یات گولوم یات . . . گهواروه سالارام سنه لایلای چالارم یرون راحت اولماسا قوجاقیمه آلارام . یات عزیزیم واردی نقدری فرصتون داغ کیمی اولار باشدا بلا و مِحنتون . یات باجیم یات یات گولوم یات . . . یات بشیگینده راحت ای گل با طراوت نهضتیمون شریکی خواهر با دیانت . مست عشقیم هرغمیمه دوزن باجی کربلایه قارداشینان گیدن باجی . یات باجیم یات یات گولوم یات . . . بادۀ غم ایچرسن چوخلی جفا چکرسن او دشت پر بلاده قان یاش یوزه توکرسن . کربلاده دوغرانی علی اکبریم اللریمده اوخلانی علی اصغریم . یات باجیم یات یات گولوم یات . . . شعبه لی اوخ دگنده باخوب منه گولنده سسلرم آدون سنون قلبیمی غم دلنده . سسلرم باجی اوخلادیلار صود امری قونداقی دولوب قانیله باتدی پیکری . یات باجیم یات یات گولوم یات . . . آغلارگوزون فداسی وار باشوون بلاسی سنله منیم باجی وار قاباخدا کربلاسی . نهضتیمده شرکت ایدوب اسیر اولان شام و کوفه نی پای پیاده دولانان . یات باجیم یات یات گولوم یات . . . خیممه اود ویراللار غارته ال آچاللار گوزقاباغوندا زینب قیزلاریمی سویاللار . چک کناره سجادی اود دا یانما سون اول محافظ قویما رقیّم آغلاسون . یات باجیم یات یات گولوم یات . . . «عدلیده » وار علاقه یاندی غم فراقه کرب وبلا ایستوری دعوت ایله عراقه . کربلا سوزون گتدی بو گونده دل لره تهنیت دیور لیک بو گونده ایل لره . یات باجیم یات یات گولوم یات . . #سبک_محرم_رازیم_الله 🌙🌙🌙🌙🌙🌙🌙🌙🌙 ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین