#روضه #شام_غریبان @turki_nohemajma کانال ترکی مجمع الذاکرین

دختر بو ترابیدی زینب فخر اهل کتابیدی زینب **** لقبی بی معلّم علاّمه قدراً عالی جنابیدی زینب **** مرتضا زینتِ بهشت اولدی مرحبا زِینِ بابیدی زینب **** هبَّذا لِل عَقیلَۀُ الاَعراب مصحف عشقه بابیدی زینب **** مثلینی گورمیوب فلک گورمز کوه پُر التهابیدی زینب **** همزبان اولدی بش امامیله شرعه نایب مَنابیدی زینب **** زینبی کیمدی اِیلیَن تفسیر شرحه گلمز کتابیدی زینب **** باخمیون وار یوزونده یول گردی توز دوتان آفتابیدی زینب **** ای قلم بعدِ سیّدُ الاَ شباب رهبر انقلابیدی زینب **** رهبر انقلابی سندرما خبره اول دُرّ ِ نابیدی زینب **** هر سوزی یازما آغلیا ملت سوزلره ارزیابیدی زینب **** صاحبُ الاَمره یازما بیچاره داعی اُ لمُستَجابیدی زینب **** ایلیور زینبیّته توهین کیم دئسه درعذابیدی زینب **** فکریدن بوسوزی سوآل اتدیم شامیده بی نقابیدی زینب؟ **** قلمیم آغلیوب دیله گلدی یوخ دئدی حق مآبیدی زینب **** شرمی وار مطرح اولسا بو پرسش چون سراپا جوابیدی زینب **** زینبی فاطمه بویوتموشدی فقهده مُستَطابیدی زینب **** کیم دییور دشمنه اسیر اولدی غرق در اضطرابیدی زینب **** حوریلر زینبین اسیریدی مفخر احتجابیدی زینب **** بئله بیر قهرمان اسیر اولماز بو یِئره انصابیدی زینب **** حکمیدی شامیده قیام ائتسون حامل بیر خطابیدی زینب **** آتش زیر خاکه او خشاردی یوزدن عین شهابیدی زینب **** اللّهن قانینی آلان گونّر ساچی قاننان خضابیدی زینب **** زینبی غصه سندرامّزدی غملره انتخابیدی زینب **** شامیده باخما دستگیریدی قفسین ایچره باغلی شیریدی ✨💚✨💚✨💚✨💚 #کانال_مولودی_مجمع_الذاکرین

🌸#سرود #ترکی #میلاد_حضرت_زینب 🎤حاج مهدی رسولی @ewwmajmamolodi #کانال_مولودی_مجمع_الذاکرین

استغاثه از محضر امام عصر (عج) سالوبدی قلبیمه هجرون شراره یا مهدی دوزنمورم داخی بو انتظاره یا مهدی یورولموشام منی گل قویما منتظر مولا گلوبدی تنگه اورک ایله چاره یا مهدی منیم سوزیمده اثر یوخ اوزون دعا ائیله سنی قسم وئرورم کردگاره یا مهدی کوسوبسن اولمیا مندن گناهیمه خاطر آقالیق ایله باریش باخ بو زاره یا مهدی نمک ییوب سرسفرنده ناسپاس اولدوم اگر چه لطف ایلدون سن دوباره یا مهدی حلال ایله ، ولی گوزله سنی آنان زهرا شکایت ایلمه پروردگاره یا مهدی گوزوندن آتسان اگر سن منی ائویم یخلار دوشر جهیمیده جسمیم فشاره یا مهدی هایانداسان آقا باشسیز قالوبدی شیعه لرون فراقون ایلیوب هر قلبی یاره یا مهدی اگر چه شیعه لرون قلبیوی سالوب درده تیکوبله گوز ولی سن تک نگاره یا مهدی دولانما چوللری آغلار گوزون فداسی اولوم بو قدری گوزیاشی توکمه عذاره یا مهدی قابار ایاقلاریوا بو ذلیل جانیم قربان هاچان یولون دوشه جاق بو دیاره یا مهدی دوتوبدی ابر ستم آسمان دنیانی باتوبدی یر یوزی گرد و غباره یا مهدی بیر عده شیعه لرون گل کیمی سولور سارالور اسور خزان یلی عمر بهاره یا مهدی بیر عده ال چالوری شیعیه بیر عده گولور ورور اورکلره هر آن شراره یا مهدی نه اینکه ظلم الی عرشه چاتوبدی ، جانیلر سالوبلا شیعه نی حال فکاره یا مهدی خدادن ایسته ظهورینده ایلسون تعجیل اجازه آل آپار اَل ذوالفقاره یا مهدی فسادی ریشه کن ائت ظلمی مضمحل ایله عدالتین علمین وور بو داره یا مهدی بو یرده سندن آقا ایلورم ایکی خواهش جسارت ایلورم اُول شهریاره یا مهدی بیری بودور که بوخیر ایشده چوخ شتاب ایله نه اینکه خیر ایشه یوخ استخاره یا مهدی ایکمجی اوز باشینا بوشلاما بو "شیدا "نی قاپوندا نوکریوه قیل نظاره یا مهدی ✍محمدرضاصادقی‌شیدا #امام_زمان_عجل_الله #جمعه_های_دلتنگی

زبانحال حضرت زینب (س) در مصیبت حضرت زهرا (س) سبک :: سن آغلوسان من دوزنمورم سبک  :: خداحافظ ای آنام باجی ابوالفضل عباسی معروفان اهری ( معروف ) منیم ننم مهربان ننم ئولدی باغریقان ئولدی سالوب فلک اختیاریدن ویردی خسته جان ئولدی ننم منه مهربانیدی خاطریم چوخ ایستردی محبتلن دیندیروب منی سینه سینده بسلردی ووراردی هی زلفیمه شانه چوخلی حرمت ایلردی بش ئیل آغوشینده زینبون گویلونی آلان ئولدی گجه اولور غم گلور منه آسماندا آغلور آی دوشنده یاده سئنان قولی سسلرم ننم ایوای اولوب دیلیم ازبری منیم نازیمی چکن لایلای گجه گونوز دورت بالاسینون فکرینه قالان ئولدی گرک قوشام اوخشاما ننم صحبتین دییم الله آنام کیمین روزگاریدن من گلیلییم الله اماندی رحم ائت آناسیزام بیر یتیمه ام الله جهاندا بش سنیده قیزون تک قویان ننم ئولدی ایدم بیان درد و محنتین گوزیاشیم امان وئرمز او قدری غصه چکوب دئسم غملری سانا گلمز بودور خیالیم که حشره جک قلب زاری دینجلمز بوکوب بئلون غصه لر ننم قامتی کمان ئولدی بنا اولوب کج مداریده کج بناسی دنیانون غریبه دور گردشینده یوخ آشناسی دنیانون ئولوم حقدور هر گلن گئدر یوخ وفاسی دنیانون جفای دهره دوزن ننم حیف اولا جوان ئولدی ✨اَللّهُمَّ عَجِّل لِوَلیِّکَ الفَرَج✨

☝️☝️ مداح کربلایی سلامت اشرفی قوجه بیگلو 😭😭😭😭

اوخشاما ایام فاطمیه گلور گینه حسین آدی  جوان ننه سین اوخشادی بویوردی آل هاشمه ننه یدی آغزیمون دادی😭 آلاردی دستمازینی قیلاردی ئوز نمازینی چکورم ایندی باغریما عطرلی جانمازینی محبت امت ائتمه دی رسوله حرمت ائتمه دی ننه مون اهل شهریدن یاسینا شرکت ائتمه دی ئولنده اشکبار اولوب ملول و دلفکار اولوب آز عده ئیله قبرینه ائوینده رهسپار اولوب قسم گوزل تفاقینه کئچنمورم اتاقینه ننم دوشوبدی یادیمه دوزنمورم فراقینه لای لای ننم لای لای @turki_nohemajma #کانال_ترکی_مجمع_الذاکرین

#اقتدار_و_مقاومت #غزه_سربلند جهان احوالی برهم دیر سر و سامانی لازم دیر هایاندا ظلم و طغیان وار خط پایانی لازم دیر دوتوب اود ،هر طرف دن ظلم اودیلا اودلانیر غزه دوشور دیلدن، نفس دن، دردینین درمانی لازم دیر باخیر دونیا گوزی، هر دم جنایت ائیلیر اسرائیل جهان ارام اولا بیر همت انسانی لازم دیر هارای لار قوزانیر عرشه ،یاتیب گویا مسلمانلار اچا بیر محکمه هر کیمسه نین وجدانی لازم دیر داغیتدی داعشی تدبیریله سردار سلیمانی چکه بیر نقشه بو بحرانیده قا آنی لازم دیر حمایت لر کرگ‌ اولسون بو گون طوفان الاقصی دن سالا دنیایه طوفان، امتین طوفانی لازم دیر بو قانلار سیل کیمی آخدی، ییخار اسرائیلی بیر گون ولی ایش سخت دور، بوش قویمویاق میدانی ، لازم دیر مسلمانلار ،مسلمانلار ،نه علت بی تفاوت سیز؟ اولا احیا یقین آزاده لیک عنوانی لازم دیر جوانلار باتدیلار قانه، اوشاقلار یاتدی یان یانه انالار گلدی افغانه، تسلی آنی لازم دیر شریک جرم دور ظلمه اروپائیله امریکا جنایت اهلینین هر عصریده تاوانی لازم دیر کرگ دیر اتحاد اولسون مسلمان لار آراسيندا تدابیریله حل ائتماق بئله بحرانی لازم دیر ، کرگ اولسون فلسطین دن کنار اسرائیل غاصب اولا برهم تفاقی محو اولا بنیانی لازم دیر ندای دین و قران دیر کرگ مظلومه یار اولماق اولا تجدید قران اهلینین پیمانی لازم دیر مصاف حق و باطل دیر مثال کربلا ،غزه عیاره چکماقا بیر دفعه ده ایمانی لازم دیر #اتحاد #غزه_پایدار #مدهوش #محمد_هوشمن

‍ ‍ روضه حضرت زهرا(س) چمنده بلبلی گوردوم که نغمه ساز اوخیور یوزه سرشکین الور شوریلن حجاز اوخیور یانور گوزل پر و بالی شرار آهینده نواسی غصه فزادور ولیک ناز اوخیور اشاره اهلنه وار چه چهینده چوخ معنا آچوب نگار ادینا قصه دراز اوخیور بیله یانور دیه سن سندروب پرین صیاد دیلینده راز نهان واردی دلنواز اوخیور دیدیم دانش ندی دردون دیدی مدینیه باخ علی جنازه زهراسینه نماز اوخیور ✍استاد سید تقی سیفی اردبیلی سبک نوحه بانوای استاد حاج اصغر بهروزی👇👇👇

‍ زبانحال حضرت علی (ع) در شهادت حضرت زهرا (س) سبک : عجب رسمیه یارسول الله قلبیم داریخدی گئتدی اویمدن دلداریم ئولدی زهراسیز یثرب زندانه بنذر قالدیم کمکسیز غمخواریم ئولدی ئوز عاشقیندن گیزلتدی دردین یاندیم آلیشدیم بیماریم ئولدی پهلوسی یاره گئتدی مزاره زینبیم آغلار باشینده قاره غسلین وئرنده اوّل باشیندان معجرین آشدیم صبریم آپاردی گوردوم دگیبدی سیلی یوزوندن صول صورتینده ال ردّی واردی رنگیم سارالدی دیزلریم اسدی ئوپدوم الیندن گوردوم قاباردی پهلوسی یاره گئتدی مزاره زینبیم آغلارباشیندا قاره یارالی جسمین بوکدوم حریره هجرانی آتش دنیایه سالدی باغلادیم بندین بیربیر ایاقدان باشدان کفنین بیر بندی قالدی قولّارین آچدی اطرافه باخدی بیردن حسینی آغوشه آلدی پهلوسی یاره گئتدی مزاره زینبیم آغلار باشیندا قاره تابوته قویدوم جسم نحیفین بیردن ئورکدن سسلندیم ایوای گوردوم اتاقدان زینبیم سسلور قارداشسیز ئولن ایوای ننم وای یاننام کول اوللام سندن نشانه قالدی حسنده گوشواره بیر تای پهلوسی یاره گئتدی مزاره زینبیم آغلار باشیندا قاره ✍کلامی زنجانی 👆👆👆 📣 حاج شهروز حبیبی اردبیلی 👇👇👇👇👇