#تخریب_بقیع #ترکی کربلایی سعید سلطانی @turki_nohemajma

 بقیع حَبّذا روضه ی رضواندی بقیع بیت الاحزاندی پریشاندی بقیع نسگل اولسون بو مُحَن شیعه لره گوز گوتورمور ائله ویراندی بقیع گئجه ظلمتدی قرانلقدی مدام همه شب شام غریباندی بقیع سنده دی تربت زهرای بتول قدری تک قبری ده پنهاندی بقیع سنده دی حضرت عبّاس آناسی گوزی یاشلی اورگی قاندی بقیع ایمدی ده گوزلور ابوالفضل یولون ناگران گوزلری گریاندی بقیع دورد امامین او گوزل قبرلری نیه بس خاکیله یکساندی بقیع سنده قویمولا جگر داغلاماقا شمرلر سنده نگهباندی بقیع عمو قارداش بالاس سنده یاتوب بیر آتایه بالا مهماندی بقیع مجتبا زین العبا بستریدی صادق باقره اسکاندی بقیع چوخ اورکلر چکوری حسرتوی شوق وصلونده نواخواندی بقیع بو «کریمی» یخیلوب توپراقووا کرم ائت لایق احساندی بقیع ائله که دوشدی بقیعه نظریم اشک حسرتله دولوب دیده لریم غصّه بوغدی منی گلدیم جانا من یوزومی دوتدوم او قبرستانا من گئدیرم صاق صولا یار آختاریرام بیر مصیبتلی مزار آختاریرام هارداسان ای گل گلزار رسول ای حسینه آنا زهرای بتول آغلادیم یاندیم همان نسگله من طوطی طبعی گتوردوم دیله من  شاعر : استاد کریمی مراغه ای

#تخریب_بقیع #ترکی کربلایی سعید سلطانی @turki_nohemajma نام مداح حذف نشود❌

‍ عرض ارادت به محضر اباعبدالله(ع) سبک، میگذرد کاروان 🏴🏴🏴🏴🏴🏴 آغلیارام قان حسین _ من سنه هرآن حسین ای ره حقده اولان _ قانینه غلطان حسین ای شاه لب عطشان یاحسین گل جسمی دوغرانان یا حسین آغلارام روزو شب یا حسین ای شاه تشنه لب یا حسین جانم حسین  (3) گلدی محرم آیی _ باتدی هامی ماتمه گوزنجه آغلاماسین _ دل نجه دوزسون غمه باخدوقیجا آغلارام _ من بو قرا پرچمه غصه و غم ایلیر _ قلبیمی شان شان حسین قلبیمی غصه دن داغلارام یاحسین سسلرم آغلارام آغلارام روزو شب یا حسین ای شاه تشنه لب یا حسین حسین جانم  (3) گیدی قرا عرشیان _ یاسه باتوب فرشیان فاطمه دی عدنیده _ باشه قرا باغلیان روضه ی جنتده وار _ غملروه آغلیان ضجه چکور باش یولور حوری غلمان حسین غملیدی بو آی حورو ملک سیه پوش اولوبدی نه فلک آغلارام روزو شب یاحسین ای شاه تشنه لب یا حسین حسین جانم  (3) ای شه گلگون قبا _ آدوه جانیم فدا پیکر عریانوه _ ویردیلا دورت مین یارا زهریلی خنجر هارا_ تشنه بوغازون هارا باشوی نه علته _ کسدیله عطشان حسین گلرم  ناله   و    شیونه دشمنون وئرمدی سوسنه آغلارام روزو شب یاحسین ای شاه تشنه لب یاحسین جانم حسین  (3) ای شه بی پیرهن _ سینه سین آتلار ازن گون قاباقیندا _ نجه قالدی یارالی بدن جسموه زینب باجون _ تاپمادی حتی کفن اوچ گجه گوندوز قالان پیکری عریان حسین ای قالان بدنی بی کفن نیزه ده باشی شامه گدن آغلارام روزو شب یاحسین ای شاه تشنه لب یاحسین جانم حسین  (3) 🏴🏴🏴🏴🏴🏴🏴 التماس دعا

#زمزمه #اباعبدالله 🎤کربلایی سعید سلطانی

امام زمان (عج) 🎶(سبک : بزم عزاده گیمیشوک)... شیعه اولوب گریان سنه ، مهدی یامهدی گل جانیمیز قربان سنه ، مهدی یامهدی مولا جان مولا جان (۲) هاردا قالوبسان گَل گوزل ، گوزلره قربان گَل کل دنیا سن دییَن ، سوزلره قربان بیز ریشه ی ظلمی کسن ، اللره قربان گل جانیمیز قربان سنه ، مهدی یامهدی مولا جان مولا جان (۲) سن سن ولایت اهلینه ، یار باعزت سن سن علینون وارثی ، معدن غیرت ظللامی نابود ائتمگه ، سنده وار جرات گل جانیمیز قربان سنه ، مهدی یامهدی مولا جان مولا جان (۲) سن سن بیزه مشکل گشا ، ای شه خوبان گل گور قالوبدی شیعه‌نون ، گوزلری گریان حسرت چکور یوللارووه ، ملت ایران گل جانیمیز قربان سنه ، مهدی یامهدی مولا جان مولا جان (۲) جدَون غمینده سن آقا ، قاره باغلارسان بزم عزاده اگلشوب ، دیلدن آغلارسان دائم ننون زهرا کیمین ، سینه داغلارسان گل جانیمیز قربان سنه ، مهدی یامهدی مولا جان مولا جان (۲) عالم بیزه زندان اولوب ، هارداسان مولا گل سینه ‌لر غمدن دولوب ، هارداسان مولا گلشنده‌کی گوللر صولوب ، هارداسان مولا گل جانیمیز قربان سنه ، مهدی یامهدی مولا جان مولا جان (۲) فانی جهاندا گولمدون ، ای مه تابان گوز یاشووی هئچ سیلمدون ، ای مه تابان جمعه سووشدی گلمدون ، ای مه تابان گل جانیمیز قربان سنه ، مهدی یامهدی مولا جان مولا جان (۲) سن سیز بو عالم یکسره ، اولدی ویرانه گل شیعه شمع عشقووه ، اولدی پروانه سسلر مقدس آدووی ، مست و مستانه گل جانیمیز قربان سنه ، مهدی یامهدی مولا جان مولا جان (۲) زهرا مزاری هاردادی ، گل عیان ایله بو عاشقانیله گلوب ، سن فغان ایله سینونده‌کی هر دردووی ، سن بیان ایله گل جانیمیز قربان سنه ، مهدی یامهدی مولا جان مولا جان (۲) عشقون بیزی بیمار ائدوب، وئر بیزه درمان تئز گل امور عالمه ، وئر سر و سامان هر امرون اولسا امر ائله ، وئر بیزه فرمان گل جانیمیز قربان سنه ، مهدی یامهدی مولا جان مولا جان (۲) ** ✍بقلم کربلایی حسن طیبان میانجی __________ #امام_زمان_عج_الله

#زمزمه #امام_حسین 🎤کربلایی سعید سلطانی

در تعریف ماتم حضرت سیدالشهدا(ع) خوف ایله او گوندن دورا تابوت قاپوندا ماشین بِلاچرخ بِلاصوت قاپوندا عریان ایده‌لر نعشوی پوزقون بدنیله تابوته سوار ایلیه‌لر آغ کفنیله گئتدون ائله‌که قبره پر و بال شکسته قویدون سارالان رنگی قرا تپراقون اوسته گور تحفه وارون قورخما ملائک قوناقوندور اوّل گجه اول قبر سنون طوی اطاقوندور بدتردی بو دنیا بیزه زندان بلادن بیر پنجره‌دور قبر بو دنیای فنادن وقتی که آچیلدی گوروکور صحنه‌ی گلزار دوشدی ائله که پرده گوررسن که نلر وار قرآنیده تعریف اولونان روضه‌ی جنّت بیر باغیدی والله ئوزی وئرمیش اونا زینت گوردی علمادن بیری رؤیاده حبیبی گلزار جنان جنت الاعلاده حبیبی عرض ایلدی قربان سنه ای پیر توانا الله سنی خوشبخت ائلیوب هر ایکی دنیا سن عمری جوانلوقدا نه عزّتله کئچیرتدون وقتی که قوجالدون نه بیوک رتبیه یتدون عالم سنه حسرت چکر ای پیر خجسته جان وئردون حسین ابن علینون دیزی اوسته روحیم سنه قربان اولا قربان حسیـن‌سن قبرون نه گوزل یرده‌دی دربان حسین‌سن بو تختیده تاجون بو جنان بو زر و زیور قلبونده واروندور گنه بیر حسرت دیگر بیر عمده غمیم وار دئدی پایانه یتیشمز بو جنّت الاعلانیده وئرسم اله دوشمز آیا ندی ایکاش دئدی رجعت ائدیدوم جنّاتی قویوب عالم دنیایه گئدیدوم هر یرده که ماتم قورولور نام حسینه ساخلالا عزا شیعه‌لر اول سرور دینه حاضر اولام اول بزمه ائدم گوز یاشی جاری دنیاده اولام منده حسین تعزیه‌داری دنیانون اگرچه غمی چوخ محنتی چوخدور افسوس که جنّتده حسین ماتمی یوخدور طوبا ندی حورا ندی یا سایه‌ی اشجار کوثر ندی یا جنّت و من تحت الانهار جنّات او یردور قورولور مجلس ماتم حاضردی بو مجلسده یقین حضرت خاتم یثربده بیری اوغلونا طوی مجلسی قوردی گلدی او طویا سید سجادی چاغوردی حضرت دئدی عذر ایستیورم دوت منی معذور من یاسلیام اولماز طویا گلمک منه مقدور بیر آه چکوب قالخدی شراره اوره‌گیندن طوی صاحبی یالواردی یاپیشدی اتگیندن عرض ایلدی ای زاده‌ی پیغمبر خاتم سن گلمیه‌سن طوی اولاجاق بیزلره ماتم حضرت دئدی گلم ولی چوخ اولما مکدّر دعوت ائله اوّل طویا گلسون علی اکبر طوی صاحبی مایوس دایاندی قباقندا اکبر دئدی جنّتده یاتوب طوی اطاقیندا حضرت دئدی سهو ایلمه البته گللر حتی عموم عباس گلر هم علی اکبر دعوت ائله بیر مرثیه‌خوان اول طویا گلسون تا اینکه همین طویدا حسین آدی دیلسون هر یرده حسین ماتمی وار وار علی اکبر حتی گلر اول بزمه بابام ساقی کوثر ترک ائتدی بهشتی ائله‌که حضرت آدم قان آغلادی قرخ ایل الی قوینوندا دمادم قرخ ایل دولانوب آغلادی تا جانه یتیشدی بیر قورخولی محنتلی بیابانه یتیشدی باخدی او بیابانه اولوب قلبی شکسته گوردی ائله بیل غم توکولور قوملارون اوسته حیرتله دئدی وای بو نه عالمدی خدایا آیا بو نه محنت بو نجه غمدی خدایا تپراقی هواسی بو چولون غمدی سراسر گویا بو بیابانیده ماتمدی سراسر قصد ائتدی قاچا غم بورودی قلبی سخلدی توقّوشدی ایاق بارماقی بیر داشه یخلدی باش پارچالانوب اوز گوزی قانیله بَلندی قویدی یوزونی تپراقون اوسته سَرَلندی قانلی یوزی تپراقیده با حالت دلگیر مندن دئدی ربی گنه باش وئردی نه تقصیر جبریل امین نازل اولوب قیلدی سلامی قالخزدی باشین آدمه وئردی بو پیامی دوز کئچمه بو چولدن که بو چول دشت بلادور آرامگه پادشه کرب و بلادور بیر یردی بو یر خون خدایه باتاجاقدور بو غملی بیاباندا حسینیم یاتاجاقدور توک گوزلرینین یاشینی چک ناله‌ی جانکاه تا آغلا حسینه سنه رحم ایلسون الله ذکر اولدی حسین آدی یوزون قویدی زمینه عرض ایلدی الله منی عفو ایله حسینه آخدی نچه قطره گوزونون یاشی توکولدی رحمت قلمی لوح گنهکاره چکیلدی ✍شعر از: دیوان تجلیات مرحوم استاد منعم اردبیلی #امام_حسین_علیه_السلام