مدح حضرت زینب (س) شعراز کربلایی آذرین خلخال محبت گنجینه دریادی زینب مدال عزته دارادی زینب دیلیم ده مدحینه یوخدی لیاقت دیلیم الکن ولی گویادی زینب امیرالمومنینه نور دیده حسینه خواهر زیبادی زینب مسلم اوز آناسی فاطمه تک شفیع عالم عقبادی زینب سخا و بخششینده یوخ مثالی کرامت ده خود زهرادی زینب خانم زهرایه شاگرد مکلف مراد مریم و سارادی زینب وداع آخرینده شاه عطشان بویوردی رهبر اولی دی زینب اونا حتی بویوردی میرسجاد بوسوزده فخرایده باجادی زینب دعا ایتسون نماز شبلرینده امامی سینه سی سینادی زینب ایدم بو مطلبی گر زین دفتر اولار حقی ادا مجلسده یکسر خدا چون عشقه قامت خلق ایدوردی جهانه قدر و قیمت خلق ایدوردی یوزونده آیه آیه عشق نابی نه صورت بلکه سیرت خلق ایدوردی عجین ایلوردی عشقی عاطفیلن اورگینده محبت خلق ایدوردی شجاعت جوهرین بیر پیکرایچره توکوردی وقر و غیرت خلق ایدوردی خلوصیلن تمام کائناته بیر الگوی صداقت خلق ایدوردی اونی الله بیله ایتموشدی زینت کانه خلقه زینت خلق ایدوردی نه بیرصورت نه سیرت خلق ایدوردی قیامت در قیامت خلق ایدوردی گورنده بیربیله غوغانی جبریل یتشدی محضرحقه به تعجیل سوال ایتدی دیدی جبریل یارب بوکیمدی مهردور یا ماه و کوکب نه چوخ زیبا عجایب خلق ایدوبسن بویور کیمدی بیله موجود اطیب بوخلقوندن قالوب حیران خلایق جوابین ویردی روشن اولدی مطلب بویوردی بو نه شمس و نه قمردی ایدور روشن جهانی روز و هم شب بونه گل دی نه بستان دی نه بلبل نه غایبدی نه حاضر نه مخاطب نه حور و نه ملک دی نه فرشته اوز آیینمدی بو زینبدی زینب ---

یازینب کبری( س) شعراز،،، کربلایی آذرین خلخال دختر شیر خدا ، شیرِ زنان زینب است زاده فخرالنسا آیت جان زینب است اسوه حجب و حیا الگوی مهر و وفا یاسمن خوشبوی باغ جنان زینب است در صف آزادگی ، در شرف و بندگی مرشد و فرمانده پیر و جوان زینب است اخت حسین و حسن ،شیرزن کربلا زینت نام علی زهره نشان زینب است رشته تحصیلی اش غیرت و حجب و حیاست آنکه شجاعت در او گشته عیان زینب است پیرو جان برکف حضرت ثارالله است قامتش آنکه زغم گشته کمان زینب است وسعت عشقش نیاید به زبان و قلم اسوه عشق همه خرد و کلان زینب است آنکه بود تا ابد تادم میزان و حشر از ستم کربلا اشک فشان زینب است عاشق ثاراللهی گرچه تو هم ( آذرین) عاشق ناب حسین فخر زنان زینب است ۱۴۰۰٫۱۱٫۲۸ ساعت۱۰صبح

احوالات وصیت حضرت زهرا(س) شعرازکربلایی ودود آذرین خلخال گل ایوی خلوت ایلیک میر جنان عم اوغلی جان نچه وصیتیم قالوب دلده نهان عم اوغلی جان دوقوز ایل عشق و عاطفه حاکمیدی بو لانه ده جان دیوب جان ایشیدمیشوک هردم و هرزمانه ده خاطره لر یاراتمیشوخ عشقیله غملی خانه ده ایندی چاتوبدی باشه بو عمر گران عم اوغلی جان غسل ایله نصف شب منی قویما اورک دولا قانا ایله اوزون کفن منه ای شه ملک لافتا دفنیمی ده گجیلن ایت قبره بوزاری سال یولا گلمیه کفن و دفنیمه فتنه گران عم اوغلی جان زینبی قویما روز و شب باشینه قاره باغلاسین قلبینی اول یتیم بالام داغ غمیله داغلاسین چوخدی قاباغدا غملری آغلاسادا آز آغلاسین کرب و بلاسی وار اونون ایله عیان عم اوغلی جان آخشام اولاندا دیزلرین بیرده قوجاقلیار حسن اشکینی گیزلدر بالام دردینی ایلمز علن کوچه ده بیرستم گوروب کیف و کمین سوروشماسن ثانی بی حیا ایدوب قلبینی قان عم اوغلی جان باشیمون اوسته دوزمرم میر حنینیم آغلیا غملنه گول بالالاریم نور دو عینیم آغلیا آغلاسا کل ماسوی قویما حسینیم آغلیا آغلاسا آغلیار اونا اهل جنان عم اوغلی جان سسله حسینیمه دیوم قورخولی ماجراسی وار تشنه فدا اولار بالام باشدا بویوک بلاسی وار محنت قتلگاهی وار صحنه کربلاسی وار خولیه میهمان اولار یوز گوزی قان عم اوغلی جان کرب و بلایه عم قیزون غملی گیدنده سنده گل دشمن حسینه صحنه نی تنگ ایلینده سنده گل آتلار ایاقی نعشینی پامال ایدنده سنده گل زلفینی زینبیم یولار غملی زمان عم اوغلی جان کرب و بلاده گوللری خزان یولاندا سنده گل قلبینه زینبین غم و غصه دولاندا سنده گل ظلمین الیله خیمه لر غارت اولاندا سنده گل یاندی بوغمده حشره جک پیر و جوان عم اوغلی جان نظمه چکنده (آذرین) فاطمه نون وصیتین گوزیاشینی نثار ایدوب نملی ایدوبدی صورتین روز جزاده ایلیه بلکه خانم شفاعتین سویلیه حیدره گلوب مرثیه خوان عم اوغلی جان صادقیه ۱۴۰۲/۰۸/۱۵

میلادیه خانم زینب کبری(س) شعراز ::کربلایی ودود آذرین خلخال سبک ... ترمه و اطلس بیارید 🍀🍀🍀🍀بنداول👇👇👇 آسمان عشقه یاران کوکب رخشان گلوب یثرب اولدی رشک رضوان شرف نسوان گلوب مقدم خورشید و کوکب گویلره تبریک اولا گوز آچوب دنیایه زینب حیدره تبریک اولا (زینب کبری گلوبدی مژده ای اهل ولا شاد اولون گلدی جهانه قهرمان کربلا)۴ مخالف👇👇👇 دختر شیر خدا شیر زنان دی زینب زاده خیرالنسا فخر زنان دی زینب کوه صبر و اسوه ایثار و حجب و ایمان خواهر و غمخوار شاه تشنگان دی زینب (زینب کبری گلوبدی مژده ای اهل ولا شاد اولون گلدی جهانه قهرمان کربلا)۴ 🍀🍀🍀🍀بند دوم البشارت عاشقانه دختر کوثر گلوب مژده ویر اهل جنانه زینت حیدر گلوب شاد اولوب دلدن بوگونده خاتم پیغمبران غرق شادی و مسرت اولوب اهل آسمان (زینب کبری گلوبدی مژده ای اهل ولا شاد اولون گلدی جهانه قهرمان کربلا)۴ مخالف👇👇👇👇 گنج عصمتده نهان دُرُّ و صدف دی زینب قلب زاری گرچه آلامه هدف دی زینب بی معلم عالمه گنجینه ادب دی دختر علامه شاه نجف دی زینب (زینب کبری گلوبدی مژده ای اهل ولا شاد اولون گلدی جهانه قهرمان کربلا)۴ 🍀🍀🍀بند سوم👇👇👇 گل باغ جان دی زینب دخت میرمومنان زاده زهرادی زینب خواهر میر جنان بوگلن کان حیادی شرف نسوان دی بو هامی درد بی دوایه نسخه درمان دی بو (زینب کبری گلوبدی مژده ای اهل ولا شاد اولون گلدی جهانه قهرمان کربلا)۴ آیت عشق و وفا کان حیادی زینب معدن جود و سخا مشکل گشادی زینب هرمریض و ناخوشا عمده شفادی زینب دردمندانه دیون درده دوادی زینب (زینب کبری گلوبدی مژده ای اهل ولا شاد اولون گلدی جهانه قهرمان کربلا)۴ روز دوشنبه مورخ۱۴۰۲/۰۸/۲۲

🌈🌈 میلادیه خانم زینب کبری(س) 🌈🌈 شعراز:کربلایی ودودآذرین خلخال 🌈🌈سبک:قهرمان کربلا آمد آمده کان حیا زینب قهرمان کربلا زینب دخترشیر خدا زینب جشن میلاد است....فاطمه شاد است زینبا زینب۲ برسپهر معرفت خورشید تابان آمده .... فخر نسوان آمده بلبل شوریده برطرف گلستان آمده ... چون بهاران آمده زهره زهرا نشان زینب جشن میلاد است....فاطمه شاد است زینبا زینب۴ آمده آیینه دار عشق و ایمان علی .... جان جانان علی روشن از رخسارماهش گشته عالم منجلی ... آمده جان علی برعلی آرام جان زینب جشن میلاد است....فاطمه شاد است زینبا زینب۴ یثرب ازانوار او شد مثل جنات برین .... مرحبا صدآفرین مرحبا بر خالق زینب هزاران آفرین... مرحبا صدآفرین خواهر میرجنان زینب جشن میلاد است....فاطمه شاد است زینبا زینب۴ جشن میلاد آمده یاران همه کف میزنند.... تنبک و دف میزنند مرد وزن پیرو جوان آهنگ شادی می زنند....جملگی کف می زنند آمده آرام جان زینب جشن میلاد است....فاطمه شاد است زینبا زینب۴ ترکی👇👇👇👇👇 مژده اولسون حیدره چون دخترحیدر گلوب .... زاده کوثر گلوب معدن حجب و حیا زهرایه چون مظهر گلوب .... شیعیه دلبر گلوب گلدی مهرگل فشان زینب گورملی کوکب ....  زین اب زینب زینبا زینب۴ دختر زهرا سنه جان جهان قربان اولا ... جان سنه قربان اولا ایله جمعین بوگجه سن هاموسین حاجت روا .... ای آدی درده دوا سن دعا ایله مریضلر جملگی تاپسین شفا... زاده شیر خدا آرزومندانه لطفیلن خانم ویر کربلا.... کان احسان و وفا ای عفیف و مهربان زینب روحیمه ریحان .... جان سنه قربان زینبا زینب ۴ https://telegram.me/navaye_azarin

شعردعای قرآنی شعراز کربلایی آذرین خلخال بارالها بیزی قرآنه اوزون عامل ایله لطف قرآنی بیزیم حالیمیزه شامل ایله هر زماندا منیم احوالیمی قرآنی ایله نور قرآنیله بوقلبیمی نورانی ایله نور قرآنی بیزیم زندگیه ساطع ایله روز محشرده بو قرآنی بیزه شافع ایله حق قرآنه گوره دردیمیزه ایله دوا لطف ایله بوگجه ویر جمله مریضانه شفا ای خدا لطفیله امواتیمیزه رحمت ایله تربت پاک حسینی بوجمعه قسمت ایله لطف ایله هرایکی دنیامیزی سن گلشن ایله صاحب عصری یتور گوزلریمیز روشن ایله

میلادیه حضرت زینب(س) شعراز کربلایی ودود آذرین خلحال مژده گلوب عالمه زینب شادلیق ایدور ماهیله کوکب عرشیله فرش آراسی حتی تهنیته دولدی لبالب (خوش گلوبسن زینب کبری)۴ بوگلن عشق اهلینه جان دی مفخر نسوان جهان دی دختر زهرا و علیدور خواهر شاه تشنگان دی (خوش گلوبسن زینب کبری)۴ اسوه احسان و سخادی الگوی ایثار و وفادی کان حیا معدن غیرت شیرزن کرب و بلادی (خوش گلوبسن زینب کبری)۴ حامی بی بدیل دین دی فخر زنان عالمین دی عزتینه بوجمله بسدی شریک نهضت حسین دی (خوش گلوبسن زینب کبری)۴ تاگوزلرین آچدی جهانه باخدی حسینه عاشقانه بدو تولد دن اولونجن دل ویردی شاه تشنگانه (خوش گلوبسن زینب کبری)۴

زینب متین و هم وزین دی بانوی عزت آفرین دی گوزل آدی تا دم محشر ورد زبان ((آذرین))دی (خوش گلوبسن زینب کبری)۴

احوالات غسل حضرت زهرا (س) شعراز:::کربلایی آذرین خلخال عاقبت توختامادی بیت علی بیماری فاطمه ترک ایلدی قلبی یانان سرداری مغرب غمده غرض ماه علی تز باتدی یاتمیان عمربویی یومدی گوزون دای یاتدی گوزونی یومدی علی گوللرینی آغلاتدی باباسی خاتمه جنتده قوناق گیتدی خانم محبط وحیی غرض بیت الحزن ایتدی خانم شمع خاموشه علی غمزده پروانه اولوب خانه عشق وصفا زینبه غمخانه اولوب بومصیبتده حسن فکرایله دیوانه اولوب ام کلثوم یولوب باشین ایدوب شیون و شین آغلادی اهل سماواتیده آغلاتدی حسین خانم ایتموشدی وصیت گجه غسلین ویره لر هم گجه کفن ایده لر هم گجه دفن ایلیه لر مغسل فاطمه نی ایتدی مهیا حیدر قادرالله اوزی بیلدی نه حالا قالدی علی اوخشادی یارینی عالملره اود سالدی علی ایستدی غسل ایلیه حیدر او یورقون یارینه مغسل اوسته باخدی اللرده اولن دلدارینه غسل دان ال چکدی یوز قویدی اوین دیوارینه های هاییله اودم فتاح خیبر آغلادی سوز آهیندن اینان حور و ملک دل داغلادی راوی نقل ایلور دیدیم ای معدن جود و سخا صبریده حیران قویوبسان کائناتی برملا سویله نه گلدی سنه بونوعی آغلورسان آقا ایتدی فرمایش بوغم اگدی علینون قدینی قولاریندا گورمه میشدیم تازیانه ردینی فاطمه بیر یول محندن آه و وایه گلمدی دوقوز ایل فوج مصیباته دوزوب دیلنمدی چوخ یاراسین گیزله دیبدی هیچ منه بیلدیرمدی عیبی یوخ گوزدن آدامسیز حیدری آت فاطمه قوی دیوم لایلای عزیزیم خسته سن یات فاطمه ادامه دارد ..... سروده شده به تاریخ ۱۴۰۱.۰۹.۲۲

حضرت زهرا سلام الله علیها سبک : بزم عزاده گیمیشم ..... ای حیدری گوزدن آتان دلبریم لايلاي دلبریم لايلاي نار غم و هجره یانان همسریم لایلای همسریم لایلای سویلرم وای زهرا دینجلدون دای زهرا عمرونده خوش گون گورمدون آغلارام یانام آغلارام یانام سن زینبه طوی دوتمادون یانام اوتلانام یانام اوتلانام اوغلون حسیندن دویمادون بیله تالانام بیله تالانام گیتدی الیمدن سویلرم کوثریم لایلای کوثریم لایلای ای غنچه باغ نبی غصه دن سولدون غصه دن سولدون دائم بولوت تک ماتمه وای منه دولدون وای منه دولدون غصب اولدی حقون دائماباغریقان اولدون باغریقان اولدون باشیمده هردور و زمان افسریم لایلای افسریم لایلای باشدان حسین و زینبی سن نه تز آتدون قانوه باتدون قویدون علینی بی کمک کاموه چاتدون قبرده یاتدون گوزیاشیمی بو غصه دن سن قانا قاتدون حیدری آتدون قالدی دعاده دائما اللریم لایلای اللریم لایلای مجمرکیمی هجرونده من روز و شب یاندیم روز و شب یاندیم گیتدون یارالی قبروه یاندیم اودلاندیم یاندیم اودلاندیم آچ بیر گوزون محنتده باخ گورنه تالاندیم گورنه تالاندیم یاسه باتوبدی گورنجه گللریم لایلای گللریم لایلای کیم بس حسینون باشینون اوسته سو قویسون حالینه یانسون زینب لباس ماتمی بس نجه سویسون جانینه دویسون اوغلون حسن سنسیز گرک گول کیمی سولسون خونجگر اولسون هجرونده دوشدي لرزيه پيكريم لايلاي پيكريم لايلاي بوفانی دنیاده گوروب چوخ بلا باشون چوخ بلا باشون نه وار آنون نه وار آتون یوخدی قارداشون یوخدی قارداشون مونس سنه دائم اولوب قانلی گوزیاشون قانلی گوزیاشون هجرونده نالاندی شیرین دیللریم لایلای دیللریم لایلای گوزیاشلی یازدی «آذرین» حالوه نوحه ؛ بیرنظرایله درد و غم و حاجاتی وار قلبی مجروحه ؛ بیرنظرایله ویروخ قسم زهراسنی تشنه مذبوحه ؛ بیرنظرایله دولدور محبتدن دیور ساغریم لایلای ساغریم لایلای کربلایی ودود آذرین ✨اَللّهُمَّ عَجِّل لِوَلیِّکَ الفَرَج✨

شام غریبان خانم فاطمه زهرا(س) شعراز:::کربلایی ودود آذرین خلخال اوج ایلیین گویلره شیعه نون افغانیدی فاطمه نون بو گجه شام غریبانیدی محنت ایامیدن خسته اولانلارگلون صورتی گلبرگ تک غمده سولانلارگلون دارشفادی بورا دردی اولانلار گلون غصه و آلاموزون فاطمه درمانیدی آند ویرون حضرتی شاه شهیدانینه دست نیازوز آتون صدقیله دامانینه دوزگله سوز لطف ایلر آنداولا اوز جانینه هیئتیمیز بوگجه فاطمه مهمانیدی بوگجه هرکیم اگر قلبیدن افغان ایدر زینبه همدرداولوب گوزیاشینی قان ایدر حضرت زهرا اونون دردینه درمان ایدر بوگجه حیدر ایوی گورنجه طوفانیدی زینب اولوب نوحه خوان گوزیاش الور مجتبی آغلوری کلثومیله ساکن ارض وسما هامیدان آرتوخ یانورهجره شه کربلا یرگویه غوغا سالان فاطمه هجرانیدی اوخشادی زینب اودم سویلدی ایوای ننه غصه و آلامیده یوخدی سنه تای ننه محسنی الدن گیدن ظلمیله لایلای ننه محسنوی اولدورن دشمن قرآنیدی ظلمیله درگاهیده قانوه باتدون ننه غمزده طفلانوی ؛ حیدری آتدون ننه سینه یاراقول یارا قبرده یاتدون ننه عمرون آزاولدی ولی غصه سی طولانیدی گورمدون ایامیده خاطره دل نواز همدمون اولدی مدام محنت و سوز و گداز خوش گونه حسرت قالان قبریده دینجل بیرآز قبروون اوسته علی گوزلری بارانیدی گیت ولی بیرسوز دیوم دختر خیرالورا واردی بویوک خواهشیم قوی منه منت آنا فرصت دیداریمیز روز دهم کربلا گل اوچوخوریرده کی قارداشیم عریانیدی یازدی سنه(آذرین)روضه محنت ننه سنده اونا حشریده ایله شفاعت ننه قویما اولا خلق آرا زار و خجالت ننه عمر بویی عاشق شاه شهیدانیدی تاریخ تکمیل ۹۹/۱۰/۲۸ https://telegram.me/navaye_azarin

⚫️⚫️یافاطمه الزهرا (س) شعراز؛؛؛کربلایی ودودآذرین خلخال گیتدی زهرا مرتضانین قلبینی قان ایلدی وحی ایوین اعدا بوگوندن بیت الاحزان ایلدی گوزیوموب فانی جهاندان دختر خیرالورا میهمان گیتدی رسوله بوگیجه خیرالنسا اللری قوینندا نالاندی حسین ومجتبی زینبین روشن گونون شام غریبان ایلدی دوزدی دنیاده غم بسیاره اما دینمدی قلبینی ایتدی مصیبت یاره اما دینمدی توش اولوب دی سینه سی مسماره امادینمدی حق علینوندی هامی دنیایه اعلان ایلدی محسنین دینه گوره حتی خانم ایلوب فدا قبره گیتدی صورتی نیلی اورکده مین یارا میخ در یارب هارا گور سینه زهرا هارا خصم دون ناموس دهری قانه غلطان ایلدی الغرض غسلین ویرنده حیدر اوز دلدارینه گوزلری دوشدی سینان پهلو؛ تن تبدارینه غسلدان ال چکدی یوزقویدی ایوین دیوارینه قمچیلر ردی علینی  دیده گریان ایلدی سسلدی زهرا نیه رخت وصالی سویموسان حیدری بیکس قویوبسان جنته یوزقویموسان ایندی بیلدیم سن نیا دنیاده جانه دویموسان زخم مسماردان آخان قان قلبی شان شان ایلدی چون وصیت ایلمیشدی نصف شب دفن ایلیه مرتضی قالمیشدی آواره بوغمده نیلیه جمع ایدوب اصحابیدن یدی نفر تشییعینه چخدی تابوت ایودن اما غملی طوفان ایلدی دفن اولان ماوایه حمل اولدی غرض ماه علی قویدولارتابوتی تاقبرین گوروبلرمنجلی گِتدیلراصحاب ؛ شیرحق قالوبدی تک ولی حیدره دفنه مدد ختم رسولان ایلدی ایستدی  زهرانی قویسین قبرینه شاه جهان قبریدن ظاهر ایکی ال اولدی بحرانلی زمان سسلدی زهرانی ویرگلسین منه ای باغریقان ناله بوسوزدن تماماً انسیله و جان ایلدی قلبه دولدی یاعلی زهرانی گورجک درد وغم صورتی نیلی قولی پهلوسی زخمی پر الم من سنه آیا بونوعیله امانت ویرمیشم ساکنان جنتی بوغم پریشان ایلدی سویلدی شرمندیم من ای رسول انس وجان مندت اوتری فاطمه دنیاده اولدی باغریقان سقط اولوبدی محسنی هم اولدی زهرا جانفشان دینه خاطر جانینی جانانه قربان ایلدی امته سن چوخ سفارش ایلدون بو اختری ظلم ثانیدن ولی اولدی گولون نیلوفری پشت درده حیف اولا سیندیردیلار بو گوهری امتون سندن صورا باخ گورنه طغیان ایلدی (آذرین)دریای عمان اولسا جوهر بالتمام کل جنگللرقلم اولسا بو دور ختم کلام حضرت زهرا مصیباتین یازانمازلار تمام دست حق زهرا آدین سرفصل دیوان ایلدی https://telegram.me/navaye_azarin

کربلایی آذرین: سبک؛؛؛؛ عم اوغلی چوخ گول سارالار آغلاماخداحافظ 🖤🖤🖤 وصیت خانم زهرا(س)با دخترش زینب کبری(س) یازهرا س گل اگلش بیرباشیم اوسته سن ؛باغریقان قیزیم زینب وصیتیم واردی چوخ سنه؛ ناگران قیزیم زینب قیزیم سونور شمع زندگیم ؛ دوندی بو اورک قانه چوخ آز قالورترک ایدم سیزی ؛ ویرقولاق بونالانه حسن حسین قویما غرق اولا .محنت فراوانه باجون کلثومین ده گویلون آل؛ هرزمان قیزیم زینب قیزیم واردی بنذرون منه .سیرتیله صورت ده منه اوزون جانشین سن . بوسرای محنت ده منیم کیمی مشکلاته دوز ؛صبرایله مصیبتده آتان علینون ده یاری اول ؛قهرمان قیزیم زینب منی اوزون عفوایله اگر؛شانیه الیم گلمور یوخاری گلمورالیم بالا ؛قانلی یاشوی سیلمور در و دیواردان صورا بیری؛ دردیمی منیم بیلمور جفای قنفذ ایدوب منی ؛ ناتوان قیزیم زینب من اولسم گلمزله یاسیمه ؛ویرمسون سنه یوزغم اوزون اوخشا غملی خانه ده؛ ساخلا مجلس ماتم سن اوخشاسون آغلیارحسین؛آغلیار هامی عالم اودم بوتون نالیه گلر؛ قدسیان قیزیم زینب طویوندا من اولمارام قیزیم ؛نیسگلی منه قالسین سفارش ایتدیم آتان علی ؛غملی گویلوی آلسین منیم یریمه سنی اوپوب؛ طوی گونی یولا سالسین ننه سین قیزطویدا چوخ گزر. بی گمان قیزیم زینب قوپار بیرگون دست ظلمیله ؛ کربلاده بیرمحشر حسینیمی قانه غرق ایدر ؛ فرقه جفا گستر الی باشدا مقتله قاچوب ؛ اول حسینیمه یاور ال آت شمرین خنجرین یاپیش ؛بی امان قیزیم زینب دینن ظالم کسمه باشینی ؛ بوحبیب یزدان دی اونابیرجرعه سوویرگیلن ؛ دیل دوداقی عطشان دی ننم گلوب قانلی مقتله ؛ بیقرار و نالان دی الوه فکرایلمه اوگون؛ قهرمان قیزیم زینب https://telegram.me/navaye_azarin

کربلایی ودود آذرين: زبانحال خانم فاطمه زهرا (س) با حضرت علی(ع)...در دستگاه نوا زهرانون آزقالور/ عمری باشا چاتا /گل باشیم اوستونه/ نالان عم اوغلی جان آگهسن عاشقم/ صوت حجازوه /گل سون نفس اوخی/ قرآن عم اوغلی جان ای شاه دین علی/ ای بی معین علی قویما چوخ آغلاسین/اوغلوم حسین علی تارحلت ایلدی/ طاها آتام منیم /گیتدی بو خلق آرا /اجلال و عزتیم غصب ایتدی حقوی/ دشمن سقیفه ده/ بوجور و ظلمیدن/ طاق اولدی طاقتیم هم ویردیلار منی/ سقط اولدی محسنیم/ ایمدی واریم سنه /نچه وصیتیم باشیم دیزاوسته آل/ گوزیاشووی ایدیم/ سینم یاراسینا /درمان عم اوغلی جان ای شاه دین علی /ای بی معین علی قویما چوخ آغلاسین/اوغلوم حسین علی قویما بویوک قیزیم/ زینب فغانیلن /هجر آتشین ویروب /دنیانی داغلاسین قویما فراقیمه/باشه او قاره گون/شال عزاسینی/ بیرعمر باغلاسین قویما فغان ایدوب/ دائم عزا دوتوب/ اول خونجگرقیزیم /سویله آز آغلاسین قویما حزین اولا/کلثوم حسن حسین/ زینب چوخ ایتمه سین/ افغان عم اوغلی جان ای شاه دین علی/ ای بی معین علی قویما چوخ آغلاسین/اوغلوم حسین علی وارخواهشیم علی /غسل ایت منی گیجه/ آغلاکفن ایله/ دفن ایت گیجه منی تشییعیمه منیم/ قویما گله علی/ ثانی بی حیا /اول دشمن دنی چوخ گوزله جان سنون/ جان دورد بالالارین/ایله منی حلال/ یوردوم علی سنی دعوت ایدوب آتام/ جنتده گوزلیور/ طاهایه من گیدم /مهمان عم اوغلی جان (ای شاه دین علی/ ای بی معین علی قویما چوخ آغلاسین/اوغلوم حسین علی) ادامه دارد .... باآهنگ زیر 👇👇👇👇👇 https://telegram.me/navaye_azarin

یازهرا(س) 💙💙درگوشه مثنوی آواز دشتی 💙💙شعراز :::کربلایی ودودآذرین خلخال گیتدی زهرا قالدی بی یاور علی قلبی یاندی ساقی کوثر علی سوزلرین اولدوزلارا ماهه دیدی دیلده کی دردین فقط چاهه دیدی غملرایتدی حیدرین قلبین کباب اشکریزان دلبرین ایتدی خطاب فاطمه مندن نه تز دویدون خانم دشمن ایچره بی کمک قویدون خانم آغلارام صبح و مسا چولده سنه خیری یوخ سندن صورا دنیامنه قالمیشام سنسیز جهاندا نیلیم قورخورام دنیاده چوخ عمرایلیم کوچه ده بیلمم نلرگورمیش حسن غملنن وقتده سولور باغ و چمن جانمازون دوره سینده بی قرار آغلاشولار زینب و کلثوم زار قلبیمه بیرسوز ولی طوفان سالوب بو حسین آرامیمی الدن آلوب تاپشوروبسان باشی اوسته سو قویام غصه لنسه هر گجه گوگلین آلام گوزلریم اوسته حسینی ساخلارام گول بوغازیندن اوپوپ قان آغلارام بیر زمان اما نه سن وارسان نه من بیرمصیبتدن یانار باغ و چمن غصه و غمدن گلستانی سولار یثربی ترک ایتمگه مجبور اولار زینبیلن کربلایه یول سالار دشت غمده دوره سین اشرار آلار بیرگونین عرضینده گلزاری سولار یار و انصاری بوتون قانه باتار اکبریلن قاسمین گوزدن آتار نهر علقمده علمداری یاتار تک قالار میداندا سلطان مبین سوزدیلدن سسلنر هل من معین اعتنا ایتمز سپاه کین شعار سس چاتاراخیامیده طوفان قوپار باغ عترت جور اعدادن سولار سودامر گهواره دن پرتاب اولار یعنی منده خیرداجا بیرسربازام لوح عشقه آدیمی بایدیازام قالمارام شهزاده اکبردن دالا بوآدیم دیللرده لازمدی قالا من گرک قربانی قرآن اولام عمریمین فصل بهارینده سولام گل آنامدان آل منی ای شهریار عرصه گاه عشقه قول باغلی آپار چون سلیل حیدرم من قورخی یوخ قوی بوغازیمدن دگه اوچ شعبه اوخ حرمله کیمدور منی ایتسون شکار من سنون عشقونده اولدوم جان نثار گون قباغینده اگر چه دلکباب آغلیار هجرانیمه بیکس رباب روز محشرده قیامت ایلرم من  عزاداری شفاعت ایلرم (آذرین)قالماز بیله دور و زمان اصغرین قانین آلار صاحب زمان https://telegram.me/navaye_azarin

کربلایی ودود آذرين: در مایه شور یازهرا (س).  زبانحال حضرت علی (ع) علینی قویما باغریقان/ مزاره گیتمه فاطمه بوغمده سالما قلبیمه/ شراره گیتمه فاطمه دان اولدوزوم بونوعی باتما عم اوغلوی گوزوندن آتما وفالی زهرا... حیالی زهرا گیدن مزاره ... یارالی زهرا قالار غمونده دورت بالون اولونجه مضطر وحزین فراقون عم قیزی سالار بو قلبه آه آتشین چوخ ایستین حسین بالون اولار غمونده دلغمین ترحم ایت بو بیکس و نزاره گیتمه فاطمه دان اولدوزوم بونوعی باتما عم اوغلوی گوزوندن آتما وفالی زهرا... حیالی زهرا گیدن مزاره ... یارالی زهرا سنون فراقون عم قیزی سالار بلایه باشیمی اولونجه دیده دن توکر عذاره قانلی یاشیمی فلک هیچ ایلدی منیم جهان دا هر تلاشیمی نقدری اصرار ایلدیم کناره گیتمه فاطمه دان اولدوزوم بونوعی باتما عم اوغلوی گوزوندن آتما وفالی زهرا... حیالی زهرا گیدن مزاره ... یارالی زهرا گیدور وفالی همدمیم گرک بوغمده نیلیم سنون غم فراقوه چتیندی عادت ایلیم داخی اورک سوزون گرک درین قویولارا دییم بویالقیزین حالینا ایت نظاره گیتمه فاطمه دان اولدوزوم بونوعی باتما عم اوغلوی گوزوندن آتما وفالی زهرا... حیالی زهرا گیدن مزاره ... یارالی زهرا ادامه دارد...... شعراز ...ودود آذرین با آهنگ زیر👇👇👇👇👇 https://telegram.me/navaye_azarin

🌑🌑یازهرا (س) 🌑🌑وصیت خانم زهرا (س)به دخترش زینب(س) و گریز به مصائب کربلا 🌑🌑شعراز:::؛کربلایی ودود آذرین خلخال بویوردی ای گل بی خار روزگار زینب جان خزانه دوندی منه نوبهار زینب جان گل اگلش ایندی یانیمدا سنه وصیت ایدیم کی غم گونی منه سنیدون غمگسار زینب جان اولده تاپشیرورام من سنه آتان علینی یقین اولار گونوزی لیل تار  زینب جان گلنده منزله پروانه مثلی باشینه دون ایدوبدی غملر اونی بیقرار  زینب جان اوزون ایاقینه دور ایله احترام آتووا کی راضی سندن اولار کردگار  زینب جان رعایت ایله حالین چون آتان آدامسیزدی قان آغلیور حالینا ذوالفقار  زینب جان سلامین آلمور اونون بی وفا مدینه لیلر قالوبدی بیکس همان تکسوار  زینب جان اوزون تسلی خاطر اول ام کلثومه بولوت کیمی غم الینده دولار  زینب جان سفارش ایلمیوم گوزله سن حسن حسینی آنا فراقینه اولموشلا اشکبار  زینب جان آنالیق ایله اوزون یو قیزیم عمامه لرین اولاری غصه لر ایلوب نزار زینب جان سوروشما کوچه سوزین مجتبی نی ایتمه ملول دوشنده یادینه دیلدن یانار  زینب جان حسین سوایسته سن فورا فراهم ایله قیزیم آماندی سوز عطشدن سولار  زینب جان زمان گیچریتیشر سال شصتم هجری حسین اولار بلاچولینه رهسپار زینب جان باشی بلالی حسیندن اولونجه ال چکمه اوجان نثاره سن اول همقطار زینب جان بلاچولونده قیزیم چوخ بلا گلر باشوزا اویرده دوروزی دشمن آلار زینب جان حسین قانلی منایه کمک لرین یولار اولده اکبراولار جان نثار زینب جان عباده نعشینی اخیامه قارداشون گتورر تمام اهل حرم اوخشیار زینب جان ایدرله قاسمی پامال آتلارین ایاقی حسن بوغمده اولار سوگوار زینب جان سالالا قولارینی قارداشون ابالفضلین عدوسی ساق گوزون اوخلار زینب جان حسین ال اوسته آلار شیرخواره سربازی آخردا اصغری ایلر نثار زینب جان کمکلری گیدر الدن قالار بالام یالقوز وداع آخره قلبون یانار زینب جان بوکهنه کوینگی اوندا حسینوه گیدیر دینن ننم وصیتیدی بوقرار زینب جان منیم یریمده قیزیم بوسه ویر بوغازیندن اولوم قرارینه ایت رهسپار زینب جان گلنده شمردنی مقتله یتور اوزوی ال آت قلنجینا اولما فکار زینب جان فدا ولایته ایله منیم کیمی اوزوی وگرنه خون شهیدان باتار زینب جان کسلّه باشینی دالدان چوخور مکاندا قیزیم اولالار عرشیله فرش اهلی داغدار زینب جان بیرقطره بحرمصیبتدن (آذرین)یازدی عنایت ایله بویوک دردی وار زینب جان سروده شده به تاریخ۹۹/۸/۲۲ https://telegram.me/navaye_azarin

سینه زنی حضرت زهرا(س) سبک:::ای شمع حرمخانه .... شعراز::: کربلایی آذرین خلخال ⚫⚫فارسی👇👇👇👇 ناموس حق یکتا منشور حیا زهرا سرلوحه نسوانی ای کان وفا زهرا "ازعشقت مخمورم زهرا یا زهرا با نامت مسرورم زهرا یازهرا" "یازهرا یازهرا .. زهرا یازهرا"۴ تومعدن ایثار و منظومه احساسی نور دل طاهایی دُرّی و چو الماسی تو اشجع نسوانی چون مادرعباسی بر درد دل احباب درمان و دوا زهرا موی تو بود واللیل روی تو بودکوثر هم مادر اربابی و هم کفو علی حیدر هم حامی قرآنی هم مام وفاگستر گلواژه ایثاری دریای سخا زهرا تومنبع الطاف و مضمون عنایاتی معنای وفاهستی مجموعه اصفاتی ام الحسنینی و هم مادر ساداتی همسنگر و غمخواری بر شیرخدا زهرا ⚫⚫ ترکی👇👇👇👇 سن آینه جان سان سن مفخرنسوان سان سن حیدره چون جان سان طاهایه چوریحان سان عصمتده دیانتده سرلوحه دوران سان خلق اولدی سنه خاطر بو ارض و سما زهرا سن دین محمددن هریرده دفاع ایتدون هریانه قدم قویدی حیدر اونیلان گیتدون سن کرب و بلا درسین اوز اوغلوا اورگتدون سندن آلوب اوز درسین شاه شهدا زهرا عمرون بویی دنیاده چوخ رنج و بلا گوردون دائم قره باشوندا گوزیاشلی عزا گوردون رحلت کی ایدوب طاها محنتلی فضا گوردون آغلاردی سنه حتی ارضیله سما زهرا اشرار دنی حتی درگاهوه اود ویردی شرم ایلمدی ثانی بیت حقی یاندیردی بال و پروی عدوان کاشانه ده سیندیردی قانون سوزولوب یازدی پشت دره یا زهرا سندنصورا زینبده دوشدی غم عظمایه غرق اولدی مصیباته صبر ایتدی بلایایه غم گردی قونوب دائم اول غصه لی سیمایه تقدیر اونیدا چکدی تا کرب و بلا زهرا امواج بلا گلدی عاشوریده جولانه کشتی حسین دوشدی بیرسهملی طوفانه یتمیش ایکی آزاده غرق اولدیلا القانه جهل آتشینه یاندی تاخیمه سرا زهرا باتدی شهدا قانه غملی اسرا قالدی بومحنت عظما چوخ دنیایه نوا سالدی عباس علمین اما زینب الینه آلدی ویردی هامی دنیایه پیغام عزا زهرا ۱۴۰۲/۹/۵ https://telegram.me/navaye_azarin

💙💙یازهرا(س) 💙💙💙شعراز:کربلایی ودودآذرین خلخال 💙💙سبک:امشب شهادتنامه عشاق امضامی شود 💙💙درآواز دشتی ای بندقلب مصطفی دلبند حیدر فاطمه ای شافع روز جزا دخت پیمبر فاطمه ای یارحیدرفاطمه دخت پیمبرفاطمه خیرالنسا،کان حیا ،آیینه جود وسخا کفوعلی، عشق جلی ،دریای ایمان و وفا نوربصر ،والا گهر، مام کبار اولیا نازل شده درشان تو آیات کوثرفاطمه توعلت پیدایش و خلق تمام عالمی توباعث خوشبختی نسل و تبار آدمی توافتخار انس وجن هم افتخار خاتمی ای برحسین بیکس و مظلوم مادر فاطمه آیینه یزدان تویی هم زینت قرآن تویی تفسیر الرحمن تویی هم معنی احسان تویی الگوی هرانسان تویی هم سرورنسوان تویی بوسه زده بردست تو حتی پیمبرفاطمه 💙💙💙ترکی👇👇👇 ای افتخار انس و جان انسیله جان قربان سنه جان پیمبرسن خانم جان جهان قربان سنه هم عرشیان قربان سنه هم فرشیان قربان سنه اهل ولایه قیل نظر ماه منورفاطمه صبروشهامت سنده دی خوان سخاوت سنده دی دنیایه زینت سنده دی دیوان عصمت سنده دی منشورغیرت سنده دی درس سعادت سنده دی سندن بیری سرمشق آلا اولماز مکدرفاطمه سن مجتبایه عزت و صلح وصفا استادیسن سن زینب فرخندیه صبر و وفا استادیسن سندن حسین سرمشق آلوب سن کربلا استادیسن عاجز قالوب اوصافوه دیوان ودفتر فاطمه ادامه دارد..... https://telegram.me/navaye_azarin

یازهرا(س) شعراز ؛:کربلایی ودود آذرین خلخال ای حیدرین گوزل غمخواری فاطمه ختم پیمبرین دلداری فاطمه خلاق عالمین سنسن حبیبه سی ای آفرینشین آثاری فاطمه سن خلقتین خانم عمده دلیلی سن وجده گتورموسن داداری فاطمه عشق و محبت و شور و شرافتین سندن رواج اولوب بازاری فاطمه طوفانلی باشوه حایلدی معجرون؟ یااینکه کعبه نون استاری فاطمه سندن صفا تاپوب دنیاوماسوا ای باغ جنتین عطاری فاطمه رشک ایلیور سنون گلزاروه ارم ای خلقتین گل بی خاری فاطمه اوپدی الون سنون تا ختم الانبیا راضی اولوب حق داداری فاطمه سنده نه سر وار ای شمسه حیا سینوندی مخزن الاسراری فاطمه الله سنه گوره خلق ایتدی حیدری کفو ایلیوب سنه کراری فاطمه تاپشوردی مصطفی چوخ امته سنی آسوده تا اولا افکاری فاطمه جور و جفا ایدوب امت ولی سنه باشدا اوثانی غدّاری فاطمه اوچ گون پیمبرین تا رحلتین گچوب طغیان ایدوب دینون اغیاری فاطمه اود ویردیلاریانوب جبریل اوپن قاپی فاش اولدی دشمنین آزاری فاطمه دگدی لگد سینوب درگاه مرتضی سینونده یرتاپوب مسماری فاطمه بطنونده ظلمیله محسن اولوب شهید خونین ایدوب در و دیواری فاطمه تشریح ایدوم نجه اهل ولایته زاغ و زغن دولان گلزاری فاطمه اوچ یوزنفردولوب بیت امامته اولاردان ایلورم بیزاری فاطمه لعنت اراذله سرکرده ثانیه سینسین الی ایله کفتاری فاطمه ایلوبدی فتح باب ظلم و عداوتی خلق ایتدی لحظه غمباری فاطمه طاووس جنتین بال و پری سینوب شیرون ده باغلانوب قولاری فاطمه درگاهوه سنون نوکردی (آذرین) محشرده قیل بونا سن یاری فاطمه درد اهلینه خانم کهف الامان سان گل ایتمه ناامید بو زاری فاطمه ۹۶/۱۱/۲۴ https://telegram.me/navaye_azarin

ودود آذرين: خانم زهرا (س) گیتمه زهرا ایتمه ویران حیدرین کاشانه سین قویما یخسین غملی طوفان اهل بیتین لانه سین ای منیم پشت و پناهیم مرتضایه رحم ایله زينب و كلثوم زار و مجتبايه رحم ايله گيتمه زهرا خامس آل عبايه رحم ايله باشه چکمه باده هجرانوون پیمانه سین گوزلرون آچ باخ علینون چشم خونین بارینه سس ویرربحراندا زهرا یاراقلا یارینه وای اولا دور زمانین منله کج رفتارینه آلدی تزحیدرالیندن نازنین دردانه سین دوقوزایل بودلفکاره محرم اسراریدون پشت درده کوچه ده مسجدده منلن یاریدون حقی غصب اولمیش علینن سن فقط غمخواریدون سن مصفا ایلمیشدون مرتضانین خانه سین دولدی قان ظلمیله زهرا قلب محنت جوشوه هریره دوندون گلیبدی ناله غم گوشوه سن حسینی بیردویونجا آلمادون آغوشوه یاندیرارشمعین فراقی غصه لی پروانه سین اشقیاسندن صورا ایلرعلن بیدادینی بیربه بیر مظلوم ایده للر مرتضا اولادینی مجتبانین دوغریالار  زهریلن   اکبادینی لعن ايده الله جفالي محرم و همخانه سين گیتمه قال ایله سرافراز عشقیلن سن حیدری گیتمه قال اجرا ایدک فرموده پیغمبری گیتمه قال طویدا یولاسال زینب غم پروری مرتضي نيلر ويره الدن گوزل جانانه سين گيتمه قويما حيدري تنها و زار و بي نوا گيتمه قويماقلبيمي درد و غم هجران آلا گيتمه قويما يثربه وحشتلي بيرطوفان دولا دلبری سالمازگوزوندن عاشق ديوانه سين (آذرين)زهرا غمينده عرشيلن فرش آغلادي سينه عشاقي ثاني نون جفاسي داغلادي فوج كركس شيرمردين قولارين تا باغلادي محسنه قبرايلدي زهرا اوين آستانه سين https://telegram.me/navaye_azarin لینک اشعار شاعرومداح اهلبیت، كربلايي ودود آذرين خلخال☝️☝️☝️ شماره تلفن ۰۹۳۷۴۵۴۹۱۲۸

يازهرا (س) نظام  آفرينش ده ؛ گل بي خار زهرادي دليل عمده خلقت ؛ نبي رخسار زهرادي اوني الله ياراتدي تا كه اولسون حيدره همسر فقط عالمده  کفو  حیدر  کرار   زهرادی مقامينده بو بس اوپدي الين پيغمبرخاتم بويوردي جنتين عطرين ويرن دلدار زهرادي بويوردي بضعةُ منّي اونا شخص رسول الله كه يعني جان و جانان شه ابرار زهرادي نه تنها دخت طاهادي ؛ خانم ام ابيهادي اونا فخر ايلين گونده ابوالاحرار زهرادي اولوبدورشانينه نازل اگر چه سوره كوثر تمام نصّ قرآنه ايدن رفتار زهرادي علينون حقيني دائم هارا گيتدي بيان ايتدي ايدن اهريمن دوني ذليل و خوار زهرادي ایدوب اوچ یوز نفرحمله اودم کی بیت مولایه ولیِّ بیکسه اوندا فقط غمخوار زهرادی فشار دربیله بیلمم نلراولدی اومأواده نوازش ایلین پهلولرین مسمار زهرادی دوشوب پشت دره نالان چاغیردی فضه گل داده كه اهريمن جفاسيندن اولان بیمار زهرادی "خُذِینی" سسلدی فضه یتشدی دادینه اما گوروب جورخزانیلن سولان گلزار زهرادی آپاردی قان اونالانی ولی محسن شهیداولدی جفای روزگاریندن اولان چوخ زار زهرادی اوکس کی حیدره خاطر آلوب جانه بلایانی جفای سیلی ثانی ایدوب تبدار زهرادي گوزوم قان آغلا بو غمده ؛جهاني داغلا بو غمده شهيد سيلي خصم و در و ديوار زهرادي قلم چوخدور مصیباتی شفیع محشرين اما عزادارين مشقاتين ايدن هموار زهرادي ویرر احباب زهرایه اورکدن (آذرین) مژده تمام فاطمیونه جزاده یار زهرادی https://telegram.me/navaye_azarin لینک اشعار شاعرومداح اهلبیت، كربلايي ودود آذرين خلخال☝️☝️☝️ شماره تلفن ۰۹۳۷۴۵۴۹۱۲۸

آذرین نوحه سی: یازهرا( س).... حالات احتضار سون نفسیمدی ویرورم جان علی گل باشیم اوسته اوخی قرآن علی دوقوز ایل اولدون منه سن همنفس ایمدی یتوب موسم هجران علی امته تاپشوردی منی اوز آتام ایلدیلر حیف اولا طغیان علی باخمادیلار من گل پیغمبرم ایلدیلر دیده می گریان علی ظلمیله غصب ایلدیلر ملکیمی حالیم اولوب زار و پریشان علی ثانی دون درگهیمی اودلادی یوخدی اونامردیده ایمان علی ضرب لگدلن قاپونی آچدیلار محسنیم اولدی سنه قربان علی وحی ایوینه دولدیلا اهریمنان دورت بالا اولموشلا هراسان علی چکدیله قول باغلی سنی مسجده جبریله آلسونلا کی پیمان علی خنجری گوردوم باشوون اوسته من عالم اولوبدی منه ویران علی سسلدیم ای ثانی پست و لعین بیعت ایدر غاصبه هاردان علی اولممیشم من هله تهدید اولا شاه جهان خسرو خوبان علی آلدیم عم اوغلی سنی اشراریدن منتی یوخ جان سنه قربان علی ایمدی وصیتلریمه ویر قولاق سنله واریم عهدیله پیمان علی سال گجیه غسلیمی هم دفنیمی گرسنیچون واردی بو امکان علی زینبیمی قویما آیاقدان سالا قصه پرغصه هجران علی غسل ویرنده منه قوی گورمیه سینمی زینب ایدرافغان علی گویلونی آل قویما سارالسین حسن کوچه سوزین ایستمه اوندان علی فوری سو ویر قویمان عطشدن سولا دورسا حسین هرگجه عطشان علی قبریمی گیزلینجه منیم حفرایله ای شرف عالم امکان علی مهدی بالام گلسه عیان ایلیر کامه چاتار جمله محبان علی ایله بوگون دست یداللهیلن (آذرینین )دردینه درمان علی ۹۵/۱۲/۸ https://telegram.me/navaye_azarin کربلایی ودودآذرین خلخال

حضرت زهراسلام الله علیها . . ودود آذرین . . تا علی زهرانی قبره تاپشوروب مهر گویا ماهی ابره تاپشوروب . جمله آمالین علی دفن ایلدی ئوز پر و بالین علی دفن ایلدی . سویلدی تُپراقه آل جانانیمی یاخشی ساخلا دیده سی گریانیمی . ای بقیعون تپراقی زهرانی آل سینه پهلوسی سینوب؛قیدینده قال . گوییا بیرال اولوب ظاهر او دم صاحب ال دی؛ نبی میر اُمَم . آلدی آغوشه کأنه ئوزگولین روز و شب گلشنده نالان بلبلین . آلدی دریا چون صدف دن گوهرین اوزدی زهرادن علی؛دای اللرین . آشدی حیدر دیلده هجران دفترین سویلدی پیغمبره درد دیلین . گوهرون سن شرمگین حیدردن آل کوثری گل ساقی کوثردن آل . یا رسول ا… علی شرمنده دی بوردا دای زهرا قیزون ایمنده دی . ثانی بی دین یولین دوتماز داخی سیلی نین ضربی اونی ییخمازداخی . حمله ایتمزلراؤنا اوچ یوزنفر محسنین سقط ایلمز دیوار و در . آلدی القصّه گولین ختمی مآب بی نشان قالدی مزار آفتاب . نصف شب دفن ایتدی حیدرکوثرین اوخشادی اودلی دیلیله همسرین . دوقوزایل آی حیدره همراز اولان صرصر باد خزانیلن سولان . سن کیمی دنیاده هیچ گؤل سولمادی سینه سی درد وغمیلن دولمادی . سن کیمی یوخ درد و آلامه دؤزن گؤزلریندن دائماً قانیاش سوزن . غملری یوردون داخی یات خسته سن ای کبوتر بال و پر بشکسته سن . یات کی چوخ یورقونسان آی شیرین دیلیم یات نگاریم هم زبانیم سوگلیم . (آذرین) ؛ ایله توسل کوثره شافع اولسون تا گلن گون محشره .