شاعر کربلایی ودود آذرین خلخالی: راه شام ... احوالات خانم رقيه س مرغ طبعيم دولانور وسعت معناني تاپا بوپريشان حاليما بير سر و ساماني تاپا درديمه يانسا اگر حاذق اطباني تاپا دوشدي بيردن ياديما روضه لرين دادي دوزي شاه عطشان دهنون فاطمه بنذرلي  قيزي نام زيباسي رقيه شرف اهل ولا اوچ ياشي واردي بويوك درده ايدر عمده دوا خيرداجا قبرينه قربان اولا بو اهل عزا بي علاج دردلره عالمده نتايج دي خانم صدقيلن دردوي دي باب الحوائج دي خانم ولي چوخ درد و بلا دهريده چكدي بوبالا قلبينه بذر غم و غصه ني اكدي بوبالا راه شاماتيده حق بيلدي نه چكدي بوبالا ناقه دن دوشدي قالوب يولدااولوب محنته توش باشليوب غملي سوزين من ديورم قالما خموش جلوه لندير نظرونده اوقيزين غملي چاقين يارالور خار مغيلان غابار اولموش اياقين نقدرواردي مگرتاب بلا بير اوشاقين نصف شب قيز اوشاقي قورخولي چول اي عجبا وحشت ايلور بو بالا باخدوقيجا صاق و صولا گوردي بو منظره ني شافع حشر و عرصات جنتي ترك ايلدي آينه صوم و صلات نورزهراييله نوراني اولوب دشت و فلات ديدي اي عمه سينون همدم نالاني قيزيم اولا قربان گوزوه فاطمه نين جاني قيزيم گلدي او دشتيده آغوشه آلوب ناز بالاني سويلدي قورخمابالا بيكس حسينون قالاني قلبيمون خانه سي بو ناله سسوندن تالاني گلدي اول غمزديه يار و نگار اولدي گيجه خيرداجا فاطميه ؛ فاطمه يار اولدي گيجه باخدي دقتله رقيه يوزي نيلي خانيما ديدي سنسن بوبياباندا محافظ جانيما بوچتين وقتيده كيمسن كي گلوبسن يانيما سنده من تك گورورم غصه لي سن غمزده سن واردي اگنونده قرا اولميا ماتم زده سن گوزلرون اوخشاري وار عمه ساداته سنون لحن صوتون ديوري غارت اولوبدي چمنون غم سسوندن ايله بيل وار تزه ليكده اولنون من يتيمم بابام اللرده سوسوز قانه باتيب چادرون سويله نيه كوللره تپراقه باتيب دي گورورم كيمسن اولوبسان منه مانوس الم زينب عمم كيمي جان جان ديوسن لحظه و دم اوپوسن يوزگوزومي ياده دوشور غملي ننم گورورم آغليوسان گوزلر اولوب نملي خانم نفسوندن بابامين عطري گلير غملي خانم بويوروب فاطمه من غمكشي ياده سالانام اوز ننون فاطميم دردوي جانه آلانام قورخما تا صبحه كيمي بوردا يانوندا قالانام چوخ قوي سروي ده صحراده قرا يللر اگر سن منه بنذيوسن صورتوه سيلي دگر عصرعاشوربلا دوشدي جهان ايچره فغان شهدا قالدي اولوبدي اسرا شامه روان مطبخ خوليده ياتميشدي بابون يوزگوزي قان بلبل غمزده تك من قوناقيديم او گوله اوردا دردانه قيزيم پيرهنيم باتدي كوله سيزلره طول سفرده بالا ناظردي گوزوم يثرب و مكه و هم كرب وبلاديديم اوزوم يوخدي بير بيله مصيباته قيزيم منده دوزوم گوروسن قاندي گوزوم آغليورام اوغلوم اؤلوب سن كيمي منده اورك داغليورام  اوغلوم اؤلوب الغرض فاطمه اولدي باليا مونس و يار غملري چيخدي ياديندان تزه تاپموشدي قرار ناگهان گوردي قرانلوخدا ايكي مردسوار ايكي وحشتلي عرب چوخدا قوي پيكريدي قمچي الده بيريسي زجر ستم پروريدي زجر يوخ  آينه   ثاني  بي عار و دغا زجر يوخ  خصم  قسم خورده قرآن و خدا زجر يوخ شمركيمي وحشي و بي شرم و حيا زجري تا گوردي  رقيه ايلدي  عرض سلام دگدي بير سيلي يوزوندن ايلدي قطع كلام ضرب سيلي دن اولوب يوزگوزي قان قالمادي تاب آغلادي ضجه ويروب تا نوه ختم مأب غيظيله زجر ايلدي دختر اربابه خطاب يولانيب قافيله بيزده گرگ افراده چاتاخ منله گل مركبه مين سرعتيله راهي اولاخ ديدي شرم ايله ستم پيشه و بي شرم و حيا من حسينون قيزيام عالم احكام خدا مينمرم من سنيلن بير آتا اي دون و دغا عمه عمه چاغيروب شامه پياده گلرم عمه مه تايتيشينجه ايله قانياش الرم ايلدي زجر دني اول قيزا چوخ ظلم و ستم تازيانيله نجه يول يول اولوب آغلا قلم بوسوزه داغلا سينه يابن الحسن ميرامم نه قويوب بير اوتوروب جانيني راحت ايلسون آت دوشينده بالا بير قيز نئجه طاقت ايلسون باشيما قمچي منيم ظالم كافر ويرما هم يتيمم هم اولوب قارداشيم اكبر ويرما فاطمه بنذريم زاده حيدر ويرما سسلرم  داديمه  آيينه  احساس گلر علقم اوستوندن عموم حضرت عباس گلر (آذرين) قلبووي يانديرسا بو غم اشكون اله بير بيله حال  تباكي  سنوچين گلمز اله اورگون  عشق  رقيه له سن آكنده ايله گوزياشون ؛ غملي حالون شعروي ارزنده ايدر حتمي زهراي سه ساله ؛ سني  پاينده ايدر https://telegram.me/navaye_azarin لینک اشعار شاعرومداح اهلبیت، ودود آذرين خلخال☝️☝️☝️ شماره تلفن ۰۹۳۷۴۵۴۹۱۲۸

یاامام سجاد(ع) سجادم و بلا و غمه مبتلا منم سجادم و سفیر غم کربلا منم بیر عمر سوگورنده گوزوم اشکبار اولوب بنیان گذار روضه و بزم بکا منم

احوالات حضرت رقیه (س)باسربریده شعراز ؛؛کربلایی آذرین خلخال سبک :: آواز دشتی گوشه ی دیلمان دیدی بابا قیزون نالان دی سس ویر غریق ناله و افغان دی سس ویر منی دیندیر غریق اشک و آهم اسیرم بیکسم من بی پناهم فراقونده اورک القاندی بابا رقیون هجروه نالاندی بابا عجب وقته منه مهمان گلوبسن بومرده جیسمه والله جان گلوبسن بوجمع بی پناهی یاد ایدوبسن بو بزم اشک و آهه خوش گلوبسن نیا شمع وجودون بس سونوبدی منی دیندیر اورک قانه دونوبدی دینن کیم چهروی اولوان ایدوبدی سنی کیم قانوه غلطان ایدوبدی گلستانه خزان گویا اسوبدی دینن کیم باشوی دالدان کسوبدی دینن کیم آلدی مندن بو نگاری یتیم ایلوب اوشاقلیقدا بو زاری توکوب هانسی شقی بو خون پاکی سیلوم قوی گوزقاشوندان گرد و خاکی سنه قربان اولا بو سینه چاکون باشون بیردا هایاندا جسم پاکون عجب پیشواز ایدوبلر بو قوناقدان ویروبلار خیزران سولموش دوداقدان منه هجرانی گل سن وصلت ایله خرابه محنتیندن راحت ایله دیور زینب انیس درد و محنت دعاسی مستجاب اولدی اوساعت سونوب شمع رقیه آخدی گوزقاش الیندن تپراقا دوشدی کسیک باش پرآچدی مرغ روحی آسمانه قوناق گیتدی حسینه عاشقانه ادامه دارد ۱۴۰۳.۰۵.۱۱ https://eitaa.com/vodood13561012 سبک👇👇👇👇

یا رقیه (س) ... جوشی . بحرطویل قلبیم اولوب هجروه القان بابا عالم اولوبدور منه زندان بابا گوشه ویرانیه لطف ایله گل گل اوگلن یولارا قربان بابا "هجرونده قالدی نالان رقیه روز وشب ایلر افغان رقیه" من گل بستانیدیم دختر سلطانیدیم اکبره جانانیدیم درد دل عالمه درمانیدیم ... جانیدیم دختر شاه جهان ... بند دل عمه صاحب زمان .... خوش بیان ماه جهانتابیدیم من صدف عشقه دُرِ نابیدیم ماهیدیم کوکب پرنوریدیم آینه حجب و حیا و شرف بیرباخیشیم دردلره درمان بابا "هجرونده قالدی نالان رقیه روز وشب ایلر افغان رقیه" ایندی اورک قان اولوب قلب ایوی غمدن دولوب گللری طوفان یولوب باغ وفا باد خزاندا سولوب ... غم دولوب حالیم اولوب چوخ یامان ... شمرین الیندن اورگیم اولدی قان ... الامان نیلی اولوب صورتیم یوخدی بابا دورماقا دای قدرتیم . طاقتیم گیتدی باباعزتیم گوشه ویرانه ده زندانیم رحم ایلمور فرقه شیطان بابا "هجرونده قالدی نالان رقیه روز وشب ایلر افغان رقیه" مشعل عمریم سونر قلبیمی غملر  بولر بوردا قیزون نیلییر شدت آلامیده حتما اولر ... حق بیلر من نه حالا قالمیشام ... دیللره طوفان باباجان سالمیشام ...یانمیشام من نجه شهزادیم من نجه بس اکبره دلدادیم ..... غمدیم بیکس و افتادیم یوخدی منیم حالیمه یانسین بیری اولموشام افسرده و گریان بابا "هجرونده قالدی نالان رقیه روز وشب ایلر افغان رقیه" ای گل عشق و صفا پادشه کربلا مظهر ذات خدا گوزلریمی قویما یولوندا بابا ... باوفا دیل یاراسیندان آمان  .... ایله شماتت ایلیور شامیان  ... بی امان زار و ملولم بابا یوخ داخی درددیلیمه بیر دوا... مطلقا حالیمه یوخدی شفا سون نفسیمده قیزوی یاده سال اول بوگیجه سن منه مهمان بابا "هجرونده قالدی نالان رقیه روز وشب ایلر افغان رقیه" https://telegram.me/navaye_azarin

✅یارقیه (س)_ سینه زنی و زنجیر زنی عمریمون ویرانه سین/// گل بابا آباد ایله گوشه غمخانه دن ///گل منی آزاد ایله ای رقیه دردینه درمان بابا گل گلن یولاروا قربان بابا ای گل زهرا حسین۴ 🌹🌹🌹🌹🌹 داغ هجرانه داخی///طاقتیم یوخدوربابا عمه مه سندن صورا/// زحمتیم چوخدور بابا لطف ایله بیرگوشه ویرانه گل بومریض عشقوه درمانه گل ای گل زهرا حسین۴ 🌹🌹🌹🌹🌹 قویما بوویرانه ده///غصه دن بابا سولوم گل گلن یولاروه ///آی بابا قربان اولوم آی بابا سن شمع و من پروانیم آفتاب       روشن       ویرانیم ای گل زهرا حسین۴ 🌹🌹🌹🌹 سن گیدن گوندن بابا///گوزلریم یولار دادی سن سیز عالمده منیم///آغزیمون یوخدور دادی گلمسون شمعون سونرغمخانه ده اوللم     آخر   گوشه    ویرانه ده ای گل زهرا حسین۴ 🌹🌹🌹🌹🌹 بیریتیم غمکشم///گلمسونده دادیمه یولا نازلی قارداشیم///اکبری فریادیمه فرقتوندن  قویما   اکبادی بولوم ماه رخسارین گوروم آننان اولوم ای گل زهراحسین۴ https://telegram.me/navaye_azarin

سینه زنی حضرت رقیه(س) سبک:یاامام زمان شیعه ده احساسه باخ شاعر کربلایی آذرین خلخال ای رقیه گل گلشن عشق حسین فاطمه بنذری اکبره نور دو عین گل گلزار دین ... یادگار حسین یارقیه۴ ای حسینون گوزل شان و شرفلی قیزی اکبر و اصغرین پارلاق اولان اولدوزی سفره عترتین هم برکت هم دوزی اکبره نورعین ... عندلیب حسین یارقیه۴ زینبون شامه تک همسفری دلبری شاه عطشان لبون دلده جوشان کوثری شانیده رتبه ده فاطمه نون بنذری دخت حیدر نسب .... دل دولی تاب و تب یارقیه۴ کربلاده قوران هیئت غم قیزلارا یار و همراز اولان غملی آدامسیزلارا نور پخش ایلین گون کیمی اولدوزلارا شمس تابنده سن .... درّ ارزنده سن یارقیه۴ اوچ یاشی وار ولی عشقیده علامه دی غیرت و همت و نطقده هنگامه دی چون اباالفضل عمو زینب اونا عمه دی غرق احساسیدی ... جان عباسیدی یارقیه۴ شامیده الغرض باد ستملن سولوب راس اربابیله بیرگیجه مانوس اولوب تا آتا باشینی گوردی غمیلن دولوب غملی ویرانه ده پیر خرابات اولوب اولدی ویرانه ده .... گول سولوب غنچه ده یارقیه۴ اوچ یاشیندا بو قیز عشقیده طوفان ایلر کیم دیسه دردینی لطفیله احسان ایلر باب حاجتدی چون دردلره درمان ایلر ای مریضی اولان ... فوج غمدن سولان ایله دردون علن .... عاشقانه دینن یارقیه۴ ۱۴۰۳.۰۴.۱۸ اشعار کربلایی ودود آذرین خلخال https://eitaa.com/vodood13561012

زبانحال خانم زینب کبری( س) با رقیه (س) سبک:تامشکتو تو آب زدی👇👇👇👇 💙فارسی ای مونس شب های من///ای غنچه باغ وفا با عمه ات حرفی بزن///ای معدن عشق وصفا نرو از پیش من نالان و پریشان تحمل کن چندروزی ای جان جانان خودم نازت میکشم درویرانه شام نکن از هجرپدر دیگر آه و افغان رقيه  مرو مرو ای دلبرنازحسین///ای شمع شام تارمن ازکربلا تا شهرشام///ای نازنین غمخوارمن ترحم کن بردل محنت زای زینب بمان ای خورشیدعشق شبهای زینب نوازش کرده ترا ضرب تازیانه شدی اندر غصه وغم همتای زینب رقيه  مرو مرو 💙ترکی سنسن حسین گلزارینون///غم غصه دن سولموش گلی گلمور سسون آیا ندن///ای باغ عشقون بلبلی سسون اولما آج سوسوز قالماخدان باتوبدی مگرشمرین قورخوسوندان رنگون آتوبدی یانار قلبیم تاجانیم واردی بوسوزوندن منی عمه اکبریمده گوزدن آتوبدی رقیه    لايلاي بالام رقیه    لايلاي گولوم سن عرصه گاه عشقیده///اولدون منیم بال و پریم اوج بلالرده بالا///اولدون رقیه شهپریم یخارغملر زینبی اکبرجانی گیتمه ایکی دنیا دریمون ای درمانی گیتمه منی تک قویما گوزل دردانم رقیه مصائبده زینبون هم پیمانی گیتمه رقیه    لايلاي بالام رقیه    لايلاي گولوم سنیندن آرتیخ غم چکن///گون مثلی سن بات راحت اول حسرت قالوبسان خوش گونه///یورقون بالام یات راحت اول سولار گللر ماتموندن ای ماهپاره قویار عمون دیده گریان جیسمون مزاره خرابه نی ایلییر آباد جسم پاکون گلایه ایتمه کفنون گراولساقاره رقیه    لايلاي بالام رقیه    لايلاي گولوم ۹۵/۸/۱۱  ساعت۱۱/۳۰ https://telegram.me/navaye_azarin لینک اشعار شاعرومداح اهلبیت، ودود آذرين خلخال☝️☝️☝️ شماره تلفن ۰۹۳۷۴۵۴۹۱۲۸

کربلایی ودود آذرين: حضرت رقیه سلام الله علیها ✍ زبدة الاشعار ✍   🆔: @nohe_torki ودود آذرین خلخال ای رقیه ای گل باغ حسین بن علی گول یوزینده صورت زیبای زهرا منجلی چهره ی زیباسی ماه آسماندان گورملی اوچ یاشیندا تاپموسان عالی مقام و منصبی اولموسان باب الحوایج ای ربابین کوکبی خیرداقبرایچره یاتان واردی بویوک شخصیتون عالمی حیران ایدوب جاه وجلال و شوکتون شوره گتدی دیللری باشونده شوروهمتون بیربیله خصلتلرون ثابت ایدورآزاده سن زینب عموندی عمون عباس حیدرزاده سن منزل ویرانه نی عشقیله آباد ایلدون قدرت پوشالی سفیانی بربادایلدون سن اسیراولدون ولی دنیانی آزاد ایلدون قلبلرده شورعشقونله گینه طوفان ایله اهل مجلس دردینه لطفونله سن درمان ایله #حضرت_رقیه_زبدةالاشعار ✍ زبدة الاشعار ✍   🆔: @nohe_torki

خرابه شام شعراز:کربلایی آذرین خلخال عمه جان دردیمه اولدی داخی درمان بوگجه یادینا سالدی منی شاه شهیدان بوگجه کربلادن تلسوردوم که چاتام شامه بی بی یولارین تاچاتا غم غصه سی اتمامه بی بی گله دیداره بابام تایتیشم کامه بی بی تا یته باشه همان ایتدیگی پیمان بوگجه گلدی ناشاد قیزین بوگجه دلشاد ایلدی محبس رنج و مصیباتیدن آزاد ایلدی ایوی آباد اولا ویرانه نی آباد ایلدی ایله بیل رگلریمه بیرده گلوب قان بوگجه بوباشین گویده کی اولدوز سانی واردی یاراسی قلبیمی پاره لیوب لبلرینون چوخ پاراسی یوخدی عمه بیلورم بیربله دردین چاراسی ایچمرم سو ویررم جانی لب عطشان بوگجه بابامون یاره لی باشین دوداقین من اوپرم توز دولان گوزلرینی اشک تریملن سیلرم منه سس ویرمسه والله بوگجه دای اولرم باشینی ایلموشم زینت دامان بوگجه عمه جان من هارا بو گوشه ویرانه هارا زحمتیم چوخدی سنه زلفمی بیریولدا دارا منی بیکس بابام البته گلوبدی آپارا تنگ اولوبدورمنه بوقورخلی زندان بوگجه ایدرم ایندی گزارش باباما محنتیمی کوفه دن شامه کیمی یولداچکن خفتیمی سن یوخیدون ایلدیم عمه مه اذیتمی تازیانه یرینه باخ شه خوبان بوگجه اکبر و اصغره خاطر قره می باغلامیشام کوفه دن شامه منی زجر ویروب آغلامیشام سیلی شمر دگوب یولدا سینه داغلامیشام یادیما ایندی دوشور پستی عدوان بوگجه تازیانه اثریندن بدنیم یول یول اولوب گل عمریم اثرباد خزانیله سولوب اوزننم فاطمه تک گوزلریم القانه دولوب کاش گلسین بویره مفخرنسوان بوگجه شام قیزلاری منه چوخلی شماتت ایلیور بعضی دلداری ویرور بعضی خباثت ایلیور دییلر یوخدی بابان قلبیمه رقت ایلیور نه عجب یادایلیوبسن منی ای جان بوگجه ایندی کی باشه چاتوب محنت ایام فراق اوجادان گل منیلن بوگجه بابا دانیشاق شام قیزلاری ایشیدسون سسوی شاه عراق هامی بیلسون کی گلوبسن منه مهمان بوگجه ای رقیه گل گلزار حسین کان حیا "آذرین"نوحه نی یازدوقجا ایدور آه و نوا سنده قیل دردینه عالمده خانم عمده دوا قیل هامی هیئتینون دردینه درمان بوگجه تاریخ۱۴۰۲/۰۵/۲۵ https://eitaa.com/vodood13561012