اربعین گوزآچ حسین نظرایت وفالی خواهروه عنایت ایله بوگون بو غملی دلبروه دوزدیم چوخ غمه قارداش دوشدوم ماتمه قارداش قرخ گوندی باجون آغلور هجرونده سینه داغلور حسینجانم۴ حسین سنون غموی سینمده ساخلامیشام مسیرکوفه و شام بوقلبی داغلامیشام باخاندا قیزلاروون سولان جمالینه من آنام جانی گجه لر دویونجا آغلامیشام دوزدیم چوخ غمه قارداش دوشدوم ماتمه قارداش قرخ گوندی باجون آغلور هجرونده سینه داغلور حسینجانم۴ حسین زیارتوه بوجمع خسته گلوب غبارمرقدوی هره بونوعی سیلوب حرملرون هامیسی گلوب سلامت حسین ولی رقیه قیزون منی خجالت ایدوب دوزدیم چوخ غمه قارداش دوشدوم ماتمه قارداش قرخ گوندی باجون آغلور هجرونده سینه داغلور حسینجانم۴

سینه زنی اربعین حسینی سبک::ای ویرن ویرانه یرده شاعر::: کربلایی ودود آذرین خلخال ای ویرن لب تشنه جانین دینینه قربان حسینیم دورایاقه گلدی زینب قبروه مهمان حسینیم ای شه عطشان حسینیم قبروه قربان حسینیم زینب باجون سنون سینونده اولان یاروه قربان.... ای خسروخوبان نهراوسته لب تشنه قولسوز علمداروه قربان .... ای شاه شهیدان عصرعاشوربلاده قوپدی طوفان مصیبت یتمیش عاشق بیرگون ایچره ایچدیله جام شهادت لشکر بی عارکوفه خیمگاهی ایتدی غارت قیزلارون آواره قالدی اولمادی درمان حسینیم بیرگجه یانمش چادردا عترتون شام غریبان قوزادی افغان و آهین گویلره سرگشته طفلان سوزآهیندن ربابین ناله ایتدی کون و امکان صبح اولوب یولاندی شامه عترتون گریان حسینیم عترتون قولاری باغلی کوفه و شامی دولاندی باشلارا سرنیزه لرده داش دگوب قانه بویاندی شامون اهلی نه آتامدان نه پیمبردن اوتاندی حق اوزی ایتسون گرکدور آرادا دیوان حسینیم شامیدن آزاد اولوبدی عترتون دیداره گلدی غمکشیده قیزلارون گو باشلاریندا قاره گلدی محمله باشین ویروبدی زینبون باش یاره گلدی گوشه ویراندا قالدی بیرقیزون مهمان حسینیم اربعین زواری اولموش عترتون بیربیر سلامت رخت دنیانی رقیه سویدی قارداش ایتدی رحلت نازلی جیران بابتیندن اولموشام گورنه خجالت تاپمادیم نازلی بالانون دردینه درمان حسینیم قبرون اوسته دختران غمکشیده گلدی قارداش لیلی وکلثوم گریان هم سریه گلدی قارداش هم رباب بینوانین آهی دیلده گلدی قارداش اصغره قرخ گوندی آغلور مونس هجران حسینیم باشیمون بیلسه بلاسین مهر وماه و اختر آغلار باش آچارجنتده حتی شاه مردان حیدر آغلار قمچی ردین قولاریمدا گورسه غملی مادر آغلار خوش گونه حسرتدی زینب قلبی اولموش قان حسینیم خیمه لر یاندی اساسیم کربلاده اولدی غارت عفو ایله یوخ ترمه شالیم تا ایدم ایفای خدمت دورت مین اوخلی کوینگوندی آلتی گوشه قبره زینت قبرون اوسته کاش ویرم جان ای شه دوران حسینیم قبروه بیرعده غمدن پروبالی بسته گتدیم دختران بوترابی غصه لردن خسته گتدیم آهوان نوحه خوانی جمع ایدوب بیردسته گتدیم سینه زن مداح و شاعر جمع اولوب الان حسینیم قبر شش گوشون اگرچه((آذرینه )) اولدی قسمت حیف اولا اما واریمدی قلبیده بیر عمده حسرت قسمت اولموب بوحقیره اربعینده بیر زیارت قویماقالسین غم اورکده ای شه عطشان حسینیم https://telegram.me/navaye_azarin

یاحسین ع .... مقدمه تا اربعین امام سجاد (عليه السلام) در روز اربعين رو به جابر بن عبدالله انصاري مي فرمايد: «هاهُنا و الله قُتلت رجالُنا و ذُبحت اطفالُنا و سُبيت نِسائنا و حَرّقت خيامنا» اي جابر! به خدا سوگند، در همين مكان مردان ما را شهيد نمودند، نوجوانان ما را سر بريدند ، زنان ما را به اسارت بردند و خيمه‌هاي ما را آتش زدند.» *خروج از شام و ورود به کربلا در اربعین و اشاره به فرمايش امام سجاد (ع) به جابر* آسمان خلقته مهردرخشاندی حسین شام تار زندگیده ماه تابان دی حسین جسم یوج جان یوخ مسلم جان جانان دی حسین جدینون دینون قانیلا ایلیوب احیا حسین ای حسینی لر اورکدن سسلنون سیز یاحسین زاده خیرالنسا آیات کوثردی حسین معنی مصحف حسیندی نورمنبردی حسین میوه قلب علی جان پیمبردی حسین دفترعشقی ایدوبدی قانیله امضا حسین عاشق انسانلار سیزون تک سسلیللر یا حسین کان همتدی حسین اصل شجاعتدی حسین سهم و صولتدی حسین دین و دیانتدی حسین معدن غیرتدی حسین عین صلابتدی حسین قطره دی احسان کرامتده ولی دریا حسین سسلنر هریرده دریادل جوانلار یاحسین اربعین گلدی اورک سوگ حسیندن قان اولوب اهل دل پای پیاده زائر جانان اولوب قطره قطره جمع اولوبلا شیعه لر طوفان اولوب کربلا بیریانا بیریانه هامی دنیا حسین شیعه لر لبیک گویان سسلنوللر یاحسین زائران اربعینون خوش اولا  احوالینه مرحبا بوهمتیله چاتدیقی آمالینه خط بطلان چکدیله وهابی قیل و قالینه لعنت اولسین بانی ظلمه هامی دنیا حسین زائران کربلا سسلوللر ایمدی یاحسین ایمدی آماده اولون آتش غمدن آلیشاخ شادلیقی باشدان آتاخ بزم عزایه قاریشاخ گوزیاشین جاری ایدک غملی زماندان دانیشاخ اولین اربعینه جابر انصاری گلوب آلتی گوشه او مزاری گوزی یاشیلا سیلوب شامیدن آزاد اولوب چیخدی پیمبر  عترتی زینبون رنج و مصیبت اولدی دائم قسمتی تا مشام  جانه   گلدی  کربلانون    نکهتی چون دو  راه کربلایه چاتدیلار   آل رسول قصد ایدوب قبر حسینی گورمگه دخت بتول ايتدي فرمايش بشيره   حضرت زين العبا كارواني  دونده رون    سمت   ديار  كربلا چون اولوبدي عترته بو يولدا  عمم مقتدا بيزده   لازمدي بو  رهبردن اطاعت ايليك قبر    سالار      شهيداني    زيارت ايليك کاروان گلدی یوخونلاشدی غرض غم دشتینه زائریدی جابر  انصاری ده  ماتم    دشتینه سویلدی بیرسس دوشوب الله بو سینم دشتینه ای عطیه گور بو یورقون کاروان  هاردان گلور گلدیگیجه  قلبیمه  گرد غم  و  ماتم الور چيخدي پيشوازه عطيه درك ايدوبدي مطلبي گوردي  سجادي اوركده آرتيروب  تاب و تبي بير  كجاوه اوسته  گوردي غرق افغان زينبي سسلدي جابر دواسيز  دردوه  درمان گلور زايران خسته  سلطان   مظلومان گلور تا ایشیتدی بوسوزی جابر اولوبدی قلبی شاد حضرتين پيشوازينه گلدي او مرد خوش نهاد گورجگین شاد اولدی دیلدن حضرت زین العباد ایتدی فرمایش عجب ایتدون وفا  پیمانوه زائر اولدون هامیدان اول شه عطشانوه بو بلا  دشتی غم و آلامه توش  ایتدی بیزی آلدی  آل مرتضانی قاره پوش ایتدی بیزی شمع تک باد جفاییله خموش  ایتدی بیزی بو همان یردی شقیلر بیردا  طغیان  ایلدی اکبر لیلانی دشمن   قانه  غلطان  ایلدی فاطمه  باغاتی  صرصرله  سولان   یردی بورا حیدرین خون دیلی چشمه دولان يردي بورا اربابین  قیزلاری  آواره اولان يردي بورا بو همان یردی  اولوب   پامال  آیین خدا آت  ایاقیندا  قالوبدی  قاسم   نو کدخدا بوردا   اهل کینه آیات  خدانی داندیلار حرمت  مهمانلاری  نه بیلدیلر نه قاندیلار خیمه گاه آل طاها ظلم اودیندا   یاندیلار بو  همان یردی عدو راه خطاده    دوردیلار اللری اوسته حسینون اصغره اوخ  ویردیلار بومکاندا آل سفیان جمله کامه چاتدیلار یارو اصحابی حسینون بوردا قانه  باتدیلار ایستی قوملار اوسته اوچ گون سینه سوزان یاتدیلار كوفيان  باد مخالف  تك بو  يرده  اسديلر شاه خوبانون سوسوز باشین قفادن  کسدیلر بوهمان کرب و بلادی دیللری قان ایلیوب عالم ایچره شصتم هجریده طوفان ایلیوب دیده آزادگانی  گورنه  گریان ایلیوب بوهمان یردی علی اولادینی خوار ایتدیلر زینبین روشن گونون مثل شب تار ایتدیلر گلدی زینب آلتی گوشه قبری آغوشه آلوب آغلیوب دشت وبیابانه بویوک طوفان سالوب گوزیاشین جاری ایدوب بیراوزگه احواله قالوب سویلیوب ای زینب بیچاریه نور دوعین یاندی قلبیم داغ هجرونده منه سس ویرحسین قبرین اوسته رسمیدی قارداش سالالار ترمه شال غارت اولموش خیمه و خرگاهیم ای حقه جمال قالمیوبدی خواهر بیچاروه جاه و جلال یوخدی الده ترمه و شالیم حسین عفو ایت منی قبرون اوسته سالموشام قانه باتان پیراهنی یاحسین اهل و عیالون گلدیلر شاماتیدن اولدیلار آزاد اول ماتملی احوالاتیدن قلبیده بیر خجلتیم وار غملی احساساتیدن بوسببدن غصه و غمدن اورک آکندیم شامیده قالدی رقیوندن اخا شرمندیم https://eitaa.com/vodood13561012 لینک اشعار شاعرومداح اهلبیت، ودود آذرين خلخال☝️☝️☝️ شماره تلفن ۰۹۳۷۴۵۴۹۱۲۸

 متن کامل زیارت اربعین به شرح زیر است:  اَلسَّلامُ عَلى وَلِىِّ اللَّهِ وَحَبیبِهِ اَلسَّلامُ عَلى خَلیلِ اللَّهِ وَنَجیبِهِ اَلسَّلامُ عَلى صَفِىِّ اللَّهِ وَابْنِ صَفِیِّهِ اَلسَّلامُ عَلىَ الْحُسَیْنِ الْمَظْلُومِ الشَّهیدِ اَلسَّلامُ على اَسیرِ الْکُرُباتِ وَقَتیلِ الْعَبَراتِ اَللّهُمَّ اِنّى اَشْهَدُ اَنَّهُ وَلِیُّکَ وَابْنُ وَلِیِّکَ وَصَفِیُّکَ وَابْنُ صَفِیِّکَ الْفاَّئِزُ بِکَرامَتِکَ اَکْرَمْتَهُ بِالشَّهادَةِ وَحَبَوْتَهُ بِالسَّعادَةِ و َاَجْتَبَیْتَهُ بِطیبِ الْوِلادَةِ وَ جَعَلْتَهُ سَیِّداً مِنَ السّادَةِ وَقآئِداً مِنَ الْقادَةِ وَذآئِداً مِنْ الْذادَةِ وَاَعْطَیْتَهُ مَواریثَ الاْنْبِیاَّءِ وَجَعَلْتَهُ حُجَّةً عَلى خَلْقِکَ مِنَ الاْوْصِیاَّءِ فَاَعْذَرَ فىِ الدُّعآءِ وَمَنَحَ النُّصْحَ وَبَذَلَ مُهْجَتَهُ فیکَ لِیَسْتَنْقِذَ عِبادَکَ مِنَ الْجَهالَةِ وَحَیْرَةِ الضَّلالَةِ وَقَدْ تَوازَرَ عَلَیْهِ مَنْ غَرَّتْهُ الدُّنْیا وَباعَ حَظَّهُ بِالاْرْذَلِ الاْدْنى وَشَرى آخِرَتَهُ بِالثَّمَنِ الاْوْکَسِ وَتَغَطْرَسَ وَتَرَدّى فى هَواهُ وَاَسْخَطَکَ وَاَسْخَطَ نَبِیَّکَ وَاَطاعَ مِنْ عِبادِکَ اَهْلَ الشِّقاقِ وَالنِّفاقِ وَحَمَلَةَ الاَوْزارِ الْمُسْتَوْجِبینَ النّارَ فَجاهَدَهُمْ فیکَ صابِراً مُحْتَسِباً حَتّى سُفِکَ فى طاعَتِکَ دَمُهُ وَاسْتُبیحَ حَریمُهُ اَللّهُمَّ فَالْعَنْهُمْ لَعْناً وَبیلاً وَعَذِّبْهُمْ عَذاباً اَلیماً اَلسَّلامُ عَلَیْکَ یَابْنَ رَسُولِ اللَّهِ اَلسَّلامُ عَلَیْکَ یَابْنَ سَیِّدِ الاْوْصِیاَّءِ اَشْهَدُ اَنَّکَ اَمینُ اللهِ وَابْنُ اَمینِهِ عِشْتَ سَعیداً وَمَضَیْتَ حَمیداً وَمُتَّ فَقیداً مَظْلُوماً شَهیداً وَاَشْهَدُ اَنَّ اللَّهَ مُنْجِزٌ ما وَعَدَکَ وَمُهْلِکٌ مَنْ خَذَلَکَ وَمُعَذِّبٌ مَنْ قَتَلَکَ وَاَشْهَدُ اَنَّکَ وَفَیْتَ بِعَهْدِاللهِ وَجاهَدْتَ فى سَبیلِهِ حَتّى اَتیکَ الْیَقینُ فَلَعَنَ اللهُ مَنْ قَتَلَکَ وَلَعَنَ اللهُ مَنْ ظَلَمَکَ وَلَعَنَ اللَّهُ اُمَّةً سَمِعَتْ بِذلِکَ فَرَضِیَتْ بِهِ اَللّهُمَّ اِنّى اُشْهِدُکَ اَنّى وَلِىُّ لِمَنْ والاهُ وَعَدُوُّ لِمَنْ عاداهُ بِاَبى اَنْتَ وَاُمّى یَابْنَ رَسُولِ اللَّهِ اَشْهَدُ اَنَّکَ کُنْتَ نُوراً فىِ الاَصْلابِ الشّامِخَةِ وَالاْرْحامِ الْمُطَهَّرَةِ لَمْ تُنَجِّسْکَ الْجاهِلِیَّةُ بِاَنْجاسِها وَلَمْ تُلْبِسْکَ الْمُدْلَهِمّاتُ مِنْ ثِیابِها وَاَشْهَدُ اَنَّکَ مِنْ دَعاَّئِمِ الدّینِ وَاَرْکانِ الْمُسْلِمینَ وَمَعْقِلِ الْمُؤْمِنینَ وَاَشْهَدُ اَنَّکَ الاْمامُ الْبَرُّ التَّقِىُّ الرَّضِىُّ الزَّکِىُّ الْهادِى الْمَهْدِىُّ وَاَشْهَدُ اَنَّ الاْئِمَّةَ مِنْ وُلْدِکَ کَلِمَةُ التَّقْوى وَاَعْلامُ الْهُدى وَالْعُرْوَةُ الْوُثْقى وَالْحُجَّةُ على اَهْلِ الدُّنْیا وَاَشْهَدُ اَنّى بِکُمْ مُؤْمِنٌ وَبِاِیابِکُمْ مُوقِنٌ بِشَرایِعِ دینى وَخَواتیمِ عَمَلى وَقَلْبى لِقَلْبِکُمْ سِلْمٌ وَاَمْرى لاِمْرِکُمْ مُتَّبِعٌ وَنُصْرَتى لَکُمْ مُعَدَّةٌ حَتّى یَاْذَنَ اللَّهُ لَکُمْ فَمَعَکُمْ مَعَکُمْ لامَعَ عَدُوِّکُمْ صَلَواتُ اللهِ عَلَیْکُمْ وَعلى اَرْواحِکُمْ وَاَجْسادِکُمْ وَشاهِدِکُمْ وَغاَّئِبِکُمْ وَظاهِرِکُمْ وَباطِنِکُمْ آمینَ رَبَّ العالمین

سینه زنی اربعین سبک ::: برکشتگان کربلا اربعین آمد شعراز کربلایی آذرین خلخال عالم اولوب غرق عزا اربعین گلدی اربعین گلدی کرب و بلایه زینب دلغمین گلدی دلغمین گلدی   آزاد اولوب شاماتیدن عترت طاها قورتاردی جور و ظلمیدن زینب کبری قید اسارتدن چخوب دختر زهرا دشت بلایه الغرض چوخ حزین گلدی قرخ گوندی انصار خدا قانه غلطاندی شاه شهید کربلا قانه غلطاندی عباس دریای وفا قانه غلطاندی نعشی عباده خیمیه اکبرین گلدی قرخ گوندی تیر غم هامی دیللره دگدی داغ مصیبت مهجه حیدره دگدی تیرسه شعبه حنجر اصغره دگدی اخیامه اول دلداده آخرین گلدی قرخ گوندی قاسم طوی دوتوب قان حناسیندن هم نوعروسیندن گچوب هم آناسیندن تاب و توان آلدی بو غم آل یاسیندن گویدن بوایثاره اوگون آفرین گلدی  قرخ گوندی گلزار علی ظلمیلن سولدی باغ و چمن بوماتمه چون خزان اولدی قلب محبان بوغمه قانیلن دولدی دنیایه داغ محنت بی قرین گلدی زینب اوزین قارداشینون قبرینه سالدی سسلندی گور قارداش باجون نه حالا قالدی الدن حسین آرامیمی فرقتون آلدی آچ گوزلرین گور باجوی بی معین گلدی اهل عیالون شکر اولا سرسلامتدی قارداش منی پیر ایلین آیری محنتدی نازلی رقیوندن باجون چون خجالتدی دفن ایتدی زینب شامیده اخترین گلدی  یوخدور سالام قبر اوستونه ترمه و شالیم گیتدی اساسیم غارته دوندی احوالیم قوی قانلی کهنه کوینگی قبروه سالیم باجون اورکده محنت آتشین گلدی زائر اولار جمله سنه پیر و جوانلار قبرون اوپر کامه چاتار آزاد انسانلار درد اهلی دردینه آلار عمده درمانلار شش گوشه قبره شکرایدور "آذرین"گلدی https://eitaa.com/vodood13561012

سینه زنی اربعین برگرفته از سبکهای مرحوم حاج سلیم شعراز کربلایی آذرین خلخال آچ  گوزون گلميشم  قبروه مهمان حسينيم زينب اولسون گوزل مرقده  قربان حسينيم شش گوشه  قبرون -  دارالشفادي هر درده  قارداش - خاكون دوادي اهل  و  عيالون  - نالان  و خسته زوار     شاه  -   كرب  و  بلادي مظلوم حسين جان اي  شاه  عطشان   ايتموشم  من  وفا  قارداشيم  عهد  و  قراره قيزلارون قويماديم قانياشين توكسون عذاره غارت اولموش اساسي حسين آلديم  عدودن قانلي  پيراهنون  سرميشم  پوزقون   مزاره قبرون مطاف  - عشاق اولوبدي قلبيم غموندن  - قانه دولوبدي گلدي حرملر  - سالم تماماً شامدا رقيون - غمدن سولوبدي مظلوم حسين جان اي شاه عطشان   ساغالوب  باجووين  باشداكي محمل ياراسي عيبي يوخ قمچينون چكسه ده بيرايل ياراسي گر مني  قمچي   و  كعب ني    زاره  گتيردي داي ساغالماز حسين تا اولونجه ديل ياراسي شامدان قوتارديم - ديداره گلديم ديدار  شاه  و  -  سرداره گلديم مظلوم حسين جان اي شاه عطشان   سس ويرر هرزمان ياخشي دلدارياره قارداش چوللري گزدي  يورقون باجون آواره قارداش كوفه  و شامي قول باغلي قيزلارون دولاندي اربعين   گلديلر  باغريقان   ديداره   قارداش اي شاه  عطشان - باغريم اولوب قان دور پيشواز ايت  - بيزدن حسين جان مظلوم حسين جان اي شاه عطشان https://eitaa.com/vodood13561012 #اربعین #کربلایی_آذرین_خلخال

درد دل عاشقان حضرت اباعبدالله الحسین آرزوی کربلا گريز به اربعين (سبک : منتظرت بودم...) شعراز ::: کربلایی آذرین خلخال عشقوه یا ثارالله منده گرفتارم فخر یله درگاهونده نوکر دربارم واردی اورکده دردیم  ایله نظر مولا دربدر و مفلوکم زارم   و بیمارم عشقونده منم غمکش  و  آواره  و حیران گورسم او گوزل قبروی راحت ویررم جان ایله منی  دعوت   -  شش گوشه مزاره قویما آخا اشکیم -  حسرتله  عذاره یا ابی عبدالله (۴ ) کرب و بلا اولدوم من عشقووه  دیوانه یوخ داخی طاقت منده بیر بیله هجرانه یاده دوشنده یانام  مرقد شش گوشه آند اولا یتمیش ایکی قانینه  غلطانه عشقونده منم  غمکش  و  آواره  و حیران گورسم او  گوزل قبروی راحت ویررم جان ایله منی دعوت   -  شش گوشه  مزاره قویما آخا اشکیم    -  حسرتله  عذاره یا ابی عبدالله (۴ ) اربعین اولدی ماتم سینه لری دلدی کرب و بلایه زینب  زار  و حزین گلدی یدی قدم قالاندا دوشدی یوزی اوسته سالدی اوزین قبر اوسته خاطری دینجلدی سسلندی حسین گوزلرون  آچ  زار و  ملولم گورسون تانمازسان باجووی دخت بتولم هانسی غمی  قارداش -  اول  ایلیوم فاش سس ویربوحزینه -  آی غم گونی یولداش یا ابی عبدالله (۴ ) اهل  و  عیالون  گلدی سالم و غمدیده منده سنه زوارم حزین و دلخسته ئولدی رقیون قالدی شامیده آی قارداش ایتدی بو غمده سندن زینبی شرمنده سالدی بالانون ئولمگی شاماتیده طوفان قالدی او بالا کاخ یزیدی ایده ویران خیردا  گوزی سوزدی -  اولدوز کیمی  باتدی باشون  قوجاقیندا  - آمالینه  چاتدی یا ابی عبدالله (۴ ) https://eitaa.com/vodood13561012 لینک اشعار حقیر #اربعین #کربلایی_آذرین_خلخال

🎥 #فایل_ویدیویی #مداحی #جلسه_هفتگی هیئت موسی بن جعفر (ع) شهرک وحدت #کربلایی_آذرین 📆 پنجشنبه ۷ شهریور ۱۴۰۲ 🔷جهت اطلاع از مراسمات و دریافت کلیپ های مداحیتان در کانال هیئت موسی بن جعفر (ع) عضو شوید👇👇 https://eitaa.com/joinchat/1410728219C91854598af

یاحسین (ع) اربعین سبک::: می گذرد کاروان شعراز : کربلایی آذرین خلخال زینبوام اولموشام من سنه مهمان حسین قلبی یارالی باجون قبروه قربان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین کوفه و شاماتی من باشدا یارا گزمیشم زندگیدن سنسیز ای جان الیمی اوزموشم گوهر اشکیم کیمی صبح و مسا سوزموشم تایتشوب اربعین آخره پیمان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین جور و جفادن باجون آه و نوایه گلوب باشه یتوب نهضتی بزم عزایه گلوب جذبه عشقون چکوب کرب و بلایه گلوب تربت پاکون اولار دردیمه درمان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین قرخ گون اولار عترتون واله و سرگشته دی کوچه به کوچه گزوب شهرلری خسته دی رنگی سولان قیزلارون غملی مزار اوسته دی قبروه یورقون قطارگلدی پریشان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین قرخ گون اولار اصغرین غملی رباب آختارور طفل لبن خواره سین قلبی کباب آختارور هاردا یاتوبدی علی ایندی جواب آختارور داغ علی اصغره قلبی اولوب قان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین قرخ گون اولار اکبرین غمزده لیلا گزور چوللری مجنون کیمی واله و شیدا گزور نیزه ده باشین گوروب جیسمینی گویاگزور مدفنی پایین پا اولموش او قربان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین اهل حرم من کیمی گرچه سلامت گلوب ایلیه شش گوشوی هامی زیارت گلوب اولدی رقیون باجون ایندی خجالت گلوب شامی وطن ایلدی دختر نالان حسین ای منیم دلبریم آچ گوزون همدمیم یاوریم آچ گوزون یاحسین یاحسین یاحسین سروده شده بتاریخ ۱۴۰۱/۰۶/۰۹ https://eitaa.com/vodood13561012 #اربعین #کربلایی_آذرین_خلخال

یاحسین(ع) حب الحسین یجمعنا شعراز کربلایی آذرین خلخال باشه چاتوب حسین من غصه یتیشدی اربعین گوزلرون آچ باجون گلوب قبروه زار و دلغمین زینب زار و خسته ام قید بلایه بسته ام دور منی پیشواز ایله گورنجه دلشکسته ام ای مه انوریم اویان ..... غملی برادریم اویان جور و جفادن اینجیوب آه و نوایه گلمیشم باشه چاتوبدی نهضتیم بزم عزایه گلمیشم قسمت اولوب زیارتون کرب و بلایه گلمیشم دشت بلایه قیزلارون دا منیلن گلوب حزین قرخ گون اولار کمکلرون جمله سی قانه باتدیلار اکبر و قاسم عالمین داشینی باشدان آتدیلار شمر و سنان و حرمله دینی مقامه ساتدیلار اوخلادی خصم بی حیا خیردا بوغازین اصغرین قرخ گون اولار عروسینون دیده سی تر دی قاسمین دوندی عزایه تویلاری زوج سلیل هاشمین دور ایاقا اوزون اخا دوت بولارین مراسمین صبرینه بو عروسوون سویله اورکدن آفرین قرخ گون اولار سوآلماقا علقمه گیتدی قارداشون آلدی فراتی تشنه لب دوره لیوب ولی قشون سالدیلا اوردا قولارین گوزدن آخوبدی گوزیاشون باشینون اوسته بلده ال گیتدون عزیزعالمین قرخ گون اولار سو یولارین کوفه نین اهلی باغلادی اصغرین آه و ناله سی قلب جهانی داغلادی سو یرینه بوغازینی خصم ستمگر اوخلادی اوچ پراوخا نشان ایدیب ظلم الی تشنه حنجرین قبروه درد و غصه دن قلبی سینان گتورمیشم قارداش اولن باجیلاری غرق فغان گتورمیشم هم آتاسیز اوشاقلاری سینه زنان گتورمیشم جمله بنات حیدری قبروه گتدیم ای حسین هیچ دیمورم غبار غم زلفلریمه النمدی واردی خجالتیم حسین کیمسه بونی بیلنمدی قالدی رقیه شامیده مرقدوه گلنمدی اولدی آجیندان عاشق زار وحزین و مه جبین ای گل باغ مرتضی دردیمیزه دوا ایله جمله حسینچی ملتین حاجتینی روا ایله چوخدی مریض و بینوا هاموسینی دعا ایله درگهوه گلوب سنون گوزلری یاشلی (آذرین) سروده شده به تاریخ۱۴۰۲/۰۶/۱۰ https://eitaa.com/vodood13561012 #اربعین #کربلایی_آذرین_خلخال سبک👇👇👇👇👇👇

سبک شعر بالا👆👆👆👆👆

سبک نوحه اربعین باآهنگ می گذرد کاروان با صدای مداح جوان وبا استعداد کربلایی مجتبی عباسی👆👆👆👆👆

یاحسین(ع) نوحه اربعین سبک:یاامام زمان شیعه ده احساسه باخ شعراز کربلایی آذرین خلخال یاحسین قبروه دلده فغان گلمیشم آچ گوزون قیل نظرناله کنان گلمیشم باغریقان زینبم////غرق تاب و تبم جان حسین جان۴ گزمیشم چوللری بحرغمه باتمیشام گوزلریم یاشینه خون دلی قاتمیشام عاقبت قدی خم مرقدوه چاتمیشام ایتموشم دردیمی دلده نهان گلمیشم هجر اودیندا یانوب دلده نوا ساخلادیم قانلی پیراهنون درده دوا ساخلادیم هرگجه من سنه بزم عزا ساخلادیم اولمدیم عاقبت سینه زنان گلمیشم راه عشقونده من چوخلی بلا گورمیشم کوفه و شامیده جور و جفاگورمیشم قرخ گونین هرگونین کرب و بلا گورمیشم ایلیم دردیمی سنله بیان گلمیشم خصم ملعونیدن پیرهنون آلمیشام قبرون اوسته اونی اشک فشان سالمیشام آچ گوزون باخ حسین گور نه گونه قالمیشام قالمیوب جسمیمه تاب و توان گلمیشم قبروه گلدیلر جمله اسیر بلا اهل عیالون گلوب هاموسی غرق نوا اولدی ویرانه ده قالدی رقیون اخا منده شرمنده و اشکی روان گلمیشم ایندیدن نذر ایدور دلده نوا (آذرین) حق اوزی لطف ایده تاگلن ایل اربعین مرقد پاکوه زائر اولا دلغمین دیه آچ گوزلرون شاه جهان گلمیشم سروده شده به تاریخ۱۴۰۲/۰۶/۱۳ https://eitaa.com/vodood13561012

🏴وداع از کربلا... بعداز اربعین 🎼سبک:: می گذرد کاروان ✍شعراز::: کربلایی آذرین خلخال قبروی ترک ایلیوب غصه لی موکب گیدور دور یولا سال یثربه غمزده زینب گیدور غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳ آیریلیق هنگامیدی آزمنی آغلات حسین اصغری باس باغروا زینبوی آت حسین قبریده آهوباخیش اکبریلن یات حسین غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳ یثربه عزم ایلورم راه وفاده قالام بیکس آنام قبرینی بیرده قوجاقه آلام قانه باتان کوینگون قبرینون اوسته سالام غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳ قلبیمی قارداش دیمه تیرغمه بولمرم ناله و افغانیدن عمریده دینجلمرم قبروه بیللم حسین دای اولرم گلمرم غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳ قبروه پیر و جوان شوقیله هر اربعین عشقیله زائر اولار پای پیاده حزین دعوت ایله قبروه بیرده گله( آذرین) غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳

کربلایی ودود آذرین خلخال: كریم اهل بیت  امام حسن مجتبی (ع) 🔹فارسی ای نـگار حضـــرت حــیدر گل بستان حسن روشـنای قــلـــب پیغمــبر یم احسان حسن یا كریم  اهل بیت /// یا حسن جانم حسن سبط اکبر جان حیدر  ؛ زاده خــیـرالنسا امتـــداد ســـوره كـــوثر شه خوبان حسن فخـر مي كـردي همـيشه زين مقام  و منسبت فاطمه باشد  تو را مـادر ؛ عـزيـز جان حسن تـو كـريم اهـل بيتـي ؛ آيت عـشـق و وفا خصم خونخوارت شده ابتر؛ همـه دوران حسن صلــح  تـو  شـد  مـطلع  فجر  قيام  كـربلا بـر كريمان جهان  رهبـر ؛ يم ايمان حسن فتـنـه جنـگ جمل با دست تو  در هم شكست در همـه مـيدان مظفـّر ؛ فاتح ميـدان حسن دردمنـد و بـيـكس و آواره آيــد  بر درت چون دوا خواهـد ازين در ؛ ديده گريان حسن كـي زنـي تـو دست رد بر سينه درماندگان بـركـريـمان مير و  سرور ؛ آيت يزدان حسن  (آذرين) بـر آسـتانت  ديده  سايد روز و شب تا بنوشد جرعه اي از ساغر احسـان حسن 🔹ترکی و گریز به قتلگاه افــتـــخار ايــله جهاندا بو مـقام و منسبه فاطــمه اولمــوش سنه مادرعزيز جان حسن سـن كـريــم اهل بيت و معدن اخلاصيدون خصمــون الله ايلدي ابتر هامي دوران حسن سن ویروبسن فیصله جنگ جمل غوغاسینه خانه  کبر ونفاقی ایلدون ویران حسن دردي اولسا هركسـين دنياده سســلر آدوي سندن ایستر درده درمان دیده گريان ؛حسن سن کرامت کشورینده مقتدربیر شاهیدون سفره احسانووه شاه و گدا مهمان حسن سائل و درمانده ني سن دست خالي قويمادون اولموسـان دنيايه سرور آيت يزدان حسن دوستلارون دایوخ وفا دشمنلرونده کینه جو دوروی خالی ایدوبدی جمله ی یاران حسن سن صلاح دینه خاطر صلحی قبول ایلدون یوخسا سندن باج آلانمزدشمن نادان حسن ايستورم بیر مطلبی عنوان ایدم دیللر یانا سن نجه مظلومیدون ای ناطق قران حسن اوز اوینده محرمون حتی سنه رحم ايتمدي زهريلن جعده  ایدوب اکبادوی القان حسن کوزه دن سوایچدون اما اود دوتوب اعضالرون سسلدون زینب یتیش اولدی اورک شان شان حسن ظلمیله ویردی باجی زهرجفا اوز محرمیم گیت چاغیر گلسین حسینی دردیمه درمان حسن آخرین لحظه اورک دردین دیوم قارداشیما بیلسون اولدی حق یولوندا هدیه جانان حسن باشیمی آلسین دیزاوسته بلکه راحت جان ویریم گلمسه مشکل ویره جان بیکس و نالان حسن سن اولنده باشون اوسته گلدی قارداشون حسین وای او دمدن کی شهید اولدی شه عطشان حسن باشی اوسته گیت گل ایلوب داش آتان نیزه ویران نقدر بی رحمیدی اول فرقه عدوان حسن سایسیز اولدوزلارساییندا یاره دگدی جیسمینه داغ اکبر اوسته دگموشدی سه پر پیکان حسن یدی ضربتله کسوب شمرستمگر باشینی قدسیان نالان اولوب اولدی جهان ویران حسن اللری باشدا گلوب زینب اوقانلی مقتله بیلمورم آلدی اودم قارداش سسین هاردان حسن داشلاری ردایلدی آلدی قوجاقه نعشینی فرصت اولمادی دویونجان ایلسون افغان حسن بیرفقط سسلندی اللرده اولن مظلوم حسین گورهارا چکدی گریز روضه بیرهاردان حسن (آذرين) درگاهووه هرگون دوشور صد آهيله نااميد ايتمه اوني ايت لطفووي ارزان حسن https://telegram.me/navaye_azarin یاامام حسن(ع) شعراز:::کربلایی ودود آذرین خلخال سوال و جواب سوال👇👇👇 باجون اولسون سنی کیم سالدی بیله احواله جیگرون پارچالانوب لخته نوب قارداش حسن گویروب گل بدنون رعشه دوشوب پیکروه باشیما گرده ماتم النوب قارداش حسن جواب👇👇👇 بویوروبدی باجی جان جعده یخوبدی ایویمی عطشیدیم سویی ایچدیم جیگریم اودلاندی زهرکین دوغرادی اکبادیمی یاندیم باجی جان ظلمیله خانه عترت بوگجه تالاندی سوال👇👇👇 دیدی قربانون اولوم  ای شرف اهل یقین اوز اوینده نه سببدن بیله مظلوم اولدون آغلیوب باشه ویرام عمربویی کمدی سنه محرمون قاتلون اولدی ایله مغموم اولدون جواب👇👇👇👇 بویوروبدی باجی زینب منه چوخ آغلاما سن گوهر چشموی قوی یوم بلاده توکه سن هله زینب سنیله واردی حسینون چوخ ایشی ساخلا گوزیاشلاروی کرب و بلاده توکه سن

حضرت امام رضا علیه السلام ✍ زبدة الاشعار ✍ 🆔: @nohe_torki ودود آذرین خلخال سبک 1⃣ :ای قلم سوزلرینده اثر یوخ سبک 2⃣ :ای مجاهد شهید مطهر سبک 3⃣ :کاروان رفته منزل به منزل درگهونده گدايم رضاجان سائلم بي نوايم رضاجان سن هامي خلقه ايتدون كرامت منده بير آشنايم رضاجان اي رضا اي رضا اي رضاجان روحیوه   شيعه لر  جاني  قربان 🆔: @nohe_torki اي پناه دل بي پناهان اي ولي نعمت ملك ايران دعوت ايله گليم پاي بوسه بلكه درديم تاپا اوردا درمان اي رضا اي رضا اي رضاجان روحیوه   شيعه لر  جاني  قربان 🆔: @nohe_torki باخ بيزه اي خراسان اميري فضلوون يوخدي والله نظيري بيرسنه تيكميشم گوزرضاجان اولموشام منده عشقون اسيري اي رضا اي رضا اي رضاجان روحیوه   شيعه لر  جاني  قربان 🆔: @nohe_torki سن   گل   گلشن  مصطفاسن هشتمين     كوكب    اولياسن سنله  معنا   تاپوپدي  كرامت چاره     مردم     بي نواسن اي رضا اي رضا اي رضاجان روحیوه   شيعه لر  جاني  قربان 🆔: @nohe_torki قويما بوقلبي يارسين جهالت ايتمه بو غم اسيرين خجالت حاليمه رحمتون شامل ايله سنكي آهوني ايتدون ضمانت اي رضا اي رضا اي رضاجان روحیوه   شيعه لر  جاني  قربان 🆔: @nohe_torki ميزبانسان آقا خوب و زشته هجروه ديل اولوب رشته رشته ويرمرم آند اولا ذوالجلاله صحنووي صحن باغ بهشته اي رضا اي رضا اي رضاجان روحیوه   شيعه لر  جاني  قربان 🆔: @nohe_torki اي دوتان عرش وفرشي صفاسي مشهدين   وار   بهشتي   هواسي دعوت     ايله   گليم   پاي بوسه سنده دي  هامي  دردين  دواسي اي رضا اي رضا اي رضاجان روحیوه   شيعه لر  جاني  قربان 🆔: @nohe_torki سينمي   درد  و  محنت  آلوبدي نوكرون   اوزگه  حاله  قالوبدي صورتين ايسلادوب گوزياشيلان ياده    باب الجوادي    سالوبدي اي رضا اي رضا اي رضاجان روحیوه   شيعه لر  جاني  قربان 🆔: @nohe_torki دعوت ايله مني پاي بوسه تا گله (آذرين)سمت توسه كربلانين جوازين قيل امضا تا ويرام مرقد شاهه  بوسه اي رضا اي رضا اي رضاجان روحیوه   شيعه لر  جاني  قربان سبک مشابه ⬇️⬇️⬇️ #رضویه_زبدةالاشعار ✍ زبدة الاشعار ✍ 🆔: @nohe_torki

یاامام رضا (ع) سبک شعراز ::: کربلایی آذرین خلخال ای شه ملک خراسان یارضاجان ای بهار عشق و ایمان یارضاجان ای ولی نعمت ایران یا رضا جان شه خوبان دردیمه درمان آیت یزدان رضاجان یم احسان شاه انس و جان خسروخوبان رضاجان سن آقا آیینه جود و کرم سن مردم دنیا یانندا محترم سن افتخار ملک اقلیم عجم سن مه انور خسرو خاور زاده حیدر رضاجان یم کوثر نازنین دلبر سید و سرور رضاجان ظلمت قلبه آقا نور و ضیاسن ناامید انسانلارا باب رجاسن درد بی درمانلارا عمده دواسن شه خوبان دردیمه درمان آیت یزدان رضاجان یم احسان شاه انس و جان خسروخوبان رضاجان خوب و زشته سن آقا اسکان ویررسن چاره سیز انسانلارا درمان ویررسن جسم بی روحه رضاسن جان ویررسن شه خوبان دردیمه درمان آیت یزدان رضاجان یم احسان شاه انس و جان خسروخوبان رضاجان شاهسن من درگهونده بیرگدایم گلمیشم درگاهوه غرق نوایم لطف ایله زهرایه خاطر بینوایم شه خوبان دردیمه درمان آیت یزدان رضاجان یم احسان شاه انس و جان خسروخوبان رضاجان بارگاهونده باخوب گوردوم جنانی کعبه تک طوف ایلدیم صحن و سرانی سنده امضا ایت برات کربلانی شه خوبان دردیمه درمان آیت یزدان رضاجان یم احسان شاه انس و جان خسروخوبان رضاجان وای اوگوندن کی سنه ظلم اولدی آنی زهریله مسموم ایدوب مامون جانی گتدی افغانه فراقون عرشیانی جگریاندی ظلم دشمندن عرشه قوزاندی سوزآهون قرا یللر طوسیده اسدی کاخ ظلم اولدی قتلگاهون ماتمونده شیعه لر غرق نوادی آخرین دم سسلدون اوغلون جوادی بوگجه مشهدسنه کرب و بلادی جگریاندی ظلم دشمندن عرشه قوزاندی سوزآهون قرا یللر طوسیده اسدی کاخ ظلم اولدی قتلگاهون ((رضاجانم رضاجانم رضاجانم ای رضاجان)) ۱۴۰۱/۰۷/۰۴

امام رضا (ع) سينه زني   ----  امام رضا(ع) شعر: كربلايي آذرين اي شاه ملك ارتضا ..... اي رضا جانم اي رضا جانم(2) پور علي المرتضي ..... اي رضا جانم اي رضا جانم(2) اي هشتمين شمس ولا /// آدوا قربان آدوا قربان اي ارض طوسي مفتخر/// ايلين سلطان آدوا قربان اي جلوه سي شمس الشموس/// آيت يزدان آدوا قربان اي مهر و ماهه انجلا .... اي رضا جانم اي رضا جانم(2) بوشيعه لر اولسون سنون // قبروه قربان قبروه قربان اي زاده خيرالنسا // خسرو خوبان خسرو خوبان ايله بوجمعين دردينه // بوگيجه درمان بوگيجه درمان آيينه ايزد نما ..... اي رضا جانم اي رضا جانم(2) اولموش سنون ذكر لبون // ياحق و ياهو ياحق و ياهو گورسه سني حيران قالار // يوسف مه رو يوسف مه رو ايله ضمانت شيعه ني // ضامن آهو ضامن آهو اي حجت اهل ولا .... اي رضا جانم اي رضا جانم(2) سنسن ولي نعمت بوتون // خلق ايرانه خلق ايرانه ويردون شرف دنيا بويي /// سن خراسانه سن خراسانه اولسون فدا عاشقلرون /// بيله سلطانه بيله سلطانه سنسن هامي درده دوا .... اي رضا جانم اي رضا جانم(2) زهر جفادن گول كيمي // اولموسان پرپر اولموسان پرپر غربت وطنده يوخ سنه //  بير نفر ياور بير نفر ياور جنتده حتي باش آچوب //آغليور حيدر آغليور حيدر زهرا اولوب غرق عزا .... اي رضا جانم اي رضا جانم(2) گلدي جواداوغلون آقا // وصل دلداره  قالمادون حسرت باشون آلوب آغوشينه // توكدي گوزياشين ماه خوش طينت جدون حسينه آغلادون // سن قوري يرده جان ويرن ساعت اولدي خراسان كربلا ..... اي رضا جانم اي رضا جانم(2) https://telegram.me/navaye_azarin

یارسول الله 🌑🌑🌑🌑🌑🌑🌑🌑 احوالات خانم فاطمه زهرا(س)در رثای ختم المرسلین شعراز:کربلایی ودود آذرین خلخال ترک ایدوب دنیانی گیتدون دار عقبایه بابا اولدی زندان فانی دنیا غملی زهرایه بابا خاتم پیغمبران سان حجت خلاق سن نازل ایلوبدی سنه حق سوره و آیه بابا رحمتوندن خلق عالم بهره مند اولدی سنون سالمیشیدی نخل عشقون عالمه سایه بابا ییرمی اوچ ایل دین اسلامی جهانگیر ایلدون صادر ایتدون دین حقی کل دنیایه بابا حیف اولا بیلمز دنی دشمن سنون اجلالوی تز گیدر الدن گرانمایه بو سرمایه بابا اول مبارک گوزلری یومدون من اولدوم خونجگر دوندی اشک دیدگانیم بیرده دریایه بابا من داخی سندن صورا دنیاده خوش گون گورمرم آغلاماقی چوخ گورر هجرونده همسایه بابا یثربی منده غموندن بیت الاحزان ایلرم چون دوشر باشیم سنون هجرونده غوغایه بابا سن هله دفن اولمامیشدون فتنه شیخین ایلدی شورایدوبلر مخفیانه ضدمولایه بابا هم غدیرخم چخوب یاددان هم اشرار دنی باخمیوبلار جمله من کنت مولایه بابا غصب اولوب تخت خلافت حیدراولدی منزوی غرق اولوب کشتی دین طوفانلی دریایه بابا آغلارام صبح و مسا مظلوم علینون حالینه شکوه قیلام خلق الیندن حق یکتایه بابا https://telegram.me/navaye_azarin

( آذرین) سرمایه عشقی حسینیمدور فقط زایل اولماز هرایکی دنیا بو سرمایه بابا

سبک: خداحافظ ای آنام باجی … سن آغلوسان من دوزنمورم … شیرین سوزوم آیدین اولدوزوم … . . ودود آذرین خلخال . . ندن سویله قارداش حسن ؛ گول کیمی سولوب رنگون باجون زینب قلبینی بیله ؛ یاندیرور غم آهنگون گوزون یوموبسان بودهریدن ؛ قاندی گوزیاشیم ایوای توکولدی تشته جگرلرون ؛ غملی قارداشیم ایوای مهربان حسن ایوای باغریقان حسن ایوای . . . . . . گیجه گوندوز قان اولوب اورگ ؛ زحمتون اولوب زایل سالوبلا باشون بلالره ؛ اهل کینه و باطل ویروب سنه زهری کوزه دن ؛ جعده ی جفا گستر ایوینده حتی غریبیدون ؛ محرمون اولوب قاتل گوزون یوموبسان بودهریدن ؛ قاندی گوزیاشیم ایوای توکولدی تشته جگرلرون ؛ غملی قارداشیم ایوای مهربان حسن ایوای باغریقان حسن ایوای . . . . . . ایشیتشه بو محنتی حسین ؛ سینه داغلیوب آغلار توکر قانیاش گل عذارینه ؛ قلب عالمی داغلار بو حالدا قارداش دوزر مگر ؛ قارداشین گوره دلخون مصیبتدن قان اولار دریا ؛ سو اولار بوتون داغلار گوزون یوموبسان بودهریدن ؛ قاندی گوزیاشیم ایوای توکولدی تشته جگرلرون ؛ غملی قارداشیم ایوای مهربان حسن ایوای باغریقان حسن ایوای . . . . . . غریب و بیکس سن آی قارداش ؛ یوخدی سنله هم پیمان دوشوبسن بیر درده واللهی ؛ یوخدی دردوه درمان باجون زینب هر غمه دوزسه ؛ بو غمونده دای دوزمز ستمله تابوتون اوخلالا ؛ دشمنان بی ایمان گوزون یوموبسان بودهریدن ؛ قاندی گوزیاشیم ایوای توکولدی تشته جگرلرون ؛ غملی قارداشیم ایوای مهربان حسن ایوای باغریقان حسن ایوای

🎥 #فایل_ویدیویی #مداحی #جلسه_هفتگی هیئت یا مهدی (عج) #شاعر_کربلایی_آذرین 📆 جمعه ۲۴ شهریور ۱۴۰۲ 🔷جهت اطلاع از مراسمات و دریافت کلیپ های مداحیتان در کانال هیئت یا مهدی(عج) عضو شوید👇👇 @heyate_yamahdi

✅️دعای خروج از ماه صفر فراموش نشه؛همه را دعا کنید @sepah_Qoods اخبار سپاه قدس🔰

🏴وداع از کربلا... بعداز اربعین 🎼سبک:: می گذرد کاروان ✍شعراز::: کربلایی آذرین خلخال قبروی ترک ایلیوب غصه لی موکب گیدور دور یولا سال یثربه غمزده زینب گیدور غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳ آیریلیق هنگامیدی آزمنی آغلات حسین اصغری باس باغروا زینبوی آت حسین قبریده آهوباخیش اکبریلن یات حسین غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳ یثربه عزم ایلورم راه وفاده قالام بیکس آنام قبرینی بیرده قوجاقه آلام قانه باتان کوینگون قبرینون اوسته سالام غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳ قلبیمی قارداش دیمه تیرغمه بولمرم ناله و افغانیدن عمریده دینجلمرم قبروه بیللم حسین دای اولرم گلمرم غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳ قبروه پیر و جوان شوقیله هر اربعین عشقیله زائر اولار پای پیاده حزین دعوت ایله قبروه بیرده گله( آذرین) غم رختین قارداش من سویمادیم آغلادیم قبروندن دویمادیم یاحسین یاحسین یاحسین۳