یامهدی(عج) سرود امامت مهدی صاحب زمان(عج) شعراز کربلایی آذرین خلخال 🍀🍀🍀🍀🍀🍀🍀🍀🍀 البشارت یتیشدی فصل عشق و عنایت گل نرگس قویوبدی باشا تاج امامت دولدی شادلیق دوباره صحن و باغ جنانه تبریک اولسون ولایت آقا صاحب زمانه (گل زهرادی مهدی ... چوخ دل آرادی مهدی گل تماشایه یوسف ...گورنه زیبادی مهدی)۴ اوخویور بلبل عشق آچدی گلشنده گللر ایلیوبدور مصفا سامرانی بو رهبر حسن عسکرینون گوزل اوغلی بوگوندن امر حقدن اولوبدی عالمه میر و سرور (گل زهرادی مهدی ... چوخ دل آرادی مهدی گل تماشایه یوسف ...گورنه زیبادی مهدی)۴ گل آقا نورحقدن عالمی روشن ایله گول یوزوندن کویر عالمی گلشن ایله ذوالفقار علینی چک بلوندن اماندی دشمنی نابود ایله دنیانی ایمن ایله (گل زهرادی مهدی ... چوخ دل آرادی مهدی گل تماشایه یوسف ...گورنه زیبادی مهدی)۴ ۱۴۰۲/۰۷/۰۴ https://eitaa.com/vodood13561012

میلادیه - يا مصطفي(ص) در آهنگ :از صلابت ارتش و .... خوش گلوبسن ای خاتم مرسلین - جهانه سن نور وحدتی پخش ایدوبسن بوتون - زمانه سن ای حبیب حق عزیز کل ماسوا گل گلن قدملروه بیز اولاخ فدا يا مصطفي - رسول حق - يا مصطفي جانلار فدا  -   سنه اولا - يا مصطفي ای عدالتی برقرار ایدن ظلم و ظالمی برکنارایدن سن گلنده باغدا بلبل اولدی نغمه خوان عطروه سنون بوروندی باغ و گلستان يا مصطفي - رسول حق - يا مصطفي جانلار فدا  -   سنه اولا - يا مصطفي اي ديانتي ئورگدن عشقيلن - خلايقه تبديل  ايلين كينه  و نخوتي - علايقه سن رسول عشق و نور و مهرباني سن خلقتين  گونشلي  شانلي گلسِتاني سن يا مصطفي - رسول حق - يا مصطفي جانلار فدا   -  سنه اولا - يا مصطفي بتلاری بوگون سیندران گلوب پرچمین جهاندا ویران گلوب میلادون اولا مبارک هامی عالمه سنله محنت زمانه تاپدی خاتمه يا مصطفي - رسول حق - يا مصطفي جانلار فدا   -  سنه اولا - يا مصطفی سن اورکلرین هر زماندا آقا . صفاسی سان بینوالرین دلده کی دردینون . دواسی سان ویرمریضلرین بوگونده سن شفاسینی ویر بو مجلسین برات کربلاسینی يا مصطفي - رسول حق - يا مصطفي جانلار فدا   -  سنه اولا - يا مصطفی سن خلایقین افتخاری سان مرتضی علینون نگاری سان منتخب اوزون اولاندا سرور جهان فاطمه قیزون اولوبدی سرور زنان يا مصطفي - رسول حق - يا مصطفي جانلار فدا   -  سنه اولا - يا مصطفی https://telegram.me/navaye_azarin

غزل ميلاد پيامبر اكرم(ص) اولوب عالم چراغاني گلوب دنيايه پيغمبر گتوردي شوقه دنياني گلوب دنيايه پيغمبر دينن ساقي گتورسون باده عشق و مسرتدن خبر ايتسون گلستاني گلوب دنيايه پيغمبر گويه يردن اوجالدي مرحبا صوتي ملائكلر بزيوب عرش اعلاني گلوب دنيايه پيغمبر گلستاندا آچوب گللر اوخور شوقيله بلبللر ايدور قمري غزلخواني گلوب دنيايه پيغمبر فضاي عرش و فرشي عطر و بوي مصطفي دوتموش گيجه ده اولدي نوراني گلوب دنيايه پيغمبر بومولودين قدوميندن اولوبدي لطف حق شامل گلوبدي لطف رحماني گلوب دنيايه پيغمبر ربيع الاولون اون يديسي دي سال عام الفيل گوز آچدي رحمتين كاني گلوب دنيايه پيغمبر ير اهليندن علاوه گويلر اهلي بو مسلمدي سويللر چوخ بو جاناني گلوب دنيايه پيغمبر بناي جهل ويران اولدي گلدي منجي عالم گيدوبدي جهل وناداني گلوب دنيايه پيغمبر قدم چون قويدي ملك هستيه احمد رسول الله دوتوبدي نوري هرياني گلوب دنيايه پيغمبر تمام دردمندانون گلوبدي دردينه درمان تاپوبدي جسملر جاني گلوب دنيايه پيغمبر اولوب درياچه ساوه سودان خالي ولي برعكس سماوه اولدي عماني گلوب دنيايه پيغمبر اولوبدي فارس دا آتشكده خاموش بالمره بيلوب دنيا بوجرياني گلوب دنيايه پيغمبر بوني بيل(آذرين)يازسون كمالات پيمبردن يازانماز قطره درياني گلوب دنيايه پيغمبر https://telegram.me/navaye_azarin

سرود میلاد پیغمبر رحمت (ص)و امام جعفرصادق(ع) شعراز :::کربلایی ودود آذرین خلخال ❤️درآهنگ : آذری فولکلور معروف 💦پیغمبراعظم(ص) ترکی👇👇👇👇 🌈خبرویرون عاشقانه  گلیب جهانه محمد(ص) سالوبدی لطفیله نورین پیرو جوانه محمد(ص) بومولودین خوش قدمی جهانیانه مبارک جدی پیمبرگلوبدی صاحب زمانه مبارک بو شانلی بایرام مبارک۴ 🌈گلدی جهالت پوزولسون ریشه خفت یولونسون عزت دنیا و اخری امته مبنا قویولسون بومولودین خوش قدمی جهانیانه مبارک جدی پیمبرگلوبدی صاحب زمانه مبارک بو شانلی بایرام مبارک۴ فارسی👇👇👇👇 🌈بشارت ای اهل عالم ، محنت و ظلمت سر آمد نور خدا پرتو افکند ، آمده مولا و سرمد رحمت للعالمین است جلوه حق المبین است مخزن الاسراردین است ماه رخ و مه جبین است میرجنانی محمد روح و روانی محمد مقدم احمدمبارک.... نور محمد مبارک۲ 🌈آمده در مزرع دل بذر محبت بکارد آمده از ابر رحمت برسر عالم ببارد آمده بر زخم قلب غمزده مرحم گذارد آمده برصفحه دل نقش خدایی نگارد میرجنانی محمد روح و روانی محمد مقدم احمدمبارک.... نور محمد مبارک۲ 🌈آمده درظلمت شب پرتو ایمان فشاند آمده بتخانه ها با تبر حق تکاند آمده در کل عالم پرچم قرآن نشاند آمده اسرار حق را درهمه عالم نماید میرجنانی محمد روح و روانی محمد مقدم احمدمبارک.... نور محمد مبارک۲ 💦امام صادق (ع) ترکی👇👇👇👇👇 🌈عشق اهلی گلسین صدایه رئیس مذهب گلوبدی چون آسمان ولایه بیرشانلی کوکب گلوبدی شیعه گوزی روشن اولسون قلبیلره شادی دولسون بحق حی تبارک اولسین قدومی مبارک خوش گلوبسن گل احمد صادق آل محمد(ص) 🌈گلدی گل باغ حیدر عالم آل پیمبر فلسفه و جبروطبی ایلدی تدریس او رهبر شیعه گوزی روشن اولسون قلبیلره شادی دولسون بحق حی تبارک اولسون قدومی مبارک خوش گلوبسن گل احمد صادق آل محمد(ص) https://telegram.me/navaye_azarin

🍀🍀🍀🍀🍀میلادیه حضرت محمد(ص) و امام صادق(ع) شعراز:کربلایی ودود آذرین خلخال گلوبدی عید فرخنده بشارت اهل ایمانه خلایق دردی بالمره یتوبدی جمله درمانه نمایان شرق واحد دن ایکی خورشید اولوب تابان ایدوبلر پرتو افشانی ایکی یاندان ایکی جانان بیری صادق بیری احمد بیری سرور بیری سرمد بیری بنیانگر مکتب بیریسی رهبر مذهب ((ویروبلر یرگویه الله ایکی مولود چوخ برکات بو ایکی نور رحمانه اورکدن گوندرون صلوات))۴ 🍀🍀🍀🍀🍀🍀🍀🍀 بیری نور نبوتدن ایدوب عالملری روشن بیری نور ولایتدن ایدوب دنیایوزون گلشن بیری فخر خلایقدی باشیندا تاج لولاکی بیریسی قال صادقدن گتوردی وجده افلاکی بیری دلدار حیدردی بیری آیات کوثردی بیری بابادی زهرایه بیری دنیایه پیرایه ((ویروبلر یرگویه الله ایکی مولود چوخ برکات بو ایکی نور رحمانه اورکدن گوندرون صلوات))۴ 🍀🍀🍀🍀🍀🍀🍀🍀 بیری عصرجهالتده درخشان ماه رخشنده بیری تفسیر قرآندا بهین استاد ارزنده بیری دریای رحمتدی بیری پرارج و قیمتدی بیری کان محبتدی بیری راه سعادتدی بیری معنای عزتدی بیری تفسیر وحدتدی بیری ماه درخشاندی بیری مهر فروزاندی بیری سالار و سروردی بیری دنیایه رهبردی ((ویروبلر یرگویه الله ایکی مولود چوخ برکات بو ایکی نور رحمانه اورکدن گوندرون صلوات))۴ 🍀🍀🍀🍀🍀🍀🍀🍀🍀 منیم قلبیمده بالمره جوشور عشق رسول الله مطیع مکتب عشق امام صادقم والله علی مولای عشقیمدی اودور خلقه ولی الله ولیکن چوخ صفا ویرمیش بوقلبه عشق ثارالله حسین مولای عشقیمدی حسین صهبای عشقیمدی حسین دریای عشقیمدی یوزی سیمای عشقیمدی حسین دنیایه سروردی حسین زهرایه دلبردی حسین گلزار حیدرده گل زیبای عشقیمدی حسین دریای احسان دی حسین معنای قرآن دی حسین منجی انسان دی حسین هم جسم و هم جان دی حسین هردرده درمان دی حسین شاه شهیدان دی بویوک بیرآرزوم واردی وارام ثابت بونیتده حسینه مدح ایدن وقته چیخا جانیم بوهیئتده "موافق سوز اگرمنلن سپون بوهیئته برکات اوجادان گوندرون هاموز حسینون روحینه صلوات" 🍀🍀🍀🍀🍀🍀🍀 امروز تکمیل شد.... https://telegram.me/navaye_azarin

ورود به مدينه ✍ زبدة الاشعار ✍ 🆔: @nohe_torki ودود آذرین خلخال غم قافله سی قورتاریب امواج بلادن زهراقیزی آیریلدی یم کرب و بلادن هاجرایله بیل تنگه گلوب سعی وصفادن آخرقییدوب یثربه چوخ زار و غم افزا هرکیم سوروشوب گوردی نه ! سویلردی جمیلا   امابوسفرده خانمون قدی خم اولدی گوندوز اونا هریاندا شب پرالم اولدی مونس خانما هرگیجه لردرد وغم اولدی هاردان ديوم آيا سيزه اي اهل تولا الله اوزي عالمدي نه چكدي او دل آرا بوغملی سفرده خانمون خیمه سی یاندی غارت اولونوب معجری خرگاهی تالاندی اوغلانلاری قارداشلاری القانه بویاندی نهضتده شريكیدی خانم چونکه امامه قول باغلی چکوبلر خانمی كوفه و شامه زهرا قيزي الله نه قوجالميشدي  ستم نن قدي خم اولوب باشي آغارميشدي الم نن قان قلبينه دولموشدي اونون غصه و غم نن ظاهرده گلوب جسمي اونون يثربه ساده روحی قالوب اما خانمون کرب و بلاده گلدی اوزینی سالدی خانم قبربتوله درددیلینی فاش ایلدی بنت رسوله سويلردي خانم فاطميه بيله مقوله دوزدیم غم و آلامه بقیعه ننه گلدیم گوزياشلي اورك قان ننه مهمان سنه گلديم همت باغینون میوه سینی صبریله دردیم گلدیم بو سفردن اورگیمده دولی دردیم آق ساچلاریمی قبروون اوسته ننه سردیم دور بیرننه بوبختی یاتان کوکبه سس ویر قارداشی اولن قدی کمان زینبه سس ویر دردانه قیزون یاسه باتوبدی بوسفرده عالی درجه صبره چاتوبدی بوسفرده علقمده گوزل ماهی باتوبدی بو سفرده اوغلانلاری قارداشلاری القانه باتوبدی قارداشی حسین تشنه چوخوریرده یاتوبدی طوفان بلا اسدی ننه دشت بلاده بیرذره مروت یوخیدی اهل جفاده دعوت ایلمیشدیله بیزی قانلی بلاده گلموبدی عدوعترت پیغمبره رحمی نه قاسم و نه اکبر و نه اصغره رحمی گوزیاشیمی قانه ولی بیر غم بلیوبدی تا درک ایلدیم شمردنی چکمه گیوبدی قارداشیم حسینون سینه سین قصد ایلیوبدی ال باشه قویوب شدت محنتله سارالدیم تا تلی انم قتلگهه یولدا قوجالدیم سسلندیم حسین وای ایله کی مقتله چاتدیم سن تک ننه بیرگورملی هنگامه یاراتدیم ال خنجرینه شمرجفا گسترین آتدیم دوغراندی الیم حقده بدریله حنینه قانیم قاتیشیب معرکه ده خون حسینه ای شاه شهیدان منه باخ زینبه خاطر دعوت ایلسون (آذرین)اولسا سنه زایر اوقانلي دياره اولا گرغملي مسافر تل اوسته دوروب شال عزا باشینه باغلار تلی سورونر مقتله ساری یانارآغلار #ورود_مدینه_زبدةالاشعار ✍ زبدة الاشعار ✍ 🆔: @nohe_torki