گل باغ جنان رضا
امیر والا تبار عشق
ووراندا چه چه آدین دیر
گولون اوسته هزار عشق (2)
آچیلوبدور غنچه رحمت
بورونب گل عطرینه جنت
یایلوب رضوانه بو صحبت
مرحبا یا بن فاطمه (2)
هانی یوسف گلوب گوره
بو مه لقانون ملاحتین
چکه بهشتین رواقینه
آقانون نقش صورتین (2)
باخا گر بیر یول بو غزاله
قد رعنا هاشمی خاله
دیه جک احسن بو جماله
مرحبا یا بن فاطمه (2)
آدی مشتقدی حقیدن
علی الاعلادی مصدری
اودور وجیه الجمالیدور
بو غزال پیمبری(2)
هر گوزی بیر نرگس جادو
هر قاشی بیر تیغ دو پهلو
ئوزی اما ضامن آهو
مرحبا یا بن فاطمه (2)
گورن اولسا او حضرتی
گیدوبدی فرض ایله کعبیه
دلیلی وار بو عرضیمون
ویر اجازه دیوم نیه (2)
آب زمزم اشک زلالی
عرفه عرفانی مقالی
حجر الاسود قره خالی
مرحبا یا بن فاطمه (2)
#سبک
#رضویه_میلادیه
#رضویه_مدح
#گل_باغ_جنان_رضا
#غفاری_اردبیلی
#ترکی
🍂🌹🍃🍂🌹🍃🍂🌹🍃🍂🌹🍃لینک کانال:🌷👇
https://t.me/joinchat/AAAAAFAXED9tAxMOF_O0wQ
در مدح حضرت امام رضا (ع)
.
.
ستار رزاقی
.
ای گلسِتان دینه ویرن رونق و صفا
جانلار فدا جلالیوه یا حضرت رضا
.
ای عرض طوسی روضۀ رضوانه دوندرن
فخر ایلوری او روضۀ رضوانه ماسوا
.
ای شیعه نون پناهی ایا حجت خدا
ای نور چشم فاطمه ای پور مرتضا
.
ای گل وجودی یر یوزونه عزت و شرف
ای عاشقان عالمه بیر یار با وفا
.
ای گون کیمی جمالی جهانه ایشیق سالان
ای امت پیمبره بیر مشعل هدا
.
ای شاهراه عشقه اولان مهر پر فروغ
نورین اولوبدی دهریده احبابه رهنما
.
آل محمد عالمی سن ای شه جهان
دنیاده اهل علمه اولان میر و مقتدا
.
ای بارگاهی ملجا و امید بی کسان
ای اهل عالمینون ایدن دردینه دوا
.
سن تک وجودی بیزلره حق ایلیوب عطا
ای منبع کرامت و ای معدن سخا
.
ای مدفنون بو کشور ایرانه افتخار
مشتاقیدور زیارتیوه امت ولا
.
درباریوه گلن اپوری آستانیوی
شه لر بو آستانه ده بیر کمترین گدا
.
زرین مناره لر فلکه باش چکوب تمام
اول گنبد طلایه ویروب نقش خوش نما
.
هر گون ملایکه دوشنوب آستانیوه
بوسه ووروب خدایه دییر حمدیله ثنا
.
بومملکت سیزون آدیزون سربلندیدور
علت اودور کی رد اولور اوندان غم و بلا
.
سیز باجی قارداشا گوره دایم بو کشوری
حفظ ایلیوب تمام قضادن اوزی خدا
.
قم شهرینونده زینتیدور فاطمه باجون
ایرانلیلار خدمدیله سیز باجی قارداشا
.
بیر کیمسه درگهوندن آقا بوش قیتمیوب
باب الحوایج اوغلوسان ای منبع عطا
.
دایم گلر سیزون قاپوزا دردمندیلر
هرنا علاج درده یقین سیزده دور شفا
.
چوخلار گلر زیارت و پابوسیزه سیزون
بیر عده لر گلنمز اوزاقدان ایدر دعا
.
هاردان بیری دیسه سیزه دردین دوا آلار
چونکی اوزاق یاخین سیزه فرق ایلمز آقا
.
عید ولادتیندی ایا شاه ذوالکرم
احسانیوه تیکوب گوزون عشاق بینوا
.
«رزاقی» دا بو جمعیله آچمیش دعایه ال
لطف ایلیوب دعاسینی تیز ایلیون ادا
.
بیر عیدیانه ایله عطا بو غلامیوه
اولسون سنون کرامتیوه جانیمیز فدا
.
بیر ده بالان جواده قسم ای غریب طوس
ویر بو غلامه تذکره طوس و کربلا
.
#رضویه_مدح
#ای_گلستان_دینه_ویرن_رونق_و_صفا
#ستار_رزاقی
#ترکی
.