زبانحال حضرت معصومه (س) سبک : منم باید برم گل ای باشیم تاجی، هایاندا قالموسان رضا ئولور ناخوش باجی، هایاندا قالموسان گل ای شه ولا، رضا رضا رضا رضا گوزوم باخور یولا، رضا رضا رضا (2) عجله قیل اخا، آماندی باغلانور گوزوم غم فراقوه، اورکده قالمیوب دوزوم بوداغلی سینه ده، سنه واریمدی چوخ سوزوم گل ای شه ولا، رضا رضا رضا رضا گوزوم باخور یولا، رضا رضا رضا رضا (2) جمالیمه آخیر، یاغیش مثالی گوزیاشی گل آل دیز اوستونه، بلایه توش اولان باشی باجی سوورگله، اجل گلنده قارداشی گل ای شه ولا، رضا رضا رضا رضا گوزوم باخور یولا، رضا رضا رضا (2) کرم ائله منه، حبیب ذوالمنن رضا شرار محنته، یانار غریب ئولن رضا وئرنده جان غریب ، دوشر یادا وطن رضا گل ای شه ولا، رضا رضا رضا رضا گوزوم باخور یولا، رضا رضا رضا رضا (2) خاکی

هاردا قالیبسان رضا دردیمه گل قیل دوا قویما بو آغلار گوزوم قومدا یولوندا قالا ای منیم دلبریم گل رضا یولدادی گوزلریم گل رضا جانم رضا (3) تیر فراقون اخا قلبیمی ائتدی یارا گل اوز الونله آپار نعشیمی قوی تپراقا یری وار عرشه چیخسین سسیم ئولورم یوخ ولی بیر کسیم جانم رضا (3) کیمدی منه آغلیان حالیمه دل داغلیان یوخدی اگر گلمسون گوزلریمی باغلیان واردی بو دلده چوخ حسرتیم آغلادار داغ داشی غربتیم جانم رضا (3) بیر گونه قالدیم رضا یعنی سارالدیم رضا سینه ده کی نامه دن عطروی آلدیم رضا طوسیدن لطف ائله گل قوما نامه وی باسمیشام باغریما جانم رضا (3) قلبیم آلیشدی تبه دوندی گونومده شبه غصه لی جان وئرمگیم اوخشییوری زینبه دوشموشم محنت بی حده ئولورم اللری سینه ده جانم (3) زبانحال حضرت معصومه ( س) سبک : میگذرد کاروان

زبانحال حضرت معصومه (س) سبک : ای فاطمه نون دلبندی ای ملک شرف سلطانی جانیم آدوون قربانی بوغملی باجی نین چیخیر غربتده بویورقون جانی نفس دوشوبدی بنده قارداش اجل سالیب کمنده قارداش منه اوزون رضا گل آغلا قان آغیان گوزومی باغلا (2) گوزده ویریب حلقه قانیاش احوالیمه آغلور داغ داش زیبا یوزووی گورمگه چولدن چوله دوشدوم قارداش وصالوه چوخدی اشتیاقیم جهانی یاندیرار فراقیم منه رضا اوزون گل آغلا قان آغلیان گوزونی باغلا (2) هجرون منی دلدن سالدی آرامیمی الدن آلدی بونسکله داغ داش آغلار نامون سنم اوسته قالدی ساغالمیان جراحتیم وار قو تارمیان مصیبتیم وار منه رضا اوزون گل آغلا قان آغیان گوزومی باغلا (2) دوشدوم محن و آلامه فکریم گنه گئتدی شامه قلبی یارالی زینبده ئولدی سنسینده جامه وئروردی جان خرابه تک سنه سی اوسته اوخلی کوینک منه رضا اوزون گل آغلا قان آغلیان گوزومی باغلا (2) خاکی

نوحه وفات حضرت معصومه ( س) صیاد اجل سالدی منی دامه رضا جان غربتده حیاتیم یتور اتمامه رضا جان یوز قبله ده جان سینه ده گوزلر سنی گوزلر قارداش کرم ائت خواهر مضطر سنی گوزلر دلده آدوی ایلیوب ازبر سنی گوزلر آیدین گونی هجرونده دونوب شامه رضاجان ائلدن آرالی سالدی منی شوق وصالون گل قوی منه قسمت اولا دیدار جمالون جان اوسته دی الساعه رضا غرق ملالون عمروم گونی گل چاتدی لب بامه رضاجان سن گلمه سون آیا منه کیم سس چکر آغلار کیم باشین آچوب باشیمون اوسته سینه داغلار کیم رافتیله یولدا قالان گوزلری باغلار گل تا چاتا معصومه باجون کامه رضا جان نامون منه تا چاتدی ایا شاه خجسته ئوپدوم اونی اول صورا قویدوم گوزوم اوسته گزدیرمیشم هریانی اوزومله من خسته سینمده دی الاندا همان نامه رضا جان من بنذی یورم زینب محزون و حزینه حسرت اونودا قویدی فلک نوردوعینه چاتمادی ئولنده الی قارداشی حسینه یاندی اورگی شعله ی آلامه رضا جان افلاکیان خاکی

زبانحال حضرت معصومه س سبک: ای ساقی ما سرمستان ای دردیمه درمان قارداش گل قلبیم اولوب قان قارداش ایستکلی باجون معصومه غربتده ویرور جان قارداش منی سالدی درده بوفلک دینجلدی گل قارداش غم اوخی ستمله قلب زاری دلدی قارداش قارداش تزگل گلدی اجل (۲) یولداشینه یولداش آغلار باجیلارا قارداش آغلار دیداریمه سن گلمسون احوالیمه داغ داش آغلار گدورم من اما قلبیرده نسکلیم قالدی سنون عشقون آی قارداش منی چولدن چوله سالدی قارداش تزگل گلدی اجل (۲) غم سالدی منی دامه گل عمروم یتوب اتمامه گل قان آغلادیر الان منی بوسینه ده کی نامه گل آدووی باجون ورد زبان ایلوبدی پیوسته ئولورم قالیبدی دست خطون سینه مون اوسته قارداش تزگل گلدی اجل (۲) یتوب دوداقیمه جان هارداسان رضا ئولورم بدنده یوخدی توان هارداسان رضا ئولورم بوسرو قامتیمی ای گل آدی ورد زبان فراقون ائتدی کمان هارداسان رضا ئولورم منی بوحاله سالان قارداش آیریلیق غمیدی آمان بوغمدن آمان هارداسان رضا ئولورم بوقلبی قان باجووا غربت ئولکده نجه گور اولوبدی محشر عیان هارداسان رضا ئولورم بیر ایلدی من سنه خاطر فغان ائدوب یانورام منه گل ایله فغان هارداسان رضا ئولورم چیخیر جانیم بیری یوخدی وفالی ائللریمین بوغملی حالیمه یان هارداسان رضا ئولورم قیامته کیمی بو داغلانان اورکده واریم همیشه سوز نهان هارداسان رضا ئولورم گوزوم یاشی نجه گور غصه دن سولان یوزومه اولوبدی سیل روان هارداسان رضا ئولورم مزاره گل یوزووی گورممیش گدور بوباجون خراب اولیدی جهان هارداسان رضا ئولورم بلالی زینبه واردی شباهتی باجووون ائدوم نه نوعی بیان هارداسان رضا ئولورم اونون واریدی حسیندن منیمده سندن اخا سنمده واردی نشان هارداسان رضا ئولورم اوقارداشینین ئولنده اوقانلی کوینگینه اورکده وئردی مکان هارداسان رضا ئولورم منیمده بو یارالی سینم اوسته نامه ائدوب یانان اورگیمی قان هارداسان رضا ئولورم مدینه دن بیزی قارداش نه جرمه خاطر اوزاق سالیبدی جبر زمان هارداسان رضا ئولورم هله فلک منی قارداش بوقومدا دامه سالیب بلالی زینبین اما یولونی شامه سالیب بو شهریده نه دله تیرغم اکن واریدی نه ال چالان منه ؛ نه باشه کول توکن واریدی قوناقین حرمتینی حفظ ائدن بوشهریده وار قم اهلی شاخه ی گل مقدمیمه ائتدی نثار گلنده من هامی عرض سلامه باشلادیلار دیار شامیده اما قوناقی داشلادیلار بوآز زماندا منه چوخلی احترام اولونوب قومون صفالی یری چون منه مقام اولونوب بلالی شامیده اما باشیندا یدی قرا خرابه منزله زینب گدوب اورکده یارا خاکی

مست اولار کیم ایچسه بیر قطره یم معصومه دن آب سقا خانه یعنی زمزم معصومه دن قارداشی موسی الرضا وئردی خراسانه صفا قومدا رضوانه دونوبدی مقدم معصومه دن اذن حقله ایستسه عیسی کیمی اعجاز ائدر مرده زنده اولسا شک ائتمه دم معصومه دن طاق عرشه نصب اولوب خاکی لوای مدحتی گونده عرش اهلی ئوپللر پرچم معصومه دن گلدی ایرانه ولی مقصوده نایل اولمادی قلبیلر حشره کیمی قاندی غم معصومه دن خاکی