زبان حال حضرت زینب ( س ) آنام زهرا دعا ایتدی دعاسی مستجاب اولدی ئولوم ایستردی الًلهدان ویروب جان کامیاب اولدی یارالی جان ویرن لای لای گیدن قبره جوان لای لای وُروب پَر مُرغ روحی ایلیوب ترک آشیان گیتدی اریوب جسم پاکی غصًه دن قدًی کمان گیتدی یوزونده سیلی آثاری گوزونده لخته قان گیتدی فراقینده یانوب دیللر پریشان بو تراب اولدی آنام بو فانی دنیادن گیدوب مقصودینه چاتدی غروب ایلوبدی جدًیمدن صورا اُول مَه لقا باتدی بیزی آغلار قویوب آزرده خاطر قبریده یاتدی مَلکلر باش آچوب غمدن مُعزًا نُه قِباب اولدی نَنه سیزلیق یامان درددی گرفتار اولمیان بیلمز بیر ایوده دورت یتیم قالسا ئولونجه یوزلری گولمز خصوصا قیز اوشاقی غصه دن آیا ئولر ئولمز؟ یاشاماخ زینبه مشکلدی غمدن دلکباب اولدی یتیملیق دردی بیر یاندان سالوبدی زینبی دلدن اورگیم داغلیدی نیلوم آنام زهرا گیدوب الدن یازوب دست قضا برنامه می محنت کش اوًلدن آخور اشکیم ملالیم دلده بی حدً وحساب اولدی آتام حیدر قوجالدی یاندی قلبی نار هجرانه پرستار اولموشام من ایوده طفلان پریشانه دولانًام من بولارین باشلارینا مِثل پروانه جانیم فقدان مادره منیم پُر اضطراب اولدی آنام زهرا حسینی تاپشوراردی من چکم نازین دیردی جان حسینون جان سنون بو محرم رازین سو سو زدان سولماسون رنگی گوزتله بو گُل نازین حسینون عطر و بوئیندن باجیسی فیض یاب اولدی شاجری زنجانی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اگر زینب_اولماسیدی... حسین سالار زینب اولماسیدی حسین دلدار زینب اولماسیدی قالاردی کربلاسی کربلاده اگر ایثار زینب اولماسیدی ایدیم آگه سیزی ای اهل طاعت دوتاردی عالمی جور و جنایت اگر سلطان عالمدن حمایت اساس کار زینب اولماسیدی بشر دینین گریبانین سیخاردی بنای عشق و ایمانی یخاردی شریعت اوز مسیریندن چیخاردی اگر پندار زینب اولماسیدی گل خوش منظر جنت سولاردی جهان فسق و فجوریله دولاردی اطاعت پوچ و بی معنا اولاردی اگر رفتار زینب اولماسیدی جهالت قان سالوب فریاد ایدردی خیال و نیت شداد ایدردی بحکم زور و زر بیداد ایدردی دل بیدار زینب اولماسیدی جهان جولانگه اغیار اولاردی دیانت پست و بیمقدار اولاردی جماعت پیرو شداد اولاردی اگر افکار زینب اولماسیدی خباثت باشلارا سایه سالاردی جنایت اهل دِلدن جان آلاردی حسینون نهضتی یرده قالاردی اگر حق یار زینب اولماسیدی شرارت منشا کردار اولاردی ره اندیشه ناهموار اولاردی غرض اهل شریعت خوار اولاردی اگر گفتار زینب اولماسیدی بشر حیثییتین یونگول ساناردی خلایق دین اسلامی داناردی یانار اوددا امام اوغلی یاناردی اگر ایثار زینب اولماسیدی بشر اهل جهیمی حق بیلردی یزیدی حاکم مطلق بیلردی حسینی سرنگون بیرق بیلردی اگر اخطار زینب اولماسیدی یزید بی حیا طوفان سالاردی جهانه آتش سوزان سالاردی گینه نابخرد اوغلی قان سالاردی اگر هشدار زینب اولماسیدی ایله طوفان سالاردی روزگاره ایشیق گوندوز دونردی شام تاره اولاردی رشته حق پاره پاره اگر پیکار زینب اولماسیدی کمیت اهل عالم لنگ اولاردی جهان صاحب کماله تنگ اولاردی اساس بندگی نیرنگ اولاردی اگر دادار زینب اولماسیدی 📝 استاد مژده اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حبّ الوطن من الایمان . علی شهودی . تاریخ جوموب حیرته حرّیّتیمیزدن ملّتلر آلیر درس وفا ملتیمیزدن ذلّت لباسین گئیمه میشیک گئیمریگ اصلا عزت یاغیر عالمده بیزیم قامتیمیزدن . حبّ الوطنی ائیلمیشیک قانیلا معنا اسدیکجه اوره گلر دیریلیر رآیتیمیزدن خرمشَهَرین گر در و دیواری دیل آچسا سویلرله بیزیم داغدان اوجاهمتیمیزدن . خرمشَهَری الله اَلی ائیلدی آزاد وحدت الی گورسندی او گون کثرتیمیزدن دشمن قاباغیندا الی بوش دوردو محمد جانانه دفاع ائیلدی حیثیّتیمیزدن . شکر آللاها دنیاده بو گون عزّتیمیزوار شاکر هامی بو نعمت امنیّتیمیزدن جمهوری اسلامی ایرانه باخانماز بیر کیمسه داها چپ چکینر صولتیمیزدن . دشمن گئجه گوندوز داها راحت یاتا بیلمز بسترده دوتار لرزه بیزیم وحشتیمیزدن حیرتده قالیب دیر قالاجاق مردم دنیا عین الاسدی پارچالایان ضربتیمیزدن . دشمن چکینیر ایندی ده وار کرب و بلاده نهر اوسته قیزیل قانه باتان غیرتیمیزدن عشقین وطنین بسلمیشیک سینه ده بیرعمر مین لاله بیتر اولسگ اگر تربتیمیزدن . لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

توسل به حضرت ابوالفضل (ع)گریز به شهادت مرحوم فرهاد فکری اردبیلی باب المراد ابوالفضل باب النجات ابوالفضل شرمنده دور یوزوندن آب فرات ابوالفضل مین دورت یوز ایلدی آدون دیللرده آشنادی هر درد بی دوایه عالم بوئی دوادی مسکین و بینوایه امید و هم رجادی ایله خبر مریضه چون تربتی شفادی دنیاده ایلیوبدور چوخ معجزات ابوالفضل درگاهینه جهاندا چوخلار اولوبدی بنده سسلر هرایه شاهلار بیر مشگله دوشنده یاد ایلر ارمنی لر عباسی آند ایچنده ساخلار ادب همیشه آدی اونون گلنده یوخ سن کیمین جهاندا ارزنده ذات ابوالفضل الاندا واردی علقم آخدوقجا زار و حسرت معناده سسلیور ای سردار با شهامت وار دور منی کیم ایتسه بو باره ده مذمت کرب و بلاده اولدوم سندن آقا خجالت گوزلر قالار یولوندا وقت ممات ابوالفضل هر کس گیدوب گوروبدی اول خیرداجا مزاری وار قبری اوسته دیلر پرچم به عشق یاری بل هر طرفدن أسسه اعجازه باخ آری دائم اسر او پرچم قبر حسینه ساری بو عشقون ایلیوبدی دنیانی مات ابوالفضل چوخدان سالوبدی سایه باشیمده غصه ابری تنگه سالوبدی هجران بو سینه ی ستبری سیندیر کرامتیلن آخر طلسم جبری باغ بهشتی سؤمز هر کیم گوره او قبری کرب و بلا جوازین ایله برات ابوالفضل یاد ایلرم او حالی اوخ دگدی ساغ گوزوندن قان لخته لخته آخدى دامانوه یوزوندن قرآن و دینه خاطر کئچدون او گون ئوزوندن جان سینه دن چیخنجا سن چیخمادون سوزوندن هی سسلدون حسینه روحی فدات ابوالفضل سوز یوخ که کربلاده اون یدی منصب آلدون اوخلاندی مشگ آبون ئوز دالداسیندا قالدون شرمنده لیگدن آخر اود کایناته سالدون قارداشووی قوجالتدون اما ئوزون اوجالدون هجرونده قالدی آغلار یکسر بنات ابوالفضل حاصل حسین یتیشدی میدانه زار و خسته آلدی یارالی باشون اندوهیله دیز اوسته لعنت دئیدی جهاندا بو قوم کین و پسته دور باشون اوسته گلدیم قارداش کمر شکسته سن سیز دونیدی قانه آب حیات ابوالفضل آز بو سرشگ چشمی خون دله قاریشدیر آز هجر اوتوندا قلب پر دردیمی آلشدیر کونلون اگر کوسوبدی بو زاریلن باریشدیر اوغلوم ئولوبدی قارداش دور بیر منی دانشدیر اوندان صورا بو چولده آسوده یات ابوالفضل لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#سبک_فوق👆👆 🌺 #اجرا_احسن_حبیبی_نوروزلو ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🔹#نوحه_حضرت_زینب🔹 ✍#شاعر_علی_عبدی دختِ علی شیرِ زنِ قهرمان عالمه سن عمه ی صاحب زمان سنسن نشانه زهرایه زینب گلمز نظیرون دنیایه زینب (زینب یا زینب,زینب یا زینب) 🔹🔹 واژه ی زینب سنه زیبنده دی دلده بو عشقین خانم آکنده دی آدین حسینون کیمی پاینده دی ای آدی عرشه پیرایه زینب گلمز نظیرون دنیایه زینب (زینب یا زینب,زینب یا زینب) 🔹🔹 عشقیده آدین سرِ دفترده دی عشقوین آوازه سی گسترده دی مسجد و محرابیده منبرده دی اَحسن بو عشق و شیدایه زینب گلمز نظیرون دنیایه زینب 🔹🔹 زینِ اَب ای صبریده کوه وقار عالمه ی نابغه ی روزگار دلده کی نطقی مَثَلِ ذوالفقار اَحسن بونطق گیرایه زینب گلمز نظیرون دنیایه زینب 🔹🔹 مَدحیوی عاجزدی یازا خامه لر درگهیوه بنده دی علامه لر آدیوی حاشا پوزا خود کامه لر چاتدین مقام والایه زینب گلمز نظیرون دنیایه زینب 🔹🔹 نطقیده غوغا ائلدون مرحبا محشر کبرا اِئلدون مرحبا دشمنی رسوا اِئلدون مرحبا باش اَگمدین سن اعدایه زینب گلمز نظیرون دنیایه زینب 🔹🔹 بیر قارا پرچم اَله آلدین خانم بیربیره شام اَهلینی چالدین خانم تاج یزیدی یئره سالدین خانم چکدین او شهری بلوایه زینب گلمز نظیرون دنیایه زینب 🔹🔹 قانلی علم شامیده اولدی به پا قوردون او ویرانه ده بزم عزا باشدا قرا ایلدین آه و نوا زهراده گلدی نجوایه زینب گلمز نظیرون دنیایه زینب ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت امام زمان (عج) ای خدا گونلر گیچوب مولای خوبان گلمدی عالمی روشن ایدن خورشید تابان گلمدی چوخ گیجه یاد ایلدیم نور دل زهرانـی من قائم آل محمد جان جانان گلمدی ذکر الغوث و امان اولدی دیلیمون اَزبری مهدی صاحب زمان یار ضعیفان گلمدی نُدبه لرده سسلدیم اَینَ المُعِزُ الاولِیا خار چشم دشمنان عِزَّتلی انسان گلمدی تا نه وقته سسلیوم اَینَ الشُموسُ الطالِعَه اَینَ الاَقمارُ المُنیرَه ماه رخشان گلمدی لَیتَ شِعری کاش بلیدیم هاردادی یاس علی یابنَ یاسین ، یابنَ طاها ، قلب قرآن گلمدی تا نه وقته ضَجَّه وُرسون شیعه اولسون نادِبون هجر مولادن اولوبدور دیده گریان گلمدی هاردا قالدی طالب خون شهید کربلا مُنتقِم از قاتل شاه شهیدان گلمدی قوی چکوم بوردان گریزی کربلانون دشتینه خیملردن سس گلور سقای طفلان گلمدی جمع اولوبلار خیردا قیزلار خیمیه ی شش ماهیه هی دیوللر یا حسین ساقیِّ عطشان گلمدی شاه مظلومان دوروب تل اوسته سسلندی باجی بیلمرم خواهر ندن اول شیر میدان گلمدی سس گلوب اَدرِک اَخا احساس قیلدی پیر عشق اوخلانوب سو مشکی خجلتدن او نالان گلمدی بار الها آند ویرم اول کسیلیمیش اللره تیز یتور مهدینی گوز یاشلار اولوب قان گلمدی (( پوریا )) الده قلم وقت نماز صُبحیده سسلنور یا رب ندن دردیمه درمان گلمدی احمد پوریا لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

روضه حضرت زهرا بسم الله الرحمن الرحیم فاطمه معنای در خون ولایت خفتن است فاطمه تا پای جان از حب حیدر گفتن است فاطمه یعنی علی  را ذوالفقاری در مصاف فاطمه یعنی  دل بشکسته  را کردن طواف فاطمه یعنی  عقیده  فاطمه  یعنی  یقین فاطمه یعنی خدا را سایه ای اندر زمین فاطمه یعنی  تجلی فاطمه یعنی جلی فاطمه یعنی محمد فاطمه یعنی علی فاطمه یعنی شریعت فاطمه یعنی شرف فاطمه یعنی حقیقت فاطمه یعنی هدف فاطمه یعنی همان مرآت مصدومِ به سنگ فاطمه یعنی یگانـه یـاسمین  سـرخ  رنگ فاطمه یعنی همان گوهر که نشناسد محک فاطمه یعنی گـل  پـژمـردۀ   بـاغِ فـدک فاطمه یعنی  شهادت بهرشیعه مذهبی فاطمه یعنی شـرار  انقـلاب   زینبـی فاطمه یعنی مـیان شعلـۀ  در  سـوختن فاطمه یعنی به زینب سوختن آموختن فاطمه یعنی نبوت    فاطمه یعنی معـاد فاطمه یعنی  امامت  فاطمه یعنی جهاد فاطمه یعنی مسّرت   فاطمه یعنی سرور فاطمه یعنی به جنّت  شیعه را رمز عبور فاطمه یعنی ملال  و  گریه و افغان و آه فاطمه یعنی شبانه درد دل گفتن به چاه فاطمه یعنی بقیع  سرد و  قبر بی نشان فاطمه یعنی دلیل غیبت صاحب زمان فاطمه یعنی طراوت فاطمه یعنی ربیع فاطمه یعنی سرشگ  پشتِ دیوارِ بقیع در مقام دخت طاها جستجوها شد بسی همچو قبرش قدر زهرا را نمی داند کسی قبله اهل یقین ، کعبه عرفان زهرا زینت دولت با عزت قرآن زهرا بی کران همّتینه فخر ایلیر حی غفور بودور آئینه یزدان ، بودور آئینه نور زندگینامه جاویدینی کیم ایتسه مرور گورجک قدرت عشقیله تاپوب جان زهرا دوتسا کیم دامنننینی منصب والایه چاتار سیر ائدر راه کمالاتیده معنایه چاتار قطره ده اولسا اگر رتبه دریایه چاتار آری دریا ائلییر قطره نی هر آن زهرا مات ایدوب اهل سماواتی منزّه نسبی دیللرین ازبریدور ام ابیها لقبی شأنه باخ ، اللرینه بوسه ویران وقته نبی سسلیردی هامی عالم سنه قربان زهرا عرفا حاجت آلار قبله حاجاتیندن قلم عاجزدی یازا وصف کمالاتیندن بو سوزوم قطره دی دریای کراماتیندن طوی لباسین ائله دی سائله احسان زهرا ساده بیر عورته اوخشاتما بو مه سیمانی بو سوزم ثابت ائدر معجزه زهرانی دامنینده بجروب رهبر عاشورانی اولدی استاد ره شاه شهیدان زهرا ای قلم مطلبی قوی بوردا چاتوب وقت گریز می محنتله اولوب کاسه صبریم لبریز یاز اوگونن کی علی گوردی قالوب فاطمه سیز یعنی ترک ایلدی دنیانی پریشان زهرا وقت او وقت اولدی علی حافط دین مدنی مغسلین اوستونه قویدی یارالی فاطمه نی گئجه نین عالمی غسل ایلیه یورقون بدنی تا کفن پوش اولا آئینه قرآن زهرا (باخدی باخدی زهرا یارالاریوا عمواوغلون قربان خانم  اسماء دییر گوردوم بیردن الین غسلدن چکدی بئله های هایلن آغلادی سوال الدیم آقاجان نیه بیدن بئله آغلادون؟ دییر گوردوم باخدی زهرانین مسمار باتان سینه سینه یانا یانا بله دییر زهرا) ایندی بولدوم نیه زهرا گئجه لر یاتمردون کاش زخم در و دیوار یرین گورمیدیم کاش سینونده کی مسمار یرین گورمیدیم ای آفتاب غمین بنذری اویان زهرا شرف سفینه سینون لنگری اویان زهرا قان آغلیور هامنون گوزلری اویان زهرا قوجالداجاخ ئولومون حیدری اویان زهرا سن اولماسون منیم اندوهیمی بولن اولماز آدامسیزام گوزومون یاشینی سیلن اولماز (زینب گوردی کی باباسی بئله بی قراری الیر دیدی بابا اجازه ویرسن منده ننمه نچه لای لای چالوم آغلیاخ بابا زینب اله ئوزون سالدی ننه سینه سینه ) راحت یات ای زمانه ده دینجلمین ننه همسایه لر عیادتینه گلمین ننه گوز یاشین اهل یثربه سیلدیرمین ننه دردین ئولونجه حیدره بولدورمین ننه آی زلفومی دویونجا یووب حورمین ننه وای محسن آدلی قارداشیمی گورموین ننه شاعر✍لاادری لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اوخشاما زبانحال مولا علی ع 😭😭😭 بیجا یره من آغلامورام واردی دلیلی ثانی ال آچوب ووردی یول اوسته سنه سیلی گل صورتوی سیلی یری ایلدی نیلی بنزردون اول گوندن سارالان یاپراقا زهرا قویدوم اول گویرمیش یوزوی تپراقا زهرا ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#اجرا_احسن_حبیبی_نوروزلو ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#اجرا_احسن_حبیبی_نوروزلو ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨