یابن الحسن اورکلرین ذوق و صفاسی سنده دی مریض عشق اولانلارون جمله دواسی سنده دی نور خدای ازلی ای گوزلر گوزلی دردینی کیم سنه دیسه آقا دواسی سنده دی آقا یابن الزهرا سینه سی سینایه دیر قامتی طوبایه دیر یاریمیزین بیر نفسی عمر مسیحایه دیر آقا یابن الزهرا سینه سی سینایه دیر قامتی طوبایه دیر یاریمیزین بیر نفسی عمر مسیحایه دیر بوندا یداله الی وار مین ید بیضایه دیر قوزاسا غیرت علمیم عرش معلایه دیر فاطمه نین اوغلیدی بو بیر توکی دنیایه دیر آقا یابن الزهرا ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🌱هر روز خود را با بِسْمِ اللَّـهِ الرَّحْمَـٰنِ الرَّحِيمِ آغاز کنید 🔹امام علی(ع): خوشا به حال کسی که در نزد خود فروتن و متواضع، و درآمدش طیّب و طاهر باشد. #صبح_نو ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

باسلام شعر جدید توسل به حضرت ولیعصر عج با آهنگ جدید با سبک یا امام زمان شیعه ده احساسه باخ👌 یا امام زمان شیعه یه احسان ایله دردیمیز وار بیزیم دردلره درمان ایله یادگار علی شیعیانه ولی یابن زهرا یابن زهرا 2بار یوسف فاطمه ای آدی فخرالبشر گوز تیکیوب یوللارا شیعه لر ای منتظر منتظر گوزلره سن آقا جان قیل نظر یوسف فاطمه ظلمه ویر خاتمه یابن زهرا یابن زهرا 2بار ای اولان عالمه بانی خلقت آقا یاور اهل دین کان و کرامت آقا ویر صفا گلشنه ایله عنایت آقا ای گل مصطفی گلشنه ویر صفا یابن زهرا یابن زهرا 2بار آی دیمم حسنوه آی سنه حیران قالوب گون دیمم چونکه گون نورینی سنن آلوب شوکتین عزتین عالمه غوغا سالوب آل آله پرچمی شادائله عالمی یابن زهرا یابن زهرا 2بار سن ولی حق. حیدر کراریسن امت پیغمبره دلبرو دلدریسن شهریار جهان محرم اسراریسن فاطمه دلبری شیعه نین سروری یابن زهرا یابن زهرا 2بار محرم راز علی حیدره نوره بصر گل غم هجرانیده شیعه اولوب خونجگر گورمگه حسنوی ایندی اورک لر اثر آل آله سن علم قوی گوز اوسته قدم یابن زهرا یابن زهرا 2بار غنچه گوللر آقا غصدن ایندی صولوب گل آقا شیعه نی دردو فراقین یوروب قلبیلر غصدن قانیله الوان اولوب شیعه نی یاد ایله غمنن آزاد ایله یابن زهرا یابن زهرا 2بار کربلا کاظمین. مکه ده سن بیلمرم گوزلریم یولدادی من آقا یول گوزلرم ویرسلر عالمی حسنوه من ویرمرم رحمت العالمین صولدی گلزار دین یابن زهرا یابن زهرا 2بار وارامیدیم گلن قالمیا یولدا گوزوم گلسن اما سنه واردی منیم چوخ سوزوم سن گلن یوللارا قربان اولوم من اوزوم شاهیسن عالمه یوسف فاطمه یابن زهرا یابن زهرا 2بار وار امیدیم منیم. روحمه ریحان گله یادگاره علی. یاور قرآن گله ذات حقدن آقا بیر آلا فرمان گله گل گلن یوللارا جان امت فدا یابن زهرا یابن زهرا 2بار گوزلریم یولدادی یاربیزه مهمان گله بیلمورم لیک هاچان باشه، بوهجران گله شیعه لر گون سایر سویگول جانان گله پور حیدر گله شیعه لر دینجله یابن زهرا یابن زهرا 2بار «مهدیم» لطف ایله دوت الیمی قیل کرم سائل درگهم هیچ قاپویا گیتمرم درگهینن سنین من آقا ال چکمرم بی پناهم آقا روسیاهم آقا یابن زهرا یابن زهرا 2بار ✍حاج مهدی ملکی زنجانی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سلام بر محمد و آل او ۱۰۱. صلوات صبح جمعتون بخیر در پناه عشق خدا🌹🌹

#آنا آنا بیر گول دی قدری سولمینجاق برملا اولماز بوتون ائل،طایفه،هئچ کس محبت ده آنا اولماز هر ائوده بیر آنا واردی او ائوده واردی بیر کعبه طواف ایله الین نن ئوپ بئله سعی صفا اولماز (#علیوی) (شعر ترکی آنا مناسب برای اعلامیه و سنگ مزار) ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب (س) در بدرقه مادر گجه گیدیرسن هایانا؟ حَقلیدی زینَبده یانا قال بو گجه ایوده آنا گیتمه ، گیتمه قلبیده وار گورنَه یارام رَحم ایله یالقیزدی آتام کیمه دیوم ئولدی آنام گیتمه ، گیتمه آنا قربانون اولوم ، رَحم ایله بو دیده تَره نصف شب هانسی مُسافر ، گیدَر آیا سفره (ایوای آنام) ۴ ------------------------------ دائم آخوب اَشکِ تَرون سیندی آنا بال و پَرون توختامییوب یاره لَرون گیتمه ، گیتمه قویمارام ایودن گیده سن گیتمه سولار باغ و چَمن یاراشموری سنه کَفن گیتمه ، گیتمه بابام آغلار گوزوله ، بوکدی کَفن ، پیکَریوه زینبین ، جانی فدا ، بو اَرییَن پیکَریوه ------------------------------ زینبی آغلاتما بیله رحم ایله دورت غنچه گوله ایودن آنا غُربَتیله گیتمه ، گیتمه جامه ی اُلفَت سویولوب غمدن اورکلر اُویولوب کیم گجه قبره قویولوب گیتمه ، گیتمه آنا تابوته باخوب ، زینبیوین گوزی دولار ایندی بولدوم بو سوزی ،قیز آنادان یتیم اولار ------------------------------ واردی چَتین بیر سَفریم باشدان آشار غُصّه لریم غملر ایدر خَم ، کَمَریم گیتمه ، گیتمه جامه ی صبری گییَرَم چوخ یارالار باغلییَرَم حسین گیدنده ، دییَرَم گیتمه ، گیتمه گیت آنا قبریده یات،بیرنچه گون دینجَلَسن یاری یانمیش چادیرا شامِ غریبان، گَلَسَن لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سبک نوحه ☝️☝️ نوحه گجه گدیرسن هایانا حقلیدی زینبده یانا

#ایام_فاطمیه_سینه_زنی_ترکی شام غریبان خانم زهرا سبک : ای غنچۀ نیلوفریم ... و ✍حاج اصغر فرشچی(عدلی تبریزی) 🎤بانوای_حاج_علی_سیفی_افشار یابن الحسن زهرا آنان طاهایه مهماندی یثربده بیت الوحیده شام غریباندی زینب نوا خواندی باش ساغلیقی ویروخ سنه حالون پریشاندی جدّون حسین تك غصه دن قلبون دولی قاندی بو شیعه لر ماتم دوتوب نالان و گریاندی گویده ملك لرآغلاشور محشر نمایاندی اَلدن ویروبدی همسرین مظلوم علی آغلور كلثومیله زینب بی بون اوز سینه سین داغلور گوز یاشینی رخسارینه حسین حسن باغلور بیت علی ده بو گجه عمّن پریشاندی آغلور دیور مولا علی گوندوز گونوم باتدی قویدوم مزاره من اونی سینه یارا یاتدی گوز یاشلارین خون دله بودوت بالا قاتدی جدّون علی المرتضی دیلدن نوا خواندی سولدی آنان عمری گلی آیرولدی سوسندن اوز گلستانون ترك ایدوب آیریلدی گلشندن گلمز سسی بیرده اونون بو بیتُ الاَحزندن لاله مثالی تز سولوب پرپردی خنداندی اود ویردی ثانی باب وحی شعله چكوب یاندی بیر ظلم ایدوب دیوار آرا زهرا یارالاندی بو اشقیانون ظلمونه دین اهلی حیراندی بُغض عدو اولدی عیان دللر دولی قاندی چخماز داخی بوندان صورا بیر گلشنه زینب باخماز چمنده گل چیچك هم سوسنه زینب اندوه و غمدن سسلنر ایوای نه نه زینب آغوشینه آلماز اونی زهراسی بی جاندی صاحب عزا سنسن آقا بو ماتم و غمده سن ملجاء شاه وگدا هم برّیده یمده سن بول آقا زهرا جانی باش چك اُولن دَمده «عدلی» اوركدن اودلانور بو غمده سوزاندی زینب پریشاندی زینب نوا خواندی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️نوحه زبانحال حضرت زینب(س)                   در سوگ مادر مهمان  گئدن  گجه جانانه  آی نَنه سن سیز اولاربو ائو ویرانه آی نَنه لایلای ننه ننه قربان اولوم سنه لایلای ننه ننه قربان اولوم سنه عزّتلی گونلریم ایستور گجه قاچا تیر غمی فلک  بو کونلومه  ساچا گئتمه دایان هَله تابیرده صبح آچا قوی منله یوزیوزه یان یانه آی نَنه لایلای ننه ننه قربان اولوم سنه لایلای ننه ننه قربان اولوم سنه چوخ تِزخزان یلی دوشدی بوگلشنه والله  یاراشمیور  بو آق کفن  سنه باری یول اوسته گَل رحم ایله بیرمنه دور بیرده زلفیمه وِر شانه آی نَنه لایلای ننه ننه قربان اولوم سنه لایلای ننه ننه قربان اولوم سنه خوشدور گنه سنی من سَسلیم آنا بیرده جوابیمه سنده دئسون جانا قویما بو سینه می  نار غمه  یانا قوی منله یوزیوزه یان یانه آی نَنه لایلای ننه ننه قربان اولوم سنه لایلای ننه ننه قربان اولوم سنه بوآیریلیق چَتین ساعتدی زینبه سن اولماسون جهان غُربتدی زینبه آخر گوروشدی بو فرصتدی زینبه سن شَمعسن قیزون پروانه آی نَنه لایلای ننه ننه قربان اولوم سنه لایلای ننه ننه قربان اولوم سنه شهرین غَریبیدور اهل ولا بوگون قولّاری باغلیدور شیرخدا بوگون مَهبط اولان ائووَه دوشدی بلا بوگون شهر اهلی اولدولار بیگانه ای نَنه لایلای ننه ننه قربان اولوم سنه لایلای ننه ننه قربان اولوم سنه یاندی قاپی اوگون گویلر کَدَر اولوب مسماریلن قاپی بیلدی نَلَر اولوب صوداَممین بالون آخر هَدر اولوب محسن اوگون دوشوب طوفانه آی نَنه لایلای ننه ننه قربان اولوم سنه لایلای ننه ننه قربان اولوم سنه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🎼سبک نوحه فوق👆👆 #بانوای_حاج_علی_سیفی_افشار