#عبرتلی سوز 🍁 ای جماعت مرد اولون نامرد دوران اولمیاق ظاهراً انسان ولی باطنده حیوان اولمیاق علت خلقتده بیرآز فکر ائدک عارف اولاق بوبش اون گون عمریده انسان نادان اولمیاق فانی دنیادن وفا گورسنمیوبدور هچ کسه پس گلون دنیایه بل باغلی سلیمان اولمیاق علمینن انسانلیغین طول مسیرین طیّ ائدک دائما رشد ایلیک طفل دبستان اولمیاق مرد اولاق ری ملکینون اوسته شرفدن چیخمیاق باش کسوب شمرین تایی سورا پشیمان اولمیاق کشتی نوحین تایی دوشسه بیری گردابه گر ال دوتاندا اولماسوخ دریاده طوفان اولمیاق مردمین حقین وِرَک حقی یین ظالم کیمی زور سرنیزیله بو دنیاده سلطان اولمیاق گوزلره آئینیه بنزر حقیقت گورسدک ارزشی یوخدور یالان دنیاده شیطان اولمیاق دینوز انسانلیخ دینی اولسون مسلمان شکلیده اول شیوخ نهروان تک نامسلمان اولمیاق بیر هدف وارکی اونون اوستونده خلق اولدی بشر پس گلون جنگلده چون بیر وحشی انسان اولمیاق گرچی گاهی جنگله بنزربو دنیاده ولی آخرت واردور پلنگ تیز دندان اولمیاق نفسون هرقدری جلو ورسون بودارّار گلّه نی شور سویی دائم ایچوب دریاده عطشان اولمیاق شعریمین کلا پیامی بوردادور، بو عالمین گولی انسان ایستیور گرگ بیابان اولمیاق طبع مجنونیمده منن متّفقدور ای قلم حق یازوب آباد اولاخ ناحقله ویران اولمیاق #ساسان آقایی اردبیلی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨