#طاووس_بهشت ای قدرتِ مافوقی اولان لا یَتَناهی من قدرتِ مافوقیوه قربانم اِلهی طاووسی او اندازه که زیبا یارادوبسان مبهوتیدی مین (گوهرینون) دید و نگاهی بیر ذرّه دی بو قدرتوین یک صَدُمیندن ای خلق ایدن انواعِ گُل و عطرِ گیاهی اولماز بولارین هامّوسی باهم یغیشا گر زهرانین اولا یوسفینون زلفِ سیاهی مین شکر اولا درگاهیوه ای خالق هستی ادغام ائلیَن بیر بیرینه شام و پگاهی ذرّاتِ عوالِم هامی شایسته دی الحق ایتسونله سنون آدیووه تسبیح و گواهی ای صانعِ صُنعِ ازلِ صنعتِ ایجاد هموار ائلیَن خلقته اسبابِ رفاهی هانسی گُلووین باشینه پروانه اولوم من دائم : نه فقط عمر بویی گاه به گاهی (طاووس جهاندور هله بو خلق ائلیوبسن طاووس بهشتین گوره سن واردی نه جاهی) (شیدا ) یول آچوب یاد اولونا حضرتِ قائم دنیاده که بیچاره لرین پشت و پناهی قائم به قیام حضرتِ مهدی گل آماندی خوش گونلریمز راهی اولوب رو به تباهی عرشه اوجالور ظلمین الیندن گوروسن که آواره و مظلوم و جفا دیده نین آهی هاردا یوبانورسان بو قَدَر مملکتین ای هم رهبری هم حاکم و هم دولت و شاهی سن شاهِ جهانسان باشووین تاجیدی قرآن مکتوب اولونوب شاهدون آیاتِ الهی کابینه وی آللّه ئوزی تشکیل ائلیوبدی وار قدرتی بیر لحظه ده کوه ایلیه کاهی اولما نگران اولماسا مولا سنه لایق بیر عدّه دن احیاناً اگر قولِ شفاهی آز لشکرون آماده دی که باشووه دونسون گویلرده تَمَرکُز تاپان ای فوجِ سپاهی قویما گوزوموز یولدا قالا بوندان علاوه گل گون کیمی شفّاف ائله ایّامِ سیاهی اسلامی قبول ایلمیشوخ اولماقا قویما تردیده آواره یِ ما بینِ دو راهی گلزار صفانین گویونون تک بو زماندا هم اولدوزیسان هم گونی هم سیّدی ماهی چیخ پرده دالیندان گورونه نورِ جمالون رونق تاپا تعریفیوه تعریفِ بِداهی ((یا قاضی الحاجات و اَیا غافر منّان عفو ایله گیلن گوهرینون اولسا گناهی)) #شعر✏️#استاد_فرهاد_گوهری ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨