زبانحال حضرت زینب (سلام الله) در خرابه شام   رقیه ای گل نازیم منیم ای محرم رازیم سه ساله خردا سربازیم بالام لایلای گولوم لایلای   منی گوزدن آتان لایلای توزا زلفی باتان لایلای قوری یرده یاتان لایلای بالام لایلای گولوم لایلای   سالان ای عمه سین درده ایاقه دور گیلن بیرده یاز اکبر آدینی یرده بالام لایلای گولوم لایلای   قالان چوللرده سرگردان قویان ای عمّه سین گریان گئدن قارداشینه مهمان بالام لایلای گولوم لایلای   واریمدور خجلتیم سندن گلیلی گیتدون عمّه ندن بابان چوخ ایستدون مندن بالام لایلای گولوم لایلای بهار ابری کیمی دولدون سارالدون گُل کیمی سولدون یتیم اولدون اسیر اولدون بالام لایلای گولوم لایلای   یارالی بلبلوم لایلای سولان غنچه گولوم لایلای اولوب ورد دلیم لایلای بالام لایلای گولوم لایلای   سن اُلدون فکریمی آزدیم الیمله قبریوی قازدیم بو قبره باش داشی یازدیم بالام لایلای گولوم لایلای   او دریا صبریوه قربان آغ اوزده اَبرووه قربان بو خردا قبریوه قربان بالام لایلای گولوم لایلای   آناندان عطریوی آلّام باشیما قاره وی سالّام قیزیم سنسیز ملر قالّام بالام لایلای گولوم لایلای   سنه گریاندی ائللرده قالان ای آدی دللرده قالوب گوشوارن اللرده بالام لایلای گولوم لایلای   دیدون هر سوز باشی ایوای گنه دور غملروندن سای دوروب دی اصغره لایلای بالام لایلای گولوم لایلای   آنان باشه قرا باغلار قویوبسان عمّه وی آغلار چکوبسن سینمه داغلار بالام لایلای گولوم لایلای https://eitaa.com/Hazrate_Abalfazll

‍ جان رقیه من بیرقیزام رقیه آدیم یارزینبم قبریمده یاتمشام گنه غمخوار زینبم عباس عموم باباما علمدار اولوب منیم ویرانسراده منده علمدار زینبم غیرتلی شیعه لر غمیمی دیلدن آتمیون گوشواره تحفوز اولسا منیمچون یوباتمیون تازه لباس گیینده سیزی تاری قیزلاروز کهنه گیین رقیه نی یاددان چیخاتمویون 🏴😭😭😭😭

نوحه اربعین . . ✍✍ اثر مرحوم استاد حاج داود بیدق داری میانه ای .. شاعر و ذاکر اهلبیت سلام الله علیها . کربلا کربلا آدیوه جان فدا گلدی مهمان سنه دختر مرتضی . آغلور ارض وسما دلدن ایلر نوا کربلا کربلا کربلا کربلا . . اربعینه گلوب زینب دلغمین زلفی آغ قدّی خم درد و آهه قرین سسلنور ئولمه دیم قالمیشام چوخ چتین نیمه جانم حسین هجریوه مبتلا . . کهنه دنیا قانا قاتدی گوز یاشمی وئردی عالم غمین آلدی قارداشمی کوفه ظلمینده من یارمشام باشمی گلمیشم محضره قلبی قان باش یارا . . من یانان آتشه یاندی پروانه ده وئردی شیرین جانین عشق جانانه ده قالدی خیردا قیزون کنج ویرانه ده گوردی نوراللهی تاپدی راه بقا . . من لباس غمی سویمادیم یاحسین آغلاماقدان سنه دویمادیم یاحسین عفو ائله قبریوه قویمادیم یاحسین جبریله زینبون اولدی سندن جدا . . اونداکی قارَه وی باشیمه باغلادیم سینه می آتشِ عشقیوه داغلادیم یاتمادیم صبحه تک هر گجه آغلادیم سویلدیم قبریوه یاحسین من فدا . . گردشِ چرخ دون سن ئولندن صورا قهرمان زینبی چکدی هاردان هارا گلمیشم شامیدن قول یارا باش یارا سالدی دیلدن منی قمچی لر برملا . . ..... ملتمس دعا

🍁بسم الله الرحمن الرحیم 🍁 نوحه/راه شام... ✍✍ به قلم ارزشمند استاد حاج رامین محمدزاده...... گئتمه دایان ساربان ، گوز یاشیم اولدی روان یولدا رقیه م قالوب ، زینب اولوب باغریقان بوردا گرک من قالام ، دردینی جانه آلام قلبی سینیقدور دایان ، صبر ائله گلسین بالام بالامی یولدا ترک ائتمرم رقیه م گلمسه گئتمرم ای کاروان ای ساربان قالدی بالام گئتمه دایان عمه سینی ترک ائدوب کامینه گویا چاتوب یاره لی یورقون دوشوب قوش کیمی حتماً یاتوب بیر نچه گوندی اونی قارداشی گوزدن آتوب شاید اَیاقلارینا خار مغیلان باتوب قلبیمی قان ائتمه ساربان قالدی بالام گئتمه ساربان ای کاروان ای ساربان قالدی بالام گئتمه دایان رحم ائله وار اوچ یاشی یوخدی اونون بیر کسی ایندی اونی زَهره چاک ایلدی یئللر سسی قورخولی وحشتلی چول عرشه چیخوب ناله سی ایندی ئولَر قورخودان فاطمه ریحانه سی قارداشیم حسینون جانیدور زهرانین غملی ریحانیدور ای کاروان ای ساربان قالدی بالام گئتمه دایان داده کیمی یولّاسان تاپشور اونی ویرماسین چوخ یوروب آغلاتماسین وقرینی سیندیرماسین آت دوشونه سالماسین رشتۀ غم قیرماسین یاسلیدی گویلون آلوب قلبینی یاندیرماسین کینه سین یولدا بولدورمسین آللها خاطر ئولدورمسین ای کاروان ای ساربان قالدی بالام گئتمه دای......

یارقیه بنت الحسین.س. سبک:حسین دوشوبدی مقتله ایاقی یاره دلبریم قولاقی پاره دلبریم خرابه یرده دفن اولان کفنی قاره دلبریم کفن سیز جسمون بالا قالموشدی اراده هامی سسلندوک وفالی عباسی داده یادیمدان چیخماز ئولونجه'ئوز اللریمله سنون قازدیم قبروی بو ویرانسراده یارالی بالام وای_حیالی بالام وای یتیم لیگین سرشکینه ئورک قانین قاتان قیزیم آتاسی نین باشین گوروب مرادینه چاتان قیزیم ئولونجه یاننام اوخشارام گجه لر آج یاتان قیزیم سن آج یاتیردون عمه وه یوخیدی چاره دلبریم آتا باشی سینه ده وئردون جان رقیه سنی ئولدوردی بو درد هجران رقیه بوغربتده شمع تک یاندون تا سونونجه ئولیدیم کاش تاپمادیم من درمان رقیه یارالی بالام وای آنام بطوله اوخشیان قابیرقاسی سینان بالام جمالی نیلی سیلی دن گوزونده لخته قان بالام خرابه یرده آج سوسوز وئرن یارالی جان بالام بدن ده قمچی ردی آی گئدن مزاره دلبریم یوزون اوخشاردی آنام زهرایه رقیه سالان داغلی قلبینه غم سایه رقیه داریخما بوردان اگرکی گئتسم ده گللم سنه اوللام شامیده همسایه رقیه یارالی بالام وای بو غربت ائلده آی قاتان ئورک قانیلا گوز یاشین گهی آتاسین ایستیین گهی ادبلی قارداشین خرابه ده آتاسی نین گورنده یاره لی باشین همیشه لیگ گوزون یومان بو روزگاره دلبریم گئدن نیسگیللی مزاره شیرین دیلیم وای اولان قلبی یاره خوش نغمه بولبولوم وای بی بون زینب گورده هریرده گوشواره دئیر وای قبره گئدن حسرتلی گولوم وای یارالی بالام وای ئولونجه یاندیرار منی رقیه مین بو نیسگیلی کی دوشموشیدی لکنته او سیلی دن سورا دیلی بو نازدانه نین هله دوزلممیشدی دورد ئیلی آغارتمیشیدی ساچلارین فراق یاره دلبریم قیزیم آخشام اوخشیان وقتده یانه یانه سالاردی اوت اوتلی قلبی قلب جهانه وئرنده غساله غسلین گوردوم وجودین نئجه یوللاردا ائدوب یول یول تازیانه یارالی بالام وای https://eitaa.com/Hazrate_Abalfazll

.. الهی بوخرابه یرده سه ساله قهرمانیم ئولدی گورن زمان یارالی باشی یارالی همزبانیم ئولدی . . بو گل حسینمین گولیدی قالیب خرابه ده سارالدی گجه گونوز ائدیبدی ناله نوادن آیری حاله قالدی یانوبدی شمع تک فراقه توانی گون به گون آزالدی ایاقی یاره قلبی یاره عزیز کاروانیم ئولدی . . بوغربت ائلده رنگ حسرت واریدی قاره گوزلرینده باخاردی سمت کربلایه خرابه نین برابرینده قالوبدی تازیانه ردی بو نازدانه پیکرینده وریلدی شامه جن مکرر اودور شکرزبانیم ئولدی . . آلوبدی قمچی لر دوامین یورولدی شامه تا یتشدی دئیردی عمه سرنوشتیم نهایتا هارا یتشدی بلی دئدیم بوعشقه اما نه قدری گور بلا یتشدی کم اولمادی جفای دوران بلالی خسته جانیم ئولدی . . نفسلریم دونوب فغانه سوموکلریم گلیب نوایه خرابه دن صبا گذر سال یتور بودر ... https://eitaa.com/Hazrate_Abalfazll

◾️مرحوم استاد منزوی ◾️زبانحال امام حسین و حضرت رقیه(س) سَسلَندی قیزیم دلده بو شیوَن نیه گَلدون اولدون من اوچون؛دست به دامن نیه گَلدون زهرایه قیزیم من قوناغام؛سَن نیه گَلدون عرض ائتدی بابا دوش یئره قول بوینوما سال گئت دردیم دیوم ال باشیمه چَک گئت عرض ایله دی ألدَن بابا آرامیمی آلدون آخر نه مدینونده نه ده مکّه ده قالدون گئتدون بیزی ئوز باشیمیزه چوللّره سالدون قَیتَر وطنه ایستمروک ملک عراقی ئولدوردی عراق أهلی سو اوستونده قوناقی..... قربانون اولوم رحم ائله پژمرده تُفاقه یاندرما یانان قلبیمیزی نار فراقه قویما مَنی باشسیز باشیمی سالما أشاقه من هر یئره گئتسَم دیَجک لر آتاسیزدی صبحه کیمی آفاقه سالان ناله بو قیزدی.... https://eitaa.com/Hazrate_Abalfazll