زینب گلور اما؟ زینب گلور اما باشینا قاره سالوبدی زینب گلور اما اورگین غملر الوبدی زینب گلور اما ائله بیل چوخ قوجالوبدی هر دم وئرور اللهی قسم صبر حسینه جان چیخمیا سالم یتیشه قبر حسینه * زینب گلور اما هله بیر کلمه دانیشمور قارداشسیز اونا دنیا بهشت اولسا یاپیشمور مدتدی کوسوب نهر فراتیله باریشمور حسرتله سووا خیره لنور نیمه نگاهی سسلور انامون اوغلی سوسوز ئولدی الهی * زینب گلور اما اوجالور ناله دلیندن زینب گلور اما یاپشوب فضه الیندن مشکل قدم اتسین الینی چکسه بئلیندن الله بو خانم هر یره گئتدی گئجه گئتدی تندیس حیا شمریله شامه نجه گئتدی * زینب گلور اما ائله بیل چوخ سوزی واردی زهرا قیزیدی قبر حسینده گوزی واردی هر یرده که زینب اولا زهرا اوزی واردی سسلور الیمی دوت انا دل درده گلوبدی قبری منه گورست گوزیمه پرده گلوبدی * زینب گلور اما او یانان دلده شرر وار قلبینده حسینه دئمه لی خاطره لر وار قیمتلی نچه بوخچادا سوغات سفر وار سوغاتی باسوب سینیه جان تک گتوروبدی بی غسل و کفن یوسفه،کوینک گتوروبدی * زینب گلور اشگی توکولور گوز بولاقیندان گلدیقجا ورور بوسه ملکلر ایاقیندان افسوس رقیه سسی گلمور قوجاقیندان اغلور دیور ایوای عجب زنده دی زینب قارداشدان ابوالفضل کیمی شرمنده دی زینب * زینب گلور اما دولانوب قلبی کبابه اصغر غمی قویمور باخا بیر موجیلی ابه در دین دیه بیلسه چاتاجاق نوبه ربابه یا فاطمه قلبینده ربابین سوزی چوخدی ایستور چکه نازین دیه لای لای بالا یوخدی * ✍از استاد کلامی #محرم1402 #اربعین #حضرت_زینب_علیهاالسلام ✨اَللّهُمَّ عَجِّل لِوَلیِّکَ الفَرَج✨

نازلی رقیه ای گوزویم نوری گلمه افغانه ویرانه رنجوری دیللری آهون دلر ، لای لای بالام لای لای غم یمه اکبر گلر لای لای بالام لای لای بوقدر ایتمه افغان بی‌بون قربان آغلار گوزللره نالان بی‌بون قربان اریدوب جیسمون زندان بی بون قربان دیللری آهون دللر لای لای بالام لای لای غم یمه اکبر گلر لایلای بالام لایلای بیلکلرونده بند طناب آغلار حالوه منن گیزلین رباب آغلار قلبینی ایلر دائم کباب آغلار دیللری آهون دللر لایلای بالام لایلای غم یمه اکبر گلر لایلای بالام لایلای دانیش منیلن ای شیرین زبانیم ویران سراده شمع شبستانیم دردیوه ای کاش اولیدی درمانیم دیللری آهون دللر لایلای بالام لایلای غم یمه اکبر گلر لایلای بالام لایلای شاعر : آقای خدایی مداحی نازلی رقیه ای گوزویم نوری از حاج نادر جوادی

نادرجوادی

🏝 کربلایه گئدن 🏝 ای گئدن کرب وبلایه منیده یادووَه سال عمل ائت رسم وفایه منیده یادووَه سال یولی بینُ الحَرمینه سالاجاقسان بیلورم نظر ائت مروَه صفایه منیده یادووَه سال دئمه که گنبد عباسه گوزوم دوشدی او دَم باخوسان هاشمی آیه منیده یادووَه سال صدقیلن آغلا علمداریدن آل اِذن دُخول زائر اولسون شهدایه منیده یادووَه سال بِله سانما بو زیارت هامیا قسمت اولار سالوب الله سنه سایه منیده یادووَه سال آستانیندن ئوپن وقتی حسینون دِئ آقا ائت کرم بو فقرایه ، منیده یادووَه سال پایِ پادَه اوخیان وقتی زیارت نامه اکبری سَسله هَرایه منیده یادووَه سال اصغرین وار هَوسی زائرینون لایلاینا لای لایون گلسه نوایه منیده یادووَه سال بوینی چگنینده دایان اوغلی ئولَن بیر نَنَه تَک نوحه دِئ خوردا هُمایه منیده یادووَه سال مَقتل شاه شهیدانه طرف چوخ گِئتمه باخ اوزاقدان او مِنایه مَنیده یادووَه سال اورا بیر یردی که اوردا باش آچار خَتم رُسل گَلر عَرش اهلی بُکایه ،منیده یادووَه سال اوردا بَند دل زهرانی قِیروب کافر اَلی باخ او مَعناده عزایه منیده یادووَه سال چوخ دایانما ایکی اَل سینووُن اوستونده قَیت آچ دیلی ذکر و دُعایه منیده یادووَه سال بیر گونی تُپراقین آلتیندا دِیرسَن (نادر) ای گئدن کرب و بلایه منیده یادووَه سال 🏴🌴🏴🌴🏴🌴🏴🌴 #اربعین #زائر_کربلا

اوخ شمادت دن یاغاندا گؤز تیکر اوّل منه من ابوالفضلم بلا لولاسینون معناسی ام من ابوالفضلم گوزوم اوخلاندی مولا جان دئدی داغ داغیلدی دامن صحرایه، صحرا جان دئدی من دئدیم یاندیم آنا، سسلندی زهرا جان دئدی بیر جهان جان سیز ییخیلدی بیر جهاندا جان دئدی من ابوالفضلم حسینین دوغرانان اعضاسی ام من ابوالفضلم منی تشنه دوداخلاردان سوروش من ابوالفضلم منی یانمیش بولاخلاردان سوروش من ابوالفضلم منی سؤنموش چیراخلاردان سوروش من ابوالفضلم منی قولسوز بوداخلاردان سوروش من سؤزولموش گوزلرون «فریاد» واویلاسی ام

اربعين حسيني ☘🌌☘🌌☘🌌☘🌌☘🌌☘🌌☘ نوحه اربعین 🌴🕋🌴🕋🌴🕋🌴🕋🌴🕋🌴🕋🌴 یتیشدی یولدان      قطار زینب دور ای یارالی        نگار    زینب الی قوینوندا      حرمین   گلدی گؤزون آچ صاحب علمین گلدی 🌹🌹🕋🌹🌹🕋🌹🌹🕋🌹🌹🕋🌹🌹 سنه واریمدی علاقه قارداش مزارین آللام قوجاقه قارداش ایاقه دور بیر منی دانیشدیر ائدلله حرمت قوناقه قارداش                نگران زینب سنه مهماندی         سسیمه سس ویر ئورگیم قاندی غم فراقین اوتوندا یاندیم باشون دالیجا گزیب دولاندیم سوسوز دوداقه دگنده داشلار باخوب گؤزوندن حسین اوتاندیم              دل طوفاندان گلورم قارداش         یورولوب جانیم ئولورم قارداش حسین بو قلبی کبابی دیندیر بو پاسدار حجابی دیندیر دوشوبدی اصغر آناسی دیلدن اویان اوغولسوز ربابی دیندیر          یارالی اوغلی سینووین اوسته                اوتانور لایلای دیور آهسته منی زمانه آییردی سندن همای رؤحیم آوچوب بدندن بو کارواندان رقیه کمدی اماندی ائتمه گلایه مندن                 نگران اولما او سیه پوشه                  اونی ویرانه آلیب آغوشه

با سلام شعر جدید نوحه اربعین حسینی                زبانحال حضرت زینب کبری چوللره ای غم هجری منی دنیاده سالان زینبم قارداش حسین قبریوه زوارم اویان             سس ویر ای قارداش حسین            آغلارام قان یاش حسین 2بار دولانوب چوللری قیرخ گوندی حسین گلدی باجون تیر دلدوزیله دشمن اورگین دلدی باجون دوشه نوب مرقدیوین اوستونه دینجلدی باجون                  حق سوز اوسته دایانوب قانینه عشقیله باتان                سس ویر ای قارداش حسین                 آغلارام قان یاش حسین 2بار دردهجرانین حسین چوللره سالدی باجیوی غم غم اوسته قالانوب غملره سالدی باجیوی چوللره دردوغمین یکسره سالدی باجیوی           یاتما دور زینبم ای باجیسنی گوز دن آتان                سس ویر ای قارداش حسین               آغلارام قان یاش حسین 2بار باجیوا سس ویر حسین سن دلیمون ازبری سن لشگرین قانه باتوب سن شهدا رهبری سن عالمین سروری سن سن باجیوین دلبری سن             درد هجرینده سنین آغلادی بو کون ومکان           سس ویر ای قارداش حسین                 آغلارام قان یاش حسین 2بار عالمه ویردین حسین سن نه گوزل درس وفا گوروم اولسون جانیوا زینبیون جانی فدا گلمیشم دور سنه قربان یاراوی باغلاماقا              درد هجرانی منی چوللره عشقیله سالان                 سس ویر ای قارداش حسین               آغلارا م قان یاش حسین 2بار گزمیشم شام دیارین ولی سندن نگران باجیوین قامتینی آیریلغین ایتدی کمان باشیوی گوردی جدا اوسته باجین ایتدی فغان          دور حسین جان غم هجرینده دوتوب قلبیمی قان           سس ویر ای قارداش حسین            آ غلارام قان یاش حسین 2بار ای وفا درسینی عالملره احراز ایلین جدی پیغمبری جنتده سرافراز ایلین آلتی آیلق بالاسین دینینه سرباز ایلین           یاراوی باقلاماقا گلمیشم ای شاه جهان         سس ویر ای قارداش حسین          آ غلارام قان یاش حسین 2بار باجیوین قامتی خم اولدی بومدتده حسین صبر ایدوب حقدن اوتور زجریده ذلتده حسین قلبیمی سالدی غمون درده نهایتده حسین          دورحسین جان سنه قربان منه ای مفخر اولان         سس ویر ای قارداش حسین           آ غلارام قان یاش حسین 2بار من حسین عشقیوی عالملره اعلان ایلدیم حق سوز اوسته دایانوب شامیده طوفان ایلدیم کاخ خضرای اومعاویه نی ویران ایلدیم        عشقیوی ساخلاموشان بویارالی دلده نهان                سس ویر ای قارداش حسین                آغلارام قان یاش حسین 2بار باشیوی گوردوم حسین نیزه لر اوستونده سنین قلبیمی داغلادی نارغم هجر و محنین شام شوم ایچره رقیه غمی چوخ اولدی چتین         هی دیردی نیه گوزدن منی آتدین بابا جان         سس ویر ای قارداش حسین             آغلارام قان یاش حسین 2بار بیر گیجه شیون ایدوب آغلادی اول نازلی بالان باشیوی باغرینا باسدی منی ایتدی نگران اوخشادی آغلادی ویردی غم هجرانیله جان         گلمدی کرب وبلایه ایلدی شامی مکان          سس ویر ای قارداش حسین         آغلارام قان یاش حسین 2بار اولمادی اوردا کفن معجری اولدی کفنی باجیوین قلبنی یاندیردی گویرمیش بدنی آغلادوب قبره قویونجا غم هجرانی منی         ایتدی اوز عشقینی شام اهلینه بالمره عیان          سس ویر ای قارداش حسین          آغلارام قان یاش حسین 2بار التماس دعا

دور یاتما زواریم گلورقارداش ابولفضل                                      یورقون بالالاریم گلور قارداش ابوالفضل قرخ گونون عرضینده باجیم گورنه قوجالیب سوسوزلوقدان بالالاریم سولوب سارالیب معلوم اولان بیر عده سی یولاردا قالیب محرم اسراریم گلور قارداش ابوالفضل چوخلی مصیبته دوزوب کرب و بلاده کوفه و شامی دولانوبیب پای پیاده بیر نظر گوزدن قویموب منی جداده یار وفاداریم گلور قارداش ابوالفضل واردور باشیندا زینبین چوخ ماجراسی باجیمون گلمز شماره درد و بلاسی توخدامیب ئورگینین هله یاراسی قافله سالاریم گلور قارداش ابوالفضل دور پیشواز ائت زینب نالانی قارداش آغوشینه وئر اصغر عطشانی قارداش جانیم اولا زینبمین قربانی قارداش یاتما اویان یاریم گلور قارداش ابوالفضل نهضتی احیا ایلین زینبدی زینب برپا قیامت ایلین زینبدی زینب یزیدی رسوا ایلین زینبدی زینب وفالی دلداریم گلور قارداش ابوالفضل بو کاروانیله گلور حسینین جانی دور یاتما استقبال ایله بو کاروانی وئر زینبین آغوشینه اوخلی قربانی غم گونی غمخواریم گلور قارداش ابوالفضل اصغره لای لای دیئری آغلیری زینب اوغلی ئولن آنالاری داغلیری زینب قرخ گوندی باشینه قرا باغلیری زینب یورقون عزاداریم گلور قارداش ابوالفضل

اربعین_حسینی نینوا دشتی کیمین آه و نوایه گلورم اربعین ماتمینه کرببلایه گلورم یارالی اللریمیلن یارالار باغلامیشام داغلانان سینمی هجران غمیوه داغلامیشام کاملاً آغلاماقی اربعینه ساخلامیشام باشدا هجران قره سی بزم عزایه گلورم گلمیشم کرببلاده غم و اندوهه یانام قبریوین کعبه کیمین دورونه آغلار دولانام بو قرا پرچمیوین سایه سینه دالدالانام دردمندم یارالی دار شفایه گلورم بو سفرنامه نین آیا هاراسیندان دانیشیم بولمورم دشمنیوین دیل یاراسیندان دانشیم یا کی شاماتیده غم ماجراسیندان دانشیم قانلی باشونله حسین سایه به سایه گلورم سنین عشقیندی حسین زینبی هر یانه چکیب وطنیمدن آییریب کوه و بیابانه چکیب کوفه و شامه چکیب منزل ویرانه چکیب داغلی قلبیم دولوسی درد و گلایه گلورم بولمورم قبره قویوب کیم او داغیلمیش بدنین کیملر آماده ائدیب قانلی وجوده کفنین آلموشام قتلگهینده سویولان پیرهنین اربعین دوتماقا عطشان شهدایه گلورم دوزدی قلبیم دولوسی عرض ارادتدی حسین ئوپورم تربتیوی فیض زیارتدی حسین ولی بیر باره ده زینب نه خجالتدی حسین کی همین باره ده افغان و نوایه گلورم نه خرابه نه رقیه غمیدی نیسگیلیدی باخیشی غصه لی گفتاریده شیرین دیلیدی گجه سی گوندوزی اهل حرمه بیر ایلیدی التماس ائتدی رقیَّنده دعایه گلورم

‍ تقدیم به خدمتگزاران اهلبیت فداییان حضرت زینب س وتمام زائران کربلا ----------------------------- مدعی یاوه دئمه دهریده بیداد ائلمه بسدی ای خانه خراب دغدغه ایجاد ائلمه بو قرا کوینگه ، یوم آغزیوی ایراد ائلمه بیز حسین نوکریوک بزم عزایه گئده روک سن گئین قیرمزی، بیزقاره میزه فخرائده روک ----------------------------- بو قرا کوینگی بیل شاءن و شرافتدی بیزه عشقیلن ئولمگیمیز عین شهادتدی بیزه آقام  عباسین  آدی  موجد  غیرتدی  بیزه شیعیه  تور توخوسون غیضیله دیلدن اسروک قانیمیز جوشه گله نسلوزی یئردن کسروک ------------------------------ داعشی بند دیلون پاره لییر هیبتیمیز مرکز  نشر  ولایتدی  عزا  هیئتیمیز یاابالفضل چاغیراق جوشه گلر غیرتیمیز عاقبت فتنه روش قلبیزی ، حق غمله سیخار ائویزی فاطمه نین قولسوز علمداری ییخار ----------------------------- ای اولان فرقه تکفیری و رسوای  جهان گمرهه پست و کج اندیشه و کج فهم زمان شمره  لبیک  دییب  دامن  ابلیسی  دوتان حقه خاطر کسیلن باش گله ائتمز یارادان قدمون ایرانا قویسون ایکی بولییک آرادان ------------------------------- هره میز مملکت عشقه سفیروک تانییون حامی واقعه ی  روز  غدیروک  تانییون شیریدی رهبریمیز پنجه ی شیروک تانییون موسیه قلبه دمشقین حرمین طور ائده روک زینبین قبرینه کیم چپ باخا گر کور ائده 🖤🖤

‍ اربعین حسینی زبانحال حضرت زینب کبری(س) حسین گل ئوزون پیشوازه گیدوبسن عجب خواب نازه واریمدی سنه حرف تازه حسین جان (۲) سندن صورا زینبون دوشدی دردوبلایه سندن صورا قیزلارون گلدی شورونوایه سندن صورا گئچدی باشلار حسین جان جدایه ایوای یارالی،یارالی ،یارالی،یارالی(3) * بیزه کوفده ال چالوبلار منی مین بلایه سالوبلار اخا دل یاراسی ویروبلار حسین جان(۲) قانلی باشون نیزه اوستونده قرآن اوخوردی قرآن اوخویان باشوا عدو داش آتوردی گوردوم باشوندان حسین تازه دن قان آخوردی ایوای یارالی، یارالی،یارالی، یارالی(3) **** گلایه واریم اهرمندن آیردی بالالاری مندن اوزاق دوشدوم اهل حرمدن حسین جان (2) اولماز اوشاقین بیله ظلمه تاب توانی آغلاتدی یوللاردا دشمن رقیه بالامی قول باغلی قارداش دولاندیردی کوفیله شامی ایوای یارالی،یارالی،یارالی،یارالی(3) * سوروشما سه ساله آنوندان سوروشما رقیه بالوندان سوروشما خرابه شامدان حسین جان (2) چیخماز رقیه بالامین غمی هیچ یادیمدان جان ویردی ویرانسراده رقیم آجیندان اولدوم خجالت رقیه بالوندان حسین جان ایوای یارالی ،یارالی،یارالی،یارالی(3) * دیوم شامین هانسی بلاسین نجه نقل ایدوم ماجراسین مصیبت گوروب آل یاسین حسین جان (2) شام اهلی چیخموشدیلار شامیده پشت بامه بیرظلم ایدوبلر یتوب صدمه راس امامه اودسالدی شام اهلی اودلاندی باشدا عمامه ایوای یارالی،یارالی،یارالی،یارالی(3) * دیوم یاحسین هانسی غمدن رقیمدن اهل حرمدن ویا کهنه بیرپیرهندن حسین جان (2) پرچم نصرمن الهی شام ایچره ویردیم کوفیله شاماته قارداش نجه لرزه سالدیم ویرموردیلر کوینگون  باری آغلیوب آلدیم ایوای یارالی،یارالی،یارالی،یارالی(3) **** باشون شمر الیندیدی گوردوم باشون نوک نیدیدی گوردوم باشون طشت زردیدی گوردوم حسین جان(2) منزل اولوب شامیده اهل بیته خرابه شمرلعین دوردی کینیله اوردا عناده جبریله قارداش بیزی چکدی بزم شرابه ایوای یارالی،یارالی،یارالی،یارالی(3) ** حسین کربلانون صفاسی بوشش گوشه قبرون بناسی اخا چوخ گوزلدی نماسی حسین جان(2) شش گوشه قبرون حسینجان من آغوشه آلام اولسا علاجیم بوقبرون کنارینده قالام دوشسم اوزاق کربلادن سولوب من سارالام ایوای یارالی،یارالی،یارالی،یارالی(3) اشعارکربلایی ایوب روزبه بخشایش https://eitaa.com/Hazrate_Abalfazll

آهنگ نوحه اربعین حسینی بانوای کربلایی ایوب روزبه بخشایش 👆👆👆

اربعین_حسینی بوگون قرخ گوندی زینب سینه داغلار غریب قاداشینه چوللرده اغلار بوگون قرخ گوندی باد ظلم اسوبدی عدو هم باش کسوب هم ال کسوبدی بوگون قرخ گوندی باغ دین صولوبدی او قانلی گوزلره تپراق دولوبدی بوگون قرخ گوندی لیلا دربه دردی رباب اوز اصغرینن بی خبردی بوگون قرخ گوندی سرگرداندی زینب حسیندن ایرلوب نالاندی زینب بوگون قرخ گوندی اعدا کام الوبلار ابولفضلین قولون تندن سالوبلار بوگون قرخ گوندی زهرا ساخلیوب یاس کنار نهریده باشسیزدی عباس بوگون قرخ گوندی قان یرده قالوبدی حسینون باشی اللرده قالوبدی بوگون بیر گوندی گلمیش جان نوایه گلور زینب دوباره کربلایه بو گون بیر گوندی عالم تار اولوبدی باجی قارداشینه زوار اولوبدی گلور زینب الینده قانلی سوغات دیوردور یا حسین گی کوینگون یات گلور زینب وصال عشقی جاندا ولی نازلی رقیه یوخ یاننیندا گلور زینب قوناق شاه حجازه حسین اما دورانمور پیشوازه گلور زینب توکور دامانه قان یاش دیوردور گوزلرون قربانی قارداش گلور زینب ویرا تل اوسته پرچم اسه پرچم دوتا عباسه ماتم

اربعین سالار شهیدان ⚫️⚫️⚫️⚫️ دور قبریدن آی قارداشیم قان اولدی گینه گوز یاشیم قیرخ گونده بیلیم بوکولدی گورنه آغاروبدی باشیم قرخ گونده گورنجه قوجالدیم جای عجبدی زنده قالدیم یول بو مزاره بیرده سالدیم ایوای حسین ایوای یارالی بولمم دیوم هانسی غمدن آیریلدوق اودم کی سندن غارتده نلر گور موشم جور و ستم دشمندن بعضی قولاقدان قان آخوردی بعضی بالانهره باخوردی نارجفاقلبین یاخوردی ایوای حسین ایوای یارالی بیزکوفیه تاکی چاتدوخ گوزیاشینی قانه قاتدوخ گور نه گونه قالدوخ قارداش زنداندا گیجه نی یاتدوخ بیر بزمه گیتدی آل عصمت مجلس دیمه صحن قیامت اولدی بیزه چوخلی جسارت ایوای حسین ایوای یارالی یوللاردا اولوب هَنگامه توش اولدوخ حسین آلامه ا... بولوری نه چکدوخ یولدا یتیشینجه شامه بیر گون قیزون یوللارداقالدی زجر دنی آرامین آلدی هجری شرربو جانه سالدی ایوای حسین ایوای یارالی غم یتمیوب هیچ پایانه بیر بیله بلا بیر یانه امایارالی گلدوخ بیز شامین ستمیندن جانه بیر ظلم اولوب اوردا امامه یاده دوشوریانمیش عمامه سایماقیله یتمز تمامه ایوای حسین ایوای یارالی ویرانه ده توکدوخ قان یاش چوخ غملره دوزدوخ قارداش ال چکمدی اما بیزدن بیرعده جفاجو اوباش اولسون قسم خلاق حیّه چوخ ظلم ایدوب ال اُمیّه ویرانه ده قالدی رقیّه ایوای حسین ایوای یارالی #اربعین التماس دعای فرج الاحقر مهدی عبادی ---•••◇🏴🏴🏴◇•••---

شهادت امام حسن مجتبی علیه السلام ای زهرانین سولان گُلی ای باغریقان گوزون آچ گل تک سولان جمالیوه زینب قربان گوزون آچ قویما تیر مصیبتون بو قلبی بولسون حسن بو نه حالتدی قالموسان زینبون ئولسون حسن ای غرق بلا و اَنین یاندیردی منی مُحنین زهرین اَثرینده سنون گل تک گُویریب بدنین « قربانین اولوم حسن » یاندیم یا فاطمه دِئمه یاندی قلبیم سوزوه حسرتلی باخما زینبه ، زینب قربان گوزوه محنتونده بو بی کسی یاندیریب یاخما حسن دردون گلسین منه ؛ بئله نیسگیلی باخما حسن آلامیوی بیلم اَخا گوزیاشیوی سیلم اَخا باخ زینب غمکشیوه گر باخماسان ئولم اَخا « قربانین اولوم حسن » دردونده راضی اولما من گوزیاشیمی اَلِییم صبر ایله بو یانان دلهَ بلکه چاره اِلِییم چون زینب عادت الیوب وای دیوب آغلاماقا چوخداندی اُورگنوب باجون یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » رامین محمد زاده(پریشان) ♦السلام علیک یا اباعبدالله الحسین (ع)

‍ رحلت پیامبر(ص)وشهادت امام حسن(ع) وقت عزایتیشدی،،ای شیعه گل نوایه گِی قاره بزم غمده،،آماده اول بُکایه بزم عزاقوروب گون،،رخت عزاگیوب آی حیدرجنانداآغلور،،،زهرادیلینده لایلای گاهی دیوربابام وای،،گاهی دیوربالام وای هراوخشامادینده،،،لرزه سالورسمایه پیغمبرگرامی،،،گوزیومدی بوجهاندان نوحه سسی اوجالدی،، هرپیروهرجواندان جَبریله اهل معنا،،،آیریلدی دلستاندان بزم عزاقوروبدی،،،عشق اهلی مصطفایه بیرآیریغم ائدوبدی،،قلب بتولی مغموم زهریله مجتبانی،،جعده ائدوبدی مسموم جان وئردی ئوزائوینده،،دوم امام مظلوم گوردی اوحالی زینب،،غرق اولدی آه ووایه احمدغمینده اولدی،،ماتمســـــــــرا مدینه اولدی حسن غمینده،،،غرق عزا مدینه ایلوربوغمده الآن،،،آه ونــــــوا مدینه آغلورحسین مظلوم،،،آلام مجتبایه استادطالبی #ترکی ♦السلام علیک یا اباعبدالله الحسین (ع)♦

زبانحال حضرت زینب کبری علیها السلام در شهادت امام حسن مجتبی علیه السلام (آهنگ اوغول علی آغلاما یات) اوزون هرایه یتیش آنا جان ویرور حسن اوغلون سالوب ایاقدان اونی جفا جان ویرور حسن اوغلون ایو اولوب عزاخانه/آغلارام یانا یانه دولوبدی قان طشته آنا صبریمی آلوب الدن آنا دوداقیندا قان دوروب زینبی سالوب دیلدن اولوبدی وردی گوزل آدون سالماز آدیوی دیلدن اوقدری قالمور گوزون یوما جان ویرور حسن اوغلون بلایه دوشدی بوگون حسن زهر کینه دن یاندی بیزه دیمور قاتلین آدین غمدن هامّی حیراندی قانی آخوب کوینگینه یوزگوزی بوتون قاندی ایله سیزیلدیر یانا یانا جان ویرور حسن اوغلون بونون بو مظلومیتی عالمه ایدر تأثیر بهشتیدن گل مدینیه ایلمه آنا تأخیر سویی گوروم قانه دونه ویردی رنگینه تغییر اوجالدی عرشه آنا نوا جان ویرور حسن اوغلون اورک دولوب دردو غصّه دن یانموری دیلیم بیجا گوزوم قاباقینده جان ویرور شور حشر اولوب برپا منه دیور آغلاما باجی وار قاباقدا عاشورا غمیم آنا گلموری سایا جان ویرور حسن اوغلون #امام_حسن_مجتبی_علیه_السلام التماس دعای فرج الاحقر مهدی ♦السلام علیک یا اباعبدالله الحسین (ع)♦

نوحه شهادت حضرت رقیه سلام الله علیها        زبانحال عمه جان هاردا قالوب یورقون آتام قویموری درد و غمی ایندی یاتام         چوخ ویروب یولدا منی شمر دنی        سالموشام زحمته یولاردا سنی 2بار عمه سنسن منیم عالمده بوگون دادرسیم وارسنه زحمتیم عمه نچه کی وار نفسیم چاتموری بیر کسه عمه بیله بحراندا سسیم          چوخ ویروب یولدا منی شمر دنی      سالموشام زحمته یولاردا سنی 2بار عمه زینب منی بو غصه و غم ئولدورجک دردیمی ئولسم ئولننن صورا هامی بیلجک ئولمه میشدن منه اما بابا مهمان گله جک      چوخ ویروب یولدا منی شمر دنی     سالموشام زحمته یولاردا سنی  2بار عمه ویرانه ده من صبح و مسا آغلامشام قاره معجر باشیما من بی بی جان باغلامشام اکبر ه آغلامشام سینه می من داغلامشام      چوخ ویروب یولدا منی شمر دنی      سالموشام زحمته یولاردا سنی 2بار عمه زینب بابامی من یوخودا گوردوم ئوزوم ایندی اونان صورا بیر لحظه منه یوخدی دوزوم بابامی گورسم اگر بیرده اونا چوخدی سوزوم     چوخ ویروب یولدا منی شمر دنی     سالموشام زحمته یولاردا سنی 2بار شامیده عمه منیم دردیمه درمان گله جاق قولی ویردی منه سالار شهیدان گله جاق گلسه اما بیلورم مرده دله جان گله جاق     چوخ ویروب یولدا منی شمر دنی     سالموشام زحمته یولاردا سنی 2بار گوزلریم یولدا قالوبدی بابا مهمان گله جاق هاچان الله گورسن سویگولی جانان گله جاق گورسم اما بابامی روحیه ریحان گله جاق      چوخ ویروب یولدا منی شمر دنی      سالموشام زحمته یولاردا سنی  2بار عمه زینب بابامی گورمک بو دل تلسور گون باتاننان بوگیجه قلب حزین گل تک اسیر گلموری ایندی بابام بیلمورم هالاردا گزیر       چوخ ویروب یولدا منی شمر دنی        سالموشام زحمته یولاردا سنی 2بار هر قیزین گیتسه باباسی سفر عمه مگر گنج ویرانه ده بو رسمیدی گر منزل ایدر هاچان الله گورسن باشه چاتار غملی سفر     چوخ ویروب یولدا منی شمر دنی      سالموشام زحمته یولاردا سنی 2بار گر گیدوبدی سفره شبه پیمبر هانی بس ئولوب اکبر اگر  عباس دلاور هانی بس نوجوان قاسم هانی تشنه لب اصغر هانی بس     چوخ ویروب یولدا منی شمر دنی       سالموشام زحمته یولاردا سنی 2بار آیریلیق دردی منی عمه بو احواله سالوب بابامین گلممگی تاب و توان الدن آلوب گوزلورم من یولونی ایندی گوزوم یولدا قالوب     چوخ ویروب یولدا منی شمر دنی       سالموشام زحمته یولاردا سنی 2بار «مهدیم » عرض ایدرم ای گل گلزار وفا دفتره یازدوم آدین دفتریمه ویردی   صفا لطف ایله نوکر درباریوه قیل لطف عطا           چوخ ویروب یولدا منی شمر دنی       سالموشام زحمته یوللاردا سنی 2بار 🙏🏼ملتمس دعا ✍بقلم حاج مهدی ملکی زنجانی _____

🎼سبک نوحه فوق👆👆 ✍بقلم استاد حاج مهدی ملکی زنجانی 🎤#بانوای_حاج_علی_سیفی_افشار