زبانحال حضرت زینب (س) در شهادت حضرت علی (ع) . . #سبک_ای_ویرن_ویرانه_یرده . مرحوم حاج حیدر خوندل تبریزی . ای نماز اوسته جمالی قانه غلطان وای بابام وای بی وفا افراد الیندن باغرى آلقان وای بابام وای . . ای وجودی دستگاه آفرینش افتخاری وی سریر عشقه والی تخت عزت شهریاری حقلیم عمرومجه اولسا گوز یاشیم هجرونده جاری باغریمی درد فراقون ایلیوب قان وای بابام وای . . ای بابا با اینکه سنسن خلقته بیر فرد کامل بولمدى افسوس قدر و شأنوی بوقوم جاهل کیمدی سندن غیر اولسون هل اتی شأنینده نازل ای سراپای وجودی شرح قرآن وای بابام وای . . گونده بیر نحویله قلبون داغلانوب سوز المدن گوردون آلوده محیطی درده گلدون درد و غمدن انتقاد ایتدون همیشه ظلمدن اهل ستمدن قویمادون بو امره قالسون نقص و نقصان وای بابام وای . . سن او . . برچسبها:#ای_نماز_اوسته_جمالی_قانه_غلطان_وای_بابام_وای #سبک_ای_ویرن_ویرانه_یرده .

‍ سبک زمینه سینه زنی یا واحد (وصال تبریزی) ای شاه لب عطشان ، جانم سنه قربان ، قیل دردیمه مولا اوزون چاره قویما قالوم غمین ، ایسته بو اربعین ، قوش منیده شوقیله زواره من هر سلامیده ، چون ، حس ائیلرم باب حرم دورموشام هر بزم ماتمده ، یا هر ایل محرمده گورموشام غملر بو خسته قلبیمی والله بولوبدی چونکی منیم مظلوم آقام الده ئولوبدی جانم حسین جانم حسین جانم حسین جان اهل غم آبادم ، چوخ غملیم شادم ، کرب و بلا تک جنتیم واردی من هم بو دنیاده ، و بیرده عقباده ، والله حسینله شوکتیم واردی عشقون شرارینده ، من پروانه وار آقا همیشه یانام گر قبریوی گورسم ، من ، کعبه مثالی باشینه دولانام ای کاش آچوب گل مثلی مین دفعه سولیدیم الده ئولن اربابیمه قربان اولیدیم جانم حسین جانم حسین جانم حسین جان من نوکر شاهم ، عبد بو درگاهم ، فخریم بودور سن سن حسین یاریم گوزدن منی آتما ، اوزگلره قاتما ، ای روشنی بخش شب تاریم هر یرده هر لحظه ، من الدن بوراخمارام اقاجان سیزی آتام غلاموندور ، آنام ، زهرا آناوندور آقا کنیزی مقصد و منظوریم ، بولورسن نینوادی بو عالمون دادی دوزی بیر کربلادی جانم حسین جانم حسین جانم حسین جان من غملی حالیمده ، خواب و خیالیمده سیر ائیلیر روحوم بلا دشتین مینلرجه کنشته ، حتی ده بهشته من وئرمرم کر ب و بلا دشتین ای کاش اولا قسمت ، تا قبرون آلام گوزیاشلی بیر آغوشه بس وئرموشام سینه ، دوز قبرون کیمی قلبیم اولوب شش گوشه آهنگ شور و شینیله هر دم بورونم زینب سورونن یرده بی پروا سورونم جانم حسین جانم حسین جانم حسین جان مداح ..کربلایی محمد سرداری کانال مداحی ترکی باسبک🎤 پیوی:مدیرکانال شعبانپور @Haram75 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

‍ با صدای حاج محسن #رستگاری زرّین قلم عطریوی آلدیم حسین ئولمدیم قالدیم حسین یول طریق عشقیله قبریوه سالدیم حسین (رتبه والاسی وار منظر زیباسی وار) (2) زینبون ای جان جانان قبریوه قربان تربتون مین درده درمان قبریوه قربان ای فروغ بی زوال اسوه فضل و کمال وار بو یرده جلوه نور حی ذوالجلال (زینبه ای نور عین بو تجلانی حسین) (2) گورمیوب موسی بن عمران قبریوه قربان تربتون مین درده درمان قبریوه قربان خالقه ممدوحدور تکیه گاه نوردور کعبه بی کربلا قالب بی روح دور (خلقته روح حیات کشتی نوحه نجات) (2) یا حسیندن اولدی احسان قبریوه قربان تربتون مین درده درمان قبریوه قربان نور مطلق بوردادی نقش هو حق بوردادی اسم اعظمدن اولان اسمی مشتق بوردادی (بو آدی گتدی خلیل ایلدی رب جلیل) (2) نار سوزانی گلستان قبریوه قربان تربتون مین درده درمان قبریوه قربان خالق هفت آسمان هم زمین و هم زمان گوییا خلق ایتمیوب بو شرافتده مکان (منبع نور و صفا تپراقی خاک شفا) (2) قبله گاه دردمندان قبریوه قربان تربتون مین درده درمان قبریوه قربان نه گوزل گل لر دوشوب گللرون پرپر دوشوب انجم افلاک دین گوئیا شش پر دوشوب (اهل عشقه توشه دور نه گوزل شش گوشه دور) (2) اولموشام مبهوت و حیران قبریوه قربان تربتون مین درده درمان قبریوه قربان ای عزیز مصطفی من گیدنده یا اخا پیکر شان شانوی بوردا گوردوم بر ملا (گوردوقوم پیکر هانی او گوزل گوللر هانی) (2) خانه صبریمدی ویران قبریوه قربان تربتون مین درده درمان قبریوه قربان کربلا طوفانیدی سر به سر ویرانیدی من گیدنده غنچه گل ظلمیله خندانیدی (شیونیم عرشه چاتوب سود امر هرادا یاتوب) (2) اولموشام زار و پریشان قبریوه قربان تربتون مین درده درمان قبریوه قربان قلبیمی ایلور کباب درد جانسوز رباب خانمان صبریمی شیونی ایلور خراب (گلمیشم ایوای دیئم اصغره لای لای دئیم) (2) یوخلاسین اول قانه غلطان قبریوه قربان تربتون مین درده درمان قبریوه قربان دیده گریان گلمیشم من زار و نالان گلمیشم گوشه ویرانه ده قویموشام جان گلمیشم (اولدوزوم اوردا یاتوب زینبی گوزدن آتوب) (2) شرحینه یوخ منده امکان قبریوه قربان تربتون مین درده درمان قبریوه قربان بیر منه باخدی حسین یاندیروب یاخدی حسین دیندیریردیم ناگهان گوزلری آخدی حسین (اول پریشان خانه ده گوشه ویرانه ده) (2) دوتموشام شام غریبان قبریوه قربان تربتون مین درده درمان قبریوه قربان اول حبیب ذوالنعم ایلیه « زرین قلم » بیر برات کربلا لطف و احسان و کرم (اشتیاق و شوقیله باشلاروخ بو نوعیله) (2) ایلدون نه یاخشی احسان قبریوه قربان تربتون مین درده درمان قبریوه قربان استاد ..حاج محسن رستگار @Hazrate_Abalfazll

‍ حضرت رقیه (سلام الله)   من رقیه آدینون  عاشقیم اولدن چون گلور فاطمه عطری او گل رعنادن   اولمشام چوخ گجه دلدن متوسل اوقزا قورتاریب باشیمی حق درد غم و غوغادن   آدینه سفره سالان سفره خالی گورمز سائل اولماز گچینر سفره استغنادن   هیجده ساله آنانون بو سه ساله بالاسیی ظاهرا آیری دوشوب قطره کیمی دریادن   اونازهرای سه ساله دیمگون علتی وار منزوی ثابت ایدر لطف حق یکتادن   ای رقیه آدینون عاشقی ئوز قدروی بیل رتبه وی کامل ایله معرفت وتقوادن   چون یاراشمازدی بیزه عاشق اولاق زهرایه اودور الله یارادوب مظهر او مه سیما دن   نچه یرده اولارون وجه تشابه لری وار ایکی مظلومه مذبدیله بیر ایذادن   قاپوسی یاندی انون خیمه سی اودلاندی بونون اونادا سیلی دگوبدور بونادا اعدادن   اونا مسمار بونا خار مغیلان توخانوب آناسی سینه یارالی بالا زیر دادن   اون ایچون غسل ویرنده اگر آغلاردی علی بونی غساله سویندوردی گیدوب یارادن   کوینکین اوستنه چکدی دایانوب دیواره دیدیلرغسلینی ویر قورتاراق آه و وادن   دیدی غسل ایلمگ اولماز گوتورون دفن ایلیون  بو قز اللرده ئولوب بو گویرن اعضادن  استاد .حاج محسن رستگار @Hazrate_Abalfazll

‍ یا رب گینه قلبیم دوتولوب غملر الینده غم لشگری بیدادایلیور خنجر الینده وار ساقی پیر فلکون مین الی گویا بیر کاسه اجل زهرینی دوتموش هر الینده مین یردن ایدر مردِ ره حقی احاطه تنگه سالار آخراونی کین پرور الینده مین جان اولا البته قوتارماز بیری سالم سیمرغ توانا چالا گر شهپر الینده هر قوش که خوش الحاندی گرفتار قفسدی هر گل که معطردی ایدر پرپر الینده نومیدلرون فوری کسر تار امیدین آماده دی مِقراض قوی جوهر الینده کسدی نجه کی مشگدن عباسون امیدین سو کاسه سی بوش قالدی شیرین دیللر الینده بیر قیمته سو آلدی که تا آب حیاتون سرچشمه سی قان آغلادی اسکندر الینده آماده تقدیمیدی بیر مشگ سو اوسته اللردن علاوه او گوزل گوزلر الینده سوآخدی قوی پنجه همانون پری سیندی قالموب داخی بیر چاره او نام آور الینده بیر آیری غم اوز ویردی او غمدن  چتین اولدی گوردی که ایدور قانلی علم لنگر الینده سسلندی امان ویر منه ای پرچم اسلام بیر آزدا دایان بو یارالی پیکر الینده صبر ایله دوتاق مقدم سلطانی گرامی. گیتمه هله سن غارته غارتگر الینده تعظیمله با هم یخلاق مقدم شاهه شانون اوجالار بیرده شه محشر الینده  حکمتله اگر بیر قاپونی باغلاسا الله لال ایتسه آچار بش قاپی شخصون هر الینده قانیله گوزین باغلادی عباس جوانین حکمتله آچوب قلب گوزین خنجر الینده هر یاره دگوب سینه سینه بیر گوز آچیلدی زهرانی گوروب داده گلوب معجر الینده استاد .حاج محسن رستگار @Hazrate_Abalfazll

‍ ای منیم آرخام ائلیم یاره لی سرداریم اویان یوخدور الدن دوتانیم قولسوز علمداریم اویان یار و غمخواریم اویان دور علمداریم   اویان              سن تشنه لر سقاسی سن               ام البنین عباسی سن تشنه قیزلار ائله آلمیشدی منیم صاق صولومی گلدی اخیامه سسون  علقمه سالدیم یولومی  قوی بو حالیله سالیم بوینوا قارداش قولومی شعله عشقه آلیش دور حسینیله دانیش               قلبیم سئخیلدی یارالی               ائویم یئخیلدی  یارالی وای منه صدمه ووروب حرمله  زیبا گوزووه اوخ جبینوندن ئوپوب قان سوزولوبدور یوزووه قوی چکوم اوچ پر اوخی وئرمه تکان سن ئوزوه یانارام آه چکرم گوزلریندن ئوپرم          پشت و پناهیم سن اخا        سن سر سپاهیم سن اخا قول وئرمیشدون اخا سو وئره سن ائللره سن نه که مشکه گوره بیر گوز ایکی شهپر وئره سن قوللارین یوخدی آت اوستن نجه گلدون یئره سن قویما تپراقه یوزون دور دانیش منله سوزون                 ای کربلا نام آوری             مظلوم حسینون یاوری قوی سیلیم قهرمانیم قانه دونن گوزیاشوی آلمیشام سینمه جان مثلی یارالی باشوی قویما ای کان کرم عرصه ده تک قارداشوی دشمنیم چوخدی اخا بیر کسیم یوخدی اخا              دور ای امیر لشگریم              ال چالماسون دشمنلریم ای حسینون صاغ الی صدمه یتوب اللروه نه قَدَر سانجیلوب اوخ یاره لنن پیکروه گلمیشَم حالی یامان قدی کمان محضروه باغریقان قارداشووام قوجالان قارداشووام               پیر و جوانیم قالمیوب               صبر و توانیم قالمیوب             یئخیلار شاهلار اگر شانلی وزیری یئخیلا داغیلار لشگر اگر میر و امیری یئخیلا نیله سون بیر کس اگر سن کیمی شیری یئخیلا تاب و صبری    آزالار من کیمی تئز قوجالار             مرد نبردیم دور گئدک           درمان دردیم دور گئدک حاج مهدی لیثی @Hazrate_Abalfazll

‍ امام حسین(ع) – سینه زنی حرمین باصفادی - کعبه دل کربلادی عالمه داروالشفادی - عجب دل آرادی تربتین کیمیادی -  کعبه اهل ولادی قبله عرش خدادی- جنت اعلادی سنه من نوکرم - بونا فخر ایلرم اوگوزل توربتون - جنّته ویرمرم آقام آقام حسین(۴)     فرقت کربلادن - گور نجه جان بر لبم من عبد درزینبم من - بنده درگاهم سائل بینوایم - بنده کوی منایم دردوغمه مبتلایم - عالمه من شاهم دیمیرم عاشقم - عبد نالایقم اوگوزل قبریوی - گورماقاشایقم آقام آقام حسیم(۴)     اگر ایتسن عنایت - مزارین ایتسم زیارت قلبیده قالماز بوحسرت - نار غمه یانام قسمتیم اولسا گلم - جامه غمده بورونم قبریوی گورسم سورونم - اوت توتوب اوتلانام سینمی داغلارام - قاروی باغلارام یاحسین سسلرم- یانارام آغلارام آقام آقام حسین(۴)     خاطره اولین بار- نگاه به صحن علمدار دلمروکرده گرفتار - دلتنگتم ای یار من ویه دل هوایی - خسته شدم از جدایی میخوام بشم کربلایی - مردم زتنهایی نمیگم عاشقم - آخه نالایقم میدونم آقاجون - برات آینه دقم آقام آقام حسین(۴)     دیونه کربلاتم - ازبچگی مبتلاتم سینه زن روضه هاتم - مدیون چشماتم وقتی شبا بیقرارم - سرموروتربت میزارم توروبه یادم میارم - دلبرودلدارم قربون روضه هات - عطر سینه زنات قربون پرچمه - حرم کربلات آقام آقام حسین @Hazrate_Abalfazll