زینبیم   نهر  فرات   اوسته  سپه داریم اولوب👆👆👆👆👆👆👆👆👆 مهندس حاج علیرضا داداش نژاد زبانحال امام حسین (ع)به حضرت ابوالفضل (ع) زینبیم   نهر  فرات   اوسته  سپه داریم   ئولوب کسیلوب   قوللاری  غیرتلی  علمداریم   ئولوب قره  معجر   باشووا   باغلا  باجی گیت اوتور قارداشووا  آغلا  باجی یارالار  سینه  سینون   اوسته  گلستان کیمیدی او  قدر اوخ  توخانوب جسمی  نیستان کیمیدی گوزلروندن ایراق اولسون او قدرداش وورولوب پیکری شان شان اولوب زلف  پریشان کیمیدی قره  معجر   باشووا   باغلا  باجی گیت اوتور قارداشووا  آغلا  باجی داش  دگوب  آلنینا  گل صورتینه  قان توکولوب ساحل   معرفته   فکر   ایله   مرجان   توکولوب آیریلوب   عضولری     قارداشیمون      پیکردن ایله  بیل    آیه  به  آیه   یره    قرآن   توکولوب قره  معجر   باشووا   باغلا  باجی گیت اوتور قارداشووا  آغلا  باجی باشا  چیخماز   بیلورم  باجی  بلاسی  باشیمون ئولمینجک  قوروماز  چشمه‌لری گوز  یاشیمون مین ائیل عمریم اگر اولسا سویا  حسرت باخارام سو کنارینده سوسوز جانی چیخوب  قارداشیمون قره  معجر   باشووا   باغلا  باجی گیت اوتور قارداشووا  آغلا  باجی لایق   شانی   ابوالفضلیمه   غم   بزمی  قورون گیینوز    قاره   ادبلن   دیزی   اوسته   اوتورون آناسی     ام بنینون        عوضینده       ملشون سینه‌سی  پارچالان  قارداشیما   سینه  وورون قره  معجر   باشووا   باغلا  باجی گیت اوتور قارداشووا  آغلا  باجی باشین آلدیم سینمین اوسته دیدیم جان قارداش قیزلاریم   گوزلروون  قانینه    قربان   قارداش گوردوم آهسته دیور آی گوزیمون نوری حسین ئولورم   باشیمون اوسته  اوخی  قرآن قارداش قره  معجر   باشووا   باغلا  باجی گیت اوتور قارداشووا  آغلا  باجی دیدیم آچ  گوزلرووی وصلوه   حسرت  چکورم او  گوزل   گوزلرووه    باخماقا    منت   چکورم ممکن اولسا دیدی سنده گوزووی  باغلا   حسین یوزیمه   باخما  الیم   بوشدی خجالت  چکورم قره  معجر   باشووا   باغلا  باجی گیت اوتور قارداشووا  آغلا  باجی آغلیوب    یاره لرین   قلبیمی     یارما    ئولورم گوز    یاشیلان   بو  بیابانی  سووارما    ئولورم سنی    ویرّم   قسم   اللرده   ئولن      فاطمیه منی     اکبر  کیمی    اخیامه     آپارما    ئولورم قره  معجر   باشووا   باغلا  باجی گیت اوتور قارداشووا  آغلا  باجی قلم  اولسیدی   یازاردیم  علمون   سینه سینه سوزلریم  اود   توکه  اهل حرمون  سینه سینه گوردی دشمن منی  قولسوز باشیما  وردی عمود یوزی  اوستونده  یخلدیم   ننمون  سینه سینه قره  معجر   باشووا   باغلا  باجی گیت اوتور قارداشووا  آغلا  باجی (  حسین غفاری اردبیلی )  

گل زهرادی حسین زینت طاهادی حسین شرف عالمیان آیری بی دنیادی حسین آللاها ای دردانه سسلیه روک مستانه سن بیزه شمع عشق و بیزده سنه پروانه جان آقا سنه قوربان آقا سید العطشان آقام جان آقام شهریاریم سان آقا دار و نداریم سان آقا افتخاریم سان آقا دیلده شعاریم سان اقا دییر او کی عشقیم سن سن دیلده سرشتیم سنسن ایسته میرم رضوانی چون کی بهشتیم سنسن جان آقا سنه قوربان آقا سید العطشان آقام جان آقام دل و دلبرسن آقا سرور بی سر سن اقا ایکی دونیاده فقط سن بیزه رهبرسن اقا دل نجه بی تاب اولماز وصلده گوز خواب اولماز آختارالار دونیانی سن کیمی ارباب اولماز ماتمینده اوجالان ناله لره مشتریم سنه نوکر یوخ اقا نوکریوین نوکریم سن یاتان سر عرش معلای ده یه ر کربلانی بیر اووج توپراغه کل بو دنیایه ده یه ر گلدی اوره کلر جوشه چیخدی علم لر دوشه کل جهان اغیاری بسدی بیزه شش گوشه جان آقا سنه قوربان آقا سید العطشان آقام جان آقام اغلاروخ اکبریوه ماه ملک منظریوه سود امر سودسوز اوشاخ دیلسیز علی اصغریوه مهدی گلر قان باتماز شیعه اویاخدور یاتماز پرچمیوین بیر تارین کاخ سفیده ساتماز جان آقا سنه قوربان آقا سید العطشان آقام جان آقام من ربابین اقاجان بیر سگ بیچاره سیم کربلادربدری زینبین آواره سیم زینبه دنیا قوربان مریم و سارا قوربان نازلی رقیه سینه هاجر و حوا قوربان کانال عاشقان حضرت ابالفضل نوحه های ترکی وروضه @Hazrate_Abalfazll

حضرت زینب (س) در قتلگاه باشسیز بیله میداندا الله بو حسینمدور قالموش بیله آواره الله بو حسینمدور نور حق اولور لامع بو دوغرانان اعضادن ساطعدی بهشت عطری افلاکه بو مأوادن مطلوبدی بو اوصاف پروردة زهرادن بیلمم نیه ال چکموش شاهانه متکادن یاتموش بو بیاباندا الله بو حسینمدور سالم یولا سالمشدیم من آخر وقتمده گیمشدی لباس آلتیندان بیر پیرهن ژنده ایندی گورورم کهنه کوینکده یوخ اگنینده بیر بوسه یری قالموب پهنای وجودینده پیکانیدی پنهاندا الله بو حسینمدور بو لخته لنن قاندا بیلمم نه علامت وار باخدوقجه قانیم قینر بو قاندا نه حکمت وار قلبیمده همین نعشین مثلنده جراحت وار گویا اونیلا منده بیر باطن الفت وار گورم اثرین جاندا الله بو حسینمدور گون ایستسی اوخلارون آلتندان قانی قیتمش قان پرده لنوب زخمین آثارینی گیزلتمش لبهای جراحتدن قان قطره سی جوش اتمش آینة ربانی خاصیتین ایشلتمش یاقوت درخشاندور الله بو حسینمدور بیر یاره یرین دوتموش هرحمله ده یوز ضربت سعد اوغلی بو قربانی اتمیش نچه مین قسمت دورت مین یاریا ویرمیش بیر سینه ده ظرفیت باشدان باشا بو نعشه هر چند ایدرم دقت عاجز قالورام ساندا الله بو حسینمدور بو حاله دوشن یوخدور بو چولده ئولنلردن حنجر یرینه گورم مذبوح اولونوب گردن سو ویرمیش اونا قاتل زهرابة خنجردن عطشان کسلن باشدان خنجر قویولان یردن قانی آخور الاندا الله بو حسینمدور کیمدور گوره سن گلمیش بو یرده ساچین یولموش ساچدان قیریلان توکلر گودال ایچینه دولموش تپراقه داموب گوزدن گوز یاشلاری یر سالمش گوررم گمیسی سینمش اما اوزی غرق اولموش گردابة طوفاندا الله بو حسینمدور گر آرخاسی اوستونده بو پیکری دوندرسم گلزار وجودیندن من یاره لرین درسم بیر سری نشانیم وار عریان سینه سین گورسم دیندیرم اونی فورا" زهرایه قسم ویررم عینا" تانورام اوندا الله بو حسینمدور سلطان حجاز اوغلی بیر ایلیوب هر یاندا بیر کعبه بنا ایتمیش قرب عجم ستاندا عطشان یخلوب نزد دربانی فراتداندا مقصودی ندور اولموش مرز عربستاندا یا سر حد ایراندا الله بو حسینمدور ** یحیوی اردبیلی

«سلام وصباح الخير للذين يظنوا أن العالم بأكمله انغلقَ في طريقهم ولا يعلموا أن بعد كُل ضيق مُتسع من الله...» ✨سلام و صبح بخیر به تمام آنهایی که گمان می کنند دنیا به آخر رسیده و دیگر راهی برای آنها باقی نمانده؛ و نمی دانند که خدا بعد از هر سختی و تنگنا راه و راحتی برای آنها فراخ نموده است...🌹🌹🌹

#سینه زنی حضرت زهرا(س) به سبک ییخیلوب عباسیم بش یاشوندا گولم___نوالی بلبلم فلک قویمورگولم____آغلارام ننه باخیرام کفنه___هیچ یاراشمور سنه دردون گله منه ____ آغلارام ننه واویلا واویلا ____یازهرا یازهرا آنا یازهرا ننه سیزاوشاقلار___یانانداچراغلار دیزلرین قوجاقلار___آخشام اولاندا دورآل بیردستماز _اولوب وقت نماز آچمیشام جانماز_بوش اتاقوندا واویلا واویلا ____یازهرا یازهرا آنا یازهرا گونوم اولدی قاره__ قالمیشام آواره یوخ دردیمه چاره____آغلارام ننه آنا سن دویمادون ____گل بالالاروندان هله کی قان گلیر____یارالاروندان واویلا واویلا ____یازهرا یازهرا آنا یازهرا یاس دوتوب مدینه _غرق اولان سفینه یارالاندی سینه__نی تک سیزیلار سوزون قولاقیمده___آدون دوداقیمده کلثوم قوجاقیمده___ آغلارام ننه واویلا واویلا ____یازهرا یازهرا آنا یازهرا دفنون قالدی گئجه___محشردور بوگئجه صبرائلیوم نئجه _من فراقوندا دویمادیم سوزوندن___قوی ئوپوم یوزوندن لکه لی گوزوندن___آغلارام ننه واویلا واویلا ____یازهرا یازهرا آنا یازهرا #اشعار_ترکی

‍ سینه زنی حضرت زهرا(س) به سبک ییخیلوب عباسیم بش یاشوندا گلم___فلک قویماز گولم نوالی بلبلم ____آغلارام ننه   باخیرام کفنه___هیچ یاراشمور سنه جوان ئولدون ننه____آغلارام ننه   لایلای ننم لایلای(۳ )یارالی زهرا یاس دوتوب مدینه _غرق اولان سفینه یارالاندی سینهنی تک سیزیلار سوزون قولاقیمده___آدون دوداقیمده کلثوم قوجاقیمده___ آغلارام ننه   لایلای ننم لایلای( ۳)یارالی زهرا ننه سیزاوشاقلار___یانانداچیراغلار دیزلرین قوجاقلار___آخشام اولاندا دورآل بیردستماز _اولوب وقت نماز   آچمیشام جانماز_بوش اتاقوندا لایلای ننم لایلای( ۳ )یارالی زهرا دفنون قالدی گئجه___محشردور بوگئجه صبرائلیوم نئجه _من فراقوندا گونوم اولدی قاره قالمیشام آواره   یوخ دردیمه چاره____آغلارام ننه لایلای ننم لایلای(۳)یارالی زهرا آنا سن دویمادون ____بالالاروندان هله کی قان گلیر____یارالاروندان   دویمادیم سوزوندن___قوی ئوپوم یوزوندن لکه لی گوزوندن___آغلارام ننه لایلای ننم لایلای (۳)یارالی زهرا #بش_یاشیندا_گولم #فاطمیه

‍ زبانحال حضرت زینب (س) در شهادت حضرت زهرا (س) ✍بقلم معزی اردبیلی جوانلیقیندا ای فلک قوجالدی مهربان ننم یخلدی آستانیه قابورقاسی سینان ننم گئجه لر آنا سنه آغلارام گونوزی یانوب سینه داغلارام ____________________ قاپی یاناندا شعله سی دگوب قزاردار آهنی وجوده یاتسا یاندیرار بو غصه آغلادار منی نه حاله بیلمورم سالوب او منظره او سینه نی نجه دوزوب فشارینه شهیدۀ زمان ننم دیدیم که فضه بس هاچان بو قلبیمیز صفا تاپار دیدی طبیبلر گلر یارالاری دوا تاپار دیدیم نَنَم ئولر؟دیدی بو تزلیگه شفا تاپار اولوبدی ثانی قاتلی ئولوبدی تیز جوان ننم اولوب حسینیلن حسن گیجه یاریسی قول بویون دیدیم ننم دیوبدی آز قولوزی قوینوزا قویون اورکده گیتدی آرزیسی گورنمدی اوغول طویون آپاردی قبره حسرتین مریض و ناتوان نه نم دیورم هر دم اشکیمی گوزیمده من دایاندیریم ائوین بویوک قیزی منم ائویمه گوز دولاندیریم گونون باتان چاقی دیم دوروم چراغی یاندیریم بو سوزی تاپشروب منه اوزی ویرنده جان ننم قباله اوسته روحینون قوشی سالیندی دوستاقا یخیلدی ضرب سیلیدن طلاسی دوشدی توپراقا یوزون گورنده اوخشادیم خزان زمانی یاپراقا بالالاریندان آیریلوب گوزینده پارچا قان ننم حسینی نازیلن ننم گتوردی ای فلک بارا آچاندا جانمازینی بو قلبیمی ایدوب یارا دولومسینیب دیوب منه باجی ننم گیدوب هارا نجه دیوم حسبنیمه ئولوبدی باغریقان ننم عنادی اوسته سن کیمی او قنفذ دغا دوروب الینده تازیانه سی بساط کینه سین قوروب شفیعۀ قیامتون قولون ووروبدی سیندروب ئورک دوگوندی غش ایدوب عزیزۀ جهان ننم

حضرت ابوالفضل علیه السلام ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل قالمارام دنیاده سنسیز آی منیم غیرتلی شیریم یاتمارام قبریمده راحت ئولدی سرهنگ دلیریم آچ گوزون قلبیم داریخدی یاتما آی قولسوز وزیریم یاره لی سینون مثالی باغریم اولدی قان ابوالفضل #ای_فرات_اوستونده_قولسوز #عباسیه #ابوالفضل فایل صوتی👇👇👇

نوحه   زبانحال حضرت علی(ع) دگوب سیلی سُولدی صورتون وای جوان ئولن زهرا منی  قـوجـاتـدی مُصیبتون وای جوان ئولن زهرا (وای جوان ئولن زهرا وای جوان ئولن زهرا) آز عمر ایدوب چوخ بلا گورن ای  وفالی   دلـداریم گیدن   قـبـره  مین ملالیله وای یارالی غمخواریم الـیمـدن گئتدون بئلیم سیندی یوخ  منیم  هـواداریم منی  آغـلار  قویدی  محنتون وای جوان ئولن زهرا   ویرنده غُسلون ئوزیم گوردیم         پیکـرونده  وار  یاره سنه باخديم  غصّه دن یاندیم قلبیم اولـدی صدپاره ائلیکی سن آغ  کفن گیردون عرشه  چکدیلر قـاره یاراشمییدی غملی خلعتون وای جوان ئولن زهرا   گیدورسن زهـرا  ولی سنسیز زینبیم  اورک داغــلار ویرر کـلـثومیـله سس سسه اوخشیار  حسن  آغلار حسینیم لب تشنه جان ویرسه گوزلرینی کیم باغـــلار منی   یاندیردی  شـهــادتون وای جوان  ئولن زهـرا   یئرون بوشدی ائوده زهـرا جان آی کیمی  نیه  باتدون هله سن چوخ چوخ جوانیدون قبریده  نه تیز یاتـدون ئوزون گئتدون غملرون قالدی مرتـضـانی  آغلاتدون یادیمـدان  چیخماز  مَحبَّتون وای جوان ئولن زهـرا   غمونده  زهـــرا  یانور عالم غملیدی   فلک لـرده ملالون دنیـانـی آغـلاتدی آغلاشور    ملک لرده سنی سسلر مـــاخَلَق یکسر وار  یرون  اورک لرده مني قـوجـاتـدی مصيبتون وای  جوان  ئولن زهـرا

حضرت امّ البنین.مادرعباس.درحال احتضار...نوحه سسسسسسسسسسسسسسسس مدّتدی  آنون  گوزلری  گریاندی  ابالفضل. گوز یولدا  پریشان اورگی،قاندی  ابالفضل. غم غصه یوروب ام بنین خسته دی تزگل. اوغلوم آنووین جانی سَنه بسته دی تزگل. بو کُلفَتِ  زهرا بالا، جان  اوسته دی تزگل. جانیم  او  گَلَن  یولاّرا  قرباندی  ابالفضل. گَل  یثریبون  اهلی  منه  یالقوز  دِئمه  سینلَر. تابوتیمی  حَمل  ایله  اوغولسوز  دِئمه سینلر. دورت اوغلی اولان مادره سونسوز دِئمه سینلر. بو  طعنه لی  سوزلر  مگر  آساندی   ابالفضل. بو اهلِ مدینه  منه  چوخ  خدمت  ائدردی. فخر ایلَریدی  کیم؛ منیله  صحبت ائدردی. عباسه  گوره  هامّی  منه  حرمت  ائدردی. سندنصورا  دای  قیمتیم اَرزاندی ابالفضل. الله یِرووی  قویمادی  بوش  غملی وطنده. اوغلون منه هم مونس وهمدمدی وطنده. عیناً  سَنه  بَنذَر تایی  چوخ کَمدی  وطنده. گوزلَر  یولووی  زارو؛  پریشاندی  ابالفضل. آخشام کی اولارقلبینی غملَرکوزی داغلار. ائوده  اوتورار، دیزلرینی  فوری  قوجاقلار. دیواره  قویار  یوز ایکی  زیبا  گوزی  آغلار. دائم گئجه گوندوزایشی افغاندی ابالفضل. ای   امّ بنین   اوغلی،  آدی   عالمه  رایج. کیم   ائتدی  توسل،  آدووا   آلدی  نتایج. (یاسرده) دییَر  دَمبدَم  ای  باب  الحوائج. لطف ایله اونا بی سروساماندی ابالفضل‌. التماس دعا

زبانحال حضرت زینب (س) در وداع مادر گئتمه ننه قربان اولوم قال بو گئجه مهمان منه من سسلیوم جان آی ننه سن سسله بیرده جان منه رسم وفانی پیلمه لطفا منی ترک ایلمه عصرین بو وقتی هر زمان تا سن آلاردون دستماز گوزیاشلی ایلردون ننه اللهیلن راز و نیاز دور آچموشام سجّاده وی باشلا ننه بیرده نماز ایله قنوتینده دعا بیرده اوخی قرآن منه رسم وفانی پیلمه لطفا منی ترک ایلمه دوزدی گلوب عدنِ بریندن بو زمان دعوت سنه اما محبت ایله قال قوی بو گئجه منت منه آخشام چاقی گئتماقلیقا ائودن ندور علت ننه سنسیز بو ائوده قالماقون یوخ لذتی بیرآن منه رسم وفانی پیلمه لطفا منی ترک ایلمه هیچ کیمسه نون بو تِئزلیقا باغ و بهاری سولمادی گل جسمیوون اوسته ننه بیر کیمسه زلفون یولمادی بو عمروده هرگز ننه بو ائو سنه ائو اولمادی بو ائو اولار سندن صورا بیر گوشه زندان منه رسم وفانی پیلمه لطفا منی ترک ایلمه ائودن سنون آیریلماقون بو قلبیمی اوخ تک بولَر اوغلانلارون گوزیاشینی رخسارینه هر دم اَلَر صبحه کیمی هجرانیوه بو قیزلارون آغلار مَلَر اولماز یقین حشره کیمی بو آیرلیق آسان منه رسم وفانی پیلمه لطفا منی ترک ایلمه آخشام اذان وقتی چئخار گویده ، ستاره ، آی ، ننه الله سنی بیرآی کیمی لطف ایلموشدی پای منه مین آی گله بو عالمه اولماز یقیناً تای سنه سن تک ائده اوز نورینی صبح و مسا احسان منه رسم وفانی پیلمه لطفا منی ترک ایلمه آیا روادور بیر ننه یومسون گوزون ئولسون جوان آیا روادور قیزلارون بو تئزلیقا گوروسون یامان آیا روادور قوزانا عرشه صدای اَلاَمان آیا روادور بو ائوی ائتسون فلک ویران منه رسم وفانی پیلمه لطفا منی ترک ایلمه ائودن بئله آیریلماقون بیر اوخ کیمی قلبی سوکر شیدا کیمی هر کیم اولا خون دلین گوزدن توکر آند اولسون اللهه ننه هر قامتی بو غم بوکر یوخسا گئجه آیریلماقون آگه اولوب چوخدان منه رسم وفانی پیلمه لطفا منی ترک ایلمه #محمدرضا‌صادقی‌شیدا

‍ ‍ شعر جدید شهادت حضرت زهرا سلام الله علیها اولدی یثرب غرق ماتم دوتدی حیدر منزلین غم زینبین قوزانوبدی نواسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار حمله ایتدی قوم کافر اودلانوبدی باب حیدر گورسنوب دوشمن دین جفاسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار ثانی ائتدی چوخ جنایت ظلم ائدوبدی بی نهایت وای اودردین تاپولماز دواسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار ضربه ی دیوارو در دن گئتدی بیر غنچه گول الدن باشلانوب اوردا ظلمین بناسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار ترک ائدوب زهرا جهانی آغلادوبدی مرتضانی یوخدی دنیانین الحق وفاسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار باغبان گر اولسه یاران تئز صولار باغیله بستان آغلوری عالمین مقتداسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار صبر ائدوب غملرده حیدر داغدار اولدی اورک لر آغلوری حیدرین دورت بالاسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار زینب غم پرور آغلار سینه سین بو غمده داغلار باشنین چوخدی الله بلاسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار اودلانوبدی باب حیدر گلستاندا صولدی گولر زینبین گتدی الدن آناسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار بانی خلقت دی زهرا مادر امتدی زهرا باشلانوب زینبین ماجراسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار تک قالوبدی شیر یزدان حجت حق جان جانان یالقوز اولدی حسینون آتاسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار «مهدیم» ای دخت طاها دوت الیمدن جان مولا مهدی نین واردی دیلده نواسی گتدی الدن جهانین صفاسی بین دیوارو در قالدی زهرا عالمی ماتمه سالدی زهرا ۲بار ملتمس دعا مهدی ملکی زنجانی

📚شعر جدید 🏴عرض ارادت خدمت سالار شهیدان اباعبدالله الحسین(ع) یاحسین گُل آدوین عاشقیم دیمرم در گهوین لایقیم سنی زهرا منه باخ ایله کرم هرنه اولسام قاپوون سائلیم سنه من آغلاماسام ئولم حسین سینمی داغلاماسام ئولم حسین سندن عاشقلر حرم ایستر آقا بیر نظر ایله کرم ایستر آقا گوگلومیز بین الحرم ایستر آقا سنه من آغلاماسام ئولم حسین سینمی داغلاماسام ئولم حسین گوگلوم ایستر کربلاده وای دیم قتلگاهونده گلوب ایوای دیم خیمه لرده اصغره لای لای دیم سنه من آغلاماسام ئولم حسین سینمی داغلا ماسام ئولم حسین یاتدیقون یر نینوادی یا حسین تربتون درده دوادی یا حسین عشقیمز کرببلادی یاحسین سنه من آغلاماسام ئولم حسین سینمی داغلاماسام ئولم حسین کیم سنه نوکر اولوب احساسی وار ایکی دنیا سن کیمین مولاسی وار هانسی شاهین اوجا بوی عباسی وار سنه من آغلاماسام ئولم حسین سینمی داغلاماسام ئولم حسین قانون الله قاندی باتمیاجاق اجنبی مقصدینه چاتمیاجاق قانلی پرچم یاتمیوب یاتمیاجاق سنه من آغلاماسام ئولم حسین سینمی داغلاماسام ئولم حسین کیم سنه نوکر اولا قیمت تاپار خلعتین سندن آلار شهرت تاپار باخسان عبداللهیه عزّت تاپار سنه یاس ساخلاماسام ئولم حسین کربلایه ایسته سن گلم حسین ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب (س) به مادرش -اوخشاما زمانه دن      دویان     نه نه منی   یتیم    قویان     نه نه سنه      دویونجا     آغلارام یارالی    باغری  قان   نه نه * زمانه نی      خراب        اولا جوانه       گوللری      صولا بو    زینبون   نه    وقتی دور ساچین    آلا      اَله      یولا **** دور گور نه  حاله  قالمیشام غمونده    من   سارالمیشام اوشاقلقیمدا     آی      نه نه قرا      باشیما     سالمیشام * غمونده    سینه     داغلارام باشیمه     قاره      باغلارام او   قانلی   کوینگون    نه نه آلوب       الیمه        آغلارام **** عزا    لباسین      سویمارام چوخ  آغلاسامدا  دویمارام محسن  شهید   اولان   یره ایاق     ئولونجه    قویمارام * زمانه نین    صفاسی    یوخ وفاسی  یوخ  جفاسی  چوخ سینه ن    یاراسی     قلبیمه اولوبدی   بیر   جفالی   اوخ قاپیسی   ای   یانان    نه نه قابیر قاسی   سینان    نه نه سنی  حسن  حسین   جانی گوز  آشگیلان  اویان   نه نه قامتی   ای    کمان      نه نه زمانه دن     دویان      نه نه صولوب  سارالمشام سنون غمونده  من    اینان    نه نه * مونسی  ای    مُحَن     نه نه غریبه   جان    وئرن    نه نه بو   دنیادا    سنون    کیمین یوخدی  غریب  ئولن  نه نه * ایشیم  اولوب  فغان   نه نه وفالی       مهربان       نه نه زینبون    ئولسه    حقّی  وار قبرون  اولوب   نهان   نه نه ** سن    ای    آنا    وفالیسان پیمبرین             مارالیسان هیچ دئمه دین ئولونجه سن که    سینه دن    یارالیسان * سندن         آنا        آرالییام گور    نه     باشی    بلالییام درد      و     غمِ     فراقیدن دیلدن        آنا       یارالییام اللهم اکشف کل مریض ( آمین ) #شهادت_حضرت_زهرا_سلام_الله_علیها #فاطمیه_۱۴۰۲ ✨ اَللّهُمَّ عَجِّل لِوَلیِّکَ الفَرَج✨

🌺 شهادت حضرت فاطمه و زبانحال حضرت زینب               یا فاطمه  زهرا (س) 🎼سبک: حسین دوشوبدی مقتله 🎼سبک : تا مشکتو تو آب زدی آنام دوشوبدی توپراقا جفای ثانیدن   بابا دئیوبدی تازیانه چوخ دشوبدی جانیدن بابا ئوزوم گوردوم که یامان احواله   قالاندا ئوزوم گوردوم سینسینه   مسمار باتاندا ئوزوم گوردوم سسلدی فیضه دادیمه گل اولوبدی سقط محسنی    قاپی باغلاناندا        یارالی  ننه م وای    یارالی ننه م وای دئینده سیلی صورته  یوزی دولاندی اول زمان الی سینیدی قاتلین  گوزونه فوری دولدی قان دئدیم زینبی  گوزوندن   آتما     ننه جان ستاره لر مثلی ایندی  باتما       ننه جان سن اولماسان شانه کیم بو زلفه وراجاخ؟ قادان آلیم زینبی       آغلاتما     ننه جان یارالی   ننه م وای     یارالی ننه م وای گل آیریلاندا   غنچه دن یانوبدی بلبل  آغلادی قوجالدی باغبان اوگون ایاقلانان  گل  آغلادی نباید گلزاریده گل،  غنچه م     صولیدی نباید    دشمن  جفانین  اوسته  دوریدی ورانمازدی ثانی زهرایه سیلی     والله ابوالفضلیم  گر اوگون دنیاده     اولیدی یارالی  ننه م  وای    وفالی  ننه م وای انا ئوله ائو اهلینون یوزی دا گولمز   آی ننه قرا باشیمدا اوخشیوب گجه لر آغلارام سنه سنی ظلمیله دویوبدی چوخ   اهل کینه نظر قیل منزلده بیر آنا    شور و شینه اجل گلمیش    آیریدا زینبدن    آناسین  دم آخر باخ    دویونجا   مظلوم  حسینه یارالی  ننه م وای       وفالی     ننه م وای ___________ #فاطمیه_۱۴۰۲ #شهادت_حضرت_زهرا_سلام_الله_علیها

زبانحال حضرت زینب (س) آنا بو جوان چاغوندا دی گوروم سنه نه گلدی نیه سیندی گوشوارون یوزیوه ننه نه گلدی قیزوام بو سری سویله منه لا اقل بیلوم من قاپی دگدی سن یخیلدون آخی محسنه نه گلدی 😭😭😭😭😭 ای قبره گئدن خسته یارالی ننم ایوای آز سنیله چوخ باشی بلالی ننم ایوای آی باجیا قارداشه قالان دهریده حسرت قدین بوکن عالمده علن بار مصیبت گوندوزلرینی تار ائلین کثرت محنت عمرینده اولان یاسلی عزالی ننم ایوای 😭😭😭😭 قالدون ستمیله درو دیوار آراسیندا مسجدده دانیشدون آنا اغیار آراسیندا ای تازه لباسین وئرن عالمده فقیره ای حددن آشان دردو ملالی ننم ایوای 😭😭😭 #شهادت_حضرت_زهرا_سلام_الله_علیها #فاطمیه_۱۴۰۲ ✨اَللّهُمَّ عَجِّل لِوَلیِّکَ الفَرَج✨

#روضهترکی_حضرت_زهرا_سلام_الله علیها بِسْـمِ ٱللهِ ٱلْرَّحْمٰنِ الْرَّحیـمْ السّلام علیکِ یا فاطِمَةُ الزَّهراءِ یابِنتَ مُحَمَّد ٍ یا قُرَّ ةَ عَینِ الرَّسوُلِ یا یا سَیِدَتَناوَ مَولاتَنا اِنا تَوَجَّهنا وَستَشفَعنا وَ تَوَسَّلنا بِکِ اِلیَ اللّهِ وَ قَدَّمناکِ بَینَ یَدَی حاجاتِنا سبک:شعر روضه مدینه شهر پیغمبر ویا سبک: قفس شکست و یار من... عـــزادارم ، عــزادارم ، برای حضرت زهرا به جان و دل به پا دارم ، عزای حضرت زهرا چو یــاد آرم مصیبت ها که از اعدا بر او آمد ز دیده اشک می بارم ، بــرای حضرت زهرا پیمبر رفت و در دنیا نمــــانـده بهر او باقی که باشد یــــادگار او ، سوای حضرت زهرا 😭 خوش بحال اولاری کی عمرلرین مجالس و محافل روضه ده قوتاردیلر ، خوشا اولارین حالینا کی مصائب اهلبیت (ع) گوز یاشی توکوبلر ، آخی هر نه واریمزدی بو گوز یاشیلاندی 😭 کیم دییردی بعد از رحلت پیامبر عظیم الشأن (ص) تنها یادگاری ، حضرت زهرا (س) ووراللار ، کیم فکر ایلییردی بعد پیامبر (ص) بالاسین در و دیوار آراسیندا قویاللار روضه اوخویوم ،اورک لری روانه ائلیاخ مدینیه کنار قبر مخفی بی بی دو عالم 😭 دوشوب خیالیمه یارب بلاسی فاطمه نون اوجالدی عرشه ایویندن نواسی فاطمه نون آتاسی ئولدی اولوب شهریده غریبه کیمی دونوب یاد اولدی هامی آشناسی فاطمه 😭 خانم عزالیدی ، هنوز باباسی پیغمبر رحمتین (ص) داغی اورگینده ، نچه گوندی گوز یاشی توکور آتا فراقینده 😭 قاپوسین اودلادیلار محسنین ایدوبله شهید باشیندا باخمادیلار ، وار قراسی فاطمه نون او قدری اولدی ستم ، دوشدی بستر مرگه بدنده قالمـــادی آخر ، قواسی فاطمه نون 😭 نیلدی آی عاشقان اوجالتدی بیر الینی ، درگه خــــــداونده بو اولدی زمزمهٔ ، غم فزاسی فاطمه نون 😭 دعاسی بودی اللهی فاطمه نون عمرینی اوزون قورتار اجابته یتوشوبدی دعــــاسی فاطمه نون غروب ایدوب او خانم گون باتان چاقی گون تک یتیم اولوبــدی داخی دورد بالاسی فاطمه نون 😭نیسگیل بودی گجه گر ئولسه بیری دفن ایدلّه گوندوز اونی گورون هارا یتشوب مـــاجراسی فاطمه نون گجیله کوینگین اوستن وروردی غسلون علی اوجادان آغــــلادی بیردن آقاسی فاطمه نون سوروشدی فضه 😭 سئوال ایلدی آقا جان ، سن ئوزون گونوزدن بیوروردون اوجادان آغلامیون ، اما نه اولدی ئوزون بیله اوجادان آغلیورسان 😭 سوروشدی فضه نــــدور علتی بو آغلاماقون بویوردی سینه ده واردی یاراسی فاطمه نون 😭 فضه بونا آغلیورام که زهرا چوخ سوزون چوخ دردین منه دئمیوب ئولونجه آغلارام هیچ دردینی منه دیمیوب مگر قالوبدی سلامت هاراسی فاطمه نون سنوب قابورقالاری بیر قولی ورم اِلیوب پوزور منی رُخ نیلی نماسی فاطمه نون شهیده گیتدی شهید محسنون جوان ننه سی چوخ آغـلادار منی آرتوق حیاسی فاطمه نون غرض گحیله عـــــــلی یارینی قویوب قبره توکوبدی اشگین یوزه مقتداسی فاطمه نون 😭 آقا امیرالنؤمنین زهرانی دفن ایدندن صورا یوزون قویدی مزارون اوسته او قدری آغلادی آغلادی ، صورا نجور منزله گلدی ایشیم یوخ اما بو قدر دییم صبحه جن آقا آه و ناله ایلدی صبح اولجاق آقا بیوردی قاپونی آچوخ قویون شاید زهرانین (س) یاسینه گلن اولدی ، اما گلن اولمادی ، بو صحنه مولایه چوخ چتین گلدی بیوردی قاپونی باغلیون ، اوندان صورا قیزی خانم زینبی سسلدی قیزیم زینب 😭 ایوین بیوک قزیسان اوخشـا آغلیاق آنووا ایاقه دوردی او غم آشناسی فاطمه نون گیدوب گتـــــوردی آچوبدی وسطده بیر بوقچا او بوقچادان چیخوب ای وای لباسی فاطمه نون آلوبــــدی اللرینین اوسته قانلـــی بیر کوینک نه حاله قالدی گور اولْ مه لقاسی فاطمه نون 😭 نیلدی آی یاسا گلنلر باخوب باخوب دیدی بیردن جوان ئولن ننه وای خـــدنگ غـــــم اورگین دائمی بولن ننه وای بهار عــــمری دیدی اولدی تز خزان ننه مون مجلل اولمـادی یاسی بو گون جوان ننه مون جوانلیقیندا قـــوجــــــالدی ننم گلین ئولدی اولوبدی خوش گونی هیچ بیلمورم هاچان ننه مون نه بیر گلین ایوه گتدی نه قیز کوچورتدی ننم یتوشدی باشه جـــوان عمری ناگهان ننه مون مزاره گیتـدی ولی بیر گوزونده قانلی لکه واریدی سیلی دگنده گوزونده قان ننه مون 😭عاشقان آی اهل مجلس بو غمـــلی سوزده گوروبلر حَسنده گلدی دِله دیدی بلاسی چوخ اولدی او جانفشان ننه مون دگنـــــده کوچه ده سیلی ، اوزوم یانندیدیم نه گلدی باشینه گوردوم او قهرمان ننه مون منه بویوردی الیمدن یاپوش یواش یرییک باجی بو نار غمینده همیشه یان ننه مون عزایه یوخدی گلن باش باشا ورک اوزوموز دییک بــــــلالرینی قلبی اودلانان ننه گلچین از کتاب : منادیان راه حق استاد : عزیز صبوری #فاطمیه_۱۴۰۲ #شهادت_حضرت_زهرا_سلام_الله_علیها

): سینونده مسمار یارووه آغلارام زهرا                  آغلارام زهرا سیلی دَیَن رُخسارووه آغلارام زهرا                  آغلارام زهرا یازهــــــــــــــرا - یازهــــــــــــــرا(٢) ⬛️ باشه پیمبر قاره سین باغلادون زهرا ، باغلادون زهرا هجرینده قلب زارووی داغلادون زهرا ، داغلادون زهرا ائوده اوتوردون هر گجه آغلادون زهرا ، آغلادون زهرا من قلب پاره پارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سیلی دگنده صورتون دَیْدی دیواره ، دَیدی دیواره درد و غمه دوشدی حَسَن قالدی آواره ، قالدی آواره سیندی قولاقوندن یره دوشدی گوشْواره ، دوشدی گوشواره یانّام سینان گوشْوارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سندن صورا حیدر غمه مبتلا اولدی ، مبتلا اولدی شیر خدانون قلبینه غصّه لر دولدی ، غصّه لر دولدی قلبی شکسته قیزلارون گُل کیمین سولدی ، گل کیمین سولدی غمنن سولان گلزارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ غسلون ویرنده بس نَدَن آغلادی حیدر ، آغلادی حیدر بیر حاله قالمیشدی بَدَن آغلادی حیدر ، آغلادی حیدر قانه بویاندی آغ کفن آغلادی حیدر ، آغلادی حیدر اوُل سینهٔ تبدارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سندن صورا زینب قیزون خانه دار اولدی ، خانه دار اولدی فِقـــدانُوَه هجـــرانوه بیقرار اولدی ، بیقرار اولدی یاندی گووَرمیش صورته اشکبار اولدی ، اشکبار اولدی زینب کیمین دلدارووه آغلارام زهرا ، آغلارام زهرا یازهرا.......یازهرا......۲ ﷽🍁