در حال و هوای ماه رمضان و عطش امام حسین علیه السلام و شهدای مدافع حرم 🌹🌿🌺🍀🌹🌿🌺🍀 ای دل بیدار دئنن یاحسین اولمویاسان خوار دئنن یاحسین بیر گوله گوردوم دیوری باغبان ای گل بی خار دئنن یاحسین خوشدی مطبّه یازا هر بیر طبیب غم یئمه بیمار! دئنن یاحسین مشکلون اولسا نه زمان٬ هئچ کیمه ایلمه اظهار دئنن یاحسین دوز صود اموبسن آنادان فخر ائله شیعۀ هشیار دئنن یاحسین ایستیوسن اولمویاسان دهریده درده گرفتار دئنن یاحسین دردلره درماندی حسینون آدی دردون اگر وار دئنن یاحسین گوزیاشیلا سعی ائله افطار ائله موقع افطار دئنن یاحسین آغلا اروجلوقدا سوسوزدان اگر گورسه گوزون تار دئنن یاحسین تار گورورموش عطشیندن امام پس ائله تکرار دئنن یاحسین آل نظره گاهی سوسوز قیزلاری مثل سوسوزلار دئنن یاحسین تشنه حسینه گوره سو ایچمه دی تشنه علمدار؛ دئنن یاحسین سو یئرینه قانین ایچن اصغری یاد ائله هر بار دئنن یاحسین بو آدی ذکر ایلیه نی شامیده ئولدورور اشرار٬ دئنن یاحسین گونده گلور شهره شهید حرم محرم اسرار! دئنن یاحسین آغلا جوان! تئز قوجالان زینبه عین عزادار دئنن یاحسین ایستیوسن گر اولاسان بیر گونی قبرینه زوار دئنن یاحسین سیدبشیر حسینی میانجی 🌺🌴🌷🌿🌺🌿🌷🌴

استمداد از امام زمان عج قلم : احمد تقوی مهجور تبریزی سبک جدید ای امید     مستمندان وی پناه     بی پناهان مریض عشقیوم سنون گل ایله دردیمه درمان مولانا یا ابا صالح..... یاین الحسن .. یابن الزهرا هجرونده آغلور دیده لر غمیله    دولوب سینه لر گل هارداسان یابن الحسن گوزلور یولوی   شیعه لر مولانا یا ابا صالح..... یاین الحسن .. یابن الزهرا ای سرور    اهل جهان وی امام   انس و جان نار فراقون ایلیوب شیعه لرین قلبینی قان مولانا یا ابا صالح..... یاین الحسن .. یابن الزهرا وار دلده چوخ سوز آهیم آقا جان چوخدور گناهیم قووما  قاپوندان منی سن روسیاهم  یوخ پناهیم مولانا یا ابا صالح..... یاین الحسن .. یابن الزهرا ای فاطمه نین بالاسی اولوم آدون من فداسی گل وئر بو جهانه صفا یوخ بو عالمون صفاسی مولانا یا اباصالح..... یاین الحسن .. یابن الزهرا معدن لطف و سخاسن درده   عالمه     دواسن دویمارام  آقا  آدوندان از بسکی سن باصفاسن مولانا یا اباصالح..... یاین الحسن .. یابن الزهرا آدیوه مولا عاشقم بوعشقیمده من صادقم توت الیمدن یابن الحسن قاپوندا گر نالایقم مولانا یا اباصالح..... یاین الحسن .. یابن الزهرا آیت         صبح   ازلی حسنی گوزللر     مثلی گورمیوب گورمز جهاندا بیری- سنه تای  گوزلی مولانا یا اباصالح..... یاین الحسن .. یابن الزهرا سائل          درباریوم من مهجورم  غمخواریوم من فخر   ایلرم       نوکریوم مولا   ریزه   خواریوم من مولانا یا اباصالح..... یاین الحسن .. یابن الزهرا 1402/12/2 مناسب برای شروع و پایانی هیئت.. التماس دعا

مناجات سبک: آی قارداشیم آی قارداشیم 🌿🌹🍀🌷🌺🌿🌹🍀 ای خالق ارض وسما ای ذات پاک کبریا چوخدورگناهیم بندیم بیربنده ی شرمندیم یامن تعز من تشا یامن تعز من تشا یامن تذل من تشا یاربنا یا ربنا چوخدورگناهیم بندیم بیربنده ی شرمنده یم بیرعمریدورآواریم ئوزنفسیمون بیماریم عفوایت منی بیچاریم نفسین الینده ایت رها چوخدورگناهیم بندیم بیربنده ی شرمندیم ای صاحب جان گلمیشم زاروپشیمان گلمیشم من سنه مهمان گلمیشم مهمان نواز آشنا چوخدورگناهیم بندیم بیربنده ی شرمندیم عشقون جهانه رهنما من ایلدیم جرم وخطا سن ایلدون لطف وعطا لطفون همیشه برملا چوخدورگناهیم بندیم بیربنده ی شرمندیم سنسن منی ارشادائدن غم غصه دن آزادائدن ئوزبندوه امدادائدن هردردیمه سنسن دوا چوخدورگناهیم بندیم بیربنده ی شرمندیم رحم ایله ای حیّ قدیم سنسن خداوندکریم اعمالیدن بوشدورالیم هر سرّه سنسن آشنا چوخدورگناهیم بندیم بیربنده ی شرمندیم فرهاد فکری اردبیلی 🌷🌺🌿🌹🍀🌷🌺

مداح اهلبیت،ع،آقایاحمد رحمانی کیوج

نجوا با امام زمان عج 🌹سبک جدید و دلنشین (بیر اتک گول درمیشم)🌹 ای شهِ والا سلام مونسِ دلها سلام یادگارِ مرتضا مهدیِ زهرا سلام آقایِ کرامت کُن بر من عنایت تا اینکه ببینم آن روی جمالت واگیر اول : مولا اباصالح ۴ بار واگیر دوم: بین الحسن آقا ۴ بار 🌹🌸🌹🌸🌹🌸🌹🌸🌹 السلام ای شاه عشق گوی یوزونده ماه عشق چکمیشم قلبیمده من گول آدونلا راه عشق گویده اَلم اَسدی عرش اوسته نه سَسدی بیلسون ایکی دنیا عشقون منه بَسدی واگیر اول : مولا اباصالح ۴ بار واگیر دوم: بین الحسن آقا ۴ بار 🌹🌸🌹🌸🌹🌸🌹🌸🌹 وار اورکده چوخ سوزوم منده صبره یوخ دوزوم بیلیسن ئوزون آقا کرمونده وار گوزوم ای دردیمه آگاه من نوکره سن شاه گل گل توت الیمدن یا بقیه الله مولا اباصالح ۴بار واگیر اول : مولا اباصالح ۴ بار واگیر دوم: بین الحسن آقا ۴ بار 🌹🌸🌹🌸🌹🌸🌹🌸🌹 ای هامی درده دوا اورَگه گل وئر صفا هارداسان بین الحسن سنسیز عالمدی فنا عالم سنه قوربان ای خسرو خوبان زهرا جانی گل ای هر دردیمه درمان واگیر اول : مولا اباصالح ۴ بار واگیر دوم: بین الحسن آقا ۴ بار #شعر:بهمن جعفری زینجناب

مداح اهلبیت،ع،آقایاحمد رحمانی کیوج

زبانحال حضرت اباعبدالله در سر نعش برادر سبک نوحه: من ریزه خار خوان سرلشکر حسینم. قان یاغدی کربلایه صحرایه یا محمد. بو دشت کربلاده دوشدوم عجب حصاره تنگ اولدی بو زمانه سالدی منی فشاره هر سمتدن حسینه سد اولدی راه چاره مغلوب اولوب سپاهیم سالاریم ئولدی الله (قالدی الیم بئلیمده قارداشیم اولدی الله سرلشگریم یخیلدی قارداشیم اولدی الله آرخام ائلیم ابولفضل) یاتما یامان گونومدی آرخام ائلیم اباالفضل قویما حسینی یالقیز سیندی بئلیم اباالفضل قوی قانی گوزلروندن قارداش سیلیم اباالفضل دلدن دوشوب اوصاندیم دلداریم ئولدی الله یاتما بو قان ایچینده دور حمل ایدیم خیامه سو وعده سی ویروبسن اطفال تشنه کامه نوفل ووراندا ضربت باشدان دوشوب عمامه قلبیم یانور وزیر درباریم ئولدی الله دور حمل ایدیم خیامه جسمون یارالی قارداش قویما منی کمکسیز یالقیز وفالی قارداش بیر جوت قولون بدندن دوشمش آرالی قارداش یاتدی علم ، پوزولدی پرگاریم ئولدی الله قوی نهر علقم اولسون شرمنده گوز یاشیمدان تک قالمیشام داغلدی ائل طایفام باشیمدان آخر الیم اوزولدی ایستکلی قارداشیمدان بیر نصرت ایلین یوخ انصاریم ئولدی الله ای کاش آخمییدی هر یانه نهر علقم اشکیم کیمی دونیدی القانه نهر علقم سو وئرمه دی حسین تک مهمانه نهر علقم سقای اهلبیت اطهاریم ئولدی الله سن سیز ائویم یخلدی چارم آزالدی قارداش حسرت الیم جفادن قوینوندا قالدی قارداش کیم بو علی صلابت قولاّری سالدی قارداش حیدر مثالی صفدر کراریم ئولدی الله حسین کریمی مراغه‌ای

۞﷽۞ زبانحال حضرت امام حسین علیه السلام در بالین حضرت علی اکبرعلیه السلام . احمد تقوی (مهجور تبریزی) . آچ گوزلرین گلدیم اویان روح روانیم توپراقلار اوسته یاتمادور ای نوجوانیم سس وئرسسمه سسلیرم ایوای اوغول وای باخ گورنجه اوج ایلیوب عرشه فغانیم . ای صولتی حیدر بالام ایوای علی وای پیغمبره بنزر بالام ایوای علی وای . . . داده چاغوردون سن منی امداده گلدیم گلدی سسون من خیمه دن فریاده گلدیم گوردوم یارالی پیکرون تپراقلار اوسته تاب و توانیم اولمادی افتاده گلدیم . . . باشدان آتام حیدرکیمی قانه باتوبسان باشدان آخان قانون بالا اشکه قاتوبسان هانسی جفاپرورسنی بوحاله سالدی صدپاره جسمیله بوقان ایچره یاتوبسان . . . من آغلورام دشمن گولور ایلوم نه چاره تیغ ستمله پیکرون ایلیوبله پاره از بس وروبلار یاره بو جسم نحیفه باشدان ایاقه یاره دور گلمور شماره . . . دلده آدون ازبر اولوب من باغریقانه دیندیرمنی قالدیم بوچولده یانه یانه لیلی آنان دوزمز بیله درد و فراقه واردور یری هر روز وشب گلسه فغانه . . . آرتورسنه باخدوجا بو قلبیم یاراسی شبه پیمبرسن اوغول دیدم ضیاسی ترک ایلدون بو دشتیده مظلوم آتاوی سنسیزعلی اولمازبو دنیانون صفاسی . . . باشدا یاران قانی آخوب قاندور عمامه قالموب اوغول تاب توان سنده قیامه لیلا آنان گوزلور یولون اغلار قالوبدی حمل ایلیوم نعشین نجه من خیمه گاهه . . . گوزلور یولون اخیامیده قیزلاریم آغلار لیلی آنان اوز سینه سین بو غمده داغلار «مهجور» آدیندا نوکرون نوحه یازاندا آغلار بو غمده اشکینی رخساره باغلار

‍ سینه زنی حضرت رقیه ‍ لای لای گوزومون نوری . غرق محنیم لای لای ای قمچی لر التیندا . دلدن دوشنیم لای لای دردیمون درمانی لای لای رقیه گوزلرون قربانی لای لای رقیه * سن بیل باباوین جانی من بیکسی اغلاتما قلبون کیمی من یاندیم بختیم کیمی سن یاتما دوندی قانا گوز یاشیم گوزدن بی بی وی اتما ای اصغره گیزلینده لای لای دیینیم لای لای دردیمون درمانی لای لای رقیه گوزلرون قربانی لای لای رقیه * دشمن بو باشا خاطر یولدا سنه داش وردی بعضیسی وروب محکم بعضیسی یواش وردی گلدون دله تا دلبر گلدی سنه باش وردی مهمانی گلن وقته الدن گئدنیم لای لای دردیمون درمانی لای لای رقیه گوزلرون قربانی لای لای رقیه * نسگلدی انام جانی جسمون ارادا قالسون عمه ن گئجه نین وقتی هانسی قاپونی چالسون قبرون بالا کیم قازسون خلعت بالا کیم السون قالسون قره اگنونده یوخ اغ کفنیم لای لای دردیمون درمانی لای لای رقیه گوزلرون قربانی لای لای رقیه * مظلوم بابان اول گون که اصلی وطنه گئتدی ئوپدی سنی تل اوسته تاپشوردی منه گئتدی بیلمم گوزلیم وئردی نه قولی سنه گئتدی گلدی یاسیوا یولدان یورقون گلنیم لای لای دردیمون درمانی لای لای رقیه گوزلرون قربانی لای لای رقیه * ای طرفه گولوم منده سنسیز سارالوب سولام توزلی تئله باخدوقجا یانام باشیمی یولام نیلک گوزلیم نیلک غساله ن ئوزوم اولام دورسان دئمه غربتده یوخ قبر کنیم لای لای دردیمون درمانی لای لای رقیه گوزلرون قربانی لای لای رقیه * بو شامه گلن گوندن باخدون یولا هر گون سن ئوز حاجتیوی الدون از بس قاپی دوگدون سن دور بیر اوپوشاخ باری مندن نیه کوسدون سن سیلی اجیسیندان  دی . شیرین سخنیم لای لای دردیمون درمانی لای لای رقیه گوزلرون قربانی لای لای رقیه